Monday, May 28, 2012

ဇာဂနာ(ခ)ကိုသူရ ဗြိတိန်နိုင်ငံသို့ သွားရောက်မည်



ဗြိတိန်နိုင်ငံအခြေစိုက် Amnesty International(AI) အဖွဲ့ရဲ့ဖိတ်ကြားချက်အရ ဇာဂနာဟာ ဗြိတိန်နိုင်ငံကို သွားရောက်ဖို့အတွက် ဒီနေ့မှာတော့ ဗြိတိန်သျှသံရုံးမှာ ဗီဇာရယူခဲ့ပြီးဖြစ်ပါတယ်.. ၂၀၁၂ ခုနှစ် မေလ(၃၁)ရက်နေ့ကနေဇွန်လကုန်အထိ ဗြိတိသျှနဲ့လန်ဒန်မြို့များကို သွားရောက်မှာဖြစ်တယ်လို့ သိရပါတယ်.. ဗြိတိန်နိုင်ငံ၊ဝေလပြည်နယ်မှာပြုလုပ်မယ့် အနုပညာပွဲတော်ကိုတက်ရောက်ပြီးတော့ သူ့ရဲ့ဟာသပညာရပ် တွေ့နဲ့ တင်ဆက်ဖျော်ဖြေမှာဖြစ်ပြီး နိုင်ငံရေးအကျဉ်းသားများထောက်ပံ့ရေးအတွက် ရန်ပုံငွေပွဲတွေနဲ့ ဗိုလ်ချုပ် အောင်ဆန်းရုပ်ရှင်ရိုက်ကူးရေးအတွက် ဗြိတိသျှအနုပညာရှင်များနဲ့ တွေ့ဆုံဆွေးနွေးမှုတွေ ပြုလုပ်သွားမယ်လို့ လည်းသိရပါတယ်..၂၀၁၂ ခုနှစ် ဇွန်လ(၁၉)ရက်မှာတော့ အမျိုးသားဒီမိုကရေစီအဖွဲ့ချုပ်ပါတီဥက္ကဋ္ဌ ဒေါ်အောင်ဆန်းစုကြည်ရဲ့ (၆၇)နှစ်မြောက်မွေးနေ့ပွဲကျင်းပမယ့် အောက်စဖို့စ်မြို့ကိုသွားရောက်မှာဖြစ်ပြီးတော့ ဇွန်လ(၂၁)ရက်နေ့မှာ လန်ဒန်မြို့မှာကျင်းပမယ့် ဒေါ်အောင်ဆန်းစုကြည်ရဲ့ ပါလီမန် အထက်/အောက် လွှတ်တော်မိန့်ခွန်းဟောပြောပွဲကိုလည်း သွားရောက်မယ်လို့သိရပါတယ်.. ကိုဇာဂနာရဲ့ အနုပညာတင်ဆက်မှု ကိုတော့ ဗြိတိန်ရောက် ကိုထိန်လင်းက ပူးတွဲကူညီဆောင်ရွက်ပေးမယ်လို့ ဗိုလ်ချုပ်ရုပ်ရှင် ဖြစ်မြောက်ရေးကော်မတီ အဖွဲ့ဝင်တစ်ဦးက ပြောပါတယ်…

No comments:

Post a Comment

My Blog List