ဒေါ်အောင်ဆန်းစုကြည်အနေဖြင့် သမ္မတရာထူးရရှိမည်ဆိုပါက အစိုးရအဖွဲ့ နှင့်လွှတ်တော်သည် ပြည်သူလူထုအတွက် သိသာသည့်နိုင်ငံရေးအပြောင်း အလဲကို ညီညွတ်စွာဖော်ဆောင်နိုင်မည်ဟု လွှတ်တော်အမတ်ဟောင်းအချို့ နှင့် မြန်မာ့နိုင်ငံရေးလေ့လာသူတို့က သုံးသပ်ပြော ကြားသည်။
သမ္မတဦးသိန်းစိန်ဦးဆောင်သည့်အစိုးရလက်ထက်တွင် အစိုးရအဖွဲ့နှင့် သူရဦးရွှေမ န်းဦးဆောင်သည့်လွှတ်တော်တို့အကြား သဘောထားကွဲလွဲ မှုများရှိခဲ့ပြီး ပြည်သူလူထုအတွက် သိသာသည့်နိုင်ငံရေးပြောင်းလဲမှုကို ဖော်ဆောင်နိုင်ခြင်းမရှိခဲ့ကြောင်း ပြည်သူ့လွှတ်တော်အမတ်ဟောင်း ဦးရဲထွန်းက သုံးသပ်သည်။
‘‘ပြည်ခိုင်ဖြိုးပါတီ ၂၀၁၀ ရွေးကောက်ပွဲအပြီးမှာ ဦးသိန်းစိန်နဲ့ ဦးရွှေမန်း၊ အစိုးရအဖွဲ့နဲ့ လွှတ်တော်ကွဲသွားပြီးတဲ့နောက် ညီညီညွတ်ညွတ်နဲ့ နိုင်ငံပြောင်းလဲရေးကိုမလုပ်နိုင်ဘူး။ ဒေါ်အောင်ဆန်းစုကြည်ကတော့ ဒါကို ပိုင်ပိုင်နိုင်နိုင်လုပ်နိုင်မယ့်အနေအထားရှိ တယ်’’ ဟု ၎င်းက ပြောသည်။
လူထုခေါင်းဆောင် ဒေါ် အောင်ဆန်းစုကြည် သမ္မတအဖြစ် ရွေးချယ်တင် မြှောက်ခြင်း ခံရမည်ဆိုပါက ၁၉၆၂နောက် ပိုင်းမြန်မာ့နိုင်ငံရေးလောက တွင်အားအကောင်းဆုံး အစိုးရအဖွဲ့ဖြစ်လာနိုင်ကြောင်းနှင့် ဒေါ်အောင်ဆန်း စုကြည် ဦးဆောင်သည့်အစိုးရအဖွဲ့နှင့် အမျိုးသားဒီမိုကရေစီအဖွဲ့ ချုပ်ပါတီ ဦးဆောင်သည့်လွှတ်တော်များအကြား ပူးပေါင်းလုပ်နိုင်စွမ်းမှာလည်း အပြောင်းအလဲကို ဟန်ချက်ညီစွာအကောင်အထည်ဖော်နိုင်မည်ဟု ယုံကြည် ကြောင်း နိုင်ငံရေးဆောင်းပါးများ ရေးသားနေသူ ဒေါက်တာရန်မျိုးသိမ်းက ပြောသည်။ ‘‘ဒေါ်အောင်ဆန်းစုကြည်ဦးဆောင်တဲ့အစိုးရနဲ့ ဒီချုပ်ဦးဆောင် တဲ့လွှတ်တော်တွေဟာ ခေတ်မီတပ်မတော်တည်ဆောက်ရေးနဲ့ တပ်မတော် ရဲ့ပြုပြင်ပြောင်းလဲရေး၊ ဖွံ့ဖြိုးတိုးတက်ရေးလုပ်ငန်းစဉ်တွေအတွက်လည်း ပိုပြီးအကျိုးပြုနိုင်လိမ့်မယ်’’ဟု ၎င်းက သုံးသပ်သည်။
ပြီးခဲ့သည့် ငါးနှစ်အတွင်း လွှတ်တော်နှင့်အစိုးရ၏ စွမ်းဆောင်ရည်မှာ တိုင်းရင်းသားများအပါအ၀င် ပြည်သူလူထု တစ်ရပ်လုံးရင်ဆိုင်နေရသည့် ဆင်းရဲမွဲ တေမှုကို လျှော့ချနိုင်ခြင်းမရှိခဲ့ ဘဲ အဂတိလိုက်စားမှုကိစ္စရပ် များကိုလည်း ထိရောက်စွာဖြေရှင်းပေးနိုင်ခြင်းမရှိခဲ့ကြောင်းနှင့် တိုင်းပြည် နှင့်ပြည်သူလူထုအကျိုးအတွက်ဆောင်ရွက်မှုပိုင်းလည်း အားနည်းခဲကြောင်း မြန်မာ့နိုင်ငံရေးလေ့လာနေသူအချို့က ပြောသည်။
၂၀၁၅ ရွေးကောက်ပွဲအနိုင်ရပါတီဥက္ကဋ္ဌ ဒေါ်အောင်ဆန်းစု ကြည်အား နိုင်ငံတော်သမ္မတအဖြစ်မြင်တွေ့လိုသည်ဟု ပြည်သူအချို့က 7Day Daily သတင်းစာ ၏ ပြည်သူ့ကဏ္ဍတွင် ပြောကြားခဲ့ပြီး ဒေါ်အောင်ဆန်းစုကြည် သာသမ္မတဖြစ်လာပါက တိုင်းပြည်ဖွံ့ဖြိုးတိုးတက်လာနိုင်မည်သာမက တရားဥပဒေစိုးမိုးရေး၊ တန်းတူညီမျှရေး၊ ပြည်သူ့ဘ၀လုံခြုံရေး၊ နိုင်ငံတကာ နှင့် ရင်ပေါင်တန်းနိုင်သည့် အနေအထားများရရှိလာမည်ဟုမျှော်လင့်ထား ကြသည်။
‘‘ဒေါ်အောင်ဆန်းစုကြည်က မြန်မာပြည်မှာ သမ္မတအဖြစ်သင့်ဆုံးပုဂ္ဂိုလ်ပါပဲ။ ပြည်သူတွေအားလုံးက ယုံကြည်စိတ်ချရတဲ့ ခေါင်းဆောင်က အုပ်ချုပ်ရင် တစ်တိုင်းပြည်လုံးကလည်း စိတ်ဓာတ်တွေတက်ကြွမယ်။ စိတ်ဓာတ်တွေပြင် ဆင်ပြီး ကောင်းကောင်းလုပ်နိုင် ကြလိမ့်မယ်လို့ထင်ပါတယ်’’ ဟု ကုန်သည် စက်မှုအသင်းချုပ်(UMFCCI) ၏ အထွေထွေအတွင်းရေးမှူး ဦးမိုးမြင့်ကျော်က ပြောသည်။
သို့သော် လက်ရှိ ၂၀၀၈ဖွဲ့ စည်းပုံအခြေခံဥပဒေပုဒ်မ ၅၉(စ) အရ ဒေါ်အောင်ဆန်းစုကြည်သည် မြန်မာနိုင်ငံသားဖြစ်သော်လည်း ၎င်း၏ သားနှစ်ဦးမှာ ဗြိတိန်နိုင်ငံသားခံယူထားခြင်းကြောင့် သမ္မတဖြစ်ခွင့် ကန့်သတ်ခံထားရသည်။
7Day News Journal
No comments:
Post a Comment