တရုတ်သမ္မတ ရှီ ကျင့်ပင်ဟာ ပူးတွဲ စစ်ဆင်ရေး ကွပ်ကဲမှုဌာနရဲ့ ဦးစီးချုပ် ဆိုတဲ့ ရာထူးအသစ်နဲ့အတူ တရုတ်စစ်တပ်ရဲ့ ဦးစီးချုပ် နေရာကို ပိုပြီးတော့ တိုက်ရိုက်ကျတဲ့ နည်းလမ်းနဲ့ ရယူလိုက်ပါတယ်။သမ္မတရှီရဲ့ ရာထူးအသစ်ကို ဗုဒ္ဓဟူးနဲ့ ကြာသပတေးနေ့တွေက ထွက်လာတဲ့ သတင်းတွေမှာ ဖော်ပြထားတာပါ။ အဲဒီသတင်းတွေ ထဲမှာ သမ္မတရှီက စစ်ဆင်ရေးကွပ်ကဲမှုဌာနရဲ့ လက်မောင်းတံဆိပ်ပါတဲ့ တိုက်ပွဲဝင်စစ်ဝတ်စုံကို ၀တ်ဆင်ထားတာ ပထမဆုံး အကြိမ် တွေ့ကြရပါတယ်။
သမ္မတရှီဟာ လက်ရှိမှာကိုပဲ ကမ္ဘာပေါ်မှာ အကြီးဆုံး အမြဲတမ်းစစ်တပ်ဖြစ်တဲ့ တပ်ဖွဲ့ဝင် ၂.၃ သန်းပါ တရုတ် ပြည်သူ့လွတ်မြောက်ရေးတပ်မတော် PLA ကို ကြီးကြပ်ရတဲ့ ဗဟိုစစ်ကော်မရှင်ရဲ့ ဥက္ကဌနေရာကို ယူထားပြီးသားပါ။
သူဟာ အာဏာရ ကွန်မြူနစ်ပါတီရဲ့ ခေါင်းဆောင်ဖြစ်သလို မကြာသေးခင် ကမှ အသစ်ဖွဲ့စည်းတဲ့ အမျိုးသားလုံခြုံရေးကောင်စီရဲ့ ဥက္ကဌလည်းဖြစ်ပါတယ်။
မတူကွဲပြားတဲ့ တပ်ဖွဲ့အသီးသီးအကြား ပေါင်းစပ်ရေး ပိုပြီး တိုးတက်ကောင်း မွန်ဖို့ ရည်ရွယ်တဲ့ PLA ရဲ့ ကွပ်ကဲမှု တည်ဆောက်ပုံ ပြန်လည်ဖွဲ့စည်းရေး ကိစ္စကို စစ်ဘက်အကြီးအကဲအနေနဲ့ သမ္မတရှီက ကြီးကြပ်တာဖြစ်ပါတယ်။
VOA
No comments:
Post a Comment