Saturday, September 22, 2012

အဆင့်မြင့်ထောက်လှမ်းရေးအရာရှိများနှင့် နိုင်ငံရေးအကျဉ်းသားအများစု လွတ်မြောက်ရန်ကျန်ရှိ

22 September 2012




ပြီးခဲ့သည့် ရက်ပိုင်းက နိုင်ငံတော်သမ္မတ၏လွတ်ငြိမ်းချမ်းသာခွင့်နှင့် လွတ်မြောက်လာသူများ တွင် နိုင်ငံရေး အကျဉ်းသား(၈၉) ဦးခန့်သာပါဝင်ခဲ့ပြီး နိုင်ငံရေးအကျဉ်းသားအများစုနှင့် ထောက်လှမ်းရေး အရာရှိဟောင်း(၂၀)၀န်းကျင်မှာ အကျဉ်းထောင်အသီးသီးတွင် ကျန်ရှိနေသေးကြောင်း သိရှိရသည်။



ထောက်လှမ်းရေးအရာရှိဟောင်းမ
ျားမှာအမျိုးသားထောက်လှမ်းရေးအဖွဲ့အား
ဖျက်သိမ်းစဉ် ၂၀၀၄ ခုနှစ်ကတည်းက ထိမ်းသိမ်းခံခဲ့ရသူများဖြစ်သည်။

ယခင်နိုင်ငံတော်သမ္မတ၏ လွှတ်ငြိမ်းချမ်းသာမှုများတွင
ထောက်လှမ်းရေးတပ်ဖွဲ့ဝင်များ အနည်းငယ်စီ ပါဝင်သော်လည်း
လက်ရှိတွင် အဆင့်မြင့်အရာရှိ(၂၀)ဦးဝန်းကျင်ကျန်ရှိနေသေးကြောင်း
ထောက်လှမ်း ရေးအရာရှိဟောင်းများရပ်ဝန်းက သိရသည်။

အကျဉ်းထောင်အသီးသီးတွင် ကျန်ရှိနေသေးသည့် အဆင့်မြင့်အရာရှိဟောင်းများမှာ ဗိုလ်ချုပ် သိန်းဆွေ၊ ဗိုလ်ချုပ် သန်းထွန်း၊ ဗိုလ်မှူးကြီး တင်လှ၊ ဗိုလ်မှူးကြီး တင်ဦး၊ ဗိုလ်မှူးကြီး မြင့်မောင်ကျော်၊ ဗိုလ်မှူးမောင်ကံ၊ ညွှန်ချုပ် ဗိုလ်မှူးကြီး ထွန်းလှအောင်၊ အမျိုးသားထောက် လှမ်းရေး ရုံးအဖွဲ့မှူး ရဲမှူးကြီး ဇော်ထွန်းအောင်၊ ဗိုလ်မှူး နိုင်ထွေး၊ ဦးတင်ထွဋ်၊ ဗိုလ်မှူး မြတ်ဆွေ၊ ထောက်လှမ်းရေး (၁၂)တပ်မှူး ဗိုလ်မှူး နေစိုး၊ ထောက်လှမ်းရေး(၁) ဗိုလ်မှူးမိုးသူအစရှိသည့်
ထောက်လှမ်းရေးတပ်ဖွဲ့မှ အကျဉ်းကျခံနေရသူ (၂၀)၀န်းကျင် ကျန်ရှိနေခြင်းဖြစ်သည်။

နိုင်ငံတော်အစိုးရသစ်လက်ထက်တွင် ဒီမိုကရေစီစနစ်ဖေါ်ဆောင်နေချိန်၌ အကြိမ်ကြိမ် လွှတ်ငြိမ်း ချမ်းသာခွင့်ပေးခဲ့သော်လည်း အချို့မှာ စစ်ဆေးရန် ကျန်ရှိနေဆဲဖြစ်ကြောင်းကိုလည်း သိရှိရသည်။

“ထောက်လှမ်းရေးတွေကိုလည်း လွှတ်ပေးစေချင်တယ်၊ဘာလို့လည်းဆိုတော့
ထောင်ကျနေသူ တွေရဲ့မိသားစုဝင်တွေ စိတ်ပင်ပန်း ကိုယ်ပင်ပန်းဖြစ်လို့ပါ၊ ပြီးတော့ ကိုယ်ချင်း လည်းစာတယ်၊ ဖောက်ခွဲရေးသမားတွေကို
တောင်လွှတ်ပြီး နိုင်ငံရေးသမားတွေနဲ့ သူတို့ကို ဘာလို့မလွှတ်သေးတာ လည်းဆိုရင် သေချာစစ်ဆေးနေကြလို့တူပါတယ်၊ ကျွန်တော်တုန်းကလည်း အကြိမ်ကြိမ်စစ်ဆေးရေး ၀င်ပြီးမှ လွှတ်လာတာလေ”ဟု အမျိုးသားဒီမိုကရေစီအင်အားစုပါတီ ထိပ်ပိုင်းခေါင်းဆောင် ဦးခင်မောင်ဆွေက ၄င်း၏အမြင်ကိုပြောသည်။

၂၀၁၂ခုနှစ် စက်တင်ဘာလ(၁၇)ရက်နေ့တွင် အကျဉ်းထောင်ပေါင်း
(၂၆)ထောင်ခုမှ အကျဉ်းသား စုစုပေါင်း(၅၁၄)ဦး စေလွှတ်ခဲ့သည်။

အင်းစိန်အကျဉ်းထောင်တွင် နိုင်ငံရေးအကျဉ်းသား(၄၀)ကျော်ကျန်ရှိနေပြီး
တောင်ငူထောင်နှင့် သာယာဝတီထောင် တို့တွင်လည်း
နိုင်ငံရေးအကျဉ်းသားအများစု ဆက်လက်ကျန်နေသည်။

သာယာဝတီအကျဉ်းထောင်တွင် ကျန်ရှိနေသောနိုင်ငံရေး
အကျဉ်းသားများမှာ ကိုအေးမင်းနိုင်၊ ကိုကျော်ဇင်ဦး၊ကိုကျော်စွာလင်း၊ ကိုထက်ကိုလွင်ကိုဇော်လွင်၊ဒေါ်ခင်ရီ၊မစန်းစန်းမော်နှင့်သံဃာတော် များကျန်ရှိနေကြောင်း နိုင်ငံရေးအကျင်းသားမိသားစု များအကျိုးဆောင်ကွန်ယက်က သိရှိရသည်။

နှစ်ရှည်ထောင်ဒဏ်များချမှက်ခံထားရကာ ဒေါ်ခင်ရီနှင့် မစန်းစန်းမော်တို့မှာ ၁၇/၁ ၊ ၁၃/၁ (ဖောက်ခွဲ(၃) စသည်ပုဒ်မများ နှင့် ထောင်ဒဏ်(၆၅)နစ် အပြစ်ပေးခံရသူများဖြစ်သည်။

ယခုအကြိမ်လွတ်ငြိမ်းချမ်းသာခွင့်ပေးခြင်းမှာ စစ်အာဏာသိမ်း နှစ်ပတ်လည် စက်တင်ဘာ(၁၈) ရက်နေ့အား ပုံဖော်ခြင်းနှင့် နိုင်ငံတော်သမ္မတ၏ ကုလသမဂ္ဂ အထွေထွေညီလာခံတက်ရောက်ရန် အချိန်နှင့် တိုက်ဆိုင်နေသောကြောင့် သဘောရိုးစေတနာမှန်နှင့် လွှတ်ပေးမှုထက် အစိုးရ၏နိုင်ငံရေး အကျိူးမြတ်အပေါ် ရည်ရွယ်၍
လွတ်ပေးခြင်းလည်း ဖြစ်နိုင်ကြောင်း နိုင်ငံရေးအကျဉ်းသားမိသားစုများ အကျိုးဆောင်ကွန်ယက်က ကိုဟန်ဝင်းအောင်ကဆိုသည်။


“အမှန်တကယ် အမျိုးသားပြန်လည်သင့်မြတ်ရေးနဲ့
နိုင်ငံရေးအကျဉ်းသားတွေကို ဒီမိုကရေစီအရေး လှုပ်ရှားမှုဖြစ်စဉ်တွေမှာ လွတ်လပ်ကျယ်ပြန့်စွာ ပါဝင်လာနိုင်စေဖို့ စေတနာအမှန်နဲ့ ကျန်နေတဲ့ နိုင်ငံရေးအကျဉ်းသားတွေ အားလုံးကို လွှတ်ပေးဖို့လိုပါတယ်”ဟု ကိုဟန်ဝင်းအောင်က သုံးသပ် ပြောဆိုခဲ့သည်။

အေးချမ်းဟိန်+မောင်ယဉ်ကျော် (မြစ်မခ)
Myit Makha Mediagroup

 

No comments:

Post a Comment

My Blog List