ရေလောင်းအိမ်သာခန်းအတွင်း အမျိုးသမီးတစ်ဦး မိမိကိုယ်ကို ဓါတ်ဆီလောင်း၍မီးရှို့သေဆုံး

၁၇-၃-၂၀၁၃ ရက်နေ့ ၀၀၃၅ အချိန် နေပြည်တော်၊ ဇမ္ဗူသီရိမြို့နယ်၊ သုခသိဒ္ဓိရပ်ကွက်။ တိုက်အမှတ်(၄၃၁၇)၊ အခန်းအမှတ်(၂၃)တွင် မီးလောင်မှုဖြစ်ပွားကြောင်း သတင်းအရ နေပြည်တော် အမှတ်(၉)ရဲစခန်းမှ တပ်ဖွဲ့ဝင်များ သွားရောက် စစ်ဆေးရာ သတင်းနှင့်နည်းပညာဝန်ကြီးဌာန၊ ဗဟိုစာတိုက်ကြီးမှဦးကျော်စွာမင်း၏ဇနီးဖြစ်သူ   ဒေါ်ခင်သန်းထွေး(၃၃)နှစ်အား   နေအိမ်တိုက်ခန်း အိမ်သာအတွင်း မီးလောင်ဒဏ်ရာ များဖြင့်သေ ဆုံးနေ သည်ကိုတွေ့ရှိရပြီး ၎င်း၏ခင်ပွန်းဖြစ်သူ ဦးကျော်စွာမင်းမှာ ဇနီးသည် မီးလောင်နေသည်ကို ငြှိမ်းသတ်စဉ် ၀ဲ/ယာလက်တို့တွင် မီးလောင်ဒဏ်ရာ များရရှိခဲ့ သဖြင့် နေပြည်တော်ကုတင်(၁၀၀၀)ဆေးရုံသို့ပို့အပ်ခဲ့ပြီး နေပြည်တော်အမှတ်(၉) ရဲစခန်းသေမှုသေခင်း အမှတ်စဉ် (၁/၂၀၁၃)ဖြင့် အမှုဖွင့်စစ်ဆေးခဲ့သည်။

စစ်ဆေးချက်အရ ဦးကျော်စွာမင်း၏ဇနီးဖြစ်သူ ဒေါ်ခင်သန်းထွေးမှာ နေအိမ် ၌ ဈေးဆိုင်/ လက်လီဖွင့်လှစ်ရောင်း ချပြီး ငွေကြေးလိုအပ်နေသဖြင့် လွန်ခဲ့သောတစ်ပတ်ခန့်က ငွေကျပ်(၆၅၀၀၀၀ိ/-)အား ပြင်ပမှချေးယူပေး ခဲ့ကြောင်း၊ ရုံးသုံးဆိုင်ကယ်အတွက် ရေလောင်းအိမ်သာခန်း အတွင်းတွင် ဓါတ်ဆီ ရေသန့်ဗူး ၂ ဗူး ထည့်ထားကြောင်း၊ အခင်းဖြစ်နေ့ ၂၂၃၀ အချိန်တွင် ရေလောင်းအိမ်သာခန်း အတွင်းမှ အသံများကြားရသဖြင့် တံခါးအားဆောင့်ဖွင့်ရာ မီးတောက်များ အခန်းအပြင်သို့ထွက်လာပြီး ၎င်း၏လည်ပင်း၊ ရင်ဘတ်၊ ယာဘက်ခြေထောက်နှင့် လက်နှစ်ဘက်တို့တွင် မီးလောင်ဒဏ်ရာများ ရရှိခဲ့ကြောင်း၊ ၎င်း၏ အော်ဟစ် အကူအညီတောင်းခံ မှုကြောင့် မျက်နှာချင်းဆိုင်အခန်းနေ ဦးချိုနိုင်(၄၆) နှစ်မှ အခန်းတံခါး ဖွင့်ခိုင်းသဖြင့် အခန်းတံခါးဖွင့်ပေးစဉ် နေအိမ် တိုက်ခန်းနေထိုင်သူများ မှ မီးသတ် ဆေးဗူးများဖြင့်ရောက်ရှိလာပြီး ၀ိုင်းဝန်းမီးငြှိမ်းသတ်သဖြင့် မီးငြိမ်းသွားခဲ့ပြီး ဒေါ်ခင်သန်းထွေးမှာ ရေလောင်းအိမ်သာခန်း အနောက် ဘက်နံရံတွင် ခေါင်းမှီ၍ မီးလောင် သေဆုံးနေကြောင်း တွေ့ရှိရသဖြင့် တိုက်အုပ်ဖြစ်သူ ဦးမင်းသန်းနိုင်မှ အမှတ်(၉)ရဲစခန်းသို့ တယ်လီဖုန်းဖြင့် အကြောင်းကြားခဲ့ခြင်းဖြစ်ကြောင်း သိရှိရသည်။

ထို့ပြင် သေဆုံးသူ ဒေါ်ခင်သန်းထွေးမှာပျဉ်းမနားမြို့၊ ကျောက်တော်ရပ်ကွက်ဇာတိဖြစ်ပြီး ၄င်း၏ခင်ပွန်းဖြစ်သူ ဦးကျော်စွာမင်းမှာ ပျဉ်းမနားမြို့၊ ရန်အောင်(၂)ရပ်ကွက်နေသူဖြစ်ကြောင်း၊ ၄င်းတို့တွင် အသက်(၅)နှစ် အရွယ်ခန့်ရှိ သားတစ်ဦး ရှိကြောင်း၊ ၎င်းတို့လင်မယား ရန်ဖြစ်သည် ကို တွေ့မြင်ကြားသိခဲ့ရခြင်းမရှိကြောင်း ပတ်ဝန်းကျင် သက်သေများ ၏ ပြောပြချက်အရ သိရှိရပြီး မှုခင်းဆရာဝန်ကြီး၏ ရင်ခွဲစစ်ဆေးချက် အရ သေဆုံးသူ ဒေါ်ခင်သန်းထွေးတွင် မီးလောင်ဒဏ်ရာမှအပ အခြား ဒဏ်ရာများ တွေ့ရှိရခြင်းမရှိကြောင်းနှင့် မသေဆုံးမီ အသက်ရှူ လမ်းကြောင်းမှတဆင့် အဆုတ်ထဲသို့ မီးခိုးငွေ့များ ၀င်ရောက်ပြီး သေ ဆုံးခဲ့ခြင်း ဖြစ်ကြောင်း သိရှိရသည်။