Thursday, August 08, 2013

ကလေးစစ်သား ၆၈ ဦး တပ်မတော် ထပ်မံနုတ်ထွက်ခွင့်ပြု

Thursday, August 8, 2013
ကုလသမဂ္ဂနှင့် နိုင်ငံတကာ လူ့အခွင့်အရေး အဖွဲ့အစည်းများ၏ တွန်းအားပေးမှုများကြောင့် မြန်မာ့တပ်မတော်မှ ကလေးစစ်မှုထမ်းများကို ၂၀၁၂ ခုနှစ်ကတည်းက ဆက်တိုက် နုတ်ထွက်ခွင့်ပြုခဲ့ရာ ယခု သြဂုတ်လ ၇ ရက်နေ့တွင်လည်း ကလေးစစ်မှုထမ်း ၆၈ ဦးကို ထပ်မံနုတ်ထွက်ခွင့် ပြုခဲ့ကြောင်း ကုလသမဂ္ဂ ကလေးများ ရန်ပုံငွေအဖွဲ့က ထုတ်ပြန်သည်။
ယခုတပ်မတော်မှ တရားဝင် နုတ်ထွက်ခွင့် ပြုခြင်းသည် စတုတ္ထအကြိမ်မြောက်ဖြစ်ပြီး ယခုအကြိမ်တွင် ကလေးစစ်မှုထမ်း အများဆုံးကို နုတ်ထွက်ခွင့်ပြုခြင်း ဖြစ်ကြောင်း အဆိုပါ ထုတ်ပြန်ချက်အရ သိရသည်။
“ကျွန်တော် အမြဲပြောတယ်၊ တပ်မတော်ဆိုတာ ကလေးတွေ ကြီးပြင်းတဲ့ နေရာမဟုတ်ဘူး။ အခု တပ်မတော်က ကလေးစစ်မှုထမ်းတွေ ဆက်တိုက် နုတ်ထွက်ခွင့် ပြုခဲ့တာဆိုတော့ ကောင်းတဲ့အရွေ့ကို ဦးတည်လာတယ်လို့ ဆိုနိုင်တယ်” ဟု ကုလသမဂ္ဂ မြန်မာနိုင်ငံဆိုင်ရာ ဌာနေကိုယ်စားလှယ် Mr.Ashok Nigam က ပြောကြားသည်။

ကလေးစစ်မှုထမ်းများ စုဆောင်းနေသော မြန်မာ့တပ်မတော်နှင့် အခြားလက်နက်ကိုင် တပ်ဖွဲ့များကိုလည်း ၁၈ နှစ် မပြည့်သေးသော ကလေးများ စစ်မှုထမ်းရန် စုဆောင်းခြင်းကို ချက်ချင်းရပ်တန့်ရန် ၎င်းကထပ်မံ တိုက်တွန်းသည်။

မြန်မာ့တပ်မတော်သည် ကလေးစစ်သား ပပျောက်ရေး ၁၈ လကြာ စီမံကိန်း ဆောင်ရွက်ရန်အတွက် ၂၀၁၂ ခုနှစ် စက်တင်ဘာလမှ စတင်ကာ ယခုနှစ် သြဂုတ်လ ၇ ရက်နေ့အထိ ၁၇၆ ဦးကို တပ်မတော်မှ တရားဝင် နုတ်ထွက်ခွင့်ပြုခဲ့သည်။

ကလေးအခွင့်အရေး အကြိမ်ကြိမ် ကျူးလွန်ဖောက်ဖျက်သော လက်နက်ကိုင် တပ်ဖွဲ့စာရင်းတွင် တပ်မတော်နှင့် ပြည်တွင်းရှိ အခြားလက်နက်ကိုင်တပ်ဖွဲ့ ခုနစ်ဖွဲ့တို့ကို ကုလသမဂ္ဂ လုံခြုံရေးကောင်စီ၏ ကလေးသူငယ်များနှင့် လက်နက်ကိုင် ပဋိပက္ခဆိုင်ရာ နောက်ဆုံးအစီရင်ခံစာ၌ ယခုအချိန်ထိ ထည့်သွင်းထားလျက် ရှိသည်။

No comments:

Post a Comment

My Blog List