FEC ငွေကြေးပြန်လည်ရုပ်သိမ်းရန်
လွှတ်တော်တွင်းအတည်ပြုလိုက်ခြင်းမှာ ပြည်တွင်းစီးပွားရေးလုပ်ငန်း များ ကို
ထိခိုက်မှု မရှိနိုင်သော်လည်း ကိုင်ဆောင်ထားသူများအနေဖြင့် နစ်နာမှုမရှိအောင်
ပြန်လည် သိမ်းဆည်း သင့်ကြောင်း
ပို့ကုန်လုပ်ငန်းရှင်များနှင့်စီးပွားရေးပညာရှင်တို့က ဆိုသည်။
အဆိုပါ ငွေစက္ကူပြန်လည်ရွေးနုတ် ရယူရန်အတွက်
နိုင်ငံတော် သမ္မတမှပေးပို့သော နိုင်ငံတော်၏ စီးပွားရေး စနစ် တွင်
ကြားခံအဖြစ် သုံးစွဲနေသော FEC အား ပြန်လည်ရွေးနုတ်ယူမည့်
ကြေငြာချက် ထုတ်ပြန်နိုင်ရေး အတည် ပြုချက်ကို မတ်လ ၂၀ ရက်နေ့တွင်
ကျင်းပပြုလုပ်သော ပထမ အကြိမ် ပြည်ထောင်စု လွှတ်တော်၊ ဆဋ္ဌမပုံမှန် အစည်းအဝေး၌ သဘောတူညီခဲ့ခြင်းဖြစ်သည်။
"FEC ငွေကြေးကို ဒီမှာ ကန်ဒေါ်လာသုံးစွဲလို့
မရတုန်းက ဒေါ်လာငွေကြေးနဲ့ ကိုက်ညီတဲ့ တန်ဖိုးငွေအဖြစ်နဲ့ ထုတ်ထားပေးတာပါ။
အခုက ကန်ဒေါ်လာကို ဘဏ်တွေမှာ တရားဝင်လဲလှယ်လို့ ရနေပါပြီ၊ ဒီစနစ်နဲ့ သွားနေ
တာဆိုတော့ FEC ပြန်သိမ်းလို့ ထိခိုက်မူတွေတော့ မရှိနိုင်ပါဘူး။ ပြည်တွင်း
ပြည်ပ သွင်းကုန်ထုတ် ကုန်လုပ်ငန်း တွေမှာလဲ ဘာထိခိုက်မှုမှ မရှိနိုင်ပါဘူး"ဟု
ဦးမင်းကိုကိုနိုင် (ပဲကုန်သည်များအသင်း အထွေထွေအတွင်းရေးမှူး) က ပြောသည်။
နိုင်ငံတော်အစိုးရအနေဖြင့် အဆိုပါ ငွေကြေးကို
၁၉၉၃ ခုနှစ်မှ စတင်ကာသုံးစွဲခဲ့ပြီး ယခုအခါ ထိုငွေ စက္ကူများကို လူတန်းစာအလွှာအသီးသီးမှ သုံးစွဲနေပြီး ရုတ်သိမ်းခြင်း၊ ပယ်ဖျက်ခြင်းနှင့်
တစ်စုံ တစ်ခု ပြုလုပ် မည်ဆိုပါက တရားဝင်ကြေငြာ အသိပေးဆောင်ရွက်သင့်ကြောင်း
စီးပွားရေးလုပ်ငန်း အသိုင်းအ၀ိုင်းများက ပြောဆိုသည်။
"ပိုကောင်းပါတယ်။ ဒီ FEC ငွေကြေးက
မလိုအပ်တော့ပါဘူး။ နိုင်ငံတကာမှာ သုံးနေတဲ့ ကန်ဒေါ်လာနဲ့ မိမိနိုင်ငံ
မှာ ရှိတဲ့ ငွေကြေးနဲ့ဆို လုံလောက်ပါတယ်။ နိုင်ငံတကာမှာလဲ ဒီလိုပါပဲ။ FEC
လိုငွေကြေးမျိုး က မြန်မာနိုင်ငံမှာပဲရှိ တာပါ။ ဟိုအရင်တုန်းကတည်းက
ပြန်ရုပ်သိမ်းသင့်တာပါ"ဟု ဒေါ်တိုးနန္ဒာတင် (ရေထွက်ပစ္စည်းနှင့် ပို့ကုန်
လုပ်ငန်းရှင်) ကပြောသည်။
မတ်လ
(၂၀)ရက်နေ့ ငွေကြေးလဲလှယ်မှုဈေးကွက်အတွင်း၌ အမေရိကန်တစ်ဒေါ်လာနှင့် FEC
တစ်ယူနစ်လျှင် ၈၇၈ကျပ်နှင့် ၈၈၆ ကျပ်ဝန်းကျင် ပေါက်ရှိနေသည်။
ယမင်း (မြစ်မခ)
No comments:
Post a Comment