ဦးအောင်သိန်းလင်း ယနေ့ထွက်ပြီ

တနင်္လာနေ့ထုတ် ကြေးမုံသတင်းစာ စာမျက်နှာ ၁၄ မှာ ပါဝင်တဲ့ ကြော်ငြာပါ။
အသစ်ထွက်Envoyဂျာနယ်မှာ
ဦးအောင်သိန်းလင်း နဲ့ တရုတ်စာစောင် အင်တာဗျူးအကြောင်း ဖတ်ရမယ် လို့ ကြော်ငြာ ထားတာပါ။

ဦးအောင်သိန်းလင်း ယနေ့ထွက်ပြီ လို့ ဒီကြော်ငြာကို Facebook မှာ ထပ်ဆင့်ဖြန့်ဝေသူတို့က ဆိုနေကြပါတယ်။

စာအထားအသိုအရ ဆိုရင် အဲဒီလိုလည်း ဖတ်လို့ရနေပါတယ်။

ဘာထွက်တာလဲ၊ ဘယ်ကနေ ထွက်တာလဲ ဆိုတာကိုတော့ ရေးမထားပါ။

ဦးအောင်သိန်းလင်းဟာ ကြံ့ခိုင်ရေးပါတီကြီးရဲ့ အထင်ကရ ခေါင်းဆောင်ကြီးတယောက် ဖြစ်ပါတယ်။
သူ့ရဲ့သတင်းစာရှင်းလင်းပွဲ၊ အင်တာဗျူးတွေဟာ မှတ်သားစရာတွေနဲ့ ပြည့်နေတာကို တွေ့ရပါတယ်။

ဦးအောင်သိန်းလင်းဟာ စစ်တပ်မှာ တာဝန်ကြီးကြီး ယူခဲ့သူဖြစ်ပြီး ရန်ကုန်မြို့တော်ဝန်အဖြစ်လည်း ခန့်အပ်ခံရသူ ဖြစ်ပါတယ်။

စစ်ဗိုလ်ချုပ်ကြီးတွေ တည်ထောင်ခဲ့တဲ့ ကြံ့ခိုင်ရေးပါတီကြီးမှာ ဦးအောင်သိန်းလင်းလို ခေါင်းဆောင်မျိုး ဘယ်နှစ်ဦး ရှိသလဲမသိရပါ။

Envoy မှာ ဖော်ပြမယ် ဆိုတဲ့ အင်တာဗျူးကို ပြီးခဲ့တဲ့ရက်ပိုင်းအတွင်း အွန်လိုင်းမှာ ဖတ်ရှု သုံးသပ်သူ အများအပြား ရှိခဲ့ပါတယ်။

ဦးအောင်သိန်းလင်းရဲ့ ပြောဆိုချက်တွေဟာ ပါတီရဲ့ မူဝါဒလား ဆိုတာလည်း မသိရသေးပါ။
ခုချိန်ထိ တရားဝင် ဖြေရှင်းချက် မထုတ်သေးတဲ့အတွက် ပါတီရဲ့ မူဝါဒအတိုင်း ပြောဆိုတယ်လို့ ယူဆရပါတယ်။

ဧရာဝတီ(Blog)