အာဇာနည်နေ့အခမ်းအနား တက်လာသော ဒုသမ္မတ ဒေါက်တာ စိုင်းမောက်ခမ်း၊ ဓာတ်ပုံ- Reutersဒု သမ္မတနှင့် အဖွဲ့ သည် ရခိုင်ပြည်နယ်တွင် ပဋိပက္ခဖြစ်မှုများကြောင့် ဒုက္ခရောက်သူများအား အကူအညီပေးရေး၊ ပြန် လည် ထူထောင်ရေးနှင့် ပျက်ဆီးသွားသည့် အိုးအိမ်များ ပြန်လည် တည်ဆောက်ပေးရေး ကိစ္စများအတွက် လေ့လာဖို့ လာရောက်တာလို့လည်း သိရပါတယ်။
ဒု သမ္မတနှင့်အဖွဲ့သည် ရခိုင်ပြည်နယ်တွင် ၂ ရက်တာ ရှိနေမည်ဖြစ်ပြီး ဒုက္ခသည် စခန်းများကိုလည်း သွားရောက်မယ်လို့ ဆိုပါတယ်။ ဒါကြောင့်လည်း စစ်တွေနဲ့ ပတ်ဝန်းကျင်မြို့တွေမှာ လုံခြုံရေးတွေလည်း တင်းကျပ်ထားတယ်လို့ သိရပါတယ်။
အစောပိုင်း သတင်းတွေအရ ရခိုင်ပြည်နယ်ကို သမ္မတ ဦးသိန်းစိန် လာမယ်ဆိုတဲ့အတွက် စစ်တွေမြို့က မြို့သူမြို့သား တွေက နိုင်ငံတော် အလံတွေနဲ့ ကြိုဆိုဖို့ ပြင်ဆင်ထားတယ်လို့ ဒေသခံတွေက ပြောပါတယ်။
အခုလည်း ဒုသမ္မတဟာ သမ္မတ ကိုယ်စားလာတာဖြစ်လို့ နိုင်ငံတော်အလံတွေ ဆက်လက်လွှင့် ထူဆဲဖြစ် တယ်လို့ ဒေသခံ တွေက ဧရာဝတီကို ပြောပါတယ်။
ဧရာဝတီ(Blog)
No comments:
Post a Comment