(ဓာတ်ပုံများ - U.S. Embassy Rangoon)
နိုင်ငံရေးအကျဉ်းသားလို့ဆိုကြတဲ့အကျဉ်းသားစာရင်းတွေရရှိထားပါတယ်။ဇန်နဝါရီလမှာပေးခဲ့တဲ့လွတ်ငြိမ်းချမ်းသာခွင့်အပြီးမှာဒီစာရင်းတွေမှာပါဝင်တဲ့သူအတော်များများလွတ်မြောက်ခဲ့ပြီးဖြစ်ပါတယ်။ ဒီစာရင်းတွေထဲက လူတချို့တော့ ကျန်နေပါသေးတယ်။ အဲဒီစာရင်းတွေကို သေချာစုံစမ်းစစ်ဆေး ပြီးတဲ့အခါမှာ သူတို့ဟာ လူသတ်မှု၊ အဓမ္မပြုကျင့်မှု ဒါမှမဟုတ် အကြမ်းဖက်လုပ်ရပ်တွေနဲ့ ပတ်သက်နေမှု စတဲ့ ရာဇဝတ်မှုတွေကို ကျူးလွန်ခဲ့တဲ့ အကျဉ်းသားတွေဖြစ်ကြောင်း တွေ့ရပါတယ်။ (ဦးဝဏ္ဏမောင်လွင်)
... ဦးသန်းဆွေကို ... သံအမတ်ကြီးအဖြစ် ခန့်အပ်သွားမှာဖြစ်ပါတယ်။ သူဟာ လက်ရှိ နယူးယောက်မြို့ ကုလသမဂ္ဂမှာ မြန်မာနိုင်ငံရဲ့ အမြဲတမ်းကိုယ်စားလှယ်အဖြစ် တာဝန်ထမ်းဆောင်နေပါတယ် ...(ဦးဝဏ္ဏမောင်လွင်)
ဒဲရက်မစ်ချယ်လ်ကို မြန်မာနိုင်ငံဆိုင်ရာ သံအမတ်သစ်အဖြစ် အမည်တင်သွင်းလိုက်ကြောင်း ကြေညာအပ်ပါတယ်။ (မစ္စစ် ကလင်တန်)
လက်နက်တင်ပို့ရောင်းချခြင်း ပိတ်ပင်ထားတာကိုတော့ ကျွန်မတို့ ဆက်ပြီးထားရှိသွားပါမယ်။ အကြောင်းကတော့ ဖြစ်ထွန်းနေတဲ့ ပြုပြင်ပြောင်းလဲမှုတွေထဲမှာ လက်နက်ကိုင်တပ်ဖွဲ့တွေဟာ အရပ်သားထိန်းချုပ်မှုအောက် ရောက်ရှိသွားတာကို ကျွန်မတို့ မြင်တွေ့ချင်လို့ပဲ ဖြစ်ပါတယ်။ (မစ္စစ် ကလင်တန်)
အမေရိကန်စီးပွားရေးလုပ်ငန်းရှင်တွေ မြန်မာနိုင်ငံမှာရင်းနှီးမြှုပ်နှံမှုပြုဖို့ ကျွန်မတို့ စိတ်အားထက်သန်စွာ တိုက်တွန်းနေပါတယ်။ (မစ္စစ် ကလင်တန်)
အမေရိကန်စီးပွားရေးလုပ်ငန်းတွေ ရင်းနှီးမြှုပ်နှံနိုင်ဖို့၊ နိုင်ငံသားတွေ နိုင်ငံတကာ အကြွေးဝယ်ကတ် ဈေးကွက်ထဲဝင်နိုင်ဖို့နဲ့ ဒေါ်လာအခြေပြု ငွေလွှဲလုပ်ငန်းများ လုပ်ဆောင်နိုင်ဖို့တို့အတွက် အမေရိကန်ပြည်ထောင်စုက အထွေထွေလိုင်စင်တစ်ရပ် ထုတ်ပေးမှာဖြစ်ပါတယ်။ (မစ္စစ် ကလင်တန်)
သမ္မတ ဦးသိန်းစိန်က မြောက်ကိုရီးယားနဲ့ စစ်ရေးဆက်ဆံမှုတွေကို ရပ်ဆိုင်းပါတော့မယ်လို့ပြောတဲ့အကြောင်း ကြားသိရလို့ ကျွန်မအားတက်မိပါတယ်။ (မစ္စစ် ကလင်တန်)
မေ ၁၇ ရက်နေ့ မြန်မာ နဲ့ အမေရိကန် နိုင်ငံခြားရေးဝန်ကြီး ၂ ယောက်ရဲ့ ပြောဆိုချက်တွေကို ဒီကနေ့ မြန်မာသတင်းစာများမှာ အခုလို တွေ့ရပါတယ်။
အမေရိကန် နိုင်ငံခြားရေးဝန်ကြီး မစ္စစ် ကလင်တန်၏ ဖိတ်ကြားချက်အရ အမေရိကန်နိုင်ငံသို့ တရားဝင်ခရီး ရောက်ရှိနေသည့် နိုင်ငံခြားရေးဝန်ကြီး ဌာန ပြည်ထောင်စုဝန်ကြီး ဦးဝဏ္ဏမောင်လွင်သည် မေ ၁၇ ရက် မွန်းလွဲပိုင်းတွင် မစ္စစ်ကလင်တန်နှင့် ၎င်း၏ရုံးခန်း၌ သွားရောက်တွေ့ဆုံ ဆွေးနွေးခဲ့သည်။
ထိုသို့တွေ့ဆုံရာတွင် ပြည်ထောင်စုဝန်ကြီးက လွန်ခဲ့သော တစ်နှစ်တာကာလအတွင်း နှစ်နိုင်ငံ ပုံမှန်ဆက်ဆံရေး ပြန်လည်ထူထောင်နိုင်ရေးအတွက် မြန်မာဘက်မှ ဆောင်ရွက်ချက်များ၊ မြန်မာနိုင်ငံ ဒီမိုကရေစီ ပြုပြင်ပြောင်းလဲရေးနှင့် အမျိုးသားစည်းလုံး ညီညွတ်မှုပြန်လည်တည်ဆောက်ရေးတို့နှင့် ပတ်သက်၍ အကောင်အထည်ဖော်ဆောင်ရွက်မှုများကို ရှင်းလင်းပြောကြားခဲ့သည်။ အမေရိကန်အနေဖြင့် မြန်မာနိုင်ငံအပေါ် ချမှတ်ထားသည့် အရေးယူပိတ်ဆို့မှုများ အလုံးစုံပယ်ဖျက်ရေးနှင့် ကုလသမဂ္ဂအထွေထွေညီလာခံ နှင့် လူ့အခွင့်အရေးကော်မရှင်တို့တွင် မြန်မာနိုင်ငံနှင့် စပ်လျဉ်း၍ တစ်ဖက်သတ်ချမှတ်ထားသည့် လူ့အခွင့် အရေးဆိုင်ရာ အဆိုမူကြမ်းများ ဆက်လက်တင်သွင်းနေခြင်းအပေါ် ရပ်ဆိုင်းပေးရန်လည်း ထည့်သွင်းပြောကြားခဲ့သည်။
မစ္စစ် ကလင်တန်က ပြောကြားရာတွင် ယခု ခရီးစဉ်သည် နှစ်နိုင်ငံဆက်ဆံရေး တိုးမြှင့်ရေးအတွက် မိမိတို့၏ သန္နိဋ္ဌာန်ချမှတ်မှုများကို ထပ်လောင်း အတည်ပြုသည့် သမိုင်းဝင်ခရီးစဉ်ဖြစ်ပါကြောင်း၊ မိမိတို့အနေဖြင့် မြန်မာနိုင်ငံ၌ အမေရိကန်စီးပွားရေး လုပ်ငန်းများ ဝင်ရောက်လုပ်ကိုင်နိုင်ရေး၊ ကုန်သွယ်မှု ငွေပေးငွေယူရှင်းတမ်းများ ပြုလုပ်နိုင်ရေး၊ အပြည်ပြည်ဆိုင်ရာ ဘဏ္ဍာရေးအဖွဲ့အစည်းများမှ ငွေကြေးများ
ချေးယူနိုင်ရေးအတွက် လမ်းဖွင့်ပေးနိုင်ရန် မြန်မာနိုင်ငံအပေါ် သတ်မှတ်ထားသည့် ငွေကြေးဆိုင်ရာ ပိတ်ဆို့ ကန့်သတ်မှုများကို ဆိုင်းငံ့သည့် အမိန့်တစ်ရပ်အား သမ္မတ အိုဘားမားမှ ထုတ်ပြန်ပေးမည်ဖြစ်ကြောင်း၊
ထိုအမိန့်အရ မြန်မာနိုင်ငံ၌ ရေနံနှင့်သဘာဝဓာတ်ငွေ့၊ သတ္တု စသည့် ကဏ္ဍများအပါအဝင် စီးပွားရေးလုပ်ငန်းကြီးများတွင် အမေရိကန် စီးပွားရေးလုပ်ငန်းရှင်များမှ ရင်းနှီးမြှုပ်နှံမှုပြုလုပ်နိုင်ရန် ကင်းလွတ်ခွင့်ပြုနိုင်သည့် အခွင့်အာဏာကို နိုင်ငံခြားရေးဝန်ကြီးအား ပေးအပ်ထားပါကြောင်း၊ လောလောဆယ်ကာလတွင် လက်နက်ရောင်းဝယ်မှုပိတ်ပင်သည့် တားမြစ်ချက်မှလွဲ၍ ကျန်ကန့်သတ်ချက်များကို ဆိုင်းငံ့ထားမည်ဖြစ်
ပါကြောင်း၊ ဤသို့ ဆောင်ရွက်ရခြင်းမှာလည်း ကွန်ဂရက်တွင် လုပ်ထုံးလုပ်နည်းဥပဒေများအရ ကန့်သတ်ချက်များကို လုံးဝရုပ်သိမ်းနိုင်ရေးအတွက် အကန့်အသတ်များရှိနေသေး၍ ဖြစ်ပါကြောင်း၊
ကျန်းမာရေး၊ ပညာရေး စသည့် ကဏ္ဍများတွင် ကူညီထောက်ပံ့မှုများပေးအပ်နိုင်ရေးအတွက် အကောင်အထည်ဖော် ဆောင်ရွက်သွားမည်ဖြစ်ပါကြောင်း၊ မိမိတို့အနေဖြင့် မြန်မာနိုင်ငံတွင် ဒီမိုကရေစီ ဖော်ဆောင်ရေး၊ လူမှုစီးပွားဘဝမြှင့်တင်ရေးနှင့် တိုင်းရင်းသားလူမျိုးများနှင့် ပဋိပက္ခများဖြေရှင်းရေးအတွက် နိုင်ငံတော်သမ္မတကြီး၏ ကြိုးပမ်းဆောင်ရွက်မှုများကို ချီးကျူးပါကြောင်း၊
ငြိမ်းချမ်းရေးဖော်ဆောင်မှုနှင့်စပ်လျဉ်း၍ မိမိတို့အနေဖြင့် အကူအညီပေးနိုင်သည်များရှိပါက ပေးအပ်ရန် အဆင်သင့်ရှိပါကြောင်း၊ အမေရိကန်နိုင်ငံအနေဖြင့် မြန်မာနိုင်ငံတွင် လူ့အခွင့် အရေးကိစ္စ၊ တိုင်းရင်းသားလူမျိုးစုများကိစ္စ၊ မြန်မာနိုင်ငံနှင့် မြောက်ကိုရီးယားအကြား စစ်ရေးဆိုင်ရာ ဆက်ဆံမှုကိစ္စများနှင့် စပ်လျဉ်း၍ စိုးရိမ်ပူပန်မှုရှိနေဆဲဖြစ်ပါကြောင်း၊ နိုင်ငံရေး အကျဉ်းသားများနှင့် ပတ်သက်၍လည်း ကျန်ရှိနေသူများကို ဆက်လက်လွှတ်ပေးစေလိုပါကြောင်းဖြင့် ဆွေးနွေးပြောကြားခဲ့သည်။
တွေ့ဆုံဆွေးနွေးမှုအပြီးတွင် နိုင်ငံခြားရေးဝန်ကြီး နှစ်ဦးသည် သတင်းစာရှင်းလင်းပွဲပြုလုပ်ခဲ့ရာ နှစ်နိုင်ငံ နိုင်ငံခြားရေးဝန်ကြီးများ၏ ပြောကြားချက်များနှင့် အမေး၊ အဖြေများမှာ အောက်ပါအတိုင်းဖြစ်သည်-၀န်ကြီး မစ္စစ် ကလင်တန် - ဝန်ြကီး ဦးဝဏ္ဏမောင်လွင်ကို ဝါရှင်တန်မှာ ကျွန်မတို့ ကြိုဆိုတွေ့ဆုံခွင့်ရတဲ့အတွက် ဝမ်းမြောက်ဝမ်းသာဖြစ်ရပါတယ်။ ကျွန်မတို့အနေနဲ့ နှစ်နိုင်ငံအကြားဖြစ်ပေါ်လျက်ရှိသော ရင်းနှီးသော ပူးပေါင်းဆောင်ရွက်မှုနှင့် ညှိနှိုင်းဆောင်ရွက်မှုတို့ ရှင်သန်စေရန်နှင့် ဝန်ကြီး ဦးဝဏ္ဏမောင်လွင်နှင့် တွေ့ဆုံဆွေးနွေးရန်တို့ကို လိုလားနေခဲ့ပါတယ်။
ပြီးခဲ့တဲ့နှစ် ဒီဇင်ဘာလက ကျွန်မတို့နှစ်ဦး နေပြည်တော်မှာ တွေ့ဆုံခဲ့ကြပါတယ်။ ယခုလို ဝါရှင်တန်မှာ ပြန်လည်တွေ့ဆုံရတာကို လွန်စွာဝမ်းသာမိပါတယ်။
ဆယ်စုနှစ်များအတွင်း ပထမဦးဆုံးအကြိမ်တွေ့ဆုံမှုဟာ သမိုင်းဝင်မှတ်တမ်းတစ်ခုပင် ဖြစ်ပါတယ်။ နောက်ပြီး ဒါဟာ အချိန်တိုကလေးအတွင်းမှာ ကျွန်မတို့နှစ်နိုင်ငံအကြား ခရီးပေါက်ရောက်မှု၏ အတိုင်းအတာရဲ့ သက်သေပဲဖြစ်ပါတယ်။ သမ္မတဦးသိန်းစိန်ကို ဒီမိုကရက်တစ် ပြုပြင်ပြောင်းလဲရေးလမ်းကြောင်းဆီ ဦးတည်ရန် အစိုးရအဖွဲ့ကို ဦးဆောင်လမ်းကြောင်းပေးနိုင်သည့်အတွက် မိမိဂါရဝပြုလိုပါတယ်။ မိမိတို့နိုင်ငံရဲ့ ပိုမို
ကောင်းမွန်တဲ့ အနာဂတ်အတွက် ရုန်းကန်စွန့်လွှတ်ပေးဆပ်ခဲ့ကြတဲ့ ဒေါ်အောင်ဆန်းစုကြည်နဲ့ အခြားသူများအားလုံးကိုလည်း လေးစားပါတယ်။
ပြီးတော့ ဒီဖြစ်စဉ်အပေါ်မှာ ထောက်ခံအားပေးခဲ့ကြတဲ့၊ ယခုလို ဖြစ်ပေါ်တိုးတက်မှုများ၏ အရေးပါအရာရောက်မှုများအပေါ် နားလည်သဘောပေါက်ထောက်ခံပေးကြတဲ့ အမေရိကန်ပြည်ထောင်စုက ပုဂ္ဂိုလ်တိုင်းကိုလည်း ကျွန်မ ကျေးဇူးတင်ရှိကြောင်း ပြောလိုပါတယ်။ အထူးသဖြင့် အထက်လွှတ်တော်
အမတ် မက်ကောနယ်၊ မက်ကိန်း၊ ကယ်ရီ၊ ဝက်ဘ်၊ ရှာဟင်းန်၊ ကွန်ဂရက်အမတ် ကရိုလီအပါအဝင် လွှတ်တော်အတွင်းမှ မိတ်ဖက်များဖြစ်တဲ့ ရီပတ်ဘလီကန်နဲ့ ဒီမိုကရက်တစ်အမတ်များကိုလည်း ကျေးဇူးတင်ပါတယ်။
ဒီမိုကရေစီနဲ့ အမျိုးသားရင်ကြားစေ့ရေး တိုးတက်ဖြစ်ထွန်းမှုတွေ နောက်ကြောင်းပြန်လှည့်စရာ အကြောင်းမရှိဘူးလို့ ဝန်ကြီးက ပြောကြားခဲ့တာကို ကျွန်မအနေနဲ့ အသိအမှတ်ပြုရမယ့်အချိန်လည်းဖြစ်ပါတယ်။ အမေရိကန်ပြည်ထောင်စုဟာ အဆိုပါကိစ္စများ အမှန်တကယ် ဖြစ်ပေါ်လာစေဖို့အတွက် တတ်စွမ်းသမျှ ကူညီလုပ်ဆောင်ပေးရန် ဆန္ဒရှိပါတယ်။
ကြားဖြတ်ရွေးကောက်ပွဲနဲ့ မကြာသေးခင်က ကရင်အမျိုးသား အစည်းအရုံးနဲ့ ပစ်ခတ်တိုက်ခိုက်မှုတွေ ရပ်စဲအောင် ဆောင်ရွက်နိုင်ခဲ့တာတွေကိုလည်း ကျွန်မတို့ ကြိုဆိုပါတယ်။ အဲဒီအဖွဲ့ဟာ အစိုးရအနေနဲ့ အထူးအလေးထားနေရတဲ့ ပြည်တွင်းပဋိပက္ခမှာပါဝင်တဲ့ အဖွဲ့အစည်းတစ်ခု ဖြစ်ပါတယ်။ ပြုပြင်ပြောင်းလဲမှုတွေကို ဆက်လက်တိုးမြှင့်လုပ်ဆောင်နေတဲ့အကြောင်း ကောင်းသတင်းကိုလည်း ဝန်ကြီးဆီကနေ ကျွန်မကြားသိရပါတယ်။
ဒီပြုပြင်ပြောင်းလဲမှုတွေကို အမေရိကန်ပြည်ထောင်စုက အခိုင်အမာထောက်ခံပါတယ်။ ကျွန်မတို့ အားလည်းပေးချင်ပါတယ်။ ဒါကို အသိအမှတ်လည်း ပြုပါတယ်။ မိတ်ဖက်နိုင်ငံတစ်ခုအနေနဲ့ ဒီပြုပြင်ပြောင်းလဲမှုတွေကို ကျွန်မတို့ မြင်လိုတွေ့လိုပါတယ်။ ဒါကြောင့် ယနေ့မှာ ၁၉၉ဝ ခုနှစ်ကတည်းက ပထမဆုံးအကြိမ်အဖြစ် သံအမတ်ကြီး ဒဲရက်မစ်ချယ်လ်ကို မြန်မာနိုင်ငံဆိုင်ရာ သံအမတ်သစ်အဖြစ် အမည်တင်သွင်းလိုက်ကြောင်း ကြေညာအပ်ပါတယ်။
သံအမတ်ကြီး မစ်ချယ်လ်ဟာ ကျွန်မရဲ့ အထူးကိုယ်စားလှယ်အဖြစ် တာဝန်ထမ်းဆောင်နေတာပါ။ သူဟာ ဒေသတွင်းခင်မင်မှုနှင့် လေးစားမှုကို အထူးခံယူ နေရသူတစ်ဦးလည်း ဖြစ်ပါတယ်။ သံအမတ် ဆောလျင်စွာ ခန့်နိုင်ရေးအတွက် ကျွန်မ အမေရိကန်ပြည်ထောင်စု အထက်လွှတ်တော် ကို တိုက်တွန်းပါတယ်။ ဒါမှ သူ့အနေနဲ့ အရေးကြီးတဲ့ တာဝန်ကို ဆက်လက်ထမ်းဆောင်သွားနိုင်မှာ ဖြစ်ပါတယ်။
အမေရိကန်နိုင်ငံဆိုင်ရာ မြန်မာသံအမတ်ကြီးကိုလည်း ကျွန်မတို့ကြိုဆိုမျှော်လင့်လျက်ရှိပါတယ်။
မြန်မာနိုင်ငံအတွင်းမှာ အမေရိကန်ရင်းနှီးမြှုပ်နှံမှု၊ ကုန်ပစ္စည်းတင်ပို့မှုနှင့် ဘဏ္ဍာရေးဝန်ဆောင်မှုလုပ်ငန်းများကို လုပ်ဆောင် ခွင့်ပြုမယ့်အကြောင်း ကြေညာအပ်ပါတယ်။
ဒါတွေဟာ ကျွန်မတို့ရဲ့ ထင်ရှားတဲ့မူဝါဒဆိုင်ရာ ပြောင်းလဲမှုပဲ ဖြစ်ပါတယ်။ စီးပွားရေးမှာ အမေရိကန်စီးပွားရေးလုပ်ငန်းတွေ ရင်းနှီးမြှုပ်နှံနိုင်ဖို့၊ နိုင်ငံသားတွေ နိုင်ငံတကာ အကြွေးဝယ်ကတ် ဈေးကွက်ထဲဝင်နိုင်ဖို့နဲ့ ဒေါ်လာအခြေပြု ငွေလွှဲလုပ်ငန်းများ လုပ်ဆောင်နိုင်ဖို့တို့အတွက် အမေရိကန်ပြည်ထောင်စုက အထွေထွေလိုင်စင်တစ်ရပ် ထုတ်ပေးမှာဖြစ်ပါတယ်။
ကျွန်မ အမေရိကန်စီးပွားရေးလုပ်ငန်းတွေကို ပြောကြား လိုတာကတော့ မြန်မာနိုင်ငံမှာ ရင်းနှီးမြှုပ်နှံကြပါ။ မိမိတို့ လုပ်ဆောင်ရမယ့်တာဝန်ကိုလည်း နားလည်ကြပါ။ ကောင်းမွန်သော ပြောင်းလဲမှုတွေအတွက် ကောင်းမွန်သော စီးပွားရေး လုပ်ငန်းသမားတစ်ဦးအဖြစ် လုပ်ကိုင်ဆောင်ရွက်ဖို့လည်း လိုအပ်ပါတယ်။ အလုပ်အကိုင်သစ်များဖန်တီးဖို့နဲ့ ပြုပြင်ပြောင်းလဲမှုများကို အားပေးထောက်ခံဖို့ အားလုံးဝိုင်းဝန်းဆောင်ရွက်ကြပါစို့။
ယခုလုပ်ဆောင်ချက်တွေဟာ မြန်မာနိုင်ငံကို ကမ္ဘာ့ စီးပွားရေးမှာ ပါဝင်လာစေရန်၊ ကျယ်ပြန့်တဲ့ စီးပွားရေး ဖွံ့ဖြိုး တိုးတက်မှု ရရှိလာစေရန်နဲ့ လက်ရှိတိုးတက်ပြောင်းလဲမှုများ ပိုမိုဖြစ်ထွန်းစေရန် တွန်းအားတစ်ရပ်ပဲဖြစ်ပါတယ်။ အခြားနိုင်ငံတွေဖြစ်တဲ့ ဥရောပသမဂ္ဂနှင့် အင်္ဂလန်နိုင်ငံတို့လိုပဲ မိမိတို့လည်း လုပ်ဆောင်စရာရှိတာတွေကို ဆောင်ရွက်ပေးနေပါတယ်။
ဒဏ်ခတ်ပိတ်ဆို့မှုတွေကို ဆိုင်းငံ့ထားလိုက်ပါပြီ။ ဒါဟာ လုပ်သင့် လုပ်ထိုက်တဲ့ အလုပ်လို့ ကျွန်မတို့ယုံကြည်ပါတယ်။ အဲဒီအတွက် အာမခံချက်ရှိစေဖို့ သက်ဆိုင်တဲ့ဥပဒေတွေကို ကျွန်မတို့ ထားရှိသွားမှာ ဖြစ်ပါတယ်။ ဒါပေမယ့် ကျွန်မတို့ရဲ့ ပန်းတိုင်နဲ့ အထူး အာရုံစူးစိုက်မှုကတော့ စီးပွားရေးလုပ်ငန်းတွေနဲ့ ရင်းနှီးမြှုပ်နှံမှု အခွင့်အလမ်းတွေကို မြန်နိုင်သမျှ မြန်မြန်တိုးချဲ့ဖို့ပါပဲ။
နိုင်ငံခြားရေးဝန်ကြီးဌာနသည် ကွန်ဂရက်လွှတ်တော်၊ နောက်ပြီး ဘဏ္ဍာရေးဝန်ကြီးဌာနအပါအဝင် အစိုးရအဖွဲ့အစည်းများနဲ့ ပူးပေါင်းပြီး တာဝန်သိတဲ့ ရင်းနှီးမြှုပ်နှံမှုတွေ တိုးမြှင့်ရေးနဲ့ အလွဲသုံးစားမှု တားမြစ်ရေးတို့ကို အာမခံသွားမှာဖြစ်ပါတယ်။
ပုဂ္ဂလိကကဏ္ဍနဲ့ အပြည့်အဝ ပူးပေါင်းလုပ်ဆောင်သွားရန် မိမိအားပေးပါတယ်။ ပွင့်လင်းမှု၊ တာဝန်ယူမှုတို့ဖြင့် မိမိတို့ စီးပွားရေး လုပ်ငန်းများဟာ ကောင်းသောစံနမူနာပြလုပ်ငန်းများအဖြစ် ရပ်တည်နိုင်ကြရမှာ ဖြစ်ပါတယ်။
အမေရိကန်ကုမ္ပဏီကြီးတွေက လူ့အခွင့်အရေးချိုးဖောက်မှုများအပါအဝင် ဘယ်ပြဿနာကိုမဆို အစဉ်အမြဲရှောင်ရှားကြဖို့ ကျွန်မတို့ မျှော်လင့်ပါတယ်။ မတရားမှုတွေရှိခဲ့ရင်ဒါတွေကို ဒေသန္တရလူ့အဖွဲ့အစည်းအထိ သိရှိစေဖို့၊ အလုပ်သမားတွေကို သင့်တင့်လျောက်ပတ်စွာဆက်ဆံကြောင်း ပြသဖို့၊ သဘာဝပတ်ဝန်းကျင်ကို အလေးထားဖို့၊ စီးပွားရေးသမားကောင်း တစ်ယောက်ဖြစ်ဖို့၊ လူအများအတွက် အကျိုးကျေးဇူး ဖြစ်ထွန်းစေမယ့် မျှတတဲ့၊ ရေရှည်ခံတဲ့ စီးပွားရေးတွေကို အားပေးဖို့ ကျွန်မ တို့ရဲ့ စီးပွားရေးလုပ်ငန်းတွေအနေနဲ့ အခြေအနေတွေ ဖန်တီးပေးမယ်လို့လည်း မျှော်လင့်ပါတယ်။
ဥရောပနဲ့ အာရှက ကျွန်မတို့ရဲ့ မိတ်ဖက်များကလည်း အလားတူစံနမူနာကောင်းများကို လေးစားလိုက်နာ လိမ့်မယ်လို့ မျှော်လင့်ပါတယ်။ ပြည်သူတို့အနေနဲ့ မိမိတို့ကို တိုက်ရိုက် အကျိုးဖြစ်ထွန်းစေမယ့် ဖွံ့ဖြိုးတိုးတက်မှုကို မျှော်လင့်ပိုင်ခွင့် ရှိတဲ့အလျောက် သူတို့ စောင့်ရကျိုးနပ်ကြမှာ ဖြစ်ပါတယ်။
ဒီနေရာမှာ ကုမ္ပဏီတွေနဲ့ အခြားသူတွေက မတရားမှုမျိုးတွေကို အထူးသဖြင့် လူနည်းစုဒေသတွေမှာ ကျူးလွန်တတ်တယ်ဆိုတာကို မိမိတို့ သတိပြုမိပါတယ်။ တပ်မတော်ပိုင် စီးပွားရေးလုပ်ငန်းများ အပါအဝင် လူ့အခွင့်အရေးကျူးလွန်ဖောက်ဖျက်တဲ့၊ ပြုပြင်ပြောင်းလဲမှုများကို ဟန့်တားတဲ့ သို့မဟုတ် အကျင့်ပျက်ခြစားမှုနဲ့ ပတ်သက်တဲ့ မည်သူတစ်ဦးတစ်ယောက်မျှ အမေရိကန်နဲ့ ဆောင်ရွက်တဲ့ စီးပွားရေးနဲ့ ရင်းနှီးမြှုပ်နှံမှုတွေက ထွက်ပေါ်လာတဲ့ ငွေကြေးဆိုင်ရာ အကျိုးကျေးဇူးတွေကို ခံစားခွင့်မရစေဖို့ မိမိတို့ မျက်လုံးဒေါက်ထောက်ကြည့်သွားမှာ ဖြစ်ပါတယ်။
လက်နက်တင်ပို့ရောင်းချခြင်း ပိတ်ပင်ထားတာကိုတော့ ကျွန်မတို့ ဆက်ပြီးထားရှိသွားပါမယ်။ အကြောင်းကတော့ ဖြစ်ထွန်းနေတဲ့ ပြုပြင်ပြောင်းလဲမှုတွေထဲမှာ လက်နက်ကိုင်တပ်ဖွဲ့တွေဟာ အရပ်သားထိန်းချုပ်မှုအောက် ရောက်ရှိသွားတာကို ကျွန်မတို့ မြင်တွေ့ချင်လို့ပဲ ဖြစ်ပါတယ်။
တရားဥပဒေစိုးမိုးရေးကို လေးစားလိုက်နာတဲ့ နိုင်ငံတကာ အသိအမှတ်ပြု စီးပွားရေးနဲ့ အလုပ်သမားဆိုင်ရာ ကျင့်ထုံးများ အကျိုးသက်ရောက်မှုရှိလာစေရန်အတွက်လည်း မြန်မာ အစိုးရနဲ့ ဆက်လက်ပူးပေါင်း လုပ်ဆောင်သွားကြရမှာဖြစ်ပါတယ်။ ဒါတွေကို လုပ်ဆောင်ရာမှာ အစိုးရအနေနဲ့ ခက်ခက်ခဲခဲ ဆုံးဖြတ်လုပ်ဆောင်ခဲ့ရသလို ရှေ့ဆက်လုပ်ဆောင်သွားလိမ့်မယ် လို့လည်း စွဲမှတ်ထားပါတယ်။ ကျွန်မတို့ ရှုမြင်လိုတာကတော့ နိုင်ငံရေးအကျဉ်းသားများကို ထပ်ပြီး လွတ်ငြိမ်းချမ်းသာခွင့်ပေးဖို့နဲ့ အမျိုးသားပြန်လည်ရင်ကြားစေ့ရေးအတွက် ဥပဒေ စည်းမျဉ်းနဲ့အညီ လက်တွေ့လုပ်ဆောင်မှုများကို အလေးထားဆောင်ရွက်ဖို့ပဲ ဖြစ်ပါတယ်။
မြန်မာနိုင်ငံမှာ လူမျိုးရေးပဋိပက္ခတွေ အဆုံးသတ်သွားစေရန် အမေရိကန်ပြည်ထောင်စုက အင်တိုက်အားတိုက် ထောက်ခံအားပေးပါတယ်။ အခုလို လူမျိုးပေါင်းစုံ ပူးပေါင်း လက်တွဲနေထိုင်ခြင်းဟာ နိုင်ငံတိုးတက်မှုအတွက် အင်အားတစ်ရပ် ဖြစ်တယ်လို့ ကျွန်မတို့ ရှုမြင်သုံးသပ်ပါတယ်။ မနေ့တုန်းက အမေရိကန်ပြည်ထောင်စုကို အလည်အပတ်ရောက်နေတဲ့ လူမျိုးနှင့် နောက်ခံအကြောင်းအရာ အမျိုးမျိုးကွဲပြားခြားနားတဲ့ လူငယ်တစ်စုနဲ့ ကျွန်မတွေ့ခဲ့ရပါတယ်။ သူတို့တစ်တွေအားလုံး အနာဂတ်အတွက် အတူတကွကြိုးစားလုပ်ဆောင်ကြဖို့ ဆန္ဒရှိနေကြတာကိုမြင်ရတာ တကယ်ကို အားတက်စရာကောင်းပါတယ်။
မကြာသေးခင် ရက်သတ္တပတ်များအတွင်းက ကချင်ပြည်နယ်မှာ ပေါ်ပေါက်ခဲ့တဲ့ ပဋိပက္ခတွေအတွက် ကျွန်မတို့ စိုးရိမ်မကင်းဖြစ်ရပါတယ်။ ဒါပေမယ့် အစိုးရနဲ့ အစိုးရမဟုတ်သော အဖွဲ့အစည်းများ စုံညီစွာပါဝင်နိုင်မယ့် အဓိပ္ပာယ်ရှိတဲ့ တွေ့ဆုံဆွေးနွေးမှုတွေ ဖြစ်ထွန်းစေနိုင်မယ့် ယန္တရားသစ်တစ်ရပ်အကြောင်း ကြားရတာ တကယ်ဝမ်းသာစရာ ကောင်းပါတယ်။
အစိုးရအနေနဲ့ လုပ်နိုင်တာအားလုံးကိုလုပ်ဖို့လိုသလို ဒီပဋိပက္ခနဲ့စပ်လျဉ်းပြီး စားပွဲရဲ့အခြားတစ်ဖက်က ပုဂ္ဂိုလ်များအနေနဲ့လည်း ပူးပေါင်းဆောင်ရွက်ဖို့၊ သာတူညီမျှမှုရှိတဲ့ရလဒ်မျိုးကို ရှာဖွေဖို့ ဆန္ဒရှိရမှာဖြစ်ပါတယ်။ ဒီတော့ ရင်ကြားစေ့ရေးဟာ ဦးစားပေးလုပ်ငန်းဖြစ်ပြီး ကျွန်မတို့က ဆက်လက်အားပေးထောက်ခံသွားမှာဖြစ်ပါတယ်။
နောက်ဆုံးအနေနဲ့ မြောက်ကိုရီးယားနဲ့ပတ်သက်ပြီး ကျွန်မတို့ရဲ့ စိုးရိမ်မှုတွေကို ဆွေးနွေးခဲ့ကြပါတယ်။ သမ္မတ ဦးသိန်းစိန်က မြောက်ကိုရီးယားနဲ့ စစ်ရေးဆက်ဆံမှုတွေကို ရပ်ဆိုင်းပါတော့မယ်လို့ပြောတဲ့အကြောင်း ကြားသိရလို့ ကျွန်မအားတက်မိပါတယ်။ နောက်ပြီး အဏုမြူလက်နက် မပြန့်ပွားရေးနဲ့ပတ်သက်ပြီး နိုင်ငံတကာသဘောတူညီချက်ကို အပြည့်အဝ လေးစားလိုက်နာမယ့်အကြောင်းကိုလည်း ဝန်ကြီးက ကျွန်မကို အာမခံခဲ့ပါတယ်။
ဖြစ်ပေါ်တိုးတက်မှုများနှင့်ပတ်သက်ပြီး ကျွန်မ အလွန်ပဲ အကောင်းမြင်ပါတယ်။ ခက်ခဲမယ်ဆိုတာလည်း ကျွန်မ သိပါတယ်။ ကျွန်မရဲ့တိုင်းပြည်ကိုယ်၌ ရင်ဆိုင်ခဲ့ရတဲ့ စိန်ခေါ်မှုတွေအကြောင်းကို ကျွန်မ မကြာခဏပြည်သူတွေကို သတိပေးရပါတယ်။ ဒါတွေကို လွန်ခဲ့တဲ့နှစ်ပေါင်းများစွာက ရင်ဆိုင်ခဲ့ရတာပါ။
အင်တာနက်မရှိ၊ ရုပ်မြင်သံကြားမရှိ အခြေအနေမျိုးမှာ ကျွန်မတို့ကိုယ်ပိုင်မျှော်လင့်ချက်တွေ၊ ဆန္ဒတွေပြည့်မြောက်စေဖို့အတွက် ကျွန်မတို့တစ်တွေ တစိုက်မတ်မတ် အာရုံစူးစိုက်ရုန်းကန်ခဲ့ကြရပါတယ်။ တကယ်တော့ မြန်မာနိုင်ငံရဲ့ ပြုပြင်ပြောင်းလဲမှုခရီးစဉ်ဟာ မြန်မာနိုင်ငံအပါအဝင် ထောက်ခံအားပေးရန် သန္နိဋ္ဌာာန်ချထားတဲ့ နိုင်ငံအားလုံးအတွက် တကယ်ပင် စိတ်ဝင်စားစရာကောင်းတဲ့ စိန်ခေါ်မှုတစ်ရပ်ပဲ ဖြစ်ပါတယ်။
ကျွန်မ ဝမ်းမြောက်စွာပြောကြားလိုတာကတော့ အမေရိကန် စီးပွားရေးလုပ်ငန်းတွေအနေနဲ့ မြန်မာနိုင်ငံရဲ့ စီးပွားရေး ဖွံ့ဖြိုးတိုးတက်လာစေရေးအတွက် ကူညီရန် အမေရိကန်အစိုးရမဟုတ်သော အဖွဲ့အစည်းများအနေနဲ့ မြန်မာနိုင်ငံရဲ့ ပညာရေး၊ ကျန်းမာရေးစောင့်ရှောက်မှု၊ သဘာဝပတ်ဝန်းကျင်ထိန်းသိမ်းမှုနှင့် အခြားကိစ္စရပ်များ ဖွံ့ဖြိုးစေရန်အတွက် ကူညီပေးနိုင်ရန် အစိုးရအနေနဲ့ လမ်းခင်းပေးလျက်ရှိပါတယ်။
အခုလို လာရောက်တဲ့အတွက် အဆွေတော်ကို ကျေးဇူးတင်ရှိပါတယ်။ နောက်နောင်တွင်လည်း ဆက်လက်ပူးပေါင်းဆောင်ရွက်သွားနိုင်ဖို့ မျှော်လင့်ပါတယ်။
ဝန်ကြီး ဦးဝဏ္ဏမောင်လွင်- နိုင်ငံခြားရေးဝန်ကြီး နှင့် ကြွရောက်လာကြတဲ့ လူကြီးမင်းများ ခင်ဗျား၊ ဝန်ကြီး မစ္စစ်ကလင်တန်ရဲ့ တရားဝင်ဖိတ်ကြားချက်အရ ဝါရှင်တန်ဒီစီကို ကျွန်တော်လာခဲ့တာပါ။ ဒီကနေ့ နေ့လယ်ပိုင်းမှာ နှစ်နိုင်ငံ ဆက်ဆံရေးတိုးမြှင့်ဖို့ကိစ္စရပ်တွေကို ရင်းရင်းနှီးနှီး ဆွေးနွေးခဲ့ပါတယ်။ ဒါ့အပြင် အထက်လွှတ်တော်အမတ်တွေဖြစ်တဲ့ မက်ကိန်း၊ မက်ကောနယ်၊ ဂျင်ဝက်ဘ်တို့နဲ့လည်း တွေ့ဆုံခွင့်ရခဲ့ပါတယ်။
ဒုတိယနိုင်ငံခြားရေးဝန်ကြီး ဝီလီယံဘန်းနဲ့လည်း ညနေမှာ တွေ့ဆုံဖို့ရှိပါတယ်။ ဒီလိုတွေ့ဆုံတဲ့အခါမှာ သမ္မတ ဦးသိန်းစိန်နဲ့ အစိုးရအဖွဲ့ရဲ့ လက်ရှိဆောင်ရွက်နေတဲ့ ပြုပြင်ပြောင်းလဲရေး လုပ်ငန်းစဉ်တွေအပေါ် သူတို့အနေနဲ့ အသိအမှတ်ပြု အားပေးထောက်ခံတဲ့အကြောင်း သူတို့က ထပ်လောင်းပြောဆိုခဲ့ကြပါတယ်။ ဒါ့အပြင် ချစ်ကြည်ရေးတိုးတက်ခိုင်မာဖို့၊ ကဏ္ဍပေါင်းစုံပူးပေါင်း ဆောင်ရွက်ဖို့၊ မြန်မာပြည်သူတွေအတွက် အကူအညီတိုးမြှင့် ထောက်ပံ့ပေးဖို့ အမေရိကန်နိုင်ငံကနေ မြန်မာနိုင်ငံအပေါ် ချမှတ်ထားတဲ့ အရေးယူပိတ်ဆို့မှုနဲ့ ကန့်သတ်မှုတွေကို ဖယ်ရှားပေးဖို့ကိုလည်း ဆွေးနွေးခဲ့ပါတယ်။
မြန်မာနိုင်ငံရဲ့ ပြုပြင်ပြောင်းလဲရေးနဲ့ ဒီမိုကရေစီ အသွင်ကူးပြောင်းရေးကြိုးပမ်းမှုတွေကို အမေရိကန်အစိုးရနဲ့ အမေရိကန်ပြည်သူတွေက အားပေးထောက်ခံတဲ့အတွက် ကျေးဇူးတင်ပါတယ်။ ကျွန်တော်တို့အနေနဲ့ ပြုပြင်ပြောင်းလဲရေးတွေကို ရှေ့ဆက်လုပ်ဆောင်သွားမှာဖြစ်ကြောင်း ထပ်လောင်းပြောကြားခဲ့ပါတယ်။ နှစ်နိုင်ငံလုံးမှာ သံအမတ်ကြီး ခန့်အပ်ထားဖို့ ဆုံးဖြတ်လိုက်တာဟာ အနှစ် နှစ်ဆယ်ကျော်ကြာပြီးနောက် ပုံမှန် သံတမန်ဆက်ဆံရေး ပြန်လည်ထူထောင်ဖို့အတွက် ကြိုးပမ်းမှုရဲ့ အရေးပါတဲ့ ခြေလှမ်းတစ်ရပ်ပဲဖြစ်ပါတယ်။
သံအမတ်ကြီး ဦးသန်းဆွေကို ပြည်ထောင်စုသမ္မတမြန်မာနိုင်ငံတော်ရဲ့ အမေရိကန်ပြည်ထောင်စုဆိုင်ရာ အထူးအာဏာကုန်လွှဲအပ်ခြင်းခံရတဲ့ သံအမတ်ကြီးအဖြစ် ခန့်အပ်သွားမှာဖြစ်ပါတယ်။ သူဟာ လက်ရှိ နယူးယောက်မြို့ ကုလသမဂ္ဂမှာ မြန်မာနိုင်ငံရဲ့ အမြဲတမ်းကိုယ်စားလှယ်အဖြစ် တာဝန်ထမ်းဆောင်နေပါတယ်။ သူဟာ မြန်မာနဲ့ အမေရိကန်အကြား ပုံမှန် သံတမန်ဆက်ဆံရေးထားရှိဖို့အတွက် နှစ်နိုင်ငံ စတင်ဆွေးနွေးတဲ့ အချိန် လပေါင်းအတော်များများကတည်းက မြန်မာနိုင်ငံဘက်က ပါဝင်ဆွေးနွေးသူအဖြစ်နဲ့ အကောင်းဆုံးဆောင်ရွက်ခဲ့ပါတယ်။ ဒါကြောင့် သူ့အပေါ်မှာ ကျွန်တော်ယုံကြည်မှု အပြည့်အဝရှိပါတယ်။
သံအမတ်ကြီး ဒဲရစ်မစ်ချယ်လ်ကို မြန်မာနိုင်ငံဆိုင်ရာ အမေရိကန်သံအမတ်ကြီးအဖြစ် ခန့်အပ်မယ်ဆိုတဲ့အကြောင်း သိရတဲ့အတွက် ကျေနပ်မိပါတယ်။ ပြီးခဲ့တဲ့ ၁၂ လတာကာလ အတွင်း သူဟာ မြန်မာနိုင်ငံဆိုင်ရာ အထူးကိုယ်စားလှယ် မူဝါဒရေးရာ ညှိနှိုင်းရေးမှူးအဖြစ် အောင်အောင်မြင်မြင် ဆောင်ရွက်ခဲ့ပါတယ်။ အဲဒီကာလအတွင်း ကျွန်တော်ဟာ သူနဲ့ နီးနီးကပ်ကပ် အလုပ်လုပ်ကိုင်ခွင့်ရခဲ့ပါတယ်။ အဲဒါကြောင့်မို့လို့ သူတို့နှစ်ဦးလုံးအတွက် ကျွန်တော် ကျေနပ်ဂုဏ်ယူမိပြီး သူတို့ရဲ့ အရေးပါတဲ့ တာဝန်သစ်တွေကို အကောင်းဆုံးထမ်းဆောင်နိုင်ပါစေလို့ ဆန္ဒပြုပါတယ်။
ကျွန်တော့်ကို ဝါရှင်တန်ကို တရားဝင်ခရီး လာရောက်လည်ပတ်ဖို့ ဖိတ်ခေါ်တဲ့အတွက် နိုင်ငံခြားရေးဝန်ကြီး ကလင်တန်ကို ကျေးဇူးတင်ပါတယ်။ ကျွန်တော်တို့ကို နွေးနွေး ထွေးထွေးကြိုဆိုပြီး ဧည့်ဝတ်ကျေပွန်ခဲ့တဲ့ အမေရိကန်နိုင်ငံခြားရေးဝန်ကြီးဌာနနဲ့ အမေရိကန်အစိုးရကိုလည်း ကျေးဇူးတင်ပါတယ်။ ဝါရှင်တန်မှာ နေထိုင်စဉ်ကာလအတွင်း အစစအဆင်ပြေအောင် ဆောင်ရွက်ပေးတဲ့အတွက်လည်း ကျေးဇူးတင်ပါတယ်။ အားလုံးကို ကျေးဇူးတင်ပါတယ်။
ဝန်ကြီး မစ္စစ် ကလင်တန်- ကျေးဇူးတင်ပါတယ်။
ဝန်ကြီး ဦးဝဏ္ဏမောင်လွင်- ကျေးဇူးတင်ပါတယ်။
မစ္စစ် ကလင်တန် - ဒီကနေ့ မေးခွန်း နှစ်ခု ရှိပါတယ်။
မေးခွန်း - ၀န်ကြီး မစ္စစ် ကလင်တန်ကို စီး ပွားရေး ကန့်သတ်မှုတွေကို ဖြေလျှော့ပေးတာနဲ့ပတ်သက်ပြီး မေးချင်ပါတယ်။အမေရိကန်ကုမ္ပဏီတွေအနေနဲ့ ရေနံနဲ့ဓာတ်ငွေ့အပါအဝင် မြန်မာနိုင်ငံရဲ့ နိုင်ငံပိုင်ကုမ္ပဏီတွေမှာ ရင်းနှီးမြှုပ်နှံမှု လုပ်နိုင်မလား။ အဲဒီကုမ္ပဏီတွေနဲ့ ကုန်သွယ်မှုတွေ လုပ်နိုင်မလား။
ပြီးတော့ ခုနက အမေရိကန်ကုမ္ပဏီတွေရဲ့ လုပ်ငန်းဆိုင်ရာ တာဝန်ယူမှုနဲ့ပတ်သက်ပြီး ဝန်ကြီးပြောသွားပါတယ်။ အမေရိကန်ပြည်ထောင်စုရဲ့ဥပဒေအရ တာဝန်ခံမှုရှိမှာပါလား။
နောက်မေးခွန်းတစ်ခုက နိုင်ငံရေးအကျဉ်းသားတွေကို ဆက်လက်ထိန်းသိမ်းထားမှုနဲ့ ပတ်သက်လို့ နိုင်ငံတကာရဲ့ စိုးရိမ်ပူပန်မှုတွေ အများအပြားရှိနေပါတယ်။ ဒီအကျဉ်းသားတွေဟာ ရာဂဏန်းရှိတယ်လို့ သိရပါတယ်။သူတို့တွေကို လွှတ်ပေးမှာလား။ ဝန်ကြီးအနေနဲ့ ပြောကြားပေးစေချင်ပါတယ်။ တကယ်လို့ လွှတ်ပေးမယ်ဆိုလျှင် ဘယ်အချိန်မှာလွှတ်ပေးမှာလဲ သိချင်ပါတယ်။
ဝန်ကြီး မစ္စစ် ကလင်တန်- ကျေးဇူး တင်ပါတယ။် ပထမ ဦးဆုံး ကျွန်မပြောချင်တာက အမေရိကန်ကုမ္ပဏီတွေအနေနဲ့ ကဏ္ဍတိုင်းက ဘယ်စီးပွားရေးလုပ်ငန်းနဲ့မဆို ဆက်ဆံလုပ်ကိုင် နိုင်မယ်လို့ ယူဆပါတယ်။ ကျွန်မတို့ ချမှတ်ထားတဲ့ စီးပွားရေး လုပ်ငန်းဆိုင်ရာ တာဝန်ယူမှုမူဝါဒကို မလိုက်နာမကျင့်သုံးတဲ့ ကုမ္ပဏီ ဒါမှမဟုတ် ကျွန်မတို့သတိပြုမိလောက်တဲ့ အခြားကိစ္စရပ်တွေကို ကျူးလွန်တဲ့ကုမ္ပဏီရှိမှာမဟုတ်ဘူးလို့ ယူဆထားပါတယ်။ ဒါပေမယ့် အမေရိကန်ရဲ့ ရေနံနဲ့ သဘာဝဓာတ်ငွေ့ကုမ္ပဏီတွေ၊ သတ္တုတူးဖော်ရေးကုမ္ပဏီတွေ၊ ဘဏ္ဍာရေး ဝန်ဆောင်မှုကုမ္ပဏီတွေဟာ မြန်မာနိုင်ငံနဲ့ သူတို့အတွက် နှစ်ဦးနှစ်ဖက်စလုံး အကျိုးရှိစေမယ့် ရင်းနှီးမြှုပ်နှံမှုတွေကို လွတ်လွတ်လပ်လပ် ရွေးချယ်ရှာဖွေနိုင်လိမ့်မယ်လို့ ယူဆပါတယ်။
အခုဆိုရင် ကျွန်မတို့ဟာ ရည်မှန်းချက်ရှိရှိ တာဝန်ယူမှု ရှိရှိနဲ့ ဒီခြေလှမ်းတွေကို စတင်နေပြီဖြစ်ပါတယ်။ အကယ်၍ အချက်အလက်တွေသာ ခိုင်လုံခဲ့မယ်ဆိုရင် ကျွန်မတို့အနေနဲ့ မူဝါဒဖြေလျှော့ရာမှာ အထောက်အကူဖြစ်စေခဲ့တဲ့ ဥပဒေပြုရေး၊ အုပ်ချုပ်ရေးအာဏာတွေကို အသုံးပြုပြီး ဒီအရေးယူပိတ်ဆို့မှုတွေကို ပြန်လည်ချမှတ်လို့ ရပါတယ်။ ဒီလိုပဲ ဥရောပသမဂ္ဂ၊ ယူကေနဲ့တခြားနိုင်ငံတွေကလည်း ကျင့်သုံးခဲ့ပါတယ်။ ရှေ့ဆက်ဆောင်ရွက်သွားရင်းနဲ့ ကျွန်မတို့ရဲ့ စီးပွားရေးလုပ်ငန်းတွေအနေနဲ့ အမြင့်ဆုံး လုပ်ငန်းဆိုင်ရာတာဝန်ယူမှု စံချိန်စံညွှန်းတွေကို လိုက်နာကျင့်သုံးအောင် ဆောင်ရွက်သွားပါမယ်။
ကျွန်မ မြန်မာနိုင်ငံကို ရောက်ခဲ့စဉ်တုန်းက အလုပ်သမားတွေအပေါ် ဆက်ဆံမှုနဲ့ပတ်သက်လို့ နာမည်ကောင်းမရှိတဲ့၊ ကောင်းမွန်တဲ့လုပ်ငန်းခွင်အခြေအနေမရှိတဲ့၊ ကုမ္ပဏီတစ်ခု လည်ပတ်ဖို့အတွက် လိုအပ်တဲ့အခြေခံအချက်တွေကို လိုက်နာ ဆောင်ရွက်ခြင်းမရှိတဲ့ ကုမ္ပဏီအချို့အကြောင်းကြားခဲ့ရပါတယ်။
သူတို့တွေဟာ အမေရိကန်ကုမ္ပဏီတွေ မဟုတ်ပါဘူး။ လူတွေက အမေရိကန်ကုမ္ပဏီတွေကိုကြည့်ပြီး အလုပ်သမားတွေအပေါ် ဘယ်လိုဆက်ဆံသင့်တယ်။ သဘာဝပတ်ဝန်းကျင်အပေါ် အလေးထားသင့်တယ်။ ဆိုးရွားတဲ့ ဖောက်သည်တွေနဲ့ မဆက်ဆံသင့်ဘူး။ နိုင်ငံပိုင် စီးပွားရေးလုပ်ငန်းဖြစ်စေ၊ လွတ်လပ်တဲ့ ပုဂ္ဂလိကလုပ်ငန်းပဲဖြစ်စေ စီးပွားရေးကိုလေးစားမှု၊ တာဝန်သိမှုတွေနဲ့ လုပ်ကိုင်သင့်တယ်လို့ မြင်လာစေချင်မိပါတယ်။
ဒါကြောင့်မို့လို့ ဒီအရေးယူပိတ်ဆို့မှုတွေကို ခေတ္တရပ်ဆိုင်းပြီး ရှေ့ဆက်သွားတာဟာ မှန်ကန်တယ်လို့ ကျွန်မတို့ ယုံကြည်ပါတယ်။ အမေရိကန်စီးပွားရေးလုပ်ငန်းရှင်တွေ မြန်မာနိုင်ငံမှာရင်းနှီးမြှုပ်နှံမှုပြုဖို့ ကျွန်မတို့ စိတ်အားထက်သန်စွာ တိုက်တွန်းနေပါတယ်။
ဝန်ကြီး ဦးဝဏ္ဏမောင်လွင်- အကျဉ်းသားတွေနဲ့ ပတ်သက်တဲ့ မေးခွန်းကိုဖြေရရင် ပြီးခဲ့တဲ့ ၁၂ လ၊ ၁၃ လအတွင်း နိုင်ငံတော်သမ္မတက လွတ်ငြိမ်းချမ်းသာခွင့် (၄)ကြိမ်ပေးခဲ့ပါတယ်။ အကျဉ်းသားပေါင်း ၂၈ဝဝဝ လောက်ကို လွှတ်ပေးခဲ့ပြီး ဖြစ်ပါတယ်။ ကျွန်တော်တို့ဆီမှာ ဥရောပသမဂ္ဂနှင့် အမေရိကန်ကနေ နိုင်ငံရေးအကျဉ်းသားလို့ဆိုကြတဲ့ အကျဉ်းသားစာရင်းတွေရရှိထားပါတယ်။ ဇန်နဝါရီလမှာပေးခဲ့တဲ့ လွတ်ငြိမ်းချမ်းသာခွင့်အပြီးမှာ ဒီစာရင်းတွေမှာ ပါဝင်တဲ့သူအတော်များများ လွတ်မြောက်ခဲ့ပြီးဖြစ်ပါတယ်။ ဒီစာရင်းတွေထဲက လူတချို့တော့ ကျန်နေပါသေးတယ်။ အဲဒီစာရင်းတွေကို သေချာစုံစမ်းစစ်ဆေး ပြီးတဲ့အခါမှာ သူတို့ဟာ လူသတ်မှု၊ အဓမ္မပြုကျင့်မှု ဒါမှမဟုတ် အကြမ်းဖက်လုပ်ရပ်တွေနဲ့ ပတ်သက်နေမှု စတဲ့ ရာဇဝတ်မှုတွေကို ကျူးလွန်ခဲ့တဲ့ အကျဉ်းသားတွေဖြစ်ကြောင်း တွေ့ရပါတယ်။
ဒါပေမယ့်လည်း သမ္မတအနေနဲ့ ဖွဲ့စည်းပုံအခြေခံဥပဒေမှာ အပ်နှင်းထားတဲ့ လုပ်ပိုင်ခွင့်အာဏာအရ သင့်တော်တဲ့အချိန်ကျရင် လွတ်ငြိမ်းချမ်းသာခွင့်တွေ ဆက်လက်ပေးသွားမှာ ဖြစ်ပါတယ်။ ဒီလောက်ဆိုရင် ကျွန်တော့်ရဲ့အဖြေဟာ လုံလောက်မယ်လို့ ယူဆပါတယ်။
မစ္စစ် ကလင်တန်- နောက်ဆုံးမေးခွန်းပါ။ ဗွီအိုအေ မြန်မာပိုင်းကပါ။
မေးခွန်း- မေးခွန်းက နှစ်ပိုင်းရှိပါတယ်။ ဝန်ကြီး မစ္စစ်ကလင်တန်နဲ့ ဝန်ကြီး ဦးဝဏ္ဏမောင်လွင် နှစ်ယောက်လုံးကို မေးချင်ပါတယ်။ အမေရိကန်ပြည်ထောင်စုက မြန်မာနိုင်ငံအပေါ် ပိတ်ဆို့အရေးယူထားတာတွေကို ဖြေလျှော့ပေးတဲ့ အတွက် ဒေသအတွင်း အတော်လေးသြဇာလွှမ်းမိုးနေတဲ့ တရုတ်နိုင်ငံနဲ့ထိပ်တိုက်ဖြစ်လာနိုင်မလား။ ဒီအတွက် တရုတ်အရာရှိတွေကလည်း စိုးရိမ်ပူပန်မှုတွေရှိနေတယ်လို့ ကြားသိနေရပါတယ်။
ပြီးတော့ မနှစ်က မြစ်ဆုံဆည်တည်ဆောက်ရေး ခေတ္တရပ်ဆိုင်းသွားမှုနဲ့ပတ်သက်လို့ တရုတ်နိုင်ငံဘက်က စိတ်ပျက်သွားတာကိုတွေ့ခဲ့ရပါတယ်။ ကျေးဇူးတင်ပါတယ်။
ဝန်ကြီး မစ္စစ် ကလင်တန် - ကျွန်မ နေပြည်တော်မှာပြောခဲ့တာကို ပြန်ပြောပါမယ်။ ဘယ်နိုင်ငံမဆို သူ့ရဲ့ အိမ်နီးချင်းနိုင်ငံတွေနဲ့ ဆက်ဆံရေးရပ်ဆိုင်းတာမျိုးကို အမေရိကန်ပြည်ထောင်စုအနေနဲ့ မမျှော်လင့်ပါဘူး။ တရုတ်ဟာ မြန်မာနိုင်ငံရဲ့ အိမ်နီးချင်း နိုင်ငံတစ်နိုင်ငံဖြစ်ပြီး နှစ်နိုင်ငံကြား ကာလကြာရှည်ခိုင်မာတဲ့ ဆက်ဆံမှုတွေရှိပါတယ်။ ကျွန်မတို့ အခု လုပ်ဆောင်နေတာတွေဟာ မြန်မာနိုင်ငံအစိုးရအဖွဲ့သစ် စတင်ခဲ့တဲ့ နိုင်ငံရေး၊ စီးပွားရေး ပြုပြင်ပြောင်းလဲမှုတွေကို ပိုမိုဖွံ့ဖြိုးလာစေဖို့ ထပ်ပြီး အားဖြည့်ပေးတာပါ။ အမေရိကန်ပြည်ထောင်စုအနေနဲ့ ပြည်သူကိုကိုယ်စားပြုတဲ့အစိုးရအဖွဲ့၊ ဒီမိုကရေစီ၊ ကောင်းမွန်တဲ့ လုပ်ငန်းခွင်အခြေအနေ၊ သဘာဝပတ်ဝန်းကျင်ကာကွယ်ရေးတို့အပေါ်တန်ဖိုးထားပြီး ရပ်တည်တာဖြစ်တဲ့အတွက် ကျွန်မတို့ရဲ့ ဆက်ဆံရေးဟာ မြန်မာအစိုးရနှင့် ပြည်သူတွေလျှောက်လှမ်းချင်တဲ့ ခြေလှမ်းတွေအတွက် အင်မတန်အထောက်အကူဖြစ်မယ်လို့ မျှော်လင့်ပါတယ်။
ဒီတော့ ဒီကိစ္စဟာ အခြားနိုင်ငံတစ်နိုင်ငံနဲ့ ပတ်သက်တဲ့ကိစ္စမဟုတ်ပါဘူး။ ကျွန်မတို့နှစ်နိုင်ငံကြားက ကိစ္စသာဖြစ်ပါတယ်။
ကျွန်မတို့မြင်တွေ့ခဲ့ရတဲ့ တိုးတက်ပြောင်းလဲမှုတွေနဲ့ ဒီတိုးတက်ပြောင်းလဲမှုတွေ ရှေ့ဆက်ဖြစ်နိုင်ဖို့ကူညီချင်တဲ့ ကျွန်မတို့ရဲ့ဆန္ဒအပေါ်မှာ အခြေတည်ခဲ့တာပါ။ နိုင်ငံတွေအနေနဲ့ အိမ်နီးချင်းနိုင်ငံများနဲ့ရော ဒေသတွင်း ကမ္ဘာ့နိုင်ငံများနဲ့ပါ ပိုမိုကောင်းမွန်တဲ့
ဆက်ဆံရေး တည်ထောင်လိုကြလိမ့်မယ်လို့ ကျွန်မတို့ အပြည့်အ၀ ယုံကြည်ထားပါတယ်။ ဒီတော့ အဲဒါဟာ တိုင်းပြည်အတွက်တံခါးဖွင့်ပေးဖို့၊ ပြည်သူတွေကို အခွင့်အရေးပိုမိုရရှိစေဖို့ ကောင်းမွန်တဲ့လုပ်ဆောင်မှုပဲ ဖြစ်ပါတယ်။ ဒီလိုအခြေအနေအတွက် ပါဝင်ဆောင်ရွက်ပေးရတာကို ကျွန်မတို့ အင်မတန်ဝမ်းသာကျေနပ်ပါတယ်။
ဝန်ကြီး ဦးဝဏ္ဏမောင်လွင်- တရုတ်နိုင်ငံနဲ့ ဆက်ဆံရေးနဲ့ ပတ်သက်ပြီးပြောရရင် ကျွန်တော်တို့ဟာ တရုတ်နိုင်ငံနဲ့ ရှည်လျားပြီး အစဉ်အလာရှိတဲ့ ဆက်ဆံရေးသမိုင်းကြောင်းရှိပါတယ်။
ကီလိုမီတာ ၂ဝဝဝ ကျော် နယ်နိမိတ်ချင်းထိစပ်နေတဲ့ အိမ်နီးချင်း နိုင်ငံတစ်ခုဖြစ်တာကြောင့် တရုတ်နိုင်ငံနဲ့ မြန်မာနိုင်ငံအကြားမှာ အလွန်ကောင်းမွန်တဲ့ ဆက်ဆံရေးရှိပါတယ်။
တရုတ်နဲ့ ပူးပေါင်းဆောင်ရွက်မှုတွေရှိပါတယ်။ သူတို့ဆီက ရင်းနှီးမြှုပ်နှံမှုတွေဖိတ်ခေါ်နေပါတယ်။ တရုတ်နိုင်ငံက ရင်းနှီးမြှုပ်နှံနေတာတွေလည်းရှိပါတယ်။
မြစ်ဆုံစီမံကိန်းကို ကျွန်တော်တို့တိုင်းပြည်အတွင်းမှာ စိုးရိမ်ပူပန်မှုတွေရှိတာကြောင့် ခေတ္တရပ်ဆိုင်းခဲ့ခြင်းသာဖြစ်ပြီး တရုတ်နိုင်ငံဘက်ကိုလည်း သေသေချာချာအကြောင်းကြားခဲ့ပါတယ်။
မြစ်ဆုံစီမံကိန်းဟာ တရုတ်မြန်မာပူးပေါင်း ဆောင်ရွက်မှုတွေရဲ့ တစ်စိတ်တစ်ပိုင်း ဖြစ်ပါတယ်။ သူတို့အနေနဲ့လည်း အခြေအနေကို ကောင်းကောင်းနားလည်သဘောပေါက်ပါတယ်။
တရုတ်က ဒီစီမံကိန်းရပ်ဆိုင်းမှုနှင့်ပတ်သက်ပြီး စိတ်ပျက်သွားခဲ့တယ်လို့ ကျွန်တော်ကတော့မယူဆပါဘူး။
ဘာဖြစ်လို့လဲဆိုတော့ အာဏာပိုင်တွေနဲ့ သက်ဆိုင်ရာတာဝန်ရှိ ဝန်ကြီးဌာနကို ကျွန်တော်တို့အနေနဲ့ သေသေချာချာရှင်းပြခဲ့ပါတယ်။
တရုတ်ကုမ္ပဏီကလည်း ဒီကိစ္စကို ဆွေးနွေးနေဆဲဖြစ်ပါတယ်။ မြန်မာနဲ့တရုတ်အကြား အင်မတန်ကောင်းမွန်တဲ့ ပူးပေါင်းဆောင်ရွက်မှုတွေရှိခဲ့တဲ့အတွက် ဒီကိစ္စကြောင့်တော့ တရုတ်နဲ့ အနာဂတ်ဆက်ဆံရေးကို မထိခိုက်ဘူးလို့ ယူဆပါတယ်။
အမေရိကန်ပြည်ထောင်စုနဲ့ ဆက်ဆံရေးနဲ့ ပတ်သက်လို့ကတော့ ကျွန်တော်တို့မှာ ကမ္ဘာ့နိုင်ငံအားလုံးနဲ့ ကောင်းမွန်ချစ်ကြည်တဲ့ ဆက်ဆံရေးထားရှိမယ်ဆိုတဲ့ ခိုင်မာတဲ့နိုင်ငံခြားရေးမူဝါဒရှိပြီးဖြစ်ပါတယ်။ ဒါကြောင့်လည်း အမေရိကန်နိုင်ငံနဲ့ ခိုင်မာတဲ့ဆက်ဆံရေးတစ်ရပ် တည်ဆောက်နိုင်ဖို့ နီးနီးကပ်ကပ်ပူးပေါင်းဆောင်ရွက်လျက်ရှိပါတယ်။
ဧရာဝတီ(Blog)
No comments:
Post a Comment