၂-၈-၂၀၁၂
နေ့ ၂း၀၀ နာရီမှ ၄း၀၀ ထိ၊ ရန်ကုန်၊ ဗိုလ်အောင်ကျော် (အောက်) Home House of
Media တွင် ဘလော့ခ်ဂါဆရာ နေဘုန်းလတ်၏ ပထမဦးဆုံးရေးသားထားသော "ကျွန်တော်လွတ်ကျခဲ့တဲ့ မြို့တော်" စာအုပ် မိတ်ဆက်ပွဲကို ပြုလုပ်ခဲ့ပါသည်။ အဆိုပါ "ကျွန်တော်လွတ်ကျခဲ့တဲ့ မြို့တော်" စာအုပ်သည် ကိုနေဘုန်းလတ် ဘလော့ခ် မလုပ်ခင်ကတည်းက စတင်ရေးသားခဲ့သော စာအုပ်ဖြစ်ခဲ့သောကြောင့် သူ၏ဘလော့ခ်အမည်ကိုလည်း "ကျွန်တော်လွတ်ကျခဲ့တဲ့ မြို့တော်" လို့ ပေးခဲ့ကြောင်း ကိုနေဘုန်းလတ်မှ ရှင်းပြပြောဆိုခဲ့ပါသည်။
"ကျွန်တော်လွတ်ကျခဲ့တဲ့ မြို့တော်"
စာအုပ် မိတ်ဆက်ပွဲ အခမ်းအနားသို့ ပြည်သူ့ခေတ် ဂျာနယ် အယ်ဒီတာ ဆရာ
မောင်ဝံသ၊ ကိုဇာဂနာ၊ ၈၈-မျိုးဆက် ကျောင်းသားခေါင်းဆောင် ကိုမင်းကိုနိုင်၊
ကိုဂျင်မီ၊ စာရေးဆရာကိုမင်းလူ၊ အမျိုးသားဒီမိုကရေစီအဖွဲ့ချုပ်
ကျန်းမာရေးကွန်ရက်မှ ဒေါက်တာကျော်စွာဦးနှင့် NLD-BGမှ
ဒေါ်သီတာဝင်းအောင်အဖွဲ့၊ မြို့နယ်ပေါင်းစုံ NLD လူငယ်များ၊
ဗကသဖြစ်မြောက်ရေးအဖွဲ့မှ ကိုဒီငြိမ်းလင်းတို့ လူငယ်အဖွဲ့၊
ဗိုလ်ချုပ်အောင်ဆန်း ဇာတ်ကား ဖြစ်မြောက်ရေးအဖွဲ့မှ တာဝန်ခံများ၊
စာပေပညာရှင်များ၊မီဒီယာစာနယ်ဇင်း သမားများစုံညီစွာဖြင့်
ဧည့်ပရိတ်သတ်ပေါင်း( ၁၀၀) ကျော်တို့ကို ကော်ဖီ၊ ကိတ်မုန့်တို့ဖြင့်
ဧည့်ခံကျွေးမွေး၍ မီဒီယာ၊ စာနယ်ဇင်းသမားများ၏ မေးခွန်းများကို ဖြေဆိုကာ "ကျွန်တော်လွတ်ကျခဲ့တဲ့ မြို့တော်" စာအုပ် မိတ်ဆက်ပွဲ အခမ်းအနားအား ၄း၀၀ နာရီတွင် ပြီးဆုံးခဲ့ပါတယ်။
သတင်း၊ ဓာတ်ပုံ ညီငယ် မေ့မေ့သား လင်းဆက်..
No comments:
Post a Comment