အမေရိကန်နိုင်ငံ အရှေ့မြောက်ပိုင်းက စာသင်ကျောင်းတွေမှာ ဗုံးတွေ ရှိတယ်ဆိုတဲ့ ဖုန်းခေါ်ဆိုမှုတွေကြောင့် ကျောင်းပေါင်း တစ်ဒါဇင်ကျော်ကို ပိတ်ချခဲ့ရပါတယ်။ နယူးဂျာဆီ ပြည်နယ်က အနည်းဆုံး ကျောင်း ၉ ကျောင်းလောက် ခြိမ်းခြောက်မှုတွေ ရရှိခဲ့လို့ ရဲတွေက ဝင်ရောက်စစ်ဆေးခဲ့ရပါတယ်။
ကျောင်း ၄ ကျောင်းမှာတော့ ဘာဗုံးမှ မရှိဘူးလို့ ရဲတွေက ပြောပြီး ကျန် ၅ ကျောင်းလောက်မှာ ရှာဖွေ စစ်ဆေးမှုတွေ ပြုလုပ်နေဆဲ ဖြစ်ပါတယ်။
ဖုန်းခေါ်ဆိုမှု အသံတွေဟာ တစ်ခုနဲ့တစ်ခု ဆင်တူနေတဲ့အတွက် အသံသွင်းပြီး ခြိမ်းခြောက်မှု လုပ်တာ ဖြစ်မယ်လို့ ယူဆနေကြပါတယ်။
Massachusetts ပြည်နယ်က Arlington ကျောင်းမှာလည်း ဗုံးဖောက်ခွဲမှုနဲ့ သေနတ် ပစ်ခတ်မှု ဖြစ်နိုင်တယ်လို့ ခြိမ်းခြောက်ခံရလို့ အင်္ဂါနေ့မှာ ကျောင်းပိတ်ချခဲ့ရပါတယ်။
တစ်ယောက်ယောက်က အပျော်သဘောနဲ့ နောက်နေတာလို့ ရဲတွေက ယူဆထားပေမယ့်လည်း ကြိုတင်ပြင်ဆင်တဲ့အနေနဲ့ ကျောင်းကို ပိတ်ချတာတွေ၊ ရှာဖွေမှုတွေ လုပ်ခဲ့တယ်လို့ ဆိုပါတယ်။
Delaware ပြည်နယ်က ကျောင်းသုံးကျောင်းမှာလည်း ခြိမ်းခြောက်မှုတွေ ရရှိခဲ့ပါတယ်။
အရင်တပတ် သောကြာနေ့တုန်းကလည်း ဘောစတွန်မြို့က ကျောင်း ၉ ခုမှာ အလားတူ ခြိမ်းခြောက်မှုမျိုး ရရှိခဲ့ပါတယ်။
ABC
No comments:
Post a Comment