မတ်လ ၁၉ရက်၊ ၂၀၁၁ ခုနှစ်တုန်းက အမေရိကန်နိုင်ငံ ၀ါရှင်တန်ဒီစီမြို့ကနေ မြင်ခဲ့ရတဲ့ Supermoon
၂၀၁၂တနှစ်တာအတွက်ထူးခြားတဲ့Supermoon ဖြစ်စဉ်ကိုလာမယ့် မေလ၅ရက်၊ကဆုန်လပြည့်နေ့မှာ တွေ့ကြုံရမယ်လို့အာကာသ၊ကြယ်တာရာနဲ့နက္ခတ် လေ့လာသူတွေကဆိုပါတယ်။ လဟာ ကမ္ဘာပတ်လမ်းကြောင်းနဲ့ တနှစ်တာအတွင်း အနီးဆုံးကို ရောက်လာတာဖြစ်လို့ Supermoon လို့ နာမည်ပေးထားတာပါ။
Supermoon ဖြစ်စဉ်ကြောင့် ကြယ်တာရာ စောင့်ကြည့်လေ့လာသူတွေအတွက် လကို အရင်ကထက် ပိုမိုနီးနီးကပ်ကပ် လေ့လာခွင့်ရမယ်၊ တယ်လီစကုတ်နဲ့ ကြည့်ရင် လပေါ်က ချိုင့်ဝှမ်း၊ ချိုင့်ခွက်နဲ့ တောင်တွေကိုတောင် မြင်နိုင်မယ်လို့ ဆိုပါတယ်။
တဖက်မှာလည်း ဒီဖြစ်စဉ်ကြောင့် ပင်လယ်ရေ မြင့်တက်တာတွေ၊ ထူးခြားဒီရေတက်တာ၊ ဆူနာမီလို လှိုင်းတွေတက်တာ၊ ငလျင်လှုပ်တာတွေလည်း ရှိနိုင်တယ်လို့ သိပ္ပံပညာရှင်တွေက ဆိုပါတယ်။
ဒီ Supermoon ဖြစ်စဉ်ဟာ ပြီးခဲ့တဲ့ ၂၀၁၁ ခုနှစ် မတ်လတုန်းကလည်း ဖြစ်ပေါ်ခဲ့ပါသေးတယ်။
No comments:
Post a Comment