မြန်မာနိုင်ငံကိုရောက်ရှိနေတဲ့ ကုလသမဂ္ဂအထူးကိုယ်စားလှယ် မစ္စတာနမ်ဘီယာဟာ ၈၈မျိုးဆက်ကျောင်း သားများအဖွဲ့နဲ့မနေ့က တွေ့ဆုံခဲ့ပါတယ်။
အကျဉ်းထောင်တွေကနေ လွတ်မြောက်လာပြီးနောက် (၈) လတာ ကာလ အတွင်း
ဆောင်ရွက်ခဲ့တာတွေကို မေးမြန်းခဲ့သလို လက်ရှိတိုင်းပြည်ရဲ့
ပြုပြင်ပြောင်းလဲရေး လုပ်ငန်းစဉ်မှာ
၈၈ မျိုးဆက်ကျောင်းသားတွေရဲ့ အခန်းကဏ္ဍဟာ အရေးပါကြောင်း မစ္စတာနမ်ဘီယာ က
ပြောဆိုခဲ့ တယ်လို့ တွေ့ဆုံပွဲကို တက်ရောက်ခဲ့တဲ့
၈၈မျိုးဆက်ကျောင်းသားများအဖွဲ့က ခေါင်းဆောင် တဦးဖြစ်တဲ့ ဦးကိုကိုကြီးက ပြောပါတယ်။
ရန်ကုန်မြို့ Bangkok Kitchen စားသောက်ဆိုင်မှာ မစ္စတာနမ်ဘီယာနဲ့ညစာ စားပွဲကို ၈၈မျိုးဆက်ကျောင်း သားများအဖွဲ့ကိုယ်စား ကိုကိုကြီး၊ မီးမီး၊ မနီလာသိန်း အပါအ၀င် စုစုပေါင်း (၆) ဦးတက်ရောက်ခဲ့ပါတယ်။
မစ္စတာနမ်ဘီယာဟာ ဒီကနေ့ရန်ကုန်မြို့မှာ စတင်ကျင်းပနေတဲ့ ၂၁ ရာစု
မြန်မာနိုင်ငံရဲ့ National Identity and Citizenship အလုပ်ရုံ ဆွေးနွေးပွဲ
ကိုလည်း တက်ရောက်ခဲ့ပါတယ်။
No comments:
Post a Comment