Friday, November 01, 2013

မိတ္တီလာမြို့ အရှေ့ပြင်ရပ်ကွက် လူစည်ကားရာနေရာတွင် ဗုံးလန့်မှုဖြစ်ပွား

  နိုဝင်ဘာလ ၁ ရက် ၂၀၁၃

 
အောက်တိုဘာ ၃၀ ရက်နံနက် ၈ နာရီ ခွဲခန့်က မိတ္တီလာမြို့ အရှေ့ပြင်ရပ်ကွက် လူစည်ကားရာလမ်းမဘေးရှိ ၀ါယာကြိုးစများ ထွက်ရှိနေသော ကြွပ်ကြွပ်အိတ် အနက်ရောင်အိတ်ကို ထရန်စဖာမာအား ကာရံထားသော သံဇကာအတွင်းပိုင်း အမြင့်လေးပေခန့် တွင် ချိတ်လျက် မသင်္ကာဖွယ်ရာ တွေ့ရှိရသဖြင့် ဗုံးဟုယူဆကာ ပြည်သူတစ်ဦးမှ သတင်းပေးပို့ခဲ့သဖြင့် သက်ဆိုင်ရာမှ လာရောက်ရှင်းလင်းပေးခဲ့ရာကြွပ်ကြွပ်အိတ်အတွင်းတွင် ထမင်းဘူး စားကြွင်းစားကျန်များနှင့် ၀ါယာကြိုးစ များ တွေ့ရှိခဲ့ရကြောင်း သိရသည်။''ဒီနားမှာ ကျွန်တော်ရောက်လာတော့ ကြွပ်ကြွပ်အိတ်ကို တိုင်မှာချိတ်လျက် တွေ့ရတယ်၊ ခဏနေတော့ ရဲရောက်လာပြီး ကားတာယာကွင်းတွေ ချပြီး လူရှင်းလိုက်တယ်။မနက် ၈ နာရီခွဲက စတွေ့တယ်။ ၉ နာရီ ၁၅ မိနစ်မှာ မိုင်းရှင်းလင်းရေးက စစ်ဗိုလ်တွေ ရောက်လာတယ်'' ဟု မြို့ခံတစ်ဦးက ရှင်းပြသည်။
၎င်းမြို့ခံကပင် ''နောက်ပြီးတော့မှ မိုင်းရှင်းလင်းရေးတပ်က စစ်ဗိုလ်နဲ့ တပ် ကြပ်ကြီးတစ်ယောက် ထရန်စဖော်မာထဲဝင်ပြီး အထုပ်ဖွင့်ကြည့်တော့ စားကြွင်းစားကျန် အမှိုက်တွေ ဖော့ဗူးခွံတွေ ၀ါယာကြိုးအဟောင်းတွေ ထည့်ထားတာတွေ့တယ်။ ဗုံးလို့ ထင်ယောင်ထင်မှားဖြစ်အောင် လုပ်ထားတယ်လို့ ယူဆတယ်။ ပြီးတော့ ဒီနားမှာ အမှိုက်ပုံလည်း မရှိဘူး။ ပြည်သူလူထုလန့်အောင် မြို့ရဲ့ တည်ငြိမ်အေးချမ်းမှု ပျက်ပြားအောင် ဗုံးလန့်အောင် ရည်ရွယ်ချက်ရှိရှိနဲ့ တမင်လာချိတ်ထားတယ်လို့ ထင်ပါ တယ်'' ဟု လာရောက်ကြည့်ရှုသူ မြို့ခံတစ်ဦးက ပြော ကြားသည်။
''ကျွန်တော့် အမြင်ပြောရရင်တော့ ရည်ရွယ်ချက်တော့ ရှိပုံမပေါ်ပါဘူးဗျာ။ ဒီအတိုင်းပဲ အမှိုက်စွန့်ပစ်လိုက်လို့ ချိတ်သွားတယ်လို့ ယူဆပါတယ်။ စနစ်တကျ ချည်ထားရင်လည်း ပလတ်စတစ်စရဲ့ နှစ်ဖက်စလုံးကို ချည်ရမှာ ဖြစ်ပါတယ်။ အခုတော့ တိုင်မှာ ကြွပ်ကြွပ်အိတ်ကြိုးကို တစ်ဖက်တည်း ချည်ထားတာပါ။ ကြွပ်ကြွပ်အိတ်ထဲမှာပါတဲ့ ၀ါယာစကလည်း အမှိုက်ပဲ ဖြစ်နိုင်ပါတယ်၊ ရည်ရွယ်ချက်ရှိရှိ လုပ်တယ်လို့တော့ ကျွန်တော်မယူဆပါဘူး။ အမှိုက်ပစ်လိုက်လို့ ဖြစ်တယ်လို့ ထင်ပါတယ်၊ဘာမှ စိုးရိမ်ထိတ်လန့်စရာ မရှိပါဘူး၊ ပြည်သူလူထုကြီးလည်း ထိတ်လန့်မှု မဖြစ်ပါနဲ့လို့ ပြောချင်ပါတယ်'' ဟု အမှတ် (၁၁) ရဲတပ်ရင်းမှ တပ်ရင်းမှုး ဒုရဲမှုးကြီး နန္ဒ္ဒ၀င်းက ပြောကြားသည်။
eleven media group

No comments:

Post a Comment

My Blog List