ရှင်သန်ကြီးထွားလာတဲ့ ဗုဒ္ဓဂယာဘုရားဖူးလုပ်ငန်း (၂)

ဗုဒ္ဓဂယာဘုရားဖူးပို့ဆောင်ရေးလုပ်ငန်းတွေများပြားလာပေမယ့်ဝန်ဆောင်မှုအပြည့်အဝ ပေးနိုင်တဲ့လုပ်ငန်းကတော့အနည်းငယ်ပဲရှိနေသေးကြောင်းဗုဒ္ဓဂယာသို့သွားရောက်ခဲ့ကြသူများကဆိုပါတယ်။
''သေချာတွေ့ရတာပေါ့နော်။ နာမည်ကြီးတိုင်း၊ ကြော်ငြာတာကောင်းတိုင်း ဝန်ဆောင်မှု ကောင်းတယ်လို့ ပြောလို့မရဘူး။ အန်တီတို့ ကတော့ အသေအချာ လေ့လာ စုံစမ်းပြီးမှ သွားတာဆိုတော့ အခက်အခဲ မရှိခဲ့ပါဘူး''ဟု ဗုဒ္ဓဂယာကို သွားရောက်ခဲ့တဲ့ ရန်ကုန်မြို့ခံ အမျိုးသမီးကြီးတစ်ဦးက ရှင်းပြပါတယ်။

အိန္ဒိယနိုင်ငံကိုရောက်မှ အခက် အခဲတွေ၊ အဆင်မပြေမှုတွေနဲ့ ကြုံတွေ့ရတဲ့ အဖြစ်မျိုးတွေလဲ ရှိပါတယ်လို့ ဗုဒ္ဓဂယာ ဘုရားဖူးပို့ဆောင်ရေး လုပ်ငန်းအများစုက ဆိုပါတယ်။

''အခက်အခဲဆိုတာ ရှိနိုင်တာ ပေါ့။ ဒီမှာတုန်းကပြောတော့ တစ် မျိုး၊ သူများနိုင်ငံရောက်မှ လုပ်ပေး တော့ တစ်မျိုးလုပ်တာတွေရှိပါ တယ်။ တချို့ မရိုးသားတဲ့ ကုမ္ပဏီ တွေက ခရီးသည်တွေဆီက ငွေပို တောင်းတာ၊ မြန်မာကျပ်ငွေနဲ့ အိန္ဒိယ ရူးပီးငွေ လဲလှယ်ပေးတဲ့နေရာမှာ မရိုးမသားလုပ်တာ၊ ခရီးစဉ်မှာ ထည့် ပေးလိုက်တဲ့ ဧည့်လမ်းညွှန်ွကငိန တွေ မကျွမ်းကျင်တာ။ အဲဒီလိုအမျိုး မျိုး ကြုံရတာတွေလဲရှိပါတယ်''ဟု ဗုဒ္ဓဂယာ ဘုရားဖူး ပို့ဆောင်ရေးလုပ် ငန်းတစ်ခုက တာဝန်ရှိသူတစ်ဦးက ရှင်းပြပါတယ်။

ဦးမောင်မောင်အေးကလဲ -

''အတွေ့အကြုံနည်းတဲ့ ကုမ္ပဏီ တွေကျတော့ ခရီးသည်ကို ဝန် ဆောင်မှု ကောင်းကောင်းမပေးနိုင်ကြ ဘူး။ လမ်းခရီးမှာ တွေ့ကြုံရတဲ့ အခက်အခဲတွေ၊ ပြဿနာတွေကိုလဲ မဖြေရှင်းပေးနိုင်ကြဘူး။ ဥပမာ- ကားပျက်တာမျိုးပေါ့။ ယာဉ်တိမ်း မှောက်လို့ ခရီးသည် သေဆုံးခဲ့ရတဲ့ အဖြစ်မျိုးတွေလဲ ရှိခဲ့ဖူးတယ်။ နောက်ပြီး သံဝေဇနိယ လေးဌာနကို ပို့ပေးမယ်လို့ ကတိခံထားပြီး လေး နေရာစလုံးရောက်အောင် ပို့မပေးကြတဲ့ လုပ်ငန်းတွေလဲရှိတယ်။ နီပေါနိုင်ငံ ထဲမှာရှိတဲ့ ဗုဒ္ဓဖွားမြင်ရာ လုဗ္ပနီလို နေရာမျိုးဆိုရင် အချိန်တိုင်းသွားလို့ရ တာမျိုးမဟုတ်ဘူး။ နီပေါနိုင်ငံထဲမှာ ပဋိပက္ခတွေဖြစ်နေရင် လုဗ္ပနီကိုသွားဖို့ ခက်ခဲသွားတယ်။ ကားတွေ ဝင်ခွင့် မပြုတော့တဲ့အချိန်တွေလဲရှိတယ်။ အန်ကယ်တို့ကတော့ မဖြစ်ဖြစ်တဲ့ နည်းနဲ့ နီပေါနိုင်ငံထဲကို ရောက် အောင်ဝင်တာပဲ။ ဆိုက်ကားနဲ့ဖြစ်ဖြစ် ခရီးသည်တွေကို ရောက်အောင်ပို့ပြီး အချိန်မီ ပြန်ထွက်လာခဲ့တာပါပဲ။ အတတ်နိုင်ဆုံးတော့ ကြိုးစားပြီး ပို့ ပေးရတာပေါ့။ တချို့ကတော့ အဲဒီ လိုမဟုတ်ဘူး။ အခြေအနေမကောင်း ရင် မပို့တော့ဘူး''လို့ ပြောပြပါ တယ်။

ဦးကျော်ဟိန်းကလဲ-

''ဝန်ဆောင်မှုညံ့တဲ့ ကုမ္ပဏီတွေ ရှိပါတယ်။ တချို့ကုမ္ပဏီတွေ ကလဲ ငွေလဲလှယ်တဲ့ နေရာတွေမှာ မရိုးမသား လုပ်တာတွေ ရှိပါတယ်။ ကျွန်တော်တို့ကတော့ ငွေလဲတဲ့ကိစ္စ မှာ ဝင်မပါဘူး။ အိန္ဒိယရောက်မှ ငွေလဲတဲ့သူနဲ့ ချိတ်ဆက်ပေးပါတယ်။ ကျေနပ်ရင်လဲ၊ မကျေနပ်ရင် မလဲနဲ့ပေါ့။ ခရီးသည်သဘောပါပဲ။ မှန်မှန်ကန်ကန်လဲပေးတဲ့ နေရာတွေ ကိုတော့ ပို့ပေးပါတယ်။ အကယ်၍ ခရီးသည်က မြန်မာပြည် ပြန်ရောက် လာလို့ သူ့လက်ထဲမှာ အိန္ဒိယ ရူးပီး ငွေတွေပါလာရင်လဲ ပေါက်ဈေးနဲ့ ပြန်ဝယ်ပေးပါတယ်။ ခရီးသည်ကို မြန်မာငွေပေးလိုက်တာပေါ့''လို့ ရှင်း ပြပါတယ်။

''ခရီးသည်ရဲ့ ကျန်းမာရေးကိုတော့ ကျွန်တော်တို့က အထူး ဂရု စိုက်ပေးပါတယ်။ အိန္ဒိယရောက်မှ မကျန်းမာရင်လဲ ဆေးရုံ၊ ဆေးခန်းတွေကို ပို့ပေးပါတယ်။ ခရီးသည်ရဲ့ ကျန်းမာရေးလောက် အရေးကြီးတာ ဘာမှမရှိဘူးလို့ ကျွန်တော်တို့က ခံယူထားပါတယ်'' လို့လဲ ဦးကျော်ဟိန်းက ဆိုပါတယ်။

ဗုဒ္ဓဂယာဘုရားဖူးခရီးစဉ်မှာ ကျန်းမာရေး စောင့်ရှောက်မှုနဲ့ပတ် သက်ပြီး ခရီးသည်အများစုက စိုးရိမ် ပူပန်မှုရှိကြကြောင်း သိရပါတယ်။

''အသက်ကြီးနေပေမယ့် ဘုရားပွင့်တဲ့ နေရာဆိုတော့ အရောက် သွားချင်တာပေါ့။ တစ်ခုခုဖြစ်သွားမှာ လဲ စိုးရိမ်ပါတယ်။ နောက်ဆုံး မတော်တဆ သေသွားရင်တောင် ကိုယ့်တိုင်းပြည်မှာပဲ ကိုယ်သေချင် တာဆိုတော့ မသွားခင် ကတည်းက ပို့ပေးမယ့် ကုမ္ပဏီရဲ့ ကျန်းမာရေး စောင့်ရှောက်မှုကို အသေအချာစုံစမ်း နေရတာပေါ့''လို့ ဗုဒ္ဓဂယာကို သွား ဖို့ စီစဉ်နေတဲ့ အသက် ၆၅ နှစ် အရွယ် အငြိမ်းစား အမျိုးသမီးဝန် ထမ်းတစ်ဦးက ပြောပြပါတယ်။

''မောင်နှမတွေရဲ့ ချွေးနည်းစာကိုစုပြီး အဖေ့ကို ဗုဒ္ဓဂယာ ပို့ပေး တာပါ။ အသက် ၂ဝ လောက်ရှိတဲ့ မောင်လေး အငယ်ပါတယ်ဆိုပေမယ့် သိပ်တော့ စိတ်မချဘူး။ အဓိက က တော့ ကျန်းမာရေးပေါ့။ ဒါကြောင့် ပို့ပေးမယ့် ကုမ္ပဏီရဲ့ ကျန်းမာရေး စောင့်ရှောက်မှုကို အသေအချာ စုံစမ်း ပြီးမှ အဖေနဲ့ မောင်လေးကို ဗုဒ္ဓဂ ယာကိုပို့ပေးခဲ့တာပါ''လို့ အသက် ၂၉ နှစ်အရွယ် ကုမ္ပဏီ ဝန်ထမ်း အမျိုးသမီး တစ်ဦးက ပြောပြပါ တယ်။

ဗုဒ္ဓဂယာကို ဘုရားဖူးသွားရင်း နှလုံးရောဂါကြောင့် လေယာဉ်ပေါ်မှာတင် သေဆုံးခဲ့ရတဲ့ ဖြစ်စဉ်တွေလဲ ရှိခဲ့ဖူးတာကြောင့် ခရီးသည်တွေက ကျန်းမာရေး စောင့်ရှောက်မှုကို အထူး အလေးထား ကြတာဖြစ်တယ်လို့လဲ ခရီးသွားကုမ္ပဏီ အများစုက ပြောဆိုပါတယ်။

''တချို့ကုမ္ပဏီတွေက ကျန်း မာရေး စောင့်ရှောက်မှု အားနည်းတာ တွေရှိပါတယ်။ ခရီးစဉ်မှာ ခရီးသည် တစ်ယောက်ယောက် တစ်ခုခုဖြစ်ရင် ဒီအတိုင်း ပစ်ထားခဲ့တာတွေလဲ ရှိ တယ်။ တချို့ဆိုရင် အိန္ဒိယမှာတင် ဒီအတိုင်းထားခဲ့တာ။ ကုမ္ပဏီဘက်ကတော့ ခရီးသည်မလိုက်နိုင်တော့ လို့ ထားခဲ့ရတာလို့ အကြောင်းပြတာပေါ့။ အဲဒီလို လူနာတွေကို အိန္ဒိယ မှာရှိနေတဲ့ မြန်မာဘုန်းကြီး တွေက ပြုစုစောင့်ရှောက်ပေးပြီး နေ ကောင်းမှ မြန်မာပြည်ပြန်ပို့ပေးခဲ့ရတဲ့ ဖြစ်စဉ်တွေလဲ ရှိတယ်လို့ အိန္ဒိယနိုင်ငံ က မြန်မာ ဘုန်းတော်ကြီး ကျောင်း တစ်ကျောင်းမှာ ရောက်ရှိနေတဲ့ မြန် မာအမျိုးသား တစ်ဦးက ပြောပြပါ တယ်။

ခရီးသည် အမျိုးသမီးတစ်ဦး ကတော့ -

''ကျွန်မတို့ကို ပို့ပေးတဲ့ ကုမ္ပဏီ ကတော့ ကျန်းမာရေး ကိစ္စနဲ့ ပတ် သက်ပြီး ဝန်ဆောင်မှုပေးတာ၊ တော်တော်လေး ညံ့တယ်။ ခရီးစဉ်မှာ ပါလာတဲ့ ခရီးသည်တစ်ယောက် အစာအိမ်ရောဂါဖြစ်လို့ ဗိုက်အောင့်တာကို ဆေးရုံ၊ ဆေးခန်းကို ချက်ချင်း ပို့ဖို့မစီစဉ်ပေးနိုင်ဘူး။ သတ် မှတ်ထားတဲ့ ခရီးစဉ်ကို အဲဒီလူနာ ကိုပါခေါ်ပြီး ရောက်အောင်သွား တယ်။ ပြီးမှ ဆေးခန်းကိုပို့ပေး တယ်။ ပို့ပေးတဲ့ ဆေးခန်းကလဲ တကယ့် စုတ်တီး စုတ်ပြတ်ဆေးခန်း လေ။ တခြားခရီးသည်တွေ ဝိုင်းပြော မှ ဆေးရုံကြီးတစ်ခုကို ပို့ပေးတယ်။ ဒါတောင် မပို့ချင် ပို့ချင်နဲ့ ပို့ပေးတာ။ ဒီလိုအခက်အခဲတွေ ကြုံလာရင် ဘယ်လိုဆောင်ရွက်ရမယ်ဆိုတာကို ကြိုတင်စီစဉ်ထားတာ မရှိဘူး။ တကယ်တမ်း ထိခိုက်တော့ ခရီး သည်ပဲ ထိခိုက်ရတာ''လို့ သူ့ရဲ့ အတွေ့အကြုံကို ပြောပြပါတယ်။

ကျန်းမာရေး စောင့်ရှောက်မှု ညံ့ ဖျင်းတာနဲ့အတူ တခြားစိတ်အနှောင့် အယှက်ဖြစ်စရာတွေနဲ့လဲ ကြုံရနိုင် တယ်လို့ဗုဒ္ဓဂယာကို ရောက်ရှိခဲ့သူ တချို့က ဆိုပါတယ်။

ဗုဒ္ဓဂယာက မြန်မာဘုန်းတော် ကြီး ကျောင်းတွေမှာ ခရီးသည်တွေ ပြည့်နေလို့ အပြင်မှာရှိတဲ့ ညစ်ပတ် နေတဲ့ ကုလားတည်းခိုခန်းတွေမှာ တည်းခိုခဲ့ရတာ။ ဘုန်းတော်ကြီး ကျောင်းတွေမှာ ထမင်းစားဖို့ အလု အယက် တိုးဝှေ့နေရတာ၊ ခရီးစဉ် မှာ ဘုရားတောင် ဦးမချရသေးဘူး၊ ကားပေါ်တက်ဖို့ အသံချဲ့စက်နဲ့ တရစပ်အော်ပြောတာ၊ ပါလာတဲ့ Guide တွေ မကျွမ်းကျင်လို့ ဒေသန္တရ ဗဟု သုတမသိခဲ့ရတာ စတဲ့ မရေမတွက် နိုင်တဲ့ အခက်အခဲ အကျပ်အတည်း မျိုးစုံကိုလဲ ကြုံရနိုင်တယ်လို့ ခရီး သည်အချို့က ပြောပြပါတယ်။

အခက်အခဲ အကျပ်အတည်း တွေ၊ အဆင်မပြေမှုတွေနဲ့ ကြုံရ တယ်ဆိုတဲ့နေရာမှာ ခရီးသည်တွေ ရဲ့ နားလည်ပေးမှု မရှိတာကလဲ အကြောင်းရင်း တစ်ရပ်အဖြစ် ပါဝင် တယ်လို့ ဦးမောင်မောင်အေးက သုံးသပ်ပြောဆိုပါတယ်။

''ဗုဒ္ဓဂယာကို ပိုက်ဆံရှိတဲ့ သူ ဌေး တွေက အများဆုံးသွားကြတာ ပါ။ တချို့ကျတော့လဲ အိမ်သာဆိုရင် ဗိုလ်ထိုင်မှ တက်ချင်ကြတာလဲ ရှိ တယ်။ ဆိုတော့ကျွန်တော်တို့က ဘယ်လိုလုပ်ပြီး တတ်နိုင်မှာလဲဗျာ။ ကျွန်တော်တို့လဲ တတ်နိုင်သလောက် တော့ ဝန်ဆောင်မှု ပေးကြတာပါပဲ။ ခရီးသွားတာဆိုတော့ အခက်အခဲ ရှိနိုင်တာပေါ့။ ခရီးသွားကုမ္ပဏီ အများစုကတော့ နာမည်မပျက်အောင် အကောင်းဆုံး ဝန်ဆောင်မှု ပေးနိုင် အောင်ကြိုးစားကြတာချည်းပါပဲ။ စုန်းပြူးတချို့ရှိကောင်း ရှိနိုင်ပေမယ့် အများစုကတော့ အကောင်းဆုံးဖြစ် အောင် စီစဉ်ဆောင်ရွက်ပေးကြပါ တယ်''လို့ ရှင်းပြပါတယ်။

ဒေါ်သီတာကတော့ -

ခရီးသည်များများရဖို့ပဲ အဓိ ကထား လုပ်ဆောင်လာကြတဲ့အခါ ဝန်ဆောင်မှုအပိုင်းမှာ အားနည်းချက် အချို့ရှိကောင်းရှိလာနိုင်တယ်လို့ သုံး သပ်ပါတယ်။

ဦးကျော်ဟိန်းကလဲ-

ခရီးသည်များများကို ခပ်စိပ်စိပ် ပို့မယ်ဆိုရင်တော့ ဝန်ဆောင်မှု အပိုင်း မှာ အားနည်းချက်ရှိလာနိုင်တယ်လို့ ဆိုပါတယ်။

ဆိုးရွားညံ့ဖျင်းတဲ့ ဝန်ဆောင်မှု တွေကို တွေ့ကြုံခံစားခဲ့ရရင်တော့ ပို့ ပေးတဲ့ ကုမ္ပဏီကို သက်ဆိုင်ရာ ဌာနတွေမှာ တိုင်ကြားလို့ရတယ်လို့ လဲ သိရပါတယ်။

''ဝန်ဆောင်မှုညံ့ဖျင်းတဲ့ ကုမ္ပဏီ တွေကို ခရီးသည်တွေကတိုင်ကြ တယ်။ သာသနာရေးဝန်ကြီးဌာနတို့၊ ဟိုတယ်နဲ့ခရီးသွားလုပ်ငန်းတို့ကို တိုင်ကြတာ။ တိုင်စာတွေမှ ထပ်နေ တာပဲ။ ကျွန်တော်တို့ ကုမ္ပဏီတောင် ပါသေးတယ်''လို့ ခရီးသွားကုမ္ပဏီ တစ်ခုမှ တာဝန်ရှိသူတစ်ဦးက ပြောပြပါတယ်။

''မကျေနပ်ရင် တိုင်လို့ရတယ်။ တိုင်လဲ တိုင်နေကြတာပဲ။ သက် ဆိုင်ရာကတော့ အဆင့်ဆင့် အရေး ယူတယ်လို့ သိရပါတယ်။ ခရီးသည် က တိုင်လို့ ဖျက်သိမ်းရတဲ့ ကုမ္ပဏီ ဆိုတာကတော့ ကျွန်တော်သိရ သလောက် အခုအချိန်အထိ တစ်ခုမှ မရှိသေးဘူးလို့ ဦးကျော်ဟိန်းက ဆိုပါတယ်။

ဒေါ်သီတာကလဲ-

''မကျေနပ်ရင်တော့ တိုင်ကြ မှာပေါ့။ ဒါက ခရီးသည်ရဲ့ အခွင့် အရေးပဲလေ။ အတိုင်မခံချင်ရင်တော့ ဝန်ဆောင်မှုကိုကောင်းကောင်း လုပ် ပေးဖို့ပဲရှိတယ်'' လို့ သုံးသပ်ပါ တယ်။

အငြိမ်းစားအမျိုးသား ဝန်ထမ်း တစ်ဦးကလဲ-

''ဗုဒ္ဓဂယာကို တစ်ခေါက်ရောက် ဖို့ဆိုတာ လွယ်တဲ့ကိစ္စမဟုတ်ဘူး။ ငွေရှိရင်တောင် ကျန်းမာရေး ကောင်း ဦးမှ။ ငွေ ဆယ်သိန်း၊ ၁၅ သိန်း ဆိုတာကလဲ ရှိတဲ့သူတွေအတွက် အကြောင်း မဟုတ်ပေမယ့် မရှိတဲ့ သူ တွေအတွက်တော့ ဝန်ထုပ်ဝန်ပိုး တစ်ခုပဲ။ တချို့ဆိုရင် ကိုယ့်မိဘကို ဗုဒ္ဓဂယာရောက်စေချင်လွန်းလို့ ခြိုးခြံ ချွေတာပြီး ပို့ကြရတာဆိုတော့ ခရီး သွားကုမ္ပဏီတွေအနေနဲ့ ဝန်ဆောင်မှု ကို အကောင်းဆုံးဖြစ်အောင် ဆောင် ရွက်ပေးသင့်တယ်။ ငွေရဖို့ တစ်ခု တည်းကို မကြည့်သင့်ဘူး။ အတိုင် ခံရတာများတဲ့ ကုမ္ပဏီကိုလဲ ထိထိ ရောက်ရောက် အရေးယူသင့်တယ်။ လိုင်စင်ပါ ပိတ်ပစ်သင့်တယ်''လို့ အကြံပေးပြောဆိုပါတယ်။

ဒေါ်သီတာကလဲ -

''နယ်က ဦပဉ္စင်း လေးတစ်ပါး က သူ့မှာ စုထားတဲ့ငွေလေးနဲ့ သူ့ အဖေကို ဗုဒ္ဓဂယာပို့ချင်လို့ ဆိုပြီး အန် တီ့ဆီကို ဆက်သွယ်လာတယ်။ ဝန် ဆောင်မှု မကောင်းတဲ့ ကုမ္ပဏီ တွေရှိ တယ်လို့ သိရလို့ သေချာဂရုစိုက် ပေးဖို့မှာတယ်။ အန်တီလဲ အကောင်း ဆုံးဖြစ်အောင် စီစဉ်ပို့ဆောင်ပေးခဲ့ပါ တယ်။ ဒီအဖြစ်အပျက်ကိုကြည့်ပြီး ဗုဒ္ဓဂယာကိုသွားမယ့် ဘုရားဖူး ခရီး သည်တွေရဲ့ စိတ်ထဲမှာ ဝန်ဆောင် မှုမကောင်းတဲ့ ကုမ္ပဏီတွေနဲ့ ဆုံရ မှာကိုတွေးပြီး ကြောက်နေကြတယ် ဆိုတာ သိသာထင်ရှားပါတယ်''လို့ ပြောပြပါတယ်။

ရေခြား၊ မြေခြားအပြင် ငွေကုန် ကြေးကျလဲ များတဲ့ ဗုဒ္ဓဂယာ ဘုရား ဖူးခရီးစဉ်ကို စိတ်ချမ်းမြေ့စွာ သွား လာနိုင်ဖို့ ဘယ်လိုဆောင်ရွက်သင့်ပါ သလဲလို့ ဦးကျော်ဟိန်းကို မေး ကြည့် တော့ -

''အကောင်းဆုံးကတော့ ကိုယ် သွားမယ့် ခရီးသွား ကုမ္ပဏီရဲ့ အကြောင်းကို အတတ်နိုင်ဆုံး နှံ့နှံ့ စပ်စပ်လေ့လာဖို့ ပဲဗျ။ သေချာ အချိန် ယူပြီးတော့ကို စနစ်တကျ လေ့လာ ရမယ်။ လေ့လာပြီးလို့ စိတ်တိုင်းကျ ပြီဆိုရင်တောင် သူတို့ကုမ္ပဏီကို သွားပြီး ကိုယ်လိုချင်တာ ဖြစ်ချင်တာ သူ တို့ဘက်က ဆောင်ရွက်ပေးနိုင်တာ တွေကို အသေအချာ ညှိနှိုင်းရမယ်။ နှစ်ဦးနှစ်ဘက် သဘောတူရင် အဲဒီ သဘောတူညီချက်တွေကို စာရွက် ပေါ်မှာချရေးပြီး နှစ်ဘက်လက်မှတ် ထိုးရမယ်။

စာချုပ်မဟုတ်ရင်တောင် စနစ် တကျ စီစဉ်ဆောင်ရွက်ထားတဲ့စာ ရွက်ပေါ်က သဘောတူညီချက်မျိုး ဖြစ်ရမယ်။ အဲဒီလို သဘောတူညီ ချက်တွေရပြီးမှ သွားရင်တော့ အဆင် မပြေမှုတွေ နည်းနိုင်တယ်'' လို့ ပြော ပြပါတယ်။

ဦးမောင်မောင်အေးကတော့ -

''အတွေ့အကြုံရှိပြီး နာမည် ပျက်မရှိတဲ့ ကုမ္ပဏီတွေနဲ့ သွားသင့် တယ်လို့ အကြုံပြုလိုပါတယ်''

ဒေါ်ကေသီအောင်ကတော့ -

''စိတ်ချ ယုံကြည်ရပြီး ဝန် ဆောင်မှု ကောင်းတဲ့ကုမ္ပဏီကို ရွေး ချယ်စေချင်ပါတယ်။ ဈေးကြီးမှ ဝန်ဆောင်မှု ကောင်းတာ မဟုတ်သလို ဈေးသက်သာတိုင်းလဲ ဝန်ဆောင်မှု မညံ့ဘူးဆိုတာ မသွားခင်ခရီးစဉ် ကို စုံစမ်းကြည့်တဲ့အခါမှာ သိရှိနိုင်မှာဖြစ် ပါတယ်'' လို့ ဆိုပါတာယ်။

ဦးကျော်ဟိန်းနဲ့ ဒေါ်သီတာတို့ ကတော့ -

''ခရီးသည် နည်းနည်းနဲ့ အခေါက်ရေကျဲကျဲ ပို့ဆောင်ပေးတဲ့ ကုမ္ပဏီတွေကိုရွေးချယ်မှသာ ကောင်း မွန်တဲ့ဝန်ဆောင်မှုကို ရရှိနိုင်မှာဖြစ် တယ်''လို့အကြံပြုပြော ဆိုပါတယ်။
လက်ရှိအိန္ဒိယနိုင်ငံက မြန်မာ ဘုန်းတော်ကြီးကျောင်းတစ်ကျောင်း မှာ သီတင်းသုံးနေထိုင်နေတဲ့ မြန်မာ ဆရာတော် တစ်ပါးရဲ့ ဗုဒ္ဓဂယာကို သွားရောက်ကြမယ့် မြန်မာနိုင်ငံသား တွေအတွက် အကြံပြုပြောဆိုပုံက အများနဲ့မတူတစ်မူထူးခြားနေပါတယ်။

ဆရာတော်က -

''ကိုယ့်ဘာသာသွားတာ အကောင်းဆုံးပဲ။ ဘယ်ခရီးသွား ကုမ္ပဏီကိုမှ အားမကိုးနဲ့။ ကိုယ့်အား ကိုယ်ကိုး။ ကိုယ့်ဘာသာ သွား။ နီး စပ်ရာ မိတ်ဆွေ ခြောက်ယောက် ခုနစ် ယောက်လောက်စုပြီးသွား။ ဗီဇာ လုပ်တာ၊ ပတ်စ်ပို့လုပ်တာ ဘာမှ မခက်ဘူး။ အခုဆို ပိုတောင် မြန်သေး တယ်။ လေယာဉ်လက်မှတ်ပဲ နည်း နည်းခက်မှာ။ ကိုယ့်အစီအစဉ်နဲ့ကိုယ် သွားရင် ငွေကုန်ကြေးကျပိုပြီး သက် သာသလို စိတ်အေးချမ်းသာစွာနဲ့လဲ ဘုရားဖူးလို့ရတယ်။ အေဂျင်စီတွေနဲ့ သွားရင်တော့ သူတို့ စည်းကမ်းကို လိုက်နာရမှာပဲ။ သူတို့ ဘက်မှာလဲ အပြစ်မရှိဘူး။ လူအများနဲ့ဆိုတော့ ဒီလိုလုပ်မှပဲဖြစ်မှာ။ အဓိက အရေး ကြီးတာကတော့ အိန္ဒိယမှာ Guide လုပ်ပေးနိုင်မယ့် ပုဂ္ဂိုလ်နဲ့အဆက် အသွယ်ရဖို့ပဲ။ ဒါကလဲ ဘာမှ ခက်ခဲတဲ့ ကိစ္စမဟုတ်ဘူး။ အိန္ဒိယ ရောက်နေတဲ့ လူတွေရော၊ ရဟန်း တွေရော အများကြီးရှိနေပြီ။ သူတို့နဲ့ ဆက်သွယ်ပြီး ကိုယ့်အစီအစဉ်နဲ့ ကိုယ်သွားကြမယ်ဆိုရင် အေဂျင်စီ တွေကို ပေးရမယ့် ငွေကြေးထက် နှစ်သိန်း၊ သုံးသိန်းသက်သာမယ်။ စိတ်ချမ်းသာမှုလဲရမယ်။ ရောက်တဲ့ နေရာမှာ ဘုရားဖူးမှာလား၊ တရား ထိုင်မှာလား။ ကြိုက်တာလုပ်လို့ ရတယ်။ တစ်နေရာရာမှာ အကြာ ကြီးနေလို့ရတယ်။ အေဂျင်စီတွေနဲ့ သွားရင်တော့ ဒီလို အခွင့်အရေးမျိုး မရနိုင်ဘူး။ ဒီလိုပြောရတာကလဲ ခရီး သွားကုမ္ပဏီတွေကို ထိခိုက်နစ်နာ အောင်ပြောတာ မဟုတ်ဘူး။ ဗုဒ္ဓ ဂယာမှာ စိတ်အေးချမ်းသာစွာ ဘုရား ဖူးလို့ရအောင်ပြောပြရတာ ဘုရား ဖူးပို့ဆောင်ပေးတဲ့ ကုမ္ပဏီတွေမှာလဲ အားသာချက်တွေအများကြီး ရှိနိုင် တာပါပဲ။ ဗုဒ္ဓဂယာကို လာကြတဲ့ သူ တွေထဲမှာ မြန်မာတွေက အများဆုံး မဟုတ်ဘူး။ ထိုင်းတို့၊ တရုတ်တို့၊ ဗီယက်နမ်တို့၊ သီရိလင်္ကာတို့၊ ဂျပန် တို့၊ ကိုရီးယားတို့လဲလာကြတယ်။ သူတို့တွေက ကိုယ့်အစီအစဉ်နဲ့ကိုယ် လာကြတာများတယ်။ သူတို့တောင် ကိုယ့်အစီအစဉ်နဲ့ ကိုယ် ဗုဒ္ဓဂယာကို လာနိုင်သေးရင် မြန်မာတွေက ဘာလို့ မလာနိုင်ရမှာလဲ။ အသက်ငယ်ငယ် ရွယ်ရွယ်နဲ့ ကမ္ဘာပတ်နေတဲ့ Tourist တွေလဲအများကြီးပဲ။ တချို့ဆို တစ်ယောက်ထဲ ကမ္ဘာပတ်နေကြ တာဆိုတော့ ကိုယ့်အစီအစဉ်နဲ့ ကိုယ် လာရင်လဲ ဖြစ်တယ်ဆိုတာကို မြန်မာတွေကို သိစေချင်ပါတယ်။ ပိုပြီး အဆင်ပြေချင်တယ်ဆိုရင်တော့ Internet ထဲမှာရှိတဲ့ ဗုဒ္ဓဂယာခရီးစဉ်နဲ့ ပတ်သက်တဲ့ Website တွေ၊ Bolg တွေကို လေ့လာသင့် တယ်။ ပြီးတော့ ဗုဒ္ဓဂယာသွားဖို့ အကောင်း ဆုံးအချိန်က မိုးရာသီပဲ။ ဗုဒ္ဓဂယာမှာ မိုးရွာ တယ်ဆိုရင် ဗွက်ပေါက်လောက်အောင် မရွာ ဘူး။ သွားလို့ လာလို့ အဆင်ပြေတယ်။ ရွာတယ်ဆိုရုံလေး ရွာတာ။ အညာမှာ ရွာသ လိုမျိုးရွာတာ။ နောက်တစ်ခုက မိုးရာသီဆို ရင် ဗုဒ္ဓဂယာမှာ ရှိတဲ့ မြန်မာဘုန်းတော်ကြီး ကျောင်းတွေမှာ တည်းတဲ့သူ နည်းသွားလို့ စိတ်အေးချမ်းသာစွာ တည်းခိုလို့ရတယ်။ အဲဒီ အချိန်ဆိုရင် လေယာဉ်လက်မှတ်ကလဲ အခက် အခဲမရှိတော့ဘူး'' လို့ အကြံပြု မိန့်ဆိုပါ တယ်။

အနာဂတ်ကာလမှာလဲ ဗုဒ္ဓဂယာကို သွားကြမယ့် မြန်မာခရီးသည်တွေ များပြားလာ နိုင်မှာဖြစ်ပေမယ့် လေယာဉ် အခက်အခဲရှိနေ တာကတော့ ခရီးသည်ရော၊ ခရီးသွားကုမ္ပဏီ တွေအတွက်ပါ စိတ်အနှောင့်အယှက် ဖြစ်စရာ ကိစ္စတစ်ခုအဖြစ် တည်ရှိနေပါသေးတယ်။

ဦးကျော်ဟိန်းက -

''လေယာဉ်လက်မှတ် အခက်အခဲရှိသလို၊ အိန္ဒိယ လေဆိပ်ရောက်ရင် ပေးရမယ့် စာရွက်စာတမ်းတွေကို လေယာဉ်ပေါ်မှာ မဝေဘဲ လေဆိပ်ရောက်မှ ငွေပေးပြီး ဝယ်နေရတာ ကလဲ ခရီးသည်တွေအတွက်ရော၊ ခရီးသွား ကုမ္ပဏီတွေအတွက်ပါ စိတ်အနှောင့်အယှက် ဖြစ်စရာကိစ္စရပ်တစ်ခုအဖြစ် တည်ရှိနေပါသေးတယ်။ ဒီကိစ္စကို သက်ဆိုင်ရာက အဆင်ပြေ အောင် ဆောင်ရွက်ပေးစေချင်ပါ တယ်''လို့ ဆိုပါတယ်။

အခက်အခဲအချို့ ရှိနေပေမယ့် လဲ ဗုဒ္ဓဂယာကို သွားရောက်ကြတဲ့ မြန်မာခရီးသည်အရေအတွက်က တော့ တစ်နေ့တခြား ပိုမိုများပြားလာ နေတယ်လို့ ခရီးသွားကုမ္ပဏီတွေက တညီ တညွတ်တည်း ပြောဆိုခဲ့ကြပါ ကြောင်း ရေးသား တင်ပြလိုက်ရပါတယ်။

ဈေးကွက်ဂျာနယ် http://www.zaygwet.com မှာ ဖော်ပြခဲ့တဲ့ ဆောင်းပါးကို ကူးယူ ဖော်ပြခြင်း ဖြစ်ပါတယ်။

ဓာတ်ပုံတွေကိုတော့ ဇာနည်မာန် ရေးသားတဲ့ သံဝေဇနိယ လေးဌာနနဲ့ သံဝေဂ ရစရာများ ဆောင်းပါးကနေ ယူပါတယ်။

ဧရာဝတီ(Blog)