ဘော်နီယို ကျွန်းဆွယ် လက်နက်ကိုင် ဖိလစ်ပိုင် မျိုးနွယ်စုကို မလေးရှား အစိုးရ တပ်ဖွဲ့ တိုက်ခိုက်

မလေးရှား တပ်ဖွဲ့ဝင် များက ဘော်နီယို ကျွန်းဆွယ် တွင် မကြာမီ ရက်ပိုင်း အတွင်းက ရဲတပ်ဖွဲ့ဝင် ရှစ်ဦး ကို သတ်ဖြတ် ခဲ့သည့် ဖိလစ်ပိုင် မျိုးနွယ်စု တစ်စု၏ လက်နက်ကိုင် အဖွဲ့ဝင် များအား စီးနင်း တိုက်ခိုက် မှုကို စတင် လုပ်ဆောင် ခဲ့ကြောင်း အင်တာနက် သတင်းတစ်ရပ် အရ သိရသည်။
ဖိလစ်ပိုင် လက်နက်ကိုင် တပ်ဖွဲ့ဝင် ၁၈ဝ ခန့်က သိမ်းယူ ထားခဲ့သော မလေးရှား နိုင်ငံ ဆာ ဘာြး ပည်နယ် အတွင်းရှိ ပိုင်နက်နယ်မြေ တစ်ခုကို ပြန် လည် သိမ်းယူရန် အတွက် မလေးရှား တပ်ဖွဲ့ဝင် များက စစ်ဆင်ရေး တစ်ရပ်ကို မတ် ၄ ရက် ဒေသ စံတော်ချိန် နံနက် ၇ နာရီတွင် စတင် ပြုလုပ်ခဲ့ကြောင်း မလေးရှား အစိုးရ အဖွဲ့က ပြောကြား ခဲ့သည်။

ထို့ပြင် မလေးရှား ကြည်းတပ်က တပ်ရင်း ခုနစ်ရင်းကို ၎င်းဒေသများတွင် မတ် ၄ ရက်က တပ်ဖြန့် ချထား ခဲ့ကြောင်း သိရသည်။ ဖိလစ်ပိုင် မျိုးနွယ်စု လက်နက်ကိုင် တပ်ဖွဲ့ဝင် များသည် လာဟက်ဒ်ဒါတူ ခရိုင်ရှိ ကမ်းခြေကျေးရွာ တစ်ရွာသို့ ပြီးခဲ့သည့်လက ရောက်ရှိလာခဲ့ပြီး ထိုနယ်မြေ များကို ၎င်းတို့၏ ပိုင်နက်နယ်မြေ အဖြစ် အခိုင်အမာ ပြော ကြားခဲ့သည်။
ဖိလစ်ပိုင် မျိုးနွယ်စု လက်နက်ကိုင် တပ်ဖွဲ့ဝင် များသည် ရာစုနှစ်ပေါင်း များစွာက ဘော်နီယိုကျွန်း မြောက် ပိုင်းကို အုပ်ချုပ်ခဲ့သည့် ဖိလစ်ပိုင် နိုင်ငံ တောင်ပိုင်း ဆူလူကျွန်း ဆူလတန် မျိုးနွယ်စုမှ ဆင်းသက် လာသူများ ဖြစ်ကြောင်း မလေးရှား အစိုးရက ၎င်းတို့၏ ပိုင်နက် နယ်မြေများကို ငှားရမ်း အသုံးပြုမှု အတွက် ငွေကြေး အများအပြား ပေးရန် တောင်းဆိုခဲ့ကြောင်း ၎င်းတို့၏ တပ်ဖွဲ့ဝင် များက ပြောကြား ထားသည်။

သို့သော်လည်း ၎င်းတို့၏ တောင်းဆိုမှုကို မလေးရှား အစိုးရက ငြင်းဆိုခဲ့ပြီး ၎င်းတို့၏ နေရပ်သို့ ပြန်ရန် ၎င်းတို့အား တိုက်တွန်း ခဲ့သည်။ ထို့ပြင် သွေးထွက်သံယိုမှု များကို နောက်ထပ် ဖြစ်ပွားခြင်း မရှိစေရန် မလေးရှား အစိုးရအား ဖိလစ်ပိုင် အစိုး ရက မတ် ၄ ရက်တွင် မေတ္တာရပ်ခံခဲ့ပြီး မလေးရှား အစိုးရနှင့် ဆွေးနွေးပွဲများ ပြု လုပ်ရန် အတွက် ဖိလစ်ပိုင် နိုင်ငံခြားရေး ဝန်ကြီး အဲလ်ဘတ်ဒီလ် ရိုဆာရီအိုကို မလေးရှား နိုင်ငံသို့ စေလွှတ် ခဲ့သည်။

ဖိလစ်ပိုင် မျိုးနွယ်စု လက်နက်ကိုင် တပ်ဖွဲ့ဝင် များအား ၎င်းတို့၏ နေရပ်သို့ ပြန်လည် ခေါ်ယူရန် ဖိလစ်ပိုင် ရေတပ် စစ်သင်္ဘော တစ်စင်းကို လာဟက်ဒ်ဒါတူ ခရိုင်သို့ ဝင်ရောက်ခွင့် ပြုရန် မေတ္တာ ရပ်ခံမည်ဖြစ်ကြောင်း ဖိလစ်ပိုင် အစိုးရက ပြောကြား ခဲ့သည်။

ဆာဘား ပြည်နယ်သည် ၁၉၆၃ ခုနှစ်က မလေးရှား နိုင်ငံ၏ ပြည်နယ်တစ်ခု ဖြစ်လာခဲ့ပြီး မလေးရှား နိုင်ငံက ဆူလူဆူလတန် တို့အား နှစ်စဉ် မြေငှားရမ်းခ ပေးနေရကြောင်း သိရသည်။

http://bit.ly/YbWhLg