မိတ္ထီလာတွင် ကင်တားနားကို ဆန္ဒပြမှု ၈၈ မျိုးဆက်အဖွဲ့ သဘောထား မပါဟု ဆို

မန္တလေးတိုင်း၊ မိတ္ထီလာမြို့တွင် ကုလသမဂ္ဂ၏ လူ့အခွင့်အရေးဆိုင်ရာ အထူးကိုယ်စားလှယ် မစ္စတာ ကင်တားနားအား ဒေသခံများနှင့် အတူ ဆန္ဒပြခဲ့ကြသော မိတ္ထီလာမြို့ခံ ၈၈ မျိုးဆက် ကျောင်းသား အဖွဲ့ဝင်များကို ပြင်းပြင်းထန်ထန် သတိပေးလိုက်ပြီး ထိုဆန္ဒပြမှုတွင် ရန်ကုန်ရှိ ၈၈ မျိုးဆက် ကျောင်းသား များ အဖွဲ့၏ သဘောထား လုံးဝ မပါဝင်ကြောင်း သိရသည်။

“ရန်ကုန်က ၈၈ မျိုးဆက် ကျောင်းသားအဖွဲ့၊ တာဝန်ရှိသူတွေရဲ့ သဘောထားအရ ဒီ ၈၈ မျိုးဆက် ကျောင်းသား အဖွဲ့ရဲ့ နာမည်ကိုသုံးပြီး လုပ်ဆောင်ခွင့် မပြုပါဘူး။ ရန်ကုန် ၈၈ ကျောင်း သား ခေါင်းဆောင်တွေရဲ့ သဘောထားမပါဘဲ လုပ်တဲ့အတွက် သူတို့ကို လှမ်းပြောပြီး သတိပေးပြီး သား ဖြစ်တယ်။ နောက်နောင်တွေ ဒီလိုမျိုးလုပ်တဲ့ ကိစ္စတွေမှာ ကြိုတင်အကြောင်းကြား အသိမပေးရင် ကျနော်တို့နဲ့ ဖြေရှင်းမှုတွေ လုပ်ရမယ်” ဟု ၈၈ မျိုးဆက် ကျောင်းသားများ အဖွဲ့မှ ကိုဇော်မင်းက ဧရာဝတီသို့ ပြောသည်။

သို့ရာတွင် အဖွဲ့အစည်းတခုခုမှ ဦးဆောင်ဦးရွက်ပြုပြီး မစ္စတာ ကင်တာနာကို ဆန္ဒပြခဲ့ကြခြင်း မဟုတ်ကြောင်း၊ နိုင်ငံရေးပါတီဝင်များ၊ လူမှုရေး၊ ဘာသာရေး အဖွဲ့အစည်းများ၊ ရဟန်းများ၊ ဒေသခံ လူထုဖြင့် စုပေါင်း လုပ်ဆောင်ကြခြင်း ဖြစ်ကြောင်း၊ မိမိတို့ ပူးပေါင်းရပ်တည်ခဲ့ခြင်းမှာလည်း ၈၈ မျိုးဆက် ကျောင်းသားများအဖွဲ့ ကိုယ်စားပြုမဟုတ်ဘဲ မြို့ခံတဦးအနေဖြင့်သာ ပါဝင်ခဲ့ခြင်းဖြစ်ကြောင်း မိတ္ထီလာ မြို့ခံ ၈၈ မျိုးဆက် ကျောင်းသားများ အဖွဲ့မှ ကိုသီဟက ဧရာဝတီသို့ ပြောသည်။

မစ္စတာ ကင်တားနားကို ဆန္ဒပြရန် သြဂုတ်လ ၂၀ ရက်နေ့ ညနေပိုင်းထဲက မိတ္ထီလာမြို့ပေါ်တွင် စတင်လှုပ်ရှားခဲ့ကြပြီး ညနေ ၇ နာရီ ၀န်းကျင်တွင် လူ ၁ ထောင်ကျော်မျှ ရှိခဲ့ကြောင်း၊ မစ္စတာ ကင်တားနား မိတ္ထီလာမြို့သို့ ရောက်လာချိန် ည ၁၀ နာရီ ၃၅ မိနစ်ခန့်တွင် လူ ၃၀၀ ၀န်းကျင်အထိ မစ္စတာ ကင်တားနား လိုက်ပါလာမည့် ကားတန်းကို ဆိုင်းဘုတ်များ ကိုင်ကာ စောင့်ဆိုင်းခဲ့ကြကြောင်း သိရသည်။

“မြို့သူမြို့သားတွေ အကုန်လုံး စုပေါင်းပြီး လုပ်တာ။ ကျနော်တို့ တဖွဲ့တစည်းတည်း အနေနဲ့ ဦးဆောင်လုပ်တာ မဟုတ်ဘူး။ တောင်းဆိုထားတာက သူလာရင် အိတ်ဖွင့်ပေးစာ ပေးဖို့ပဲ တောင်းဆိုထားတာ။ ခွင့်ပြုချက် တောင်းထားတာ။ ကျန်တာ ဘာမှမပါဘူး။ ကျနော်လည်း မြို့ခံတဦးအနေနဲ့ပဲ ၀င်ရပ်တည်တာပါ” ဟု ကိုသီဟက ဆိုသည်။

အိတ်ဖွင့်ပေးစာကို မိတ္ထီလာမြို့ခံ ၈၈ မျိုးဆက် ကျောင်းသားများအဖွဲ့က မိတ္ထီလာခရိုင် အုပ်ချုပ်ရေးမှူမှတဆင့် မစ္စတာ ကင်တားနားထံသို့ ပေးအပ်ခဲ့ကြောင်း မိတ္ထီလာခရိုင် အထွေထွေ အုပ်ချုပ်ရေးမှူး ဦးတင်မောင်စိုးက ဧရာဝတီသို့ ပြောသည်။

အဆိုပါ ဆန္ဒထုတ်ဖော်မှုသည် တရားဝင်ခွင့်ပြုချက် တောင်းခံထားပြီးဖြစ်ကြောင်း၊ မိတ္ထီလာမြို့တွင် လက်ရှိ ကျင့်သုံးလျှက်ရှိသော ည ၁၀ နာရီနောက်ပိုင်း ညမထွက်ရ အမိန့်ကို ကျော်လွန်ပြီး မစ္စတာ ကင်တားနား လာရောက်သည့် အချိန်အထိ စောင့်ဆိုင်းခဲ့ကြ သူများကိုလည်း အရေးယူရန် အစီစဉ်မရှိကြောင်း သိရသည်။

“ကင်တားနားကျတော့ ၁၀ နာရီ နောက်ပိုင်းမှလာတယ်။ ကယ်ဆယ်ရေး စခန်းတွေကို သွားခွင့်ပေးတယ်၊ သူ့ကျတော့ခွင့် ပေးပြီး ဒေသခံတွေကြတော့ ခွင့်မပေးဘူးလား၊ ဘာလားနဲ့ပေါ့။ ညမထွက်ရ အမိန့်ကြောင့်လည်း အရေးယူဖို့ မရှိပါဘူး။ ကင်တားနားပြန်တော့ လူစုခွဲကြပြီး ပြန်ကြတာပဲ။ သူဖာသာသူ လမ်းဘေးကနေ ရပ်ပြီး ဆိုင်းဘုတ်ကိုင်တာပဲဆိုတော့။ ကားတန်းလည်း မပိတ်ပါဘူး။ အဓိကက မစ္စတာ ကင်တားနားကို အိတ်ဖွင့်ပေးစာ ပေးချင်တာ” ဟု ဦးတင်မောင်စိုးက ဆိုသည်။

သို့ရာတွင် လူအုပ်က အော်ဟစ်ခြင်း၊ မောင်းနှင်လာသော ကားတိုင်းနားသို့ တိုးကပ်ကာ မစ္စတာ ကင်တားနားကို ကန့်ကွက်သည့် ဆိုင်းဘုတ်များ၊ တီရှပ်အင်္ကျီများကို ပြခြင်းကြောင့် မစ္စတာ ကင်တားနား အနေဖြင့် အနည်းငယ် ကြောက်လန့်မှု ဖြစ်ခဲ့ရကြောင်း၊ သို့ရာတွင် လုံခြုံရေးရဲများဖြင့် စောင့်ကြပ်ပေးခဲ့ကြောင်း သိရသည်။

မစ္စတာ ကင်တားနားသည် မိတ္ထီလာမြို့တွင် နေပြည်တော်မှ လာကြိုသော ကားများနှင့် လဲလှယ်ပြောင်းစီးချိန် ၁၀ မိနစ် ဝန်းကျင်သာ ရှိခဲ့ပြီး မိမိနှင့်လည်း ကောင်းစွာ စကားပြောဆိုခဲ့ခြင်း မရှိကြောင်း ဦးတင်မောင်စိုးက ပြောသည်။

မစ္စတာ ကင်တားနားထံသို့ ပေးအပ်လိုက်သော အိတ်ဖွင့်ပေးစာတွင် မိတ္ထီလာမြို့ခံ ပြည်သူများအနေဖြင့် ဘင်္ဂါလီများအား အားပေးအားမြှောက် သွေးထိုးလှုံ့ဆော်မှု ပြုနေသော မစ္စတာ ကင်တားနားအား မြန်မာနိုင်ငံမှ အမြန်ဆုံး ထွက်ခွာသွားရန်၊ မြန်မာနိုင်ငံသို့ နောက်နောင် လာရောက်ခြင်း မပြုရန်နှင့် ကုလသမဂ္ဂ အဖွဲ့ချုပ် အထွေထွေ အတွင်းရေးမှူး၏ လုပ်ပိုင်ခွင့်ဖြင့် ကင်တားနားအား မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် တာဝန်မှ အမြန်ဆုံးရုပ်သိမ်းပေးရန်၊ အထူး ဆောင်ရွက်ရမည့် ရာထူးနှင့် တာဝန်အား အလွဲသုံးစားပြု၍ ကမ္ဘာ့အဖွဲ့အစည်းအား သိက္ခာမဲ့စေသော ကင်တားနားအား ပြတ်သွားစွာ ပြင်းပြင်းထန်ထန် ရှုတ်ချလိုက်ကြောင်း စသည့် အချက်များ ပါဝင်သည်ဟု သိရသည်။

ထို့အပြင် မြို့ခံလူထု အနေဖြင့် မစ္စတာ ကင်တားနား တင်သွင်းခဲ့သော မြန်မာနိုင်ငံ လူ့အခွင့်အရေးဆိုင်ရာ အစီရင်ခံစာအား လုံးဝ လက်မခံကြောင်း၊ ခိုးဝင် ဘင်္ဂါလီများကို နိုင်ငံသားဖြစ်ခွင့် ပေးသင့်သည်ဆိုသော တိုက်တွန်းချက်ကို လုံးဝကန့်ကွက်ကြောင်း၊ ၁၉၈၂ ခုနှစ် မြန်မာနိုင်ငံသားဖြစ်ခွင့် ဥပဒေကို ခြွင်းချက်မရှိ လက်ခံကြောင်း၊ မြန်မာတိုင်းရင်းသား လူမျိုးစု ၁၃၅ မျိုးထဲတွင် ရိုဟင်ဂျာဆိုသော လူမျိုးစု လုံးဝမရှိဟု လက်ခံထားကြောင်း၊ လူ့အခွင့်အရေးကို လေးစားသော်လည်း အမျိုးသားအခွင့်အရေးကို ဦးစားပေး သွားမည်ဖြစ်ကြောင်း၊ ငြိမ်းချမ်းစွာ အတူယှဉ်တွဲနေထိုင်ခြင်းကို မူအားဖြင့် လက်ခံသော်လည်း တဖက်သတ် ထိပါးစော်ကားသည့် မည်သည့် ကိစ္စရပ်မျိုးကိုမဆို လုံးဝ လက်ခံမည် မဟုတ်ကြောင်းတို့လည်း ပါရှိသည်။

ကုလသမဂ္ဂ၏ လူ့အခွင့်အရေးဆိုင်ရာ အထူးကိုယ်စားလှယ် မစ္စတာ ကင်တားနား၏ ၁၁ ရက်အကြာ မြန်မာပြည် ခရီးစဉ်တွင် ရခိုင်ပြည်နယ် အပါအဝင် မြန်မာပြည်တွင်းရှိ သွေးထွက်သံယိုမှုများ ဖြစ်ပွားခဲ့ရာ ဒေသများသို့ သွားရောက်ခဲ့ပြီး ယနေ့ညနေတွင် ရန်ကုန် မင်္ဂလာဒုံလေဆိပ်တွင် သတင်းစာရှင်းလင်းပွဲ ပြုလုပ်၍ ပြန်လည် ထွက်ခွာသွားပြီ ဖြစ်သည်။