ကလေးတွေရဲ့ သိချင်တဲ့စိတ်၊ စူးစမ်းလေ့လာချင်တဲ့စိတ်ကို အားပေးလိုကြောင်း ဖေဖော်ဝါရီ ၁၃ ရက်နေ့ ဗိုလ်ချုပ်အောင်ဆန်းရဲ့ မွေးနေ့အတွက် ဒေါ်အောင်ဆန်းစုကြည်ရဲ့ ဗီဒီယိုမိန့်ခွန်းမှာ ထည့် သွင်းပြောကြား ပါတယ်။
သည်နေ့ဟာ မြန်မာ့လွတ်လပ်ရေးဖခင်ကြီး ဗိုလ်ချုပ်အောင်ဆန်းရဲ့ ၉၈ နှစ်မြောက်မွေးနေ့ဖြစ် သလို မြန်မာနိုင်ငံရဲ့ကလေးများနေ့ လည်း ဖြစ်ပါတယ်။ အမျိုးသားဒီမိုကရေစီအဖွဲ့ချုပ်ရုံးမှာ ဗိုလ်ချုပ်မွေးနေ့ပွဲ ကို ကျင်းပပြီးဒေါ်အောင်ဆန်းစုကြည်က ဗီဒီယိုမိန့်ခွန်းပေးပို့ပါတယ်။
'ကလေးတွေအနေနဲ့ ကိုယ့်ဘာသာကိုယ် စဉ်းစားတတ်အောင်ကြိုးစားပါလို့ တိုက်တွန်းချင်ပါတယ်၊ လူကြီးတွေကလဲ ကလေးတွေစဉ်းစားတတ်အောင် ဝိုင်းပြီးကူညီကြပါ။ ကလေးတွေသိချင်တဲ့ စိတ်တွေ ကိုအားပေးကြပါ၊ စိတ်မရှည်ဘဲနဲ့ ဒါတွေမမေးနဲ့၊ ဟိုဟာတွေမမေးနဲ့၊ မေးခွန်းမထူနဲ့ဆိုတဲ့ပုံစံနဲ့ ကလေးတွေကို မဆက်ဆံပါနဲ့၊ ကလေးတွေသိချင်တဲ့စိတ်ရှိမှ တတ်ချင်တဲ့စိတ်ရှိမှ စူးစမ်းလေ့လာချင် တဲ့စိတ်ရှိမှ ကျွန်မတို့နိုင်ငံအတွက် စိတ်ချရမှာဖြစ်တယ်' လို့ ဒေါ်အောင်ဆန်းစုကြည်က ပြောပါတယ်။
သူ့ဖခင်ရဲ့မွေးနေ့ကို ကလေးများနေ့လို့မဟုတ်ဘဲ လူကြီးများနေ့လို့ခေါ်သင့်တယ်လို့ ပြောတယ်။ သူ့ဖခင်ဆီမှာ သင်ယူတတ်ဖို့လိုတာလူကြီးပဲ။ လူကြီးတွေဟာ သူ့ဖခင်ဆီမှာ သင်ယူစရာအများကြီးပဲ လို့ သူကပြောတယ်။ သူ့ဖခင်မွေးနေ့မှာ ကလေးများနေ့လို့ခေါ်ရတာက ကလေးတွေဟာ သင်ဖို့လွယ် တယ်။ သည်အချိန်ကစပြီး ကလေးတွေဟာ ကိုယ်ကဘယ်လိုလူမျိုးဖြစ်သင့်တယ်၊ ဘယ်လို လူမျိုးဖြစ် အောင်လုပ်မ လဲဆိုတဲ့ စိတ်ဓာတ်ဝင်သွားမယ်ဆိုရင် ဘဝအတွက်အများကြီးလုံလောက်သွားပြီလို့ သူကဆိုတယ်။
'ဗိုလ်ချုပ်ကို စံနမူနာထားပြီးမြင့်မြတ်တဲ့ ပြည်သူတွေဖြစ်အောင် ကြိုးစားဆင်ခြင်အောင် ဖေဖေ့မွေးနေ့ ကို ကလေးများနေ့လို့ သတ်မှတ်တာဖြစ်တယ်' လို့ ဒေါ်အောင်ဆန်းစုကြည်က ပြောပါတယ်။
သူ့ဖခင်မွေးနေ့ကို ကလေးများနေ့အဖြစ် သတ်မှတ်ရတာက ဗိုလ်ချုပ်ကိုပြည်သူတွေ၊ နိုင်ငံသူ နိုင်ငံ သားတွေဘာကြောင့် အခုအထိချစ်ကြသလဲ၊ မြတ်နိုးကြသလဲ လေးစားကြသလဲဆိုတာ ကလေးတွေ အနေနဲ့ စဉ်းစားရမယ်လို့ ဆိုတယ်။ သူ့ရဲ့ဖခင်ဆုံးသွားတာကြာပြီ ဖခင်မရှိတော့တဲ့အချိန်ကပိုများ တယ်။ ဒါတောင်နိုင်ငံသူ၊ နိုင်ငံသားတွေက မမေ့နိုင်ကြတဲ့အခြေအနေမှာ ရှိတယ်။
'ကလေးတွေကို စဉ်းစားစေချင်တာက ကိုယ်လဲဒီလိုကိုယ်မရှိတဲ့ အချိန်မှာတောင်ဆက်ပြီးတော့ ကိုယ့်နိုင်ငံ ကို အကျိုးပြုနိုင်မယ့် ပုဂ္ဂိုလ်တွေဖြစ်နိုင်အောင်လို့ ဘယ်လိုလုပ်ရမလဲဆိုတာ စဉ်းစားကြပါ' လို့ ဒေါ်အောင်ဆန်းစုကြည်က ပြောပါတယ်။
ကလေးများနေ့မှာ လူကြီးတွေကလည်း သင်ယူစရာရှိတာကိုသင်ယူပြီး ကလေးတွေနဲ့အတူတူ နိုင်ငံရဲ့ အနာဂတ်ရွှင်လန်းဖို့၊ ချမ်းမြေ့ဖို့၊ တောက်ပဖို့အတွက် ဝိုင်းဝန်းကြိုးစားကြဖို့ တိုက်တွန်းကြောင်း ပြောပါ တယ်။
No comments:
Post a Comment