ဒုတိယကမ္ဘာစစ်ကာလအတွင်း၁၉၄၂ခုနှစ်နှောင်းပိုင်းတွင်အမေရိကန်ဗိုလ်ချုပ်ကြီးစတီးဝဲလ်ဦးဆောင်ဖောက်လုပ်ခဲ့သည့်ကမ္ဘာကျော်ပိုးလမ်းမကြီး၏ဖြစ်ရပ်မှန်ရုပ်ရှင်ဇာတ်လမ်းကိုတရုတ်နိုင်ငံယူနန်ရုပ်ရှင်ထုတ်လုပ်ရေးနှင့်ပူးပေါင်းကာပူးတွဲထုတ်လုပ်ပြသသွားရန်ရှိကြောင်းပြန်ကြားရေးဝန်ကြီးဌာနနှင့်ယဉ်ကျေးမှုဝန်ကြီးဌာနပြည်ထောင်စုဝန်ကြီးဦးကျော်ဆန်းကပြောသည်။
အိန္ဒိယနိုင်ငံလီဒိုမြို့မှမြန်မာနိုင်ငံမြောက်ပိုင်းကချင်ပြည်နယ်ကိုဖြတ်၍တရုတ်နိုင်ငံချုံကင်းအထိဖောက်လုပ်ထားသောအဆိုပါလမ်းမကြီးမှာမိုင်၂၀၀၀ခန့်ရှည်လျား၍ကမ္ဘာကျော်လမ်းမကြီးတစ်ခုလည်းဖြစ်သည်။ ထို့ကြောင့်ဖြစ်ရပ်မှန်ရုပ်ရှင်ရိုက်ကူးသွားရန်ဆောင်ရွက်လျက်ရှိကြောင်း“မကြာခင်မှာသဘောတူစာချုပ်ချုပ်ဆိုသွားဖို့ရှိပါတယ်”ဟုဦးကျော်ဆန်းကယနေ့ကျင်းပပြုလုပ်သောပြည်ထောင်စုလွှတ်တော်အစည်းအဝေးတွင်ပြောကြားသည်။ အလားတူပင်မြန်မာနိုင်ငံပျူခေတ်ကာလအတွင်းတရုတ်ဟန်မင်းဆက်နှင့်သံတမန်အဆက်အသွယ်ရှိခဲ့ပုံရုပ်ရှင်သံကြားဇာတ်လမ်းတွဲတစ်ခုကိုယူနန်တီဗီနှင့်ပူးတွဲထုတ်လုပ်ဖြန့်ချိပြသရန်ဆောင်ရွက်လျက်ရှိသည်။ထိုသို့ဆောင်ရွက်ရာတွင်မူနှစ်ဖက်ပူးတွဲထုတ်လုပ်ခြင်း၊နှစ်နိုင်ငံအပြန်အလှန်ပြသခြင်း၊ထည့်ဝင်ထားသောအရင်းအနှီးအပေါ်မူတည်၍အကျိုးအမြတ်ခွဲဝေခံစားခြင်းစသည့်မူများဖြင့်ဆောင်ရွက်ခြင်းဖြစ်ကြောင်းဦးကျော်ဆန်းကပြောသည်။
No comments:
Post a Comment