သုံးခွမြို့နယ်မင်းရွာအသင်းကျေးရွာအုပ်စု၊ပိုက်စီးကျေးရွာတွင်ဧပြီလ၂ရက်နေ့က သောင်ပေါ်တင်နေသော ဝေလငါးကြီးမှာဧပြီလ၄ရက်နေ့ ညနေပိုင်းတွင်သေဆုံးသွားခဲ့ကြောင်းသိရသည်။
အဆိုပါ ဝေလငါးကြီးသည်ပိုက်စီးကျေးရွာ၏အရှေ့ဘက်(၆)မိုင်ခန့်အကွာမုတ္တမပင်လယ်ကမ်းစပ်နေရာတွင် သောင်တင်နေလျက်ရှိပြီးရေလုပ်သားများကဧပြီလ၂ရက်နေ့မွန်းတည့်၁၂နာရီအချိန်တွင်စတင်တွေ့ရှိခဲ့ပြီး ဝေလငါးကြီးအား ရေထဲသို့ရောက်အောင်ငါးလုပ်ငန်းဦးစီးဌာနမှတာဝန်ရှိသူများနှင့်ကျေးရွာရှိရေလုပ်သားများစုပေါင်း၍ကြိုးစားခဲ့သော်လည်း ရေတက်ချိန်ကြုံပြီးလိုင်းပုတ်သောကြောင့်ကမ်းစပ်သို့ပြန်လည်တင်ရောက်ရှိလာခြင်းဖြစ်ကြောင်းသိရသည်။
ယင်းဝေလငါးကြီးမှာဧပြီလ၄ရက်နေ့နံနက်အစောပိုင်းဒီရေဖြင့်ပိုက်စီးကျေးရွာ၏အနောက်တောင်ဘက်သို့(၃)မိုင်ခန့် ရွေ့လျားပြီးမင်းရွာအသင်းကျေးရွာအုပ်စု၊ နှစ်ခွကျေးရွာနှင့်(၁)မိုင်ခန့်အကွာ သောင်ပြင်ပေါ်သို့ ရောက်ရှိသွားကာညနေ၄နာရီ၁၅မိနစ်အချိန်တွင် သေဆုံးသွားခဲ့ပြီးမြို့နယ်ငါးလုပ်ငန်းဦးစီးဌာနမှတာဝန်ရှိသူများလာရောက်စစ်ဆေးမှုများ ပြုလုပ်ခဲ့ကြောင်းသိရသည်။
''အဲဒီဝေလငါးကြီးကဧပြီလ၄ရက်ညနေပိုင်းမှာ သေဆုံးသွားခဲ့တယ်။သေဆုံးကြောင်းကိုကျေးရွာအုပ်ရေးမှုးကမြို့နယ်ငါးလုပ်ငန်းဦးစီးဌာနကိုအကြောင်းကြားတယ်။ဧပြီလ၅ရက်နေ့ညနေပိုင်းမှာတော့အဲဒီဝေလငါးကြီးကိုငါးဖမ်းစက်လှေလေးစီးနဲ့ဆွဲတယ်။ပြီးတော့ရွှေသင်ချောင်း မြောက်ဘက်ရိုးရိုးလက်တက်ထဲသို့ ရေလုပ်သားတွေနဲ့ ကျေးရွာကလူ၈၀ လောက် ရေတက်နေတဲ့အချိန်ဆွဲထည့်လိုက်တယ်။ပြီးတော့ရေကျတဲ့အချိန်မှာရိုးကိုပိတ်လိုက်ပြီးတော့တုတ်ရိုက်လိုက်တယ်။ဧပြီလ၈ရက်မှာတော့ မြေမြုပ်၊အမှတ်အသားပြုလုပ်ပြီး ခြံစည်းရိုးခတ်မယ်။ တစ်နှစ်ခွဲ နှစ်နှစ်အချိန်လောက်ကျမှ ပြန်ဖော်မယ်။ဦးတို့အနေနဲ့ကတော့အရိုးစုရရှိရေး၊မပျက်စီးရေးအတွက်ကိုဘဲလုပ်ဆောင်သွားမှာပါ'' မြို့နယ်ငါးလုပ်ငန်းဦးစီးဌာနမှတာဝန်ရှိသူတစ်ဦးက ပြောကြားခဲ့သည်။အဆိုပါ သေဆုံးသွားသော ဝေလငါးကြီးမှာFimWhale ခေါ် ဝေလငါးအမျိုးအစားဖြစ်ကြောင်း မြို့နယ်ငါးလုပ်ငန်းဦးစီးဌာနမှသိရှိရသည်။
ElevenMedia မှကူးယူဖော်ပြပါသည်။
No comments:
Post a Comment