ဆန္ဒပြခဲ့သည့် ရွှေစကားအထည်ချုပ်စက်ရုံမှ အလုပ်သမားများ တိုးတောင်းသည့် လစာမှာ တစ်လအတွက်သာ အာမခံချက်ရရှိ

Thursday, October 10, 2013
ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်ရှိ ရွှေစကားအထည်ချုပ်စက်ရုံမှ အလုပ်သမားများ လုပ်ခတိုးမြှင့် မပေးမှုကြောင့် ဆန္ဒပြခဲ့ရာ ယခုလအတွက် လစာကိစ္စ ပြေလည်သော်လည်း ယင်းလစာမှာ တစ် လစာအတွက်သာနှုတ်ကတိဖြင့် တိုးမြင့်ပေးထားခြင်း ဖြစ်သည်ဟု ယင်းအထည်ချုပ်လုပ်ငန်းမှ အလုပ်သမားတစ်ဦးဖြစ်သည့် မမိုးမိုးလွင်က အောက်တိုဘာ ၈ ရက်တွင် မဇ္ဈိမကို ပြောသည်။
အလုပ်သမား တစ်ရာကျော်ရှိသော ယင်းစက်ရုံမှ အလုပ်သမားများ တောင်းဆိုထားသည့် လစာတိုးမြင့်မပေးမှုကြောင့် အောက်တိုဘာ ၅ ရက်တွင် စက်ရုံဝင်းအတွင်း ဆန္ဒပြခဲ့ပြီး၊ အောက်တိုဘာ ၈ ရက်တွင် ဒုတိယအကြိမ် ဆန္ဒပြခဲ့ရာ လစာတိုးပေးသော်လည်း ယင်းလစာမှာ တစ်လစာအတွက်သာ ဖြစ်သည်ဟု အလုပ်သမားများကပြောသည်။ လစာတိုးမြင့်ပေးမည်ဟု ကတိပြုခဲ့သည်မှာ နှုတ်ကတိသာဖြစ်၍ တစ်လစာသာ တိုးမြှင့်လစာပေးပြီး နောက်လများ တွင် ပြန်လည် ပြောင်းလဲမည်ဟု အလုပ်ရှင်အလုပ်သမား သဘောတူညီ လက်မှတ်ရေး ထိုးခဲ့သည်ဟုလည်း မမိုးမိုးလွင်က ပြောသည်။ ၎င်းက “ကျွန်မတို့က လစာကို လကုန်ပြီး ငါးရက်မှ ရတယ်။ လစာထုတ်တော့ လစာကို အပြည့်မပေးတဲ့အတွက် ဆန္ဒပြကြတာပါ။ ဒါကို စက်ရုံဝင်းထဲမှာ သော့ခတ်ထားပါတယ်”ဟု ဆိုသည်။
“တနင်္လာနေ့(အောက်တိုဘာ ၇ )မှာ လစာပေးမယ်လို့ စက်ရုံပိုင်ရှင်က ပြောတယ်။ ဒါပေမဲ့ မပေးဘဲနေတဲ့အတွက် ဒီနေ့ (အောက်တိုဘာ ၈) ထပ်ပြတာပါ”ဟုလည်း မမိုးမိုးလွင်က ဆက်ပြောသည်။
လက်ရှိတွင် အလုပ်ရှင် အလုပ်သမား နှစ်ဦးသဘောတူညီမှု လေးခုဖြင့် စာချုပ်တွင် လက်မှတ်ရေးထိုး ထားခြင်းဖြစ်၍အောက်တိုဘာ ၁၁ ရက်တွင် ကတိပြုထားသော လစာနှုန်းထားများကို ပေးမည်ဖြစ်ကြောင်း ဒဂုံဆိပ်ကမ်းမြို့နယ် အလုပ်ရှင်အလုပ်သမား ညှိနှိုင်းဖျန်ဖြေရေးအဖွဲ့မှ ကိုမျိုးကြီးက မဇ္ဈိမကို ပြောသည်။
၎င်းက “အခုပြောထားတဲ့ လစာက နှုတ်ကတိသာ ဖြစ်တဲ့အတွက် ကိုးလပိုင်းအတွက်ပဲ ပေးနိုင်မယ်။ နောက်လတွေ အတွက် ထပ်ကြေညာမယ်။ မကျေနပ်ရင် မိမိသဘောဆန္ဒအရ အလုပ်ထွက်နိုင်တယ်ဆိုတဲ့ အချက်တွေကို နှစ်ဖက် စလုံး သဘောတူ လက်မှတ်ထိုးထားပါတယ်”ဟု ပြောသည်။
ယင်းသို့ လစာနှုန်းထား ပြောင်းလဲမည့်အပေါ် မမိုးမိုးလွင် “လစာက အခုရတာက ခုနစ်သောင်းဝန်းကျင်တွေပဲ ရကြတာလေ။ တိုးပေးမယ်ပြောလို့ အားလုံးကလည်း မျှော်လင့်နေကြတာ။ လစာပြောင်းလဲရင် နည်းရင်နည်းသွား မယ်၊ ကျွန်မတို့အနေနဲ့ မလိမ့်တစ်ပတ် လုပ်ခံရတာလို့ပဲ မြင်တယ်။ ဘယ်လိုလုပ်မယ်ဆိုတာတော့ အားလုံး မတိုင်ပင် ရသေးပါဘူး”ဟု မဇ္ဈိမကို ပြောသည်။
ဆန္ဒထုတ်ဖော်ကြသော အလုပ်သမားတစ်ရာခန့်၏ လစာငွေများမှာ ခုနစ်သောင်းခန့်ရှိပြီး တိုးမြင့်ရရှိမည့် လစာငွေ မှာ ကျပ်ကိုးသောင်း ၀န်ကျင်ဖြစ်သည်။
ကေဇင်ဦး
Mizzima - News in Burmese