လူမှုဖူလုံရေးကြေးထည့်သွင်းထားသောအလုပ်သများများမည်သူမဆိုအခမဲ့ဆေးကုသခွင့်ရရှိမည်ဖြစ်ကြောင်းသိရပါတယ်။
အဆိုပါလုပ်သားများ၏မကျန်းမာခြင်း၊မီးဖွားခြင်း၊လုပ်ငန်းခွင်မတော်တဆထိခိုက်ဒဏ်ရာရခြင်းများအတွက်အခမဲ့ဆေးကုသခွင့်ကိုလူမှုဖူလုံရေးစီမံကိန်းလက်အောက်ရှိအလုပ်သများဆေးရုံကြီး၃ခု၊မြို့နယ်ဆေးခန်း၉၃ခန်းနှင့်ဌာနကြီးဆေးခန်း၄၀များမှာအခမဲ့ကုသခွင့်ရှိကြောင်းသိရပါတယ်။
“ထိခိုက်ဒဏ်ရာရရှိတဲ့လုပ်သားတွေအနေနဲ့အခမဲ့ဆေးကုသခွင့်ရဖို့လျှောက်လွှာတွေနဲ့လျှောက်စရာမလိုပါဘူး။လူမှုဖူလုံရေးရုံးကိုအကြောင်းကြားပေးရုံနဲ့ကျွန်တော်တို့ကဆောင်ရွက်ပေးသွားမှာဖြစ်ပါတယ်။တချို့ထိခိုက်ဒဏ်ရာရတာတွေဆိုရင်သူတို့ကအကြောင်းမကြားဘဲနဲ့တောင်ဆေးဖိုးသွားပေးတာတွေ၊ဆေးရုံပို့ပေးတာတွေဆောင်ရွက်ပေးခဲ့ဖူးပါတယ်”လို့အလုပ်သမားဝန်ကြီးဌာနလူမှုဖူလုံရေးအဖွဲ့မှဦးယုလွင်အောင်ကပြောပါတယ်။ “ကျွန်မတို့စက်ရုံကလူမှုဖူလုံရေးကြေးတွေပေးတာတွေ့ရတယ်။ကျွန်မတို့အလုပ်မှာဒဏ်ရာရရင်ကုမ္ပဏီကကုပေးတာတော့ရှိတယ်။ဒီလိုလူမှုဖူလုံရေးမှာအခမဲ့ဆေးကုသခွင့်တွေ၊လျော်ကြေးတွေရမယ်ဆိုတာမသိပါဘူး။ခုလိုလျှောက်စရာမလိုဘဲအကြောင်းကြားရုံနဲ့ပေးမယ်ဆိုတာသိရတော့ဝမ်းသာပါတယ်”လို့စက်ရုံဝန်ထမ်းမနှင်းချစ်ကပြောပါတယ်။
မြန်မာနိုင်ငံတွင်လုပ်သားများနစ်နာမှုအားပြန်လည်ကုစားနိုင်သောလူမှုဖူလုံရေးအာမခံအက်ဥပဒေကို၁၉၅၄ခုနှစ်တွင်စတင်ပြဋ္ဌာန်းခဲ့ပြီးဥပဒေအသစ်ရေးဆွဲထားပါတယ်။နိုင်ငံတကာလူမှုဖူလုံရေးအသင်းတွင်မြန်မာနိုင်ငံအပါအ၀င်အဖွဲ့ဝင်နိုင်ငံပေါင်း၁၅၀နဲ့အဖွဲ့ပေါင်း၃၅၀ရှိကြောင်းသိရပါတယ်။
No comments:
Post a Comment