မြန်မာနိုင်ငံကနေ ထွက်ပြေးလာတဲ့ ရိုဟင်ဂျာတွေကို လူမှောင်ခိုကူးမှုမှာ ထိုင်းစစ်တပ် ပါဝင်နေတယ်လို့ စွပ်စွဲထားတဲ့ သတင်းကို ထုတ်ပြန်ခဲ့မှုနဲ့ သတင်းထောက် ၂ ယောက်ကို ထိုင်းတရားရုံးတခုက အသရေဖျက်မှုနဲ့ စွဲချက်တင်လိုက်ပါတယ်၊ Phuketwan အွန်လိုင်းသတင်းဌာနရဲ့ Australia လူမျိုး အယ်ဒီတာ Alan Morison နဲ့ ထိုင်းသတင်းထောက် Chutima Sidasathian တို့ကို ထိုင်းနိုင်ငံ ကွန်ပျူတာ ရာဇဝတ်မှု ဥပဒေနဲ့လည်း စွဲချက်တင်ခဲ့ပါတယ်။
တကယ်လို့ အပြစ်ရှိကြောင်းတွေ့ရှိရင် ထောင်ဒဏ် ၇ နှစ်နဲ့ ဒေါ်လာ ၃ ထောင်နဲ့ ညီမျှတဲ့ ငွေဒဏ်ပေးဆောင်ရမှာ ဖြစ်ပါတယ်။ ဒီကနေ့ Phuket မြို့ တရားရုံးမှာ ရုံးချိန်းလာတဲ့ အယ်ဒီတာ Morison က ထိုင်းနိုင်ငံမှာ သတင်း လွတ်လပ်ခွင့်အပေါ် ဖိနှိပ်နေတဲ့ လုပ်ရပ်ဖြစ်တယ်လို့ ခုလို ပြောကြားခဲ့ပါတယ်။
"ဒီတခါ စစ်တပ်က နိုင်ခဲ့မယ်ဆိုရင်တော့ စစ်တပ်နဲ့ပတ်သက်တဲ့သတင်းကို ထုတ်ပြန်ရဖို့ နောင်အခါဖြစ်လာရင် ဘယ်လို သတင်းထုတ်ရပါ့မလဲ ဆိုတာ ၂ ခါပြန် စဉ်းစားစရာ ဖြစ်လာတော့မှာပါ။ ဒီလိုသာဆိုရင် သိပ်ကို ဆိုးမှာပါ။ စစ်တပ်အနေနဲ့ ကိုယ်စားပြုတဲ့ ထိုင်းပြည်သူတွေအပေါ်မှာ ပွင့်ပွင့်လင်းလင်း ရှိရပါမယ်။ လျှို့ဝှက် နှုတ်ပိတ်နေရမှာ မဟုတ်ပါဘူး။” - လို့ Phuketwan အွန်လိုင်းသတင်းဌာနရဲ့ အယ်ဒီတာ Alan Morison ပြောသွားတာဖြစ်ပါတယ်။
စွဲချက်တက်ခံရတဲ့ သတင်းထောက် ၂ ယောက်လုံးကို ဒီကနေ့မှာ အာမခံနဲ့ လွှတ်ပေးခဲ့ပါတယ်။ ရိုဟင်ဂျာဒုက္ခသည်တွေနဲ့ ပါတ်သက်တဲ့ Reuters သတင်းတပုဒ်ထဲက အပိုင်းတချို့ကို အင်္ဂလိပ်လိုထုတ်ပြန်တဲ့ Phuketwan သတင်းဌာန Website မှာ မနှစ်တုန်းက ဖော်ပြခဲ့တာဖြစ်ပါတယ်၊ အဲဒီ Reuters သတင်းအတွက် အထင်ကရ Pulitzer Prize ကို ရရှိခဲ့ပါတယ်။
VOA
No comments:
Post a Comment