ဒုတိယအကြိမ် မြန်မာနိုင်ငံ အမျိုးသမီးများဖိုရမ် စတင်ကျင်းပ
အောက်တိုဘာ ၃၀ ရက် ၂၀၁၃
မြန်မာ့နိုင်ငံရေး၊ စီးပွားရေးနဲ့ လူမှုရေးကဏ္ဍတွေမှာ အမျိုးသမီးတွေ
ဦးဆောင်ပါဝင်နိုင်ဖို့ ရည်ရွယ်ပြီး ဒုတိယအကြိမ်ပြုလုပ်တဲ့
မြန်မာနိုင်ငံအမျိုးသမီးများဖိုရမ် ပထမနေ့ကို ဒီနေ့ ရန်ကုန်မြို့ အင်းလျားလိပ်ဟိုတယ်မှာ ကျင်းပခဲ့ပါတယ်။နယ်ပယ်အသီးသီးမှာ အမျိုးသမီးတွေ ဦးဆောင်ပါဝင်နိုင်ဖို့
အမျိုးသမီးတွေရဲ့အသံတွေ စုစည်းတာဖြစ်သလို အမျိုးသားတွေ
ပိုမိုပံ့ပိုးပေးနိုင်ဖို့ ဒီဆွေးနွေးပွဲဖိုရမ်ကို
ရည်ရွယ်ကျင်းပတာဖြစ်တယ်လို့ ဖိုရမ်ဖြစ်မြောက်ရေးကော်မတီက
ဦးအောင်မျိုးမင်းက ပြောပါတယ်။
ဒီနေ့ဆွေးနွေးပွဲမှာ အမျိုးသမီးနဲ့ နိုင်ငံရေးကဏ္ဍ၊ အမျိုးသမီးနဲ့ စီးပွားရေးကဏ္ဍဆိုပြီး နှစ်ပိုင်းခွဲဆွေးနွေးခဲ့ကြပါတယ်။
မနက်ဖြန်မှာတော့ အမျိုးသမီးနဲ့ လူမှုမီဒီယာကဏ္ဍဆိုပြီး အနုပညာရှင်
အမျိုးသမီးတွေနဲ့ သတင်းမီဒီယာဘက်က အမျိုးသမီးတွေ ဆွေးနွေးကြမှာ ဖြစ်ပါတယ်။
ပြီးခဲ့တဲ့ စက်တင်ဘာလမှာ ၃ရက်ကြာကျင်းပခဲ့တဲ့ ပထမအကြိမ်
အမျိုးသမီးများဖိုရမ်မှာတော့ အမျိုးသမီးနဲ့ ဖွဲ့စည်းပုံအခြေခံဥပဒေ၊
အမျိုးသမီးများအား တရားဥပဒေအရကာကွယ်ခြင်း၊ အမျိုးသမီးနဲ့
ဆုံးဖြတ်ချက်ချခြင်း၊ အမျိုးသမီးနဲ့ ငြိမ်းချမ်းရေး၊ အမျိုးသမီးနဲ့ ကျား
မတန်းတူရေးစတဲ့ ခေါင်းစဉ်တွေ ဆွေးနွေးနိုင်ခဲ့ကြပါတယ်။
RFA Burmese
No comments:
Post a Comment