နိုင်ငံရေး အကျပ်အတည်း မြင့်တက်မှုသည် နိုင်ငံ ယိုယွင်းပျက်ပြားမှုကို ဦးတည်နိုင်သည်ဟု အီဂျစ်စစ်ဦးစီးချုပ် သတိပေးပြောကြား

အီဂျစ်နိုင်ငံအတွင်း နိုင်ငံရေး အကျပ် အတည်း မြင့်တက်မှုလာ သည် နိုင်ငံ ယိုယွင်းပျက်ပြားမှုကို ဦးတည်နိုင်သည်ဟု အီဂျစ် ကာ ကွယ်ရေး ၀န်ကြီးနှင့် စစ်ဦးစီးချုပ် ဗိုလ်ချုပ်ကြီး အဘ်ဒယ်ဖတ် တာအယ်ဆစ်စီက ဇန်န၀ါရီ ၂၉ ရက်နေ့တွင် သတိပေးပြော ကြားခဲ့ သည်။
နိုင်ငံရေး အကျပ်အတည်းကို ဖြေရှင်းနိုင်မှု မရှိခြင်းသည် စိုးရိမ်ရသည့် အကျိုးဆက်များကို ဖြစ်ပွားစေနိုင်သည်ဟု ဆစ်စီက သူ၏တရားဝင်
ဖေ့စ်ဘွတ်ခ် စာမျက်နှာပေါ်တွင် သုံးသပ်ရေးသားခဲ့သည်။နိုင်ငံရေး အင်အားစုများနှင့် ၎င်းတို့၏ ကွဲပြားခြားနားလှသော နိုင်ငံစီမံခန့်ခွဲမှုများအကြား ပဋိပက္ခများ ဆက်လက်ဖြစ်ပွားခြင်းသည် နိုင်ငံပျက်စီး ပြိုလဲမှုနှင့် အနာဂတ်မျိုးဆက်များကို ခြိမ်းခြောက်စေနိုင်သည်ဟု စစ်တက္ကသိုလ်ရှိ ဗိုလ်လောင်းများကို ပြောကြားခဲ့သည့် မိန့်ခွန်းမှပြောစကားကို ကောက်နုတ်ပြီး ဆစ်စီ က ဖေ့စ်ဘွက်ခ်တွင် ဖော်ပြခဲ့သည်။

နိုင်ငံရေး၊ စီးပွားရေး၊ လူမှုရေးနှင့် လုံခြုံရေးပြဿနာများသည် အီဂျစ်နိုင်ငံ၏ လုံခြုံရေးနှင့် တည်ငြိမ်မှုကို ခြိမ်းခြောက်မှုတစ်ခု ဖြစ်သည်ဟုလည်း ဆစ်စီက သတိပေးခဲ့သည်။ စစ်တပ်သည် နိုင်ငံ၏ အချက်အခြာ ကျသော အုတ်မြစ်အဖြစ် ခိုင်ခိုင်မာမာ ရှိနေဦးမည်ဖြစ်ကြောင်းကိုလည်း ၎င်းက အလေး အနက် ထား ပြောကြားခဲ့သည်။

သမ္မတဟောင်းဟိုစနီမူဘာရက်ရာထူးမှဖြုတ်ချခံရသည့်လူထုတော်လှန်ရေး နှစ်နှစ်ပြည့်မှုကို ပြုလုပ်ခဲ့စဉ်အတွင်း ဇန်န၀ါရီ ၂၄ ရက်နေ့တွင် ဆန္ဒပြမှုများ ဖြစ်ပွားခဲ့သည်။ ရဲများနှင့် ဆန္ဒပြသူများအကြား ပဋိပက္ခ ဖြစ်ပွားခဲ့ပြီး ဆန္ဒပြမှု ငါးရက်မြောက်နေ့တွင် သေဆုံးသူ ၅၂ ဦးထိ ရှိလာခဲ့သည်။ ဆန္ဒပြမှုများကြောင့် အီဂျစ်နိုင်ငံအတွင်းရှိ ပို့ဆက်ဒ်၊ အစ္စလာမ်မီးယား (Ismailiya) နှင့် စူးအက် ပြည်နယ်သုံးခုတွင် သတ်မှတ်ချိန်အတွင်း အပြင်မထွက်ရ အမိန့်ထုတ်ပြန်ခဲ့သည်။

ပြီးခဲ့သည့်နှစ်က ကျင်းပခဲ့သည့် အီဂျစ်ဘောလုံးပွဲစဉ် တစ်ခုအပြီးတွင် ပရိသတ် အကြမ်းဖက်မှု၌ ပါဝင်ခဲ့သူ ၂၁ ဦးကို သေဒဏ်ချခဲ့မှုကြောင့် ပို့ဆက်ဒ်တွင် ဇန်န၀ါရီ ၂၆ ရက်နေ့က ဆန္ဒပြမှုများ ဖြစ်ပွားခဲ့သည်။

ဓာတ်ပုံ - ဇန်န၀ါရီလ ၂၈ ရက်နေ့က ကိုင်ရိုရှိ တဟီရာရင်ပြင်တွင် ဆန္ဒပြနေသူများနှင့် အဓိကရုဏ်း နှိမ်နင်းရေး ရဲများ ပဋိပက္ခ ဖြစ်နေစဉ်

Ref:AFP
Eleven Media Group