Monday, November 05, 2012

ဆွစ်ဇာလန်သံရုံးသစ် ရန်ကုန်မှာ ဖွင့်လှစ်

မြန်မာနိုင်ငံဆိုင်ရာ ဆွစ်ဇာလန်သံရုံးသစ်ကို မြန်မာနိုင်ငံကိုရောက်နေရှိတဲ့ ဆွစ်ဇာလန်နိုင်ငံခြားရေးဝန်ကြီး က မနေ့က ရန်ကုန်မြို့မှာ ဖွင့်လှစ်လိုက်ပါတယ်။

အခုလို သံရုံးသစ်ဖွင့်ရတာဟာ လက်ရှိနဲ့အနာဂတ်ကာလမှာ မြန်မာနိုင်ငံဟာ ဆွစ်ဇာလန်နိုင်ငံအတွက် အရေးပါတဲ့ နိုင်ငံတခုဖြစ်တယ်ဆိုတာကို ရှင်းရှင်းလင်းလင်း ဖော်ပြလိုက်တာဖြစ်သလို ဆွစ်ဇာလန်နိုင်ငံ အနေနဲ့ အရှေ့တောင်အာရှနဲ့ တောင်အာရှနိုင်ငံတွေကို ပေါင်းကူးထားတဲ့ မြန်မာနိုင်ငံမှာ နိုင်ငံချင်း ပူးပေါင်းဆက်ရေးတိုးမြှင့်လိုတဲ့ ဆန္ဒရှိတယ်ဆိုတာကလည်း ပြသလိုက်တာပါလို့ ဆွစ်ဇာလန်နိုင်ငံခြားရေး ၀န်ကြီး ဒီဒီရာ ဘာခေါတား (Didier Burkhalta) က ပြောပါတယ်။
ဒီမျက်နှာစာသစ်ကနေ ၁၉၅၆ ခုနှစ်ကတည်းကတည်ရှိခဲ့တဲ့ မြန်မာနဲ့ ဆွစ်ဇာလန် ၂ နိုင်ငံ တိုက်ရိုက် ဆက်ဆံရေး ကောင်းမွန်ဖို့၊ ၂ နိုင်ငံ လူ့အဖွဲ့အစည်းအကြား ထိတွေ့ဆက်ဆံမှုပိုမြင့်မားလာဖို့ ကြိုးပမ်း သွားမယ်လို့လည်း သူက ပြောပါတယ်။
မြန်မာနိုင်ငံကို သောကြာနေ့ကရောက်ရှိခိုက်မှာ ဆွစ်နိုင်ငံခြားရေးဝန်ကြီးက မြန်မာနိုင်ငံက ကျွမ်းကျင်ပညာ ရှင် ၁၅ ဦးကို နှစ်စဉ် ဆွစ်ဇာလန်နိုင်ငံကို ဖိတ်ကြားပြီး ဒီမိုကရေစီ၊ လူ့အခွင့်ရေး၊ ဖက်ဒရယ်အစိုးရစနစ်စတဲ့ ပညာရပ်လေ့လာရေးခရီးစဉ်အဖြစ် နှစ်စဉ် ဖိတ်ကြားသွားမယ့်အကြောင်း၊ ပုဂံယဉ်ကျေးမှုနယ်မြေ ကုလသ မဂ္ဂ ယူနက်စကို ကမ္ဘာ့ရှေးဟောင်းအမွေအနှစ်စာရင်းဝင်ရေး ဆောင်ရွက်နိုင်ဖို့ နှစ်စဉ် အမေရိကန်ဒေါ်လာ ၁ သိန်းလှူဒါန်းမယ့်အကြောင်း၊ နိုင်ငံဖွံ့ဖြိုးရေးအတွက် ၂၀၁၂ မှာ ဒေါ်လာ ၁၁ သန်းကူညီနေရာက ၂၀၁၃ မှာ သန်း ၂၀၊ ၂၀၁၆ ခုနှစ်နောက်ပိုင်းမှာ နှစ်စဉ် ၃၅ သန်းအထိ တိုးမြင့်ကူညီသွားမယ့်အကြောင်း ကြေညာ ခဲ့ပါတယ်။

No comments:

Post a Comment

My Blog List