မြောက်ကိုရီးယားနိုင်ငံက စစ်ရေးအရခြိမ်းခြောက်မှုတွေ တိုးလာနေတဲ့ အပေါ်မှာရင်ဆိုင်ဖို့အတွက်အစီအစဉ်တွေကိုအမေရိကန် ကာကွယ်ရေး ၀န်ကြီး Chuck Hagel က
ကြေညာလိုက်ပါတယ်။အဲဒီအစီအစဉ်ထဲမှာ အမေရိကန်ပြည်ထောင်စု Alaska ပြည်နယ်မှာ ဒုံးခွင်းဒုံးလက်နက် ၁၄ ခု ကို လည်း နောက်ထပ် ထပ်ပြီး ထားရှိသွား မှာ ဖြစ်တယ်လို့ ပြောပါတယ်။ဒီအစီအစဉ်ထဲမှာ - ဂျပန်နိုင်ငံမှာလည်း ဒုံးကျည်ကို ခြေရာခံလိုက်နိုင် မယ့် ရေဒါ ထောက်လှမ်းရေး စခန်းသစ်လည်း ပါဝင်မှာဖြစ်ပြီး ဒါဟာ မြောက်ကိုရီးယားရဲ့ ဒုံးကျည်နည်းပညာ တိုးတက်မှု ကနေ ဖြစ် လာနေတဲ့ ခြိမ်းခြောက်မှုတွေကို တန်ပြန်ဖို့ အတွက် အဆင်သင့် ဖြစ်နေအောင် ရည်ရွယ်ပြီး လုပ်တြာ ဖစ် တယ်လို့ အမေရိကန်ကာကွယ်ရေးဝန်ကြီး Chuck Hagel က ၀ါရှင်တန်မြို့တော် မှာ သောကြာေ န့ က ပြောလိုက်ပါတယ်။
အမေရိကန်ပြည်ထောင်စုဟာ ကယ်လီဖိုးနီးယား နဲ့ Alaska ပြည်နယ်တွေမှာ ဒုံးကျည်ကို ကြားဖြတ် ဟန့်တားနိုင်မယ့် ကြားဖြတ် ဒုံးခွင်းဒုံး လက်နက် ၃၀ လောက်ကို ထားရှိပြီးဖြစ်တယ်လို့လည်း သူ က ပြောပါတယ်။ ဒီလက်နက်သစ်တွေကို ၂၀၁၇ ခုနှစ်မကုန်ခင်မှာ စတင် အသုံးပြုနိုင်မှာဖြစ်တယ် လို့ ပြောပါတယ်။
မြောက်ကိုရီးယားအစိုးရက အမေရိကန်ပြည်ထောင်စုကို ကြိုတင်လက်ဦးမှု ယူပြီး နျူကလီယား လက်နက်နဲ့ တိုက်ခိုက်မယ်လို့ ခြိမ်းခြောက်လိုက်ပြီး ရက်ပိုင်းအကြာမှာပဲ အမေရိကန် ကာကွယ်ရေး ၀န်ကြီးက အခုလိုကြေညာလိုက်တာဖြစ်ပါတယ်။ ကုလသမဂ္ဂရဲ့ ဆုံးဖြတ်ချက်ကို အာခံတဲ့ အနေနဲ့ မြောက် ကိုရီးယားအစိုးရဟာ လွန်ခဲ့တဲ့ ၂ လကလည်းနျူကလီယားစမ်းသပ်မှုကို တတိယ အကြိမ် စမ်းသပ်ဖောက် ခွဲ ခဲ့တာဖြစ်ပါတယ်။
ဓာတ်ပုံ - ဒုံးခွင်းဒုံးစံနစ်တပ်ဆင်မည့်အကြောင်း သတင်းထောက်များအား ရှင်းလင်းပြောပြနေသည့် အမေရိကန် ကာကွယ်ရေးဝန်ကြီး Chuck Hagel (၀၃၊ ၁၅၊၁၃)
ဗွီအိုအေ
No comments:
Post a Comment