ဘန်ကောက်မှာအခြေစိုက်ပြီး
ထိုင်းဘာသာနဲ့ထုတ်ဝေတဲ့ သတင်းစာတွေမှာ ET နဲ့ ဦးသိန်းစိန်တို့ရဲ့
သတင်းများကို ဒီကနေ့ မျက်နှာဖုံးတင်ထားကြပါတယ်။အကြားအမြင်ဆရာမ ET နဲ့ သမ္မတ ဦးသိန်းစိန်တို့ဟာ ဘန်ကောက်ကို ပြိုင်တူ ရောက်နေကြပေမယ့် မတူကွဲပြားတဲ့ရည်ရွယ်ချက်တွေနဲ့ သီးခြားစီ ရောက်သွားကြတာပါ။
ထိုင်းမှာ အစိုးရခေါင်းဆောင်ပိုင်း နဲ့ အတိုက်အခံတို့ သဘောထားခြင်း မတိုက်ဆိုင်တာတွေ ရှိပေမယ့် တူညီတာကတော့ မြန်မာပြည်သွားပြီး ဆရာမ ET နဲ့ တွေ့ဆုံ မေးမြန်းကြတာပါပဲ။
ထိုင်းခရီးသည်များလည်း ရန်ကုန်ရောက်ရင် ဆရာမ ET နဲ့ သွားတွေ့ကြပါတယ်။
ဒါကြောင့် ထိုင်းမှာတော့ စာဖတ်ပရိသတ်က ဦးသိန်းစိန်ထက် ဆရာမ ET ကို ပိုပြီး သိကြတာပါ။ ထိုင်းမီဒီယာများကတဆင့်လည်း ဆရာမ ET အကြောင်း ကြည့်ဖူး ဖတ်ဖူးကြပါတယ်။
အခု ET ရဲ့ ဘန်ကောက်ခရီးစဉ်က သူ့အကြောင်း ပါဝင်တဲ့ ရုပ်သံဇာတ်လမ်းတွဲ စာနယ်ဇင်းမိတ်ဆက်ပွဲ တက်ရောက်ဖို့ ဖြစ်ပါတယ်။ ဒီပွဲကို မနေ့က ကျင်းပခဲ့ပြီးပါပြီ။
သမ္မတ ဦးသိန်းစိန်အတွက်ကတော့ ဒီခရီးဟာ အကြိမ်ကြိမ်ရွှေ့ဆိုင်းခဲ့တဲ့ ခရီးပါ။ သမ္မတနဲ့ အတူလိုက်ပါသွားတဲ့ ၀န်ကြီးများလည်း နှစ်နိုင်ငံ စီးပွားရေးဆိုင်ရာ သဘောတူညီချက်များ လက်မှတ်ထိုးပုံ လေ့လာရေး တွေ့ဆုံရေး အစီအစဉ်များနဲ့ အလုပ်များနေကြပုံကို သတင်းထဲ တွေ့ရပါတယ်။
ရုပ်သံမှာ မကြာခဏတွေ့နေရတဲ့ ထိုင်းတွေရဲ့ ဓလေ့တခုက ဧည့်သည်တော်ကြီးများကို ပန်းကုံးလေးလက်ဆောင်ပေးပြီး ခရီးဦးကြိုပြုကြတာပါပဲ။
ပန်းကုံးလေးက အင်မတန် လှပပါတယ်။ ဧည့်သည်အများစုကတော့ ပန်းကုံးယူပြီး နောက်က လက်ထောက်တယောက်ယောက်ကို ချက်ချင်း ပေးလိုက်တာပါပဲ။
ဦးသိန်းစိန်ကတော့ သူ့ကို ပေးတဲ့ ပန်းကုံးလေးတွေကို လက်ထဲမှာပဲ အမြတ်တနိုး ကိုင်ဆောင်ထားတာကတော့ ထူးခြားနေပါတယ်။
နိုင်ငံတခုရဲ့အကြီးအကဲက လက်ဆောင်ပန်းကုံးကို အချိန်အတော်ကြာအောင် ကိုင်ထားတယ် ဆိုတော့ ပန်းလက်ဆောင် ပေးသူများ ၀မ်းသာကြမှာပါ။
သမ္မတ ဦးသိန်းစိန်ရဲ့ ၃ ရက်ကြာ ခရီးစဉ် ဒီကနေ့ အဆုံးသတ်မှာ ဖြစ်ပါတယ်။
ဧရာဝတီ(Blog)
No comments:
Post a Comment