Tuesday, February 16, 2016

မြန်မာသမ္မတသစ် နေရာအတွက် အလျှော့အတင်း စောင်းကြိုးညှင်း


မြန်မာနိုင်ငံတွင် အသစ်ခေါ်ယူ စည်းဝေးလိုက်သော လွှတ်တော်သစ်သည် တပ်မတော်နှင့် NLD ပါတီတို့အကြား ရာထူးနှင့် အာဏာခွဲဝေရန် အလျှော့အတင်း ညှိနှိုင်းပွဲ အချီသစ်အတွက် အခင်းအကျင်းကို ယခင်အပတ်က ပြင်ဆင်ပေးထားပြီ ဖြစ်သည်။
တိုင်းပြည်ကို နှစ်ပေါင်းများစွာ ရက်ရက်စက်စက် ဖိနှိပ်အုပ်ချုပ်ခဲ့သော တပ်မတော်အစိုးရအပေါ် လူထုက နက်နက်ရှိုင်းရှိုင်း မုန်းတီးနေသော အချက်ကြောင့် NLD ပါတီသည် နိုဝင်ဘာလ ရွေးကောက်ပွဲတွင် သောင်ပြိုကမ်းပြို အောင်ပွဲခံကာ ဆန္ဒမဲဖြင့် ရွေးချယ်သော ကိုယ်စားလှယ် နေရာ ၇၇ ရာခိုင်နှုန်း အနိုင်ရရှိခဲ့ပြီး တပ်မတော်နောက်ခံ ပြည်ခိုင်ဖြိုးပါတီ ကို သာမညအဆင့်သို့ လျှော့ချပစ်လိုက်သည်။

သို့ရာတွင် ယခင် (အာဏာရှင်) အကြီးအကဲဟောင်းကို ကိုယ်စားပြုသော တပ်မတော်သည် အခြေခံဥပဒေအရ အဓိကကျသော ကာကွယ်ရေး၊ ပြည်ထဲရေး၊ နယ်စပ်လုံခြုံရေး ဝန်ကြီးဌာန သုံးခုကို ဆက်လက်ထိန်းချုပ်ထား သည့်အပြင် လွှတ်တော်ကိုယ်စားလှယ် နေရာ ၂၅ ရာခိုင်နှုန်းကို သီးသန့် ရယူထားသောကြောင့် အငြင်းပွားဖွယ် အခြေခံဥပဒေအပေါ် မည်သည့် ပြင်ဆင်မှုကိုမဆို ဗီတိုအာဏာဖြင့် ငြင်းပယ်ခွင့် ရရှိထားသည်။

ကျယ်ကျယ်ပြန့်ပြန့် ဂုဏ်ပြုကြိုဆိုခြင်း ခံနေရသော လွှတ်တော်သစ်သည် ပြည်သူတို့၏ ဒီမိုကရေစီ ရပိုင်ခွင့်နှင့် လူနေမှုအဆင့် တိုးတက်ရေး လိုလား မှုများကို တုံ့ပြန်ထင်ဟပ်နေချိန်တွင် NLD ပါတီက ဒေါ်အောင်ဆန်းစုကြည် ကို သမ္မတနေရာ တင်နိုင်ရေး (သို့) အစိုးရ ဖွဲ့စည်းနိုင်ရေး သဘောတူညီမှု ရရန်အတွက် တပ်မတော်နှင့် တံခါးပိတ် အစည်းအဝေးများ ကျင်းပကာ အသည်းအသန် ညှိနှိုင်းဆွေးနွေးလျက် ရှိသည်။

ရွေးကောက်ပွဲမတိုင်မီတွင် ဒေါ်အောင်ဆန်းစုကြည်က သူမ သမ္မတ မဖြစ်နိုင်လျှင် သမ္မတအထက်က ညွှန်ကြားမည်ဟု မဟာဗျူဟာမြောက် စကားဆိုခဲ့ရာ အာဏာပိုင် (အာဏာရှင်) အသိုင်းအဝိုင်းကို တုန်လှုပ်သွားစေခဲ့ပုံ ရသည်။ ယခုအခါ သူမသည် အစိုးရအဖွဲ့နှင့် လွှတ်တော်တွင် ဗိုလ်ချုပ်ဟောင်းများ (လတ်လတ်ဆတ်ဆတ် အနားယူကာစ) ကို အပြန်အလှန် နေရာပေးကာ သူမ သမ္မတဖြစ်ရေး လမ်းကြောင်းပေါ်မှ အတားအဆီးများကို ရှင်းလင်းရန် တပ်မတော်နှင့် သဘောတူညီမှုရဖို့ ကြိုးစားနေသည်။

၎င်းဆွေးနွေးမှုများသည် အလွန်တရာ အကဲဆတ်ကြောင်း ထင်ရှားသည်။ အကြောင်းအရာ ပေါက်ကြားမှု မှန်သမျှသည် လက်ရှိညှိနှိုင်းမှုကို ကမောက်ကမ ဖြစ်စေမည့်အပြင် သူမ၏ ဒီမိုကရေစီ ပုံရိပ်ကိုလည်း ထိခိုက်စေမည် ဖြစ်သည်။ ထို့ကြောင့် ဗိုလ်ချုပ်မှူးကြီး မင်းအောင်လှိုင်နှင့် ဇန်နဝါရီ ၂၅ ရက် တွေ့ဆုံမှု မတိုင်မီတွင် ပါတီခေါင်းဆောင် ဒေါ်အောင်ဆန်းစုကြည်မှ လွဲလျှင် မူဝါဒနှင့် လွှဲပြောင်းရေး ကိစ္စများကို မည်သူ့ကိုမျှ ပြောခွင့်မပြုကြောင်း ပါတီက ကြေညာချက် ထုတ်ပြန်ခဲ့ရသည်။

ရွေးကောက်ပွဲအပြီးတွင် NLD ပါတီသည် တပ်မတော်နှင့် ပူးပေါင်းလုပ်ဆောင်သွားရန် လိုလားကြောင်း အချက်ပြထားပြီး ဖြစ်သည်။ ဒေါ်အောင်ဆန်းစုကြည်၏ အတွင်းစည်းမှ ဦးဝင်းမြင့်ကို ပြည်သူ့လွှတ်တော် ဥက္ကဋ္ဌ ရာထူး ခန့်အပ်သကဲ့သို့ တပ်မတော်အစိုးရ လက်ထက် ရှေ့နေချုပ်ရုံးတွင် တာဝန်ထမ်းဆောင်ဖူးသူ ပြည်ခိုင်ဖြိုး ကိုယ်စားလှယ် ဦးတီခွန်မြတ်ကိုလည်း ပြည်သူ့လွှတ်တော် ဒုဥက္ကဋ္ဌနေရာကို ပေးခဲ့သည်။

ပြီးခဲ့သော သောကြာနေ့ကလည်း ပြည်ခိုင်ဖြိုး ဥက္ကဋ္ဌဟောင်း ဦးရွှေမန်းအား လွှတ်တော် ဥပဒေအကြံပေး ကော်မရှင်ကို ဦးဆောင်စေခဲ့သည်။ ဦးရွှေမန်း အား လက်ရှိအာဏာပိုင်များက အရေးယူနိုင်သည်ဟူသော သတင်းများ လည်း ထွက်ပေါ်ခဲ့ရာ ယင်းကဲ့သို့ သတင်းများ မည်သို့သောရင်းဖြစ်မှ ထွက်ပေါ်လာသနည်းဟူသော မေးခွန်းမှာ စိတ်ဝင်စားစရာ ကောင်းလိမ့် မည်။

ဒေါ်အောင်ဆန်းစုကြည် သမ္မတဖြစ်နိုင်ရေး အတွက် တပ်မတော်အား အစိုးရ အကြီးတန်းနေရာ အချို့ကိုပေးရန် ပါတီက ကမ်းလှမ်းထားသည်ဟု အကြီးတန်းပါတီဝင် နှစ်ဦးက နယူးယောက်တိုင်းမ်သို့ သောကြာနေ့က ပြောကြားခဲ့သည်။ ဒေါ်အောင်ဆန်းစုကြည်အား လမ်းပိတ်ထားသော ဥပဒေပုဒ်မ ၅၉/စ ကိုပြင်ဆင်ရေး ညှိနှိုင်းရန် အလားအလာ ရှိလာပြီဟု တနင်္ဂနွေနေ့ mntv ရုပ်သံသတင်းတွင် ထုတ်လွှင့်ခဲ့သည်။

ထွက်ပေါ်လာမည့်ရလဒ်ကို မဆုံးဖြတ်ရသေးသော်လည်း ဒေါ်အောင်ဆန်း စုကြည် အနေနှင့် တစ်ချိန်က သူမနှင့် သူမ၏ ပါတီကို မတရားဖိနှိပ်ခဲ့ကြသူ များနှင့် ပူးပေါင်းလုပ်ကိုင်ရန် လိုလားလာမှုကို ယခုအခါ အံ့အားသင့်သူ မရှိတော့ပါ။

နောက်ကြောင်းပြန်ကြည့်လျှင်မူ ၁၉၈၈ ဒီမိုကရေစီ အရေးတော်ပုံကို တပ်မတော်အစိုးရက အကြမ်းဖက်နှိမ်နင်းမှုကြောင့် နိုင်ငံတကာက အရေးယူ ပိတ်ဆို့လိုက်သောအခါ တပ်မတော်အစိုးရက အကူအညီနှင့် ရင်းနှီးမြှုပ်နှံမှုများအတွက် တရုတ်နိုင်ငံဆီ ပြေးကပ်ချိန်တွင် NLD ပါတီက အနောက်အုပ်စုနှင့် ဆက်ဆံရေးကိုသာ ထောက်ခံခဲ့သည်။

သို့သော် ၂၀၁၀ တွင်မူ တပ်မတော်အစိုးရသည် နိုင်ငံရေး၊ စီးပွားရေး အကျပ်အတည်းများနှင့် ရင်ဆိုင်လာရသည်။ တရုတ်တို့၏ သယံဇာတ ထုတ်ယူမှုနှင့် အခြေခံအဆောက်အဦ ရင်းနှီးမြှုပ်နှံမှုများသည် ဗိုလ်ချုပ်ကြီးများကို ကြွယ်ဝစေသကဲ့သို့ တစ်ဖက်တွင်လည်း စီးပွားရေး မညီမျှမှု၊ အလုပ်လက်မဲ့ ပြဿနာ မဖြေရှင်းနိုင်မှုတို့ကြောင့် တိုင်းပြည်ကို ချွတ်ခြုံကျသွားစေခဲ့သည်။

ထိုအတောအတွင်း ဘေဂျင်း သြဇာကြီးထွားလာမှုကို ထိန်းချုပ်လိုသည့် ဝါရှင်တန်က အာရှဆီသို့ ဦးလှည့်လာခဲ့ရာ မြန်မာစစ်အစိုးရကို ချော့တစ်ခါ၊ ချောက်တစ်လှည့်ဖြင့် စတင်စည်းရုံးလာခဲ့သည်။ စီးပွားရေး ပိတ်ဆို့မှုများကို ဖြေလျှော့ပေးလိုက်သော်လည်း တပ်မတော်အတွက် အရေးကြီးသည့် လက်နက်အရောင်းအဝယ်ပိတ်ပင်မှုဖြင့် ယခုအချိန်အထိဖိအားပေးထား သည့်နည်းမှာ သိသိသာသာ အလုပ်ဖြစ်သည်ဟု ဆိုနိုင်သည်။

၂၀၁၁ စက်တင်ဘာလတွင် အငြင်းပွားဖွယ် မြစ်ဆုံတမံ တရုတ်ရင်းနှီးမြှုပ်နှံမှု စီမံကိန်းကို အစိုးရက လူထုကန့်ကွက်မှု အကြောင်းပြကာ ရပ်ဆိုင်းလိုက် ပြီးနောက် ဒီဇင်ဘာလတွင် နိုင်ငံခြားရေးဝန်ကြီး ဟီလာရီကလင်တန်နှင့် သမ္မတအိုဘားမားတို့ ရှေ့ဆင့်နောက်ဆင့် ရောက်ရှိလာခဲ့ကြပြီး မြန်မာ့ဒီမို ကရေစီ ပြောင်းလဲမှုကို ဂုဏ်ပြုခဲ့ကြသည်။ အရပ်သားအသွင်ဖြင့် အာဏာ ဆက်ယူထားသော တပ်မတော်အစိုးရကလည်း ဝါရှင်တန်ဆီသို့ ခြေဦးလှည့် ဖို့ ပြင်ခဲ့သည်။

ဒေါ်အောင်ဆန်းစုကြည်နှင့် NLD သည် တပ်မတော်အစိုးရအတွက် လိုအပ်သော ဒီမိုကရေစီရုပ်ပြအဖြစ် ဖြည့်ဆည်းပေးခဲ့သည်။ ၂၀၁၂ ကြားဖြတ်ရွေးကောက်ပွဲမှ တစ်ဆင့် လွှတ်တော်သို့ ဝင်ရောက်လာသော ဒေါ်အောင်ဆန်းစုကြည်သည် တပ်မတော်အစိုးရအတွက် ဒီမိုကရေစီ မျက်နှာဖုံး အဖြစ် ဆောင်ရွက်ပေးကာ နိုင်ငံတကာ အရေးယူပိတ်ဆို့မှုများ ရုပ်သိမ်းရေးအတွက် လှုံ့ဆော်ပေးခဲ့သည်။ သို့သော် သမ္မတ ဦးသိန်းစိန် ဘက်မှ အပြန်အလှန် ဆောင်ရွက်ပေးရမည့် ကတိကဝတ်များ ပျက်ကွက်ခဲ့ ပုံရသည်။

မည်သို့ပင်ဖြစ်စေ တပ်မတော်သည် ဧပြီလ တစ်ရက်နေ့တွင် NLD အစိုးရ ဖွဲ့စည်းပြီးသည့် တိုင်အောင် အခွင့်အာဏာနှင့် အကျိုးစီးပွားများကို သေချာပေါက် ကာကွယ်ထားရန် ဆုံးဖြတ်ထားကြပြီး အကယ်၍ ဒေါ်အောင်ဆန်းစုကြည်ကို သမ္မတဖြစ်ခွင့် ပေးပြီးပါကလည်း အကြီးတန်း အစိုးရရာထူးများ ယူထားသည့် နည်းလမ်းဖြင့် နိုင်ငံရေးအာဏာ လုံခြုံမှုကို ဆက်လက်ကာကွယ်ထားကြမည် ဖြစ်သည်။

ကာကွယ်ရေးဦးစီးချုပ်က လွှတ်တော်ကိုယ်စားလှယ် တပ်မတော် အစုအဖွဲ့တွင် အကြီးတန်းအရာရှိများကို ခန့်အပ်ပြီးဖြစ်ရာ ဗိုလ်ချုပ်၊ ဗိုလ်မှူးချုပ်၊ ဗိုလ်မှူးကြီးအဆင့် ရှိသူ ၂၇ ဦး ပါဝင်သည့်အပြင် တိုင်းနှင့်ပြည်နယ် အုပ်ချုပ်ရေး ယန္တရားများတွင်လည်း အရေးကြီးသော ရာထူးနေရာများတွင် အထက်မှ ယုံကြည်သောသူများကို ထည့်သွင်းထားပြီး ဖြစ်သည်။

ဒေါ်အောင်ဆန်းစုကြည်နှင့် တပ်မတော်အကြား ကျောချင်းကပ်မှုသည် အလုပ်သမား လူတန်းစားအတွက် အခက်တွေ့စေနိုင်ပြီး နိုင်ငံတကာ ရင်းနှီးမြှုပ်နှံမှု အသိုင်းအဝိုင်းက တောင်းဆိုသော ပရော်ဖက်ရှင်နယ် ဈေးကွက် ဖော်ဆောင်မှု အစီအစဉ်အပေါ် ဆန့်ကျင်မှု မှန်သမျှကို အင်အားသုံး ဖိနှိပ်ရန် နှောင့်နှေးဖွယ်မရှိဟု အချို့က ဆိုကြသော်လည်း ပြီးခဲ့သည့် ငါးနှစ်အတွင်း ဒေါ်အောင်ဆန်းစုကြည်နှင့် NLD ပါတီအပေါ် ပညာရပ်ရှုထောင့်မှ ချဉ်းကပ်သုံးသပ် နှိပ်ကွပ်သည့် နည်းလမ်းဖြင့် စနစ်တကျ မှန်မှန်ထိုးနှက်ခဲ့သည်ကို အထူးသတိပြုဖို့ လိုအပ်သည်။

အာဏာရ လူတန်းစားများအပေါ် ဖိစီးလေ့ရှိသော ပူပန်မှုသည် အောက်ခြေအလွှာ၏ ဆူပူအုံကြွမှုပင် ဖြစ်သည်။ လွှတ်တော်ဟောင်း နောက်ဆုံးနေ့တွင် သမ္မတဦးသိန်းစိန်က ၎င်းလုပ်ဆောင်ခဲ့သမျှသည် မြန်မာ့အသွင်ကူးပြောင်းမှုကို အာရပ်နွေဦးကဲ့သို့ မဖြစ်စေရန် စဉ်းစားလုပ်ကိုင်ခဲ့ခြင်း ဖြစ်သည်ဟု ပြောကြားခဲ့ရာ မြန်မာနိုင်ငံတွင် အာရပ်ပုံစံ တော်လှန်အုံကြွမှုများ မဖြစ်အောင် စစ်မှန်သော ပြုပြင်ပြောင်းလဲမှုများ ပြုလုပ်ရန် ဒေါ်အောင်ဆန်းစုကြည် သတိပေး တောင်းဆိုခဲ့စဉ်က ပြောဆိုခဲ့ဖူးသော စကားလုံးများကို သံယောင်လိုက်ကာ တုံ့ပြန်သည့်သဘော သက်ရောက်သွားသည်ဟု ဆိုနိုင်ပေသည်။

နေလင်းမောင်
Ref : W
The Voice Weekly

No comments:

Post a Comment

My Blog List