မြန်မာ-တရုတ်နယ်စပ် မူဆယ်ဂိတ်၌ တရုတ်နိုင်ငံမှ ကြက်နှင့် ကြက်ထွက်ပစ္စည်းများ တင်သွင်းမှု ရှိနေသည့်အတွက် သက်ဆိုင်ရာက ဖျက်ဆီးနေရ

တရုတ်နိုင်ငံတွင် ကြက်ငှက်တုပ်ကွေးရောဂါ မျိုးစိတ်သစ် H7N9 ဖြစ်ပွားနေသည့်အတွက် မြန်မာနိုင်ငံသို့ ကူးစက်မလာရန် မြန်မာ-တရုတ်နယ်စပ် မူဆယ်ဂိတ်၌ တရုတ်နိုင်ငံမှ ကြက်နှင့် အခြားကြက်ထွက် ပစ္စည်းများ တရားဝင်တင်သွင်းမှုကို ရောဂါစဖြစ်စဉ် ကတည်းက ပိတ်ထားသော်လည်း လက်ရှိ နယ်စပ်ဒေ သများမှတင်သွင်းမှုများရှိနေသည့်အတွက်သက်ဆိုင်ရာမှဖျက်ဆီးမှုများ ပြုလုပ်နေရကြောင်း   မွေးမြူရေး ဦးစီးဌာနမှ သိရသည်။လက်ရှိ မြန်မာ-တရုတ်နယ်စပ်ရှိ မူဆယ်ဂိတ် အပါအ၀င် နယ်စပ်ဂိတ်များမှ ကြက်နှင့်အခြား ကြက်ထွက်ပစ္စည်း တင်သွင်းမှုကို မွေးမြူရေး ဦးစီးဌာန၊ ပြည်ထဲရေး ၀န်ကြီးဌာန၊

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနနှင့် သက်ဆိုင်ရာ နယ်စပ်ဂိတ်များ ပူးပေါင်း၍ တင်းကျပ်စွာ စစ်ဆေးလျက်ရှိကြောင်း သိရှိရသည်။ယင်းကဲ့သို့ စစ်ဆေးခြင်းကို တရုတ်နိုင်ငံတွင် ကြက်ငှက်တုပ်ကွေးရောဂါ ဖြစ်ပွားနေစဉ် ကတည်းက လုပ်ဆောင်နေခြင်း ဖြစ်ကြောင်း သိရသည်။ဧပြီလ အတွင်းက နယ်စပ်ဒေသများမှ တင်သွင်းလာသည့် ကြက်ကောင်ရေ ၄၄၅ ကောင်နှင့် ကြက်ဥ ၉၇၂၀ လုံးကို မူဆယ် ၁၀၅ မိုင် ကုန်သွယ်ရေးရုံး၌ပင် ဖျက်ဆီးခဲ့ပြီး ဖြစ်ကြောင်း သိရသည်။ မြန်မာနိုင်ငံအတွင်းမှ ကြက်နှင့် အခြားကြက်ထွက် ပစ္စည်းများကို ကျန်းမာရေး ကင်းစင်ကြောင်း လက်မှတ်ဖြင့် ကူးသန်းရောင်း ၀ယ်ခွင့် ပြုထားကြောင်းနှင့် လက်ရှိ အချိန်အထိ ပြည်တွင်း၌ ကူးစက်ပျံ့နှံ့မှု မရှိသေးကြောင်း မွေးမြူရေး ဦးစီးဌာနမှ သိရသည်။ ထို့ပြင် ဗီယက်နမ် အစိုးရကလည်း တရုတ်မှ ကြက်၊ ဘဲ တင်သွင်းကုန် အားလုံးကို တားမြစ်ချက် ထုတ်ပြန်ခဲ့ပြီး နှစ်နိုင်ငံ ထိစပ်နေသော နယ်စပ်များကိုလည်း ပိုမိုတင်းကျပ် ထားကြောင်း ဧပြီ ၂ ရက်က စိုက်ပျိုးရေး ၀န်ကြီးဌာန ၀က်ဘ်ဆိုက်တွင် ဖော်ပြခဲ့သည်။
လက်ရှိတရုတ်နိုင်ငံတွင် H7N9 ကူးစက်ခံရသူ ၁၃၅ ဦးနှင့် သေဆုံးသူဦးရေ ၃၅ ဦးအထိ ရှိနေပြီဖြစ်ကြောင်း တရုတ်နိုင်ငံပိုင် မီဒီယာများတွင် ဖော်ပြချက်အရလည်း သိရှိရသည်။

၂၀၁၂ ခုနှစ်အတွင်းက ကြက်ငှက်တုပ်ကွေးဖြစ်ပွားခဲ့သည့် ကြက်မွေးမြူရေးခြံမှ ကြက်များကို သက်ဆိုင်ရာမှ မြေမြှုပ်ဖျက်ဆီးနေစဉ်