မူလတန်း၊ အလယ်တန်းနဲ့ အထက်တန်း ပညာအဆင့် သင်ကြားပေးနိုင်ရန် ဆရာ/ဆရာမ ဦးရေ ၁၄၀၀၀ လောက် အရေးတကြီး လိုအပ်နေတယ်လို့ အခြေခံပညာဦးစီးဌာနက ပြောပါတယ်
အခြေခံပညာဦးစီးဌာနရဲ့ ညွှန်ကြားရေးမှူးချုပ် ဦးကိုလေးဝင်းက “လိုအပ်ချက်ကတော့ လောလောဆယ်လိုနေတာ၊ ချက်ချင်းခန့်ဖို့လိုနေတာက မူလတန်းအဆင့်ဆိုရင် ၄၅၀၀ လောက်၊ အလယ်တန်းအဆင့်ဆိုရင် ၇၀၀၀ ကျော်လောက်၊ နောက်တခါ အထက်တန်းဆိုရင် ၂၃၀၀ လောက် လိုနေတာပေါ့။ လောလောဆယ် ဒါဟာ ၂၃၀၀ ဆိုတာ နဂိုတုန်းက KG 12 အရ Grade တိုးလာရင် ပိုလိုအပ်လာတယ်”လို့ ပြောပါတယ်။
ထုတ်ပြန်ထားတဲ့ ဖွဲ့စည်းပုံအရဆိုရင် ဆရာ/ဆရာမ ဦးရေ ၆၈၀၀၀၀ လောက်အထိ ခန့်အပ်ခွင့်ရှိပေမယ့် လက်ရှိမှာ ၄၅၀၀၀၀ လောက်ပဲ ခန့်ထားနိုင်သေးတယ်လို့လည်းသိရပါတယ်။
“တခြားဝန်ကြီးဌာနတွေနဲ့ ဆိုရင် ၉၃ ရာခိုင်နှုန်းလောက်ခန့်ခွင့်ပြုတယ်လို့ ပြောထားတယ်။ ဒါပေမယ့် ၉၃ ရာခိုင်နှုန်းကို ချက်ချင်းကြီးအပြည့်ခန့်လို့မရဘူး။ သတ်မှတ်တဲ့ကာလရှိတယ်။ ဆရာတို့မှာလည်း တင်ထားတာတော့ရှိတယ် အထူးသဖြင့် လိုအပ်ချက်က လောလောဆယ် အမြန်လိုနေတာတော့ရှိတယ်”လို့လည်း ဆိုပါတယ်။
အထက်တန်းကျောင်းခွဲတခုမှာ ကျောင်းဆရာ၊ ဆရာမ ၁၂ ဦး အနည်းဆုံး ခန့်အပ်ထားရမှာ ဖြစ်ပြီး လက်ရှိမှာတော့ ဆရာ၊ ဆရာမ ၇ ဦးကိုပဲ ခန့်အပ်နိုင်တယ်လို့လည်း သိရပါတယ်။
DVB
No comments:
Post a Comment