မေလ(၂၇)ရက်နေ့က အဆင့်မြင့်ပညာဦးစီးဌာန အစည်းအဝေးခန်းမတွင်ပြုလုပ်သော အဆင့်မြင့်ပညာဦးစီးဌာန(အောက်မြန်မာပြည်)မှ တာဝန်ရှိသူများနှင့် တွေ့ဆုံပွဲအပြီးတွင်စာနယ်ဇင်းများ၏ မေးမြန်းမှုကို ၀န်ကြီးက ပြန်လည်ဖြေကြားခဲ့ခြင်းဖြစ်သည်။
"ယူတဲ့သူ အရေးယူမယ်။ တစ်ခါတည်းပြောထားပြီးသား။ နယ်အဝေးကိုပို့မယ်၊ ဖြုတ်သင့်ရင်ဖြုတ်မယ်။ ဆင်းရဲနွမ်းပါးမှုလျော့ကျရေးလုပ်နေတဲ့အချိန်မှာ ဒါမျိုးယူရင် အရေးယူမယ်။ ညွှန်ချုပ်တွေကိုလဲပြောပြီးသား။ တိုင်းပညာရေးမှူးတွေ၊ မြို့နယ်ပညာရေးမှူးတွေ၊ ကျောင်းအုပ်ကြီးတွေကိုလဲပြောပြီးသား။ ဒါမျိုးလုပ်တာတွေကို ကျွန်တော့်ဆီကို တိုက်ရိုက်တိုင်နိုင်တယ်။ တိတိကျကျသိရင်တိုင်ပါ"ဟု ပြည်ထောင်စုဝန်ကြီးကပြောသည်။
ဝန်ကြီးထံသို့ တိုင်စာများရောက်ရှိသည့်အနက် အချက်အလက်မမှန်ကန်သည့် ပစ်စာများလည်းပါဝင်နေကြောင်း၊ ထိုသို့သော ပစ်စာများမှာမူ ပုဂ္ဂိုလ်ရေးဆိုင်ရာမကြေနပ်မှုများကြောင့်ဖြစ်နိုင်ပြီး ခိုင်လုံတိကျသည့် အချက်အလက်များပါဝင်မှုမရှိသဖြင့် အရေးယူရန်မဖြစ်နိုင်ကြောင်း ပြည်ထောင်စုဝန်ကြီးကထပ်လောင်းပြောကြားသည်။
"အထောက်အထားခိုင်လုံရင် စာနဲ့သာတိုင်ပါ။ စာတွေက ကျွန်တော့်ဆီရောက်ပါတယ်။ လက်ရှိကို အရေးယူနေတာတွေလဲရှိပါတယ်။ ဟုတ်တာဆိုရင်၊ စစ်ဆေးလို့ပေါ်ရင်တော့ ကျွန်တော်တို့က အရေးယူမှာပဲ။ ကျွန်တော်တို့ အချိန်မဆိုင်းအရေးယူမယ်။ ကျူးလွန်တဲ့အပြစ်ပေါ်မူတည်ပြီးတော့ လိုအပ်သလိုအရေးယူမယ်"ဟု ပြည်ထောင်စုဝန်ကြီး ဒေါက်တာမြအေးကပြောပါသည်။
သစ်ထူးလွင် (Blog)
No comments:
Post a Comment