အမေရိကန် ဘဏ္ဍာရေး အကြပ်အတည်း ညှိုနှိုင်းမှု အလားအလာကောင်း

Friday, October 11, 2013
အမေရိကန်ပြည်ထောင်စုရဲ့ အကြွေးတွေမပျက်မကွက် ပေးဆပ်နိုင်ရေးအတွက်ရန်ပုံငွေကန့်သတ်ထားတာ ထက် တိုးပြီးသတ်မှတ်ရေး အလားအလာရှိတဲ့ လှုပ်ရှားမှုတွေကြာသပတေးနေ့က တွေ့ခဲ့ရပါတယ်။ အောက် လွှတ်တော် Republican အမတ်တွေက ရန်ပုံငွေ ကန့်သတ်ချက်ကို သီတင်း ၆ ပတ် စာတိုးပေးဖို့ကမ်းလှမ်း လိုက်ပါတယ်။ ဒီကမ်းလှမ်းချက် အသေးစိတ်မှာ ဘယ်အချက်တွေ ပါဝင်သလဲ ဆိုတာကိုတော့ ချက်ချင်းမ သိရသေးပါဘူး။သမ္မတအိုဘားမားကတော့ ဒီကမ်းလှမ်းချက်ကြောင့် အားတက်တယ်လို့ ဆိုတဲ့အကြောင်း အိမ်ဖြူတော် ပြောခွင့်ရသူ Jay Carney ကပြောပါတယ်။ အောက် လွှတ်တော်မှာ ခေါင်းအေးအေး ထားတဲ့ သူတွေက အနိုင်ရသွားပုံရတယ်လို့လည်း ဆိုပါတယ်။ ရန်ပုံငွေကန့်သတ်ချက်ကို ရေတိုတိုးပေမယ့် Republican တွေရဲ့ ကမ်းလှမ်းချက်တွေကို သမ္မတ အနေနဲ့ သဘောတူဖို့အလားအလာများပေမဲ့ ဘာခြွင်း ချက်မှပူးတွဲမထားမှသာ လက်ခံမှာဖြစ်တယ်လို့ Jay Carney ကပြောပါတယ်။ သမ္မတ အိုဘားမားနဲ့ ရီပတ်ပလင်ပါတီခေါင်းဆောင်တွေဟာ အိမ်ဖြူတော်မှာ ကြာသပတေးနေ့ ညနေခင်း က တွေ့ဆုံခဲ့ပေမဲ့ အစည်းအဝေးပွဲအပြီးမှာ ရီပတ်ပလင်ဘက်ကရော ဒီမိုကရက်တွေဘက်ကပါတစုံတရာ မှတ်ချက်ပေးခြင်းမရှိပါဘူး။အိမ်ဖြူတော်ကတော့ ဒီဆွေးနွေးပွဲကနေ ဆုံးဖြတ်ချက် မချနိုင်သေးပေမဲ့လို့ သမ္မတအနေနဲ့ ပါတီနှစ်ရပ်စလုံးက ခေါင်းဆောင်တွေနဲ့ တိုးတက်မှုရှိအောင် ဆက်ပြီးဆွေးနွေးသွားမယ်လို့ ပြောပါတယ်။ ဒါပေမဲ့ အောက်လွှတ်တော် ဥက္ကဋ္ဌ John Boehner ရဲ့ရုံးက သမ္မတနဲ့ဆွေးနွေးပွဲဟာ အပြု သဘောဆောင်တဲ့ အကြောင်း ဒီဝါရှင်တန်ည ဒီအချိန်မှာ ဆက်ပြီးတော့ ဆွေးနွေးသွားမယ်လို့ပြောပါတယ်။ ဒီမိုကရက်တစ်ပါတီ လူများစုခေါင်းဆောင် Harry Ried ကတော့ Republican တွေရဲ့ ကမ်းလှမ်း ချက်ထဲ မှာ လေနဲ့အတူ ဘာတွေပါ လာမလဲ ဆိုတာ စောင့်ကြည့်နေတယ်လို့ပြောပါတယ်။ အစိုးရ လုပ်ငန်းတွေ ပြန် လည်ပတ်နိုင်မှသာ Republican တွေ နဲ့ စေ့စပ်ဆွေးနွေးနိုင်မယ်လို့လည်း Harry Ried ကပြောပါတယ်။ အစိုးရလုပ်ငန်း အများစု ရပ်ဆိုင်းထားရတာ ဒီနေ့ ၁၂ ရက်မြောက်ခဲ့ပြီး တနိုင်ငံလုံး ဂယက်ရိုက်နေပါတယ်။ ရန်ပုံငွေ ကန့်သတ်ချက်တိုးပေမယ့် အလားအလာကြောင့် ကြာသပတေးနေ့ အမေရိကန် အစုရှယ်ယာဈေး ၂% ကျော် ထိုးတက်ခဲ့ပါတယ်။
VOA