တိုင်းပြည်နာမည်နှင့်ပတ်သက်၍ တိုင်းရင်းသားတို့၏ အမြင်

တလောက ဒေါ်အောင်ဆန်းစုကြည် ဥရောပ နိုင်ငံများသို့ သွားရောက်စဉ် တိုင်းပြည် နာမည်ကို (Burma) ဟုပြောဆို သုံးနှုံးခဲ့ရာမှပြဿနာတရပ် သဖွယ်ဖြစ်လာခဲ့ခြင်းနှင့်ပတ်သက်၍ ဗမာ မဟုတ်သော တိုင်း ရင်းသား လူမျိုးများစွာ တို့၏ အမြင်နှင့် ခံစားချက်ကို တင်ပြလိုပါသည်။
ဦးစွာ ဗမာသည် လူမျိုးစုတရပ်ကို ကိုယ်စားပြုပြီး မြန်မာသည် တိုင်းပြည်အတွင်းရှိတိုင်းရင်းသား လူမျိုးစု အားလုံးကို ကိုယ်စားပြုသည်ဆိုသည့် အာဏာရစစ်အစိုးရ၏ ဝါဒဖြန့်မှုနှင့် ပတ်သက်၍ အသိအမြင် များသော တိုင်းရင်း သားတို့က လက်ခံ သဘောတူခြင်းမရှိပါ။ မြန်မာသည် ပုဂံခေတ်ကတည်းက ခေါ်ဝေါ်သုံးစွဲ လာခဲ့သော ဗမာလူမျိုးတို့၏ ရှေးသုံးနာမည်ဖြစ်သည်။ ၄င်းကို ပုဂံခေတ်ရေးမြစေတီ ကျောက်စာနှင့် အခြား ကျောက်စာများတွင်လေ့လာကြည့်နိုင်ပါသည်။ ဗမာသည် အင်္ဂလိပ်တို့ လက်အောက် ကျရောက်ပြီးနောက်  အင်္ဂလိပ်တို့က စတင်ခေါ်ဝေါ် သုံးစွဲခဲ့သော နာမည်ဖြစ်သည်။ ၄င်းသည် ယခုအခါ ဗမာ(သို့မဟုတ်) မြန်မာ လူမျိုး စု၏ ကိုယ်ပိုင်နာမည်ဖြစ်နေသည်။ ထို့ကြောင့် ၄င်းနာမည် နှစ်ခုစလုံးသည် တိုင်းရင်းသား အားလုံးကို ကိုယ် စားပြုသည့် နာမည် မဟုတ်ကြောင်း စာပေလေ့လာသူ ဗဟုသုတရှိသူများ အားလုံးလိုလိုက သိရှိကြပါသည်။
ယနေ့ ထိုင်းဟုခေါ်ဆိုသော နိုင်ငံနှင့်လူမျိုးကို လွန်ခဲ့သောနှစ်တစ်ရာခန့်က ရှမ်း(Siam)ဟုခေါ်ပါ သည်။ ၄င်းကိုအာဏာရထားသောရှမ်းလူမျိုးစုတို့၏ခေါင်းဆောင်ဘုရင်က ရှမ်းမဟုတ်သော လူမျိုးစုများကို လှည့်စားပြီးငြင်ငြင်သာသာဖြင့် ဝါးမျိုဖျောက်ဖျက်နိုင်ရန် ရှမ်းတို့၏ အခြားနာမည် တခုဖြစ်သော ထိုင်းကိုသုံး စွဲလာခဲ့သည်။ထိုင်းသည် နိုင်ငံအတွင်းရှိလူမျိုးစုအားလုံးကို ကိုယ်စားပြုသည်ဟု အဓိပ္ပါယ်ဖေါ်ပြီး တိုင်းပြည် နာမည်ကိုထိုင်း၊ တိုင်းပြည်အတွင်းနေထိုင်သူ လူမျိုးအားလုံးကိုလည်းထိုင်းဟု စတင်ပြောင်းလဲ သုံးစွဲလာခြင်း ဖြစ်သည်။ ထိုင်းတို့ကထိုသို့ ပြောင်းလဲ သုံးစွဲခဲ့ပြီးနောက် ရှမ်းမဟုတ်သော တိုင်းရင်းသား လူမျိုးစုများ၏ လူမျိုး ရေးဆိုင်ရာ အခွင့်အရေးများကိုပိတ်ပင်ကာ အရှိန်မြှင့်ဝါးမျိုလာခဲ့သည်။ ထိုအချိန်ကစပြီး ရှမ်းမဟုတ် သော တိုင်းရင်းသား လူမျိုးများ၏ စာပေသင်ကြားခြင်းကို ပိတ်ပင်လာသည်။
အစိုးရစာ သင်ကျောင်းများတွင် ကျောင်းသူကျောင်းသားများအား ရှမ်း(သို့မဟုတ်)ထိုင်းစကားကိုသာပြောခွင့်ပြုသည်။ ဤသို့ရှမ်းတို့လုပ် ဆောင်အောင်မြင်ခဲ့သည်ကို ဗမာစစ်ခေါင်းဆောင်များက အားကျ အတုခိုးပြီး ရှေးသုံးဝေါဟာရမြန်မာကို တိုင်း ရင်းသားအားလုံးအတွက်ကိုယ်စားပြုသယောင် လုပ်ဆောင် လှည့်စားလာခြင်းဖြစ်သည်။
ထိုင်းတွင်သူ့အခြေအနေနှင့်သူ့အချိန်အခါ၊ သူတို့ဘုရင်၏သြဇာအရှိန်အ၀ါဖြင့်လုပ်နိုင်ခဲ့သော်လည်း မိမိတို့နိုင်ငံသည်လူမျိုးစုများစွာနှင့်စုစည်းထားပြီး နိုးကြားနေသောလူမျိုးစုများအပေါ် ထိုသို့လုပ်ဆောင်ပါက လက်ခံ နိုင်ကြမည်မဟုတ်ပါ။ ၄င်းကိုလက်မခံ ပြန်လည်ခုခံဆန့်ကျင်နေကြသဖြင့် ပြည်တွင်းစစ် အနှစ်(၆၀) ကျော်ဖြစ်ပွားနေရသည်။ မြန်မာသည်လူမျိုးစုတစုတည်းကို ကိုယ်စားပြုခြင်းမဟုတ်ဟုဆိုပါက မြန်မာစကား၊ မြန်မာစာသည် မည်သည့်လူမျိုးစု၏စကား စာပေဖြစ်နေပါသနည်။  ဗမာသည်လူမျိုး တမျိုး ဆိုပါက ဗမာ တွင်သီးခြားဘာသာစကား စာပေမရှိတော့ဘူးလား။ ထို့ကြောင့်ဗမာသည်လည်းကောင်း၊ မြန်မာသည် လည်းကောင်း တ်ိုင်းရင်းသားလူမျိုးအားလုံးနှင့်ဆိုင်သော အများပိုင်နာမ်မဟုတ်သည်မှာ  သေ ချာသည်။
တိုင်းရင်သားလူမျိုးပေါင်းစုံစုပေါင်းနေထိုင် ပိုင်ဆိုင်သောကျနော်တို့နိုင်ငံပြည်ထောင်စုကို နာမည် မှည့်ခေါ်သည့်အခါ အများကိုကိုယ်စားပြုသောနာမည်တခုဖြစ်သင့်သည်။ လူမျိုးပေါင်းစုံစုစည်းနေထိုင် ပိုင် ဆ်ိုင်သောနိုင်ငံများစွာတို့သည် စုစည်းညီညွတ်ရေးကိုဦးတည်ပြီး လူမျိုးတမျိုးတည်းက အခွင့်အရေးယူ နာ မည်ယူခြင်းမျိုးမဖြစ်ရလေအောင် ဒေသ သို့မဟုတ်မြစ်ချောင်း တောတောင်စသည်တို့ကိုအခြေပြုပြီး တိုင်း ပြည်နာမည်ကို မှည့်ခေါ်ကြသည်။ ဥပမာ- အမေရိကန်၊ ကနေဒါ၊ ဆွစ်ဇာလန်၊ အိန္ဒိယ၊ သီရိလင်္ကာ၊ စင်္ကာပူ စသည်တို့သည် လူမျိုးနာမည်မဟုတ်ပါ။ ကျနော်တို့နိုင်ငံကိုလည်း တိုင်းရင်းသားလူမျိုးအားလုံး တန်းတူညီမျှ သွေးစည်း ညီညွတ်ရေးကို စေတနာသန့်သန့်ဖြင့်  သက်သေပြလိုပါလျှင် ဗမာ(Burma)ကိုလည်းကောင်း၊ မြန်မာကိုလည်းကောင်း မသုံးပဲ အခြားသင့်တော်သောနာမည်တခုခုမှည့်ခေါ်သင့်ပါကြောင်း တင်ပြ အပ်ပါသည်။
                ညီမျှခြင်းမှ-ညီညွတ်ခြင်းသို့ဦးတည်လျှက်-
                                                                                    မင်းသုတ

ရွှေဟင်္သာ