မြန်မာနိုင်ငံရဲ့ ရေနံနဲ့ သဘာဝဓါတ်ငွေ့ လုပ်ငန်းကဏ္ဍဟာ ပွင့်လင်းမြင် သာမှုရှိတဲ့ ခေတ်သစ်တစ်ရပ်ကို ရောက်ရှိပါတော့မယ်လို့ မြန်မာစွမ်း အင်ဝန်ကြီးဌာနက ကတိပြုပြောကြားလိုက်ပါတယ်။ရန်ကုန်မြို့မှာ မနေ့က ကျင်းပခဲ့တဲ့ မြန်မာ့စွမ်းအင်ညီလာခံမှာ စွမ်းအင် ၀န်ကြီးဌာန အရာရှိတွေက ပြောကြားခဲ့ကြတာပါ။ အဲ့ဒီညီလာခံမှာ ထင်ရှားတဲ့ နိုင်ငံခြားစွမ်းအင်ကုမ္ပဏီကြီးတွေ တက်ရောက်ခဲ့ကြပါတယ်။ပွင့်လင်းမြင်သာမှုဆိုတာ အင်မတန်အရေးကြီးတဲ့ ဝေါဟာရဖြစ်ပါတယ်၊ ဒါကြောင့် အစိုးရက EITI ခေါ် တိုင်းပြည်ရဲ့သယံဇာတတွေက ရရှိတဲ့အကျိုးကျေးဇူးတွေကို ပြည်သူတွေခံစားနိုင်ရေးဆိုတဲ့၊ နိုင်ငံတကာက ချမှတ်ထားတဲ့ အစီအစဉ်ကို အကောင်အထည် ဖေါ်လိုက်တာဖြစ်ပါတယ်လို့ စွမ်းအင်ဝန်ကြီးဌာန လက်ထောက် ညွှန်ကြားရးမှူး ဦးအောင်ကျော်ထူးကပြောပါတယ်။
အရင်စစ်အစိုးရလက်ထက် တလျောက်လုံး စွမ်းအင်ကဏ္ဍနဲ့ ပတ်သက်ပြီး ဘယ်လိုဘယ်ပုံ ဆောင်ရွက် လုပ်ကိုင်နေမှန်း ထင်ထင်ရှားရှားမသိရပဲ၊ အကျင့်ပျက်ခြစားမှုတွေ တပုံတပင်ရှိခဲ့ တာကြောင့် မြန်မာ့ သယံဇာတတွေကို တိုင်းပြည်ကမခံစားရပဲ အချည်းနှီးဖြစ်ခဲ့ရတယ်လို့ ဝေဖန်ခဲ့ကြပါတယ်။ အခုတော့ စွမ်းအင်လုပ်ကွက်တွေကို လေလံပစ်ရာမှာ နိုင်ငံတကာ စံချိန်စံညွှန်းတွေ အတိုင်း ဆောင်ရွက် သွားမှာဖြစ်တယ်လို့ အရာရှိတွေကပြောပါတယ်။
အလားတူ သစ်တောစတဲ့ တခြားကဏ္ဍတွေမှာလည်း ပွင့်လင်းမြင်သာမှုရှိရှိ ဆောင်ရွက်သွားတော့ မှာဖြစ်ကြောင်း ဦးအောင်ကျော်ထူး ကပြောပါတယ်။
RFA
No comments:
Post a Comment