လိုလား တက်ကြွသော မိတ်ဖက်အဖြစ် အီရန်ကို အမေရိကန် ကမ်းလှမ်း

Tuesday, August 06, 2013
ရွေးကောက်ပွဲတွင် အနိုင်ရခဲ့ပြီးနောက် အီရန် သမ္မတ ရိုဟာနီသည် သမ္မတ ရာထူး လက်ခံ ရယူခဲ့ပြီး နောက် အီရန်နှင့် လိုလား တက်ကြွသော မိတ်ဖက်အဖြစ် အမေရိကန် အစိုးရက ကမ်းလှမ်းလိုက်ေ ကြာင်း BBC သတင်းတွင် ဖော်ပြထားသည်။
ယခုချိန်ခါတွင် အီရန် နျူကလီးယား ရည်မှန်းချက်ကြောင့် ကမ္ဘာ့နိုင်ငံများ၏ စိုးရိမ် ကြောက်ရွံ့မှုများကို လျော့ပါးအောင် ပြုလုပ်နိုင်သော အခွင့်အရေးနှင့် နိုင်ငံတကာ တာဝန် ဝတ္တရားများနှင့်အညီ ပြုမူ သွားရန် အခွင့်အရေး ရှိနေသည့် အချိန် ဖြစ်ကြောင်း အမေရိကန်သမ္မတ အိမ်ဖြူတော် က ပြောကြားသည်။

တရုတ်- ဗီယက်နမ်ပိုင်နက် အငြင်းပွားမှု ဖြေရှင်းရေး ဆက်လက် ဆွေးနွေးမည်

Tuesday, August 06, 2013
ဗီယက်နမ် နိုင်ငံသို့ အလည်အပတ်ရောက် ရှိနေသော တရုတ်နိုင်ငံခြားရေး ဝန်ကြီး ဝမ်ရီနှင့် ဗီယက် နမ် နိုင်ငံခြားရေး ဝန်ကြီး ဖန်ဘင်မင်တို့သည် သြဂုတ် ၄ ရက်က ဟနွိုင်းမြို့၌ တွေ့ဆုံ ဆွေးနွေး ခဲ့ကြပြီး တောင်တရုတ် ပင်လယ်အတွင်းရှိ စပရက်တလီကျွန်းစု အရေးကိစ္စနှင့် ပတ်သက်၍ နှစ်နိုင်ငံ အကြားအငြင်းပွား နေမှုများကို ဖြေရှင်းရေးအတွက် စေ့စပ်ဆွေးနွေးမှုများဆက်လက် ပြုလုပ်သွားရန် သဘောတူညီခဲ့ကြောင်းသြဂုတ် ၅ရက် အင်တာနက်သတင်းတစ်ရပ်အရ သိရသည်။
ဆွေးနွေးပွဲတွင် ဗီယက်နမ် နိုင်ငံခြားရေး ဝန်ကြီး ဖန်ဘင်မင်က စပရက်တလီ ကျွန်းနှင့် ပတ်သက်၍ ပိုင်နက် နယ်မြေ ဆိုင်ရာ အငြင်းပွား နေမှုများကို ငြိမ်းချမ်းစွာ ဖြေရှင်း ဆောင်ရွက်သင့်ကြောင်း တိုက်တွန်း ပြောကြားခဲ့ပြီး တရုတ် နိုင်ငံခြားရေးဝန်ကြီး ဝမ်ရီကလည်း တရုတ်နိုင်ငံ အနေဖြင့် ဗီယက်နမ် နိုင်ငံနှင့် ဆက်ဆံရေးကို ပျက်ပြားစေမည့် ဆောင်ရွက်မှုမျိုး လုပ်ဆောင်ရန် ဆန္ဒမရှိကြောင်း တုံ့ပြန် ပြောကြားခဲ့သည်။

ပါကစ္စတန်နိုင်ငံအနှံ့ မိုးကြီးမှုကြောင့် ၂၃ ဦး သေဆုံး

Tuesday, August 06, 2013
မိုးကြီးသောကြောင့် ရေကြီးရေလျှံမှုများပါ ဖြစ်ပွားလျက်ရှိသော ပါကစ္စတန်နိုင်ငံ အနှံ့အပြားတွင် ထိခိုက် ဆုံးရှုံးမှုများ ဖြစ်လျက်ရှိကာ စုစုပေါင်း လူ ၂၃ ဦးအထိ သေဆုံးထားကြောင်း ပါကစ္စတန် ပြည်တွင်း မီဒီယာများ၏ ဖော်ပြချက်အရ သိရသည်။
ရေကြီးမှုဒဏ်ကို အဓိက ခံရသည့် ဒေသများမှာ ကရာချိ၊ ဘာလူချီစတန်၊ ဒီဂျီခန်းနှင့် ခီဘာပက်ခ်ထန် ခွာ ပြည်နယ်များတွင် အချို့ နေရာများ မှာ ရေအောက်သို့ နစ်မြုပ်လျက် ရှိပြီး မြစ်ရေကြီးမှုများက လည်း အန္တရာယ် အရှိဆုံး အဆင့်သို့ ရောက်ရှိနေသည်။
အိမ်ခေါင်မိုးများ ပြိုကျခြင်း၊ လျှပ်စစ် ဓာတ်လိုက်မှုများ ဖြစ်ခြင်းနှင့် ရေနစ်ခြင်း များကြောင့် ပြီးခဲ့သည့် မိုးသည်းထန်စွာ ရွာသွန်းသော သုံးရက်အတွင်း စုစုပေါင်း လူ ၂၃ ဦး သေဆုံးထားသည်။

တက္ကသိုလ်တက်ရန်စရိတ်ခက်ခဲသူများကို ကရုဏာစင်တာက ထောက်ပံ့

Tuesday, August 06, 2013
တက္ကသိုလ်ဝင်တန်းတွင် အောင် မြင်ခဲ့သည့် ငွေကြေးချို့တဲ့သည့် ကျောင်းသား၊ ကျောင်းသူများ တက္ကသိုလ်ဆက်၍တက်ရောက်နိုင်ရေးအတွက် ကရုဏာစင်တာပညာရေးစောင့်ရှောက်မှုအဖွဲ့မှ ပညာသင် စရိတ်များထောက်ပံ့ ပေးလျက်ရှိကြောင်း သိရသည်။
အဆိုပါပညာသင်စရိတ် ထောက်ပံ့ခြင်းခံရသော ကျောင်း သား၊ ကျောင်းသူများသည် မွန် ပြည်နယ် ဘီးလင်းမြို့ရှိ တောင် စွန်းအထကနှင့် ကင်းရွာအထက တို့မှ ကျောင်းသား၊ ကျောင်းသူ များဖြစ်ပြီး အခြေခံ ပညာကျောင်း စရိတ်များကိုလည်း ကရုဏာစင် တာမှထောက်ပံ့ပေးခဲ့သော ကျောင်း သားများဖြစ်ကာ ယခုအခါ တက္က သိုလ်ဆက်လက်တက်ရောက်နိုင် ရေးအတွက် ဆက်လက်ထောက်ပံ့ ပေးသွား မည်ဖြစ်ကြောင်း သိရ သည်။

အင်ဒိုနီးရှားရှိ ဗုဒ္ဓဘာသာ ဘုရားကျောင်း ဗုံးခွဲ တိုက်ခိုက်ခံရ

Tuesday, August 06, 2013
အင်ဒိုနီးရှားနိုင်ငံ မြို့တော် ဂျာကာတာရှိ ဗုဒ္ဓဘာသာဘုရားကျောင်း တစ်ကျောင်းတွင် အသေးစား ဗုံးခွဲ တိုက်ခိုက်ခံရမှုဖြစ်ပွားခဲ့ကာ ဗုံးတစ်လုံး ပေါက်ကွဲခဲ့ပြီး ကျန်နှစ်လုံးမှာ မပေါက်ကွဲခဲ့ကြောင်း Jakarta post သတင်းစာက ရေးသား ဖော်ပြထားသည်။
ယင်းတိုက်ခိုက်မှုကြောင့် လူတစ်ဦး ဒဏ်ရာ ရရှိခဲ့ပြီး အင်ဒိုနီးရှား ရဲတပ်ဖွဲ့နှင့် အစိုးရတို့က အဆိုပါ ပြစ်မှု ကျူးလွန်သူများကို ရှုတ်ချလိုက်သည်။ အဆိုပါ ပေါက်ကွဲမှုသည် မြို့တော် ဂျာကာတာ အနောက်ပိုင်း ဧကယနဂါဟ ဘုရားကျောင်းတွင် တနင်္ဂနွေနေ့ညက ဖြစ်ပွားခဲ့ခြင်း ဖြစ်ပြီး သာသနိက အဆောက် အအုံ ရှေ့မျက်နှာစာ တံခါးအနီး ပျက်စီးမှု အနည်းငယ် ရှိခဲ့ကြောင်း ရဲချုပ် ဆူတာမန်က အခင်းဖြစ်ရာ နေရာ အနီးတွင် သတင်းထောက်များကို ပြောကြားသည်။

ပြည်ပရွှေ တင်သွင်းမှု လျှော့ချရန် အိန္ဒိယအစိုးရ ကြိုးပမ်း

Tuesday, August 06, 2013
အိန္ဒိယနိုင်ငံတွင် ယခုနှစ်အတွင်း ဘဏ္ဍာရေး တွန်းအားပေးရန် အလို့ငှာ ပြည်ပမှ ရွှေ တင်သွင်းမှုများ လျှော့ ချရေး အစိုးရက ကြိုးပမ်းလျက် ရှိသည်ဟု နယူးဒေလီမှ လာသော သတင်းများကို VOA သတင်းဌာနက ကိုးကား ဖော်ပြသည်။
အာရှ၏ ဒုတိယအင်အားအကြီးဆုံး အိန္ဒိယတွင် စီးပွားရေးနှေးကွေး ကျဆင်းမည့် အလားအလာနှင့် ပတ်သက်၍ စိုးရိမ် ပူပန်မှုများ ထွက်ပေါ်နေ စဉ် အစိုးရက ယင်းသို့ ပြည်ပမှ ရွှေ တင်သွင်းမှုများကို ထိန်းချုပ် လျှော့ချ သွားရန် စတင် ကြိုးပမ်းခြင်း ဖြစ်သည်။
အိန္ဒိယနိုင်ငံသို့ ရွှေ တင်သွင်းမှုသည် ပြီးခဲ့သည့် ဇွန်လနှင့် ဇူလိုင်လအတွင်း (ယမန်နှစ်ကထက် စာလျှင်) လျော့ကျသွားကြောင်း၊ ယခုနှစ်အတွင်း ရွှေ တင်သွင်းမှု စုစုပေါင်းမှာ မက်ထရစ် တန်ချိန် ၈၄၅ တန်ထက်လျော့နည်းလိမ့်မည်ဟုမျှော်လင့်ရကြောင်း ဘဏ္ဍာရေးဝန်ကြီး ပီချာဒါဘာရန် က ပြောကြားသည်။

ဆီးရီးယား သမ္မတကို မမှိတ်မသုန် ထောက်ခံသွားမည်ဟု အီရန် သမ္မတသစ် ပြောကြား

Tuesday, August 06, 2013
အတိုက်အခံ သူပုန် အင်အားစုများ၏ ထိုးနှက် တိုက်ခိုက်မှု ခံနေရသော ဆီးရီးယား အာဏာရှင် သမ္မတ ဘာရှာအာဆတ် အစိုးရအဖွဲ့ကိုမမှိတ်မသုန်ထောက်ခံအားပေးမှုပြုလုပ်သွားမည် ဖြစ်သည်ဟု အီရန် သမ္မတသစ်အဖြစ် ပူပူနွေးနွေး ကျမ်းသစ္စာ ကျိန်ဆိုပြီးခါစဖြစ်သူ ဟတ်ဆန် ရိုဟာနီက ထုတ်ဖော် ပြောကြားလိုက်ကြောင်း AFP သတင်းဌာန က ရေးသား ဖော်ပြသည်။
“အီရန် အစ္စလာမ္မစ် သမ္မတနိုင်ငံ၏ ရည်မှန်းချက်မှာ အီရန်နှင့် ဆီးရီးယား အကြားရှိ သမိုင်းဝင် ဆက်ဆံရေး ကို အင်အား ကောင်းမွန်အောင် ပြု လုပ်ရေးနှင့် ဆီးရီးယား ရင်ဆိုင် ကြုံတွေ့နေရသည့် စိန်ခေါ်မှုများကို အတူတကွ ရင်ဆိုင် ဖြေရှင်းပေးရေးပင် ဖြစ်ပါသည်” ဟု အီရန် သမ္မတသစ် ဟတ်ဆန် ရိုဟာနီက ပြော ကြားသည်။

ရုပ်ရှင်သရုပ်ဆောင်ဖြစ်လာဖွယ်ရှိသည့် ဒေးဗစ်ဘက်ဟမ်း

Tuesday, August 06, 2013
ပရော်ဖက်ရှင်နယ် ဘောလုံးသမား ဘဝမှ အပြီးတိုင် အနားယူပြီဟု ယခုနှစ် အစောပိုင်းက ကြေညာ ထားသည့်နောက် အင်္ဂလန် လက်ရွေးစင် အသင်းခေါင်းဆောင်ဟောင်းသည် အနာဂတ်နှင့် ပတ်သက်ပြီး တိတိကျကျမဆုံးဖြတ်ရသေးချေ ဒေးဗစ်ဘက်ဟမ်းအနေဖြင့် ဘောလုံးလောကမှ အနားယူ လိုက်ပြီးနောက် ရုပ်ရှင်လောကထဲ ဝင်ရောက်လာဖွယ် ရှိနေကြောင်း သိရသည်။ ပရော်ဖက်ရှင်နယ် ဘောလုံးသမား ဘဝမှ အပြီးတိုင် အနားယူပြီဟု ယခုနှစ် အစောပိုင်းက ကြေညာထားသည့်နောက် အင်္ဂလန် လက်ရွေးစင် အသင်းခေါင်းဆောင်ဟောင်းသည် အနာဂတ်နှင့် ပတ်သက်ပြီး တိတိကျကျ မဆုံးဖြတ်ရသေးချေ။ သို့သော်လည်း ယခုအခါ ဘက်ဟမ်းသည် သရုပ်ဆောင် လောကထဲ ခြေချမှုအဖြစ် သူလျှို ဇာတ်လမ်း တစ်ခု၌ ပါဝင်ဖွယ် ရှိနေကြောင်း သတင်းများ ထွက်ပေါ်လာခဲ့သည်။

နိုင်ငံရေး အကျပ်အတည်းများ ဖြေရှင်းရန် အီဂျစ် စစ်ဦးစီးချုပ်နှင့် အစ္စလာမ္မစ်ခေါင်းဆောင်များတွေ့ဆုံ

Tuesday, August 06, 2013
အာဏာမှ ဖြုတ်ချခံခဲ့ရသော သမ္မတဟောင်း မိုဟာမက်မော်စီကို ထောက်ခံ သူများက ခေါင်းဆောင်သစ်ကို ဆန့်ကျင်ရေးလှုပ်ရှားမှုများ ပြုလုပ်နေသဖြင့် နိုင်ငံရေးအရ အကျပ်အတည်းများ ဖြစ်လျက်ရှိပေရာ စစ်တပ် အကြီးအကဲအဗ္ဗဒယ်ဖာတာအယ်စီစီနှင့်အစ္စလာမ္မစ်ခေါင်းဆောင်များအဆိုပါကိစ္စ ပြေလည်ရေးအတွက် တွေ့ ဆုံ ဆွေးနွေးခဲ့ကြောင်း AFP သတင်းတစ်ရပ်က ဆိုသည်။
အင်အားစုနှစ်ဖက်လုံးက အကြမ်းဖက်သည့် နည်းလမ်းကို ပယ်ချကာငြိမ်းချမ်းသောအဖြေရှာမှုမျိုးကို လုပ်ဆောင်နိုင်ရန် အခွင့်အလမ်းများရှိနေခြင်းကို ဦးစားပေးဆွေးနွေးခဲ့သည်ဟု ဗိုလ်ချုပ်ကြီး အယ်စီစီ ၏ ပြောရေး ဆိုခွင့်ရ အရာရှိ ဗိုလ်မှူး အာမက် အလီက ဆိုသည်။

အနည်းဆုံးလုပ်ခ သတ်မှတ်ရန် စတင် လုပ်ဆောင်

Tuesday, August 06, 2013
မြန်မာနိုင်ငံတွင် လုပ်ငန်းနယ်ပယ်စုံတွင် ပထမဆုံးအကြိမ်အဖြစ်သတ်မှတ်မည့်အနည်းဆုံးအခကြေးငွေနှုန်း ထားကို တရားဝင် သတ်မှတ်နိုင်ရန် စတင် လုပ်ဆောင်နေပြီ ဖြစ်ကြောင်း အလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီးဌာနမှ ဒုတိယ ဝန်ကြီး ဦးထင်အောင်က ပြည်သူ့ လွှတ်တော်တွင် ပြောကြားသည်။
နိုင်ငံတော်သမ္မတရုံး၏ခွင့်ပြုချက်ဖြင့် အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီ ဖွဲ့စည်းရန်တာဝန်ပေးအပ်သင့်သည့် အစိုးရဌာနများ၊ အစိုးရအဖွဲ့အစည်းများ၊ လုပ်သား၊ အလုပ်ရှင်အဖွဲ့ အစည်းများမှကိုယ်စားလှယ်များ၊ အခကြေးငွေသတ်မှတ်ခြင်းဆိုင်ရာ လုပ်ငန်းကျွမ်းကျင်ပြီးအလုပ်ရှင် လုပ်သားတို့အကြား မျှတစွာဆောင်ရွက်မည့် ပုဂ္ဂိုလ်များ၏ အမည် စာရင်း များကို တောင်းခံထားကြောင်း ဦးထင်အောင်က ပြောကြားသည်။

ရူပီးသိန်း ၅ဝ ကျော် တန်ဖိုးရှိ ငွေဖြင့် ပြုလုပ်ထားသော ကမ္ဘာ့ ပထမဆုံး ဆိုင်ကယ်

Tuesday, August 06, 2013
အိန္ဒိယနိုင်ငံ မွမ်ဘိုင်းမြို့ရှိ Silver Emporium ကျောက်မျက်ရတနာ ကုမ္ပဏီမှ ဦးဆောင်၍ ရူပီးသိန်း ၅ဝ ကျော်တန်ဖိုးရှိ ငွေဖြင့် ပြုလုပ်ထားသော မော်တော်ဆိုင်ကယ် တစ်စီးကို ထုတ်လုပ်ခဲ့ကြောင်း ယင်းကုမ္ပဏီမှ ကိုယ်စားလှယ် တစ်ဦးက သြဂုတ် ၃ ရက်တွင် ပြောကြားခဲ့သည်။
အဆိုပါ ဆိုင်ကယ်ကို မွမ်ဘိုင်းမြို့တွင် သြဂုတ် ၈ ရက်မှ ၁၂ ရက်အထိ ကျင်းပမည့် အိန္ဒိယ နိုင်ငံ တကာကျောက်မျက် ပြပွဲ၌ ထုတ်ဖော်ပြသ သွားမည်ဖြစ်သည်။
မိမိတို့၏ ကုမ္ပဏီသည် ကမ္ဘာ့ ပထမဆုံး လက်လုပ်ငွေဖြင့် ပြုလုပ်ထားသော ဆိုင်ကယ်ကို ဖန်တီး ထုတ်လုပ်ခဲ့ခြင်း ဖြစ်ကြောင်းနှင့် ယင်းဆိုင်ကယ်တွင် အင်ဂျင်၊ တာယာနှင့် ဆိုင်းထိန်း စနစ်များ ပါဝင်ပြီး ကျန်အစိတ်အပိုင်း အားလုံးကို ငွေဖြင့် ပြုလုပ်ထားကြောင်း Silver Emporiumမှ မန်နေးဂျင်း ဒါရိုက်တာ ရာဟူလ် မက်ရ်ှတာက IANS သို့ပြောကြား ခဲ့သည်။

သုံးလအတွင်း မြေသိမ်းခံရမှုများ မဖြေရှင်းပါက မြို့နယ်ပေါင်းစုံ ဆန္ဒပြပွဲ လုပ်မည်

မြေသိမ်းခံရမှုများနှင့် ပတ်သက်ပြီး သုံးလအတွင်း ဖြေရှင်းပေးမည်ဟု သက်ဆိုင်ရာ အာဏာပိုင်များက ကတိပြုခဲ့သော်လည်း လက်ရှိအချိန်ထိ ထူးခြားခြင်းမရှိဘဲ ပြောထားသည့် အချိန်တွင်း လုပ်ဆောင်ပေးခြင်း မရှိပါက မြို့နယ်ပေါင်းစုံ ဆန္ဒပြပွဲကို ပြုလုပ်သွားရန် စီစဉ်ထားကြောင်း ဧရာဝတီတိုင်းဒေသကြီးအတွင်းရှိ မြို့နယ်အချို့မှ လယ်သမားများက ဩဂုတ် ၅ ရက်တွင် ပြောသည်။
ဧရာဝတီ တိုင်းဒေသကြီး မော်လမြိုင် ကျွန်းမြို့နယ်၊ ဝါးခယ်မမြို့နယ်၊ ဘိုကလေးမြို့နယ်နှင့် ကျိုက်လတ် မြို့နယ်များရှိ လယ်သမားများ ကိုယ်စား လယ်သမား ၃၀ ကျော်က ဩဂုတ် ၅ ရက်က ရန်ကုန်မြို့၊ မြန်မာ ဂျာနယ်လစ် ကွန်ရက် ရုံးခန်းတွင် ပြုလုပ်သည့် သတင်းစာ ရှင်းလင်းပွဲတွင် ယင်းသို့ ပြောကြားခြင်းဖြစ် သည်။

ရန်ကုန် အခြေစိုက် ပရဟိတလူငယ်များ ကွန်ရက်က ကရင် ရေဘေးသင့်သူများကို ကူညီမည်

ရန်ကုန်အခြေစိုက် ပရဟိတလူငယ်များ ကွန်ရက်မှ အဖွဲ့ ၁၅ ခု ကျော်က ကရင်ပြည်နယ် ရေဘေးသင့်ပြည် သူများအား အခြေခံလူသုံးကုန်နှင့် စားသောက်ပစ္စည်းများကို ဩဂုတ် ၉ ရက်တွင် သွားရောက် လှူဒါန်း သွားမည်ဖြစ်ကြောင်း ပရဟိတ လူငယ်များ ကွန်ရက်များထံမှ စုံစမ်းသိရှိရသည်။
ယင်းသို့ ကူညီပေးခြင်းနှင့် ပတ်သက်ပြီး ရန်ကုန်အခြေစိုက်ပရဟိတ လူငယ်များ ကွန်ရက်ဝင် အဖွဲ့တစ်ဖွဲ့ဖြစ် သည့် ပုံပြောသူများအဖွဲ့မှ ကိုသန့်ဇင်စိုးက “ကရင်ပြည်နယ်ထဲက ရေကြီးနစ်မြှုပ်တဲ့နေရာတွေကို အကူ အညီပေးနိုင်ဖို့အတွက် ကျွန်တော်တို့ လူငယ်ကွန်ရက်အဖွဲ့ဝင်တွေ ကွင်းဆင်းစုံစမ်းနေပါပြီ။ ရေဘေး သင့်သူတွေအတွက်အခြေခံလိုအပ်ချက်တွေကိုကြည့်ပြီးကူညီပေးသွားကြမှာဖြစ်တယ်”ဟု ပြောကြားသည်။

၈ လေးလုံးငွေရတု အခမ်းအနားကို အမျိုးသားလွှတ်တော်က သဝဏ်လွှာပေးပို့

Tuesday, August 06, 2013
မနက်ဖြန်မှာ စတင်ကျင်းပမယ့် ၈ လေးလုံးဒီမိုကရေစီ အရေးတော်ပုံ ငွေရတုအထိမ်းအမှတ် အခမ်းအနားကို အမျိုးသားလွှတ်တော်က သဝဏ်လွှာတစ်စောင် ပေးပို့ ထားပြီး ပြည်ထောင်စုဝန်ကြီးတွေထဲက ဝန်ကြီးဦးအောင်မင်းနဲ့ ဝန်ကြီးဦးစိုးသိန်းတို့ တက်ရောက်မယ်လို့ အကြောင်းပြန်ထားကြောင်း သိရပါတယ်။
ငွေရတုအခမ်းအနား ဖိတ်ကြားရေး ဆပ်ကော်မတီအဖွဲ့ဝင် ကိုဥာဏ်လင်းက အခမ်းအနားတက်ရောက်ဖို့ အကြောင်းပြန်ထားတဲ့ အခြေအနေနဲ့ ပတ်သက်ပြီး RFA ကို အခုလို ပြောပါတယ်။

ဒဂုံမြို့သစ် (မြောက်ပိုင်း) မြို့နယ် အတွင်းရှိ ရပ်ကွက်အချို့ နှစ်လဆက်တိုက် အိမ်ခြံမြေ အဝယ်လိုက်နေ

Tuesday, August 06, 2013
ဒဂုံမြို့သစ် (မြောက်ပိုင်း) မြို့နယ်အတွင်းရှိ ဆိတ်ငြိမ်ရပ်ကွက် အဖြစ် တည်ရှိနေသည့် ရပ်ကွက်ကြီး အချို့တွင် နှစ်လဆက်တိုက် အိမ်ခြံမြေ အဝယ်လိုက်နေပြီး ဈေးနှုန်းလည်း မြင့်တက်လာခဲ့ကြောင်း ဒဂုံမြို့သစ် (မြောက်ပိုင်း)မြို့နယ်မှ ဝါရင့် အိမ်ခြံမြေ အကျိုးဆောင်များ က ပြောကြား ခဲ့သည်။
အဓိကအားဖြင့် ဒဂုံမြို့သစ် (မြောက် ပိုင်း) မြို့နယ်ရှိ ဆိတ်ငြိမ်ရပ်ကွက်ကြီးများ ဖြစ်သည့် (၃၄၊ ၃၅၊ ၃၆) ရပ်ကွက်များတွင် မြေကွက်နှင့် လုံးချင်းအိမ်ရာများမှာ နှစ်လဆက်တိုက် အဝယ်လိုက်ခဲ့ပြီး ခေါ်ဈေးဖြင့်ပင် ဝယ်ယူမှုများ ရှိခဲ့ကြောင်း သိရသည်။ လွန်ခဲ့သည့် နှစ်လ ခန့်က ခေါ်ဈေး ငွေကျပ် သိန်း တစ်ထောင်ဝန်းကျင် လုံးချင်းအိမ်များသည် ငွေကျပ် သိန်း သုံးထောင်အထိ မြင့်တက်ခဲ့ပြီး ယင်း ဈေးဖြင့်ပင် အရောင်း အဝယ် ဖြစ်ခဲ့ကြောင်း သိရသည်။

ရန်ကုန်-နေပြည်တော် ပွဲပျက် ရန်ကုန် ဘောလုံးသမား အချို့ ဒဏ်ရာရ

Monday, August 05, 2013
SEA Games အတွက် တည်ဆောက်ထားသည့် နေပြည်တော် ဝဏ္ဏသိဒ္ဓိ ကွင်းတွင် ကျင်းပသည့် နေပြည်တော်နှင့် ရန်ကုန် ယူနိုက်တက် အသင်းတို့ ၏ မြန်မာ နေရှင်နယ်လိဂ် ပွဲစဉ် ကစားပွဲတွင် လုံခြုံရေး အားနည်းမှုကြောင့် ကွင်းအတွင်း ပရိသတ်များ ဝင်ရောက်လာသဖြင့် ပွဲချိန် မိနစ် ၃၀ တွင် ဆက်မကစားနိုင်ဘဲ ပွဲပျက်သွားကာ ရန်ကုန် ကစားသမား အချို့လည်း ထိခိုက် ဒဏ်ရာရကုန်ကြောင်း ပွဲကြည့် ပရိသတ်များထံမှ စုံစမ်း သိရှိရသည်။
မြန်မာ နေရှင်နယ်လိဂ်၏ ချန်ပီယံ အဖြေထွက်ပြီး အရှုံး အနိုင် အရေးမပါဘဲ ဂုဏ်သိက္ခာအတွက်သာ ယှဉ်ပြိုင်ကြသည့် ယင်းပွဲတွင် ပွဲကစားချိန် မိနစ် ၃၀ ခန့်၌ နေပြည်တော်အသင်း ပင်နယ်တီ ပေးခံရ၍ ရန်ကုန် ယူနိုက်တက် ဂိုးသွင်းပြီးနောက် နေပြည်တော် ပရိသတ် အချို့ ကွင်းထဲ ဝင်ရောက်လာကာ ဒိုင်လူကြီးနှင့် ရန်ကုန် ကစားသမားများအား ရန်ပြုသောကြောင့် ပွဲပျက် ခဲ့ကြောင်း ပွဲကြည့် ပရိသတ် တစ်ဦးက ပြောကြားသည်။

ဂျာကာတာမြို့ ဗုဒ္ဓဘုရားဝိုင်းမှာ ဗုံးပေါက် တစ်ဦးဒဏ်ရာရ

Monday, August 05, 2013
အင်ဒိုနီးရှားနိုင်ငံ ဂျာကာတာမြို့ရှိ ဗုဒ္ဓဘာသာ ဘုရားဝိုင်းမှာ ဗုံးတစ်လုံး ပေါက်ကွဲခဲ့တဲ့အတွက် လူတစ်ဦး လက်မှာ ဒဏ်ရာရခဲ့တယ်လို့ အင်ဒိုနီးရှားရဲက ပြောပါတယ်။
ဂျာကာတာမြို့ အဂ္ဂယာန ဗုဒ္ဓဘာသာ ဘုရားဝိုင်းမှာ တနင်္ဂနွေညက အသေးစား ဗုံးတစ်လုံး ပေါက်ကွဲခဲ့တာ ဖြစ်တယ်လို့ ဆိုပါတယ်။
အဲဒီဗုံးဟာ ဘုရားအတွင်းက မှန်တွေနဲ့ ပြုလုပ်ထားတဲ့ တံခါးနားမှာ ပေါက်ကွဲခဲ့တာဖြစ်ပေမယ့် ပျက်စီးမှု အနည်းငယ်သာ ဖြစ်ခဲ့ပြီး နောက်ဗုံးတစ်လုံးကတော့ အခိုးငွေ့လောက်သာ ထွက်လာပြီး ပေါက်ကွဲတဲ့ အဆင့်ထိ မရောက်ခဲ့ဘူးလို့ အေအက်ပီ သတင်းမှာ ဖော်ပြထားပါတယ်။
အခင်းဖြစ်ပွားတဲ့နေရာမှာ ဗုံးကျွမ်းကျင်သူ ရဲတပ်ဖွဲ့တွေနဲ့ အကြမ်းဖက်မှု တိုက်ဖျက်ရေး ရဲတပ်ဖွဲ့တွေပါ ရောက်ရှိပြီး စုံစမ်းမှုတွေ လုပ်ခဲ့ပါတယ်။

အရေးပေါ် လူနာတင်ယာဉ် ဖုန်းနံပါတ်များ ခေါ်ရလွယ်သည့် နံပါတ် ပြောင်းမည်ဟုဆို

Monday, August 05, 2013
မြန်မာနိုင်ငံ ဆရာဝန်အသင်း၏ တောင်းဆိုချက်အရ အရေးပေါ် လူနာတင်ယာဉ်ကို ဆက်သွယ် ခေါ်ယူနိုင်မည့် ဖုန်း နံပါတ်များ၏ ဂဏန်း အရေအတွက်ကို ခေါ်ရလွယ်သည့် နံပါတ် သုံးလုံး သို့မဟုတ် လေးလုံး ထိ လျှော့ချသွားမည် ဖြစ်ကြောင်း ဆက်သွယ်ရေးနှင့် သတင်း အချက်အလက် နည်းပညာ ဝန်ကြီးဌာန ဒုတိယ ဝန်ကြီး ဦးသောင်းတင် က ပြောကြားသည်။
အသက် အန္တရာယ်နှင့် ကြုံတွေ့ချိန်တွင် အရေးပေါ် လူနာတင်ယာဉ်ကို ဆက်သွယ် ခေါ်ယူရမည့် ဖုန်းနံပါတ် ဂဏန်း အရေအတွက် များပြားနေ၍ အလွယ်တကူ သိရှိ ခေါ်ယူရန် ခက်ခဲခြင်းကြောင့် ဂဏန်း အရေအတွက် လျှော့ချရန် မြန်မာနိုင်ငံ ဆရာဝန် အသင်းက တောင်းဆို ထားကြောင်း ပြည်သူ့လွှတ်တော် ဥက္ကဋ္ဌ သူရ ဦးရွှေမန်းက ပြောကြားသည်။

သာကေတရဲနှင့် ပြည်သူ ပဋိပက္ခ ပြည်သူ ၂ဝကျော်အား ဝတ္တရားနှောင့်ယှက်မှုဖြင့် ဖမ်းဆီး

Monday, August 05, 2013
သာကေ တအနော်မာရပ်ကွက်၌ ရဲနှင့် ပြည်သူပဋိပက္ခဖြစ်ပွားမှုတွင် ဝတ္တ ရားနှောင့်ယှက်မှုဖြင့် အရေးယူ ခံရသူ ၅ဝအနက် ၂ဝကျော်ကို ဖမ်းဆီးရမိထားပြီဖြစ်ကြောင်း သိရသည်။
ကျန်ရှိနေသည့်လူများကို တရားဥပဒေအရ အရေးယူနိုင် ရန် ထပ်မံဖမ်းဆီးစစ်ဆေးမှုများ ပြုလုပ်သွား မည်ဖြစ်ပြီး ယင်းဖြစ်ရပ်ကို မှန်ကန်တိကျစွာကိုင်တွယ်ရန် ပြည်ထဲရေးဝန်ကြီးဌာနက ညွှန်ကြား ထားကြောင်း ရဲတပ်ရင်းကွပ်ကဲမှု ရန်ကုန်မှ တာဝန်ရှိသူ တစ်ဦးက ပြောသည်။
အဆိုပါတာဝန်ရှိသူက''ကျွန် တော်တို့အနေနဲ့ ဥပဒေအတိုင်း ဖမ်းဆီးစစ်ဆေးတာကို လူစုလူဝေးနဲ့ဝိုင်းပြီး ဆူပူအောင်လုပ်လို့ ဝတ္တရားနှောင့်ယှက်မှုနဲ့ အရေးယူတာပါ။ ဒါဟာ တာဝန်ထမ်းဆောင်နေ တဲ့ ပြည်သူ့ ဝန်ထမ်း တွေကို နှောင့်ယှက်တာပါပဲ''ဟု ပြောသည်။

မလေးရှား ဆာလာယန်းဈေးအနီး မြန်မာ တစ်ဦး ထပ်မံ အသတ်ခံရ

Monday, August 05, 2013
မလေးရှားနိုင်ငံ ကွာလာလမ်ပူ မြို့တော်ရှိ ဟင်းသီးဟင်းရွက် ရောင်းချသည့် ဆာလာယန်း ဈေးကြီး အနီးတွင် မြန်မာနိုင်ငံသား တစ်ဦး သြဂုတ်လ ၃ ရက်နေ့က ထပ်မံ သတ်ဖြတ်ခံခဲ့ရကြောင်း မလေးရှား နိုင်ငံပိုင် သတင်းဌာန တစ်ခုဖြစ်သည့် BERNAMA တွင် ဖော်ပြသည်။
ဆာလာယန်း ဈေးအနီး၌ သြဂုတ်လ ၃ ရက်နေ့ ည ၁၁ နာရီခွဲခန့် တွင် မြန်မာနိုင်ငံသား တစ်ဦး ဓားဒဏ်ရာ များစွာဖြင့် သေဆုံးနေပြီး ယင်းသေဆုံး မြန်မာနိုင်ငံသားမှာ စာရွက်စာတမ်း အထောက်အထား တစ်စုံတစ်ရာ ကိုင်ဆောင်ထားခြင်း မရှိကြောင်း ယင်းသတင်းတွင် ပါရှိသည်။
အဆိုပါ မြန်မာနိုင်ငံသားဟု ဆိုသူကို သတ်ဖြတ်ခဲ့သည့် လက်နက် တစ်စုံတစ်ရာ တွေ့ရှိခြင်း မရှိကြောင်း၊ အသတ်မခံရမီ အပြန်အလှန် တိုက်ခိုက်ခဲ့သည့်ပုံစံ တွေ့ရပြီး မူးယစ်ဆေးဝါးနှင့် ပတ်သက် ဆက်နွှယ်မှု ရှိနိုင်ကြောင်း Sentu ဒေသ ရဲဌာနမှ ရဲမှူး Zakaria Pagan က ပြော ဆိုကြောင်း အဆိုပါ သတင်းဌာနတွင် ဆက်လက် ဖော်ပြသည်။

"အင်ဒိုနီးရှား ဗုဒ္ဓဘာသာ ဘုရားကျောင်းမှာ အသေးစားပေါက်ကွဲမှု ဖြစ်ပွား"

Monday, August 05, 2013
အင်ဒိုနီးရှားနိုင်ငံ မြို့တော် ဂျာကာတာက ဗုဒ္ဓဘာသာ ဘုရားကျောင်း တစ်ကျောင်းမှာ တနင်္ဂနွေည က အသေးစား ပေါက်ကွဲမှု ဖြစ်ပွားခဲ့တဲ့အတွက် ၀တ်ပြုနေသူတစ်ဦး ထိခိုက်ဒဏ်ရာ ရခဲ့ပါတယ်။ ဂျကာတာ မြို့တော်အနောက်ပိုင်း အီကာယနာဂဟ ဘုရားကျောင်းမှာ ဖြစ်ပွားခဲ့တာဖြစ်ပါတယ်။ဘုရားကျောင်းအတွင်း ၀တ်ပြုနေကြချိန်မှာ ကျောင်းရဲ့အပြင်ဘက် မှန်တံခါးအနီး လက်လုပ်ဗုံးလို့ ယူဆရတဲ့ ပစ္စည်းတစ်ခု ပေါက် ကွဲခဲ့လို့ ၀တ်ပြုသူတစ်ဦး ဒဏ်ရာ အနည်းငယ်ရခဲ့ပြီး၊ ပျက်စီးမှု အနည်းအကျဉ်းရှိခဲ့ပါတယ်။
ဒုတိယ ပစ္စည်းတစ်ခု ကတော့ မီးခိုးတွေသာ ထွက်နေပြီး၊ မပေါက်ကွဲခဲ့ဘူးလို့ ရဲတပ်ဖွဲ့က ပြောပါတယ်။
ပေါက်ကွဲမှု အား အလွန်ပျော့တဲ့အတွက် မှန်တံခါး ကွဲရုံလောက်သာ အပျက်အစီးရှိပြီး၊ ၀တ်ပြုသူတစ်ဦး လက်မှာကွဲရှ ဒဏ်ရာသာရခဲ့တယ်လို့ အမျိုးသားရဲတပ်ဖွဲ့ ပြောခွင့်ရသူကပြောပါတယ်။

တန်ဖိုးမျှတ အိမ်ရာများကို တိုင်းဒေသကြီး အစိုးရ အစီအစဉ်ဖြင့် ရောင်းချ မည်

Monday, August 05, 2013
ရန်ကုန်တိုင်း ဒေသကြီး အတွင်းရှိ တန်ဖိုးမျှတ အိမ်ရာများကို ရောင်းချရာတွင် တိုင်းဒေသကြီး အစိုးရ အစီအစဉ်ဖြင့် ရောင်းချ ပေးသွားမည် ဖြစ်ကြောင်း မြို့ရွာနှင့် အိုးအိမ်ဖွံ့ဖြိုးရေး ဦးစီးဌာနမှ သိရသည်။
အဆိုပါ အစီအစဉ်ဖြင့် ရောင်းချပေးမည့် တန်ဖိုးမျှတ အိမ်ရာများထဲမှ ဧရာဝဏ် အိမ်ရာနှင့် ရတနာအိမ်ရာ စီမံကိန်းတို့ကို အိုးအိမ်ဖွံ့ဖြိုးရေး ဦးစီးဌာနမှ ဒဂုံမြို့သစ် (ဆိပ်ကမ်း) မြို့နယ် တွင် စတင် အကောင်အထည်ဖော် တည်ဆောက်နေရာ ပိုင်ဆိုက်ခြင်း လုပ်ငန်းကို လုပ်ဆောင် နေပြီ ဖြစ်ကြောင်း သိရသည်။၎င်းအိမ်ရာများ တည်ဆောက်မှု ပြီးစီးသွားပါက တိုင်းဒေသကြီး အစိုးရအဖွဲ့အား လွှဲပြောင်း ပေးအပ် သွားမည် ဖြစ်ပြီး တည်ဆောက်နေသည့် အိမ်ရာများမှာ အထပ် ၁၈ ထပ်ထိပါရှိမည် ဖြစ် ရာ မြေညီထပ်မှ စတင်၍ အပေါ်ဆုံးထပ်ထိ ဈေးနှုန်း သတ်မှတ်ခြင်းနှင့် ရောင်းချခြင်း များကို ရန်ကုန်တိုင်း ဒေသကြီး အစိုးရအဖွဲ့ အစီအစဉ်ဖြင့် လုပ်ဆောင် သွားမည် ဖြစ်ကြောင်း သိရသည်။

ဆော်ဒီ Blogger ဘာသာရေးစော်ကားမှုဖြင့် ကြိမ်ဒဏ်နှင့် ထောင်ဒဏ် ချမှတ်ခံရ

Saturday, Augest 03, 2013
ရာအစ်ဖ် ဘာဒါဝီသည် လွတ်လပ်သော ဆော်ဒီ လစ်ဘရယ်များ ဝက်ဘ်ဆိုက်ကို ထူထောင်ထားသူ ဖြစ်သည်။ ၎င်းသည် အစ္စလာမ် ဘာသာကို စော်ကားသည်ဆိုသော စွပ်စွဲချက်ဖြင့် ဂျာဒါးမြို့ရှိ တရားရုံးတွင် ယခုစီရင်ချက်ကို ကြုံတွေ့ခဲ့ခြင်း ဖြစ်သည်။
ဆော်ဒီအာရေဗျ နိုင်ငံတွင် ဘာသာရေးဆိုင်ရာ စော်ကားကြောင်း စွပ်စွဲခံရသူ Blogger တစ်ဦးအား ထောင်ဒဏ် (၇)နှစ်နှင့် ကြိမ်ဒဏ် အချက် (၆၀၀) ပြစ်ဒဏ် ချမှတ်လိုက်ကြောင်း သိရှိရသည်။ ရာအစ်ဖ် ဘာဒါဝီသည် လွတ်လပ်သော ဆော်ဒီ လစ်ဘရယ်များ ဝက်ဘ်ဆိုက်ကို ထူထောင်ထား သူ ဖြစ်သည်။ ၎င်းသည် အစ္စလာမ် ဘာသာကို စော် ကားသည်ဆိုသော စွပ်စွဲချက်ဖြင့် ဂျာဒါးမြို့ရှိ တရားရုံးတွင် ယခုစီရင်ချက်ကို ကြုံတွေ့ခဲ့ခြင်း ဖြစ်သည်။ ရာအစ်ဖ်သည် (၂၀၀၈)ခုနှစ် ကတည်းက ထူထောင်ထားသော ဝက်ဘ်ဆိုက်တွင် ဆော်ဒီနိုင်ငံအတွင်း ဘာသာရေးနှင့် ပတ်သက်သော အမြင်များကို လွတ်လပ်စွာ ဆွေးနွေးနိုင်မည့် ဖိုရမ်မျိုး ဖန်တီးပေးခဲ့သည်။

မြန်မာနေရှင်နယ်လိဂ်၏သမိုင်းဝင်ပွဲစဉ်တစ်ခုဖြစ်လာမည့် နေပြည်တော် အသင်း နှင့် ရန်ကုန်ယူနိုက်တက်အသင်း တို့  ၏ ဗိုလ်လုပွဲ ပွဲစဉ်

Saturday, Augest 03, 2013
ယခုလာမည့် သြဂုတ် (၄) ရက်နေ့  ညနေ (၆း၀၀)နာရီ အချိန်တွင် နေပြည်တော် အသင်း နှင့် ရန်ကုန်ယူနိုက်တက် အသင်းတို့ သည် မြန်မာနေရှင်နယ်လိဂ် ၏ ပွဲစဉ်(၂၂) ဗိုလ်လုပွဲ စဉ် အား နေပြည်တော် ၀ဏ္ဏသိဒ္ဓိကွင်း တွင် ယှဉ်ပြိုင်ကစားမည်ဖြစ်ကြောင်း Myanmar News International မှ သတင်းရရှိသည်။
ထိုပွဲစဉ် အား ပြုလုပ်ကျင်းပမည့် နေပြည်တော် ၀ဏ္ဏသိဒ္ဓိကွင်း သည် 2013အရှေ့ တောင်အာရှအားကစားပြိုင်ပွဲ အတွက် ပြုလုပ်ထာသောကွင်း
ဖြစ်ပြီး မြန်မာနေရှယ်လိဂ် ပွဲစဉ်များအားကျင့်ပလေ့ မရှိသောကွင်းဖြစ်သည်။
ယခုအခါ တွင် မြန်မာနေရှင်နယ်လိဂ် ၏ အောင်မြင်ဆုံးအသင်းဖြစ်သော ရန်ကုန်ယူနိုက်တက်အသင်း နှင့် နေပြည်တော်အသင်း တို့ ၏ ပွဲ စဉ်အား
ထိုကွင်းတွင်ယှဉ်ပြိုင်ကစားမည်ဖြစ်သောကြောင့် မြန်မာနေရှင်နယ်လိဂ်
ပွဲစဉ်တစ်လျှောက် သမိုင်းပွဲတစ်ပွဲဖြစ်လာကြောင်းသိရရှိသည်။

အပျို၊အပျိုစစ်နှင့် အပျိုစင်

Saturday, Augest 03, 2013
အပျို၊အပျိုစစ်နှင့် အပျိုစင် ဆိုတဲ့ ဒီပို့ စ်လေးကို ညီမငယ်လေးတွေ ခွဲခြား သိမြင်အောင်လို့  ရေးလိုက်တာပါ...။ မိန်းမဋီကာကြီးကို ကျေညက် လို့ လဲ မဟုတ်ရပါ....။
ခေတ်ရေစီးကြောင်းအရ တဖြည်းဖြည်း စီးဆင်းလာတဲ့ ဒီရေစီးကြောင်းကြီးထဲ မှာ လူမှုရေး ၊စီးပွားရေး တွေအပြင် ယဉ်ကျေးမှု တွေပါ တိုက်စားခံလာ ရပါပြီး....။ နယ်ချဲ့ လာတဲ့ အနောက်တိုင်း ယဉ်ကျေးမှုက ခုဆိုရင် မြန် မာ့မြေပေါ် ဝင်ရောက်လာခဲ့ပါပြီး...။ နယ်ချဲ့တယ်ဆိုတာ လက်နက်ဆွဲ ကိုင်ပြီး တော်လှန်တိုက်ခိုက်နေမှနိုင်ငံကို အပိုင်သိမ်းနိုင်မှ နယ်ချဲ့တာမဟုတ် ပါဘူး...။ ခုလို မြန်မာ့မြေပေါ်မှာ မြန်မာတွေရဲ့  စိတ်ဓာတ် နဲ့  ယဉ်ကျေး မှုတို့  ပြောင်းလဲ တိုက်စားခံရတာလဲ နယ်ချဲ့ခံရတာပါပဲ...။ဒါကိုတော့ ယဉ်ကျေးမှု နယ်ချဲ့ ခြင်းလို့ ခေါ်မှာပေါ့..။ခက်တာက တို့ လူမျိုးတွေ ကိုယ်နယ်ချဲ့ လက်အောက်ရောက်မှန်းမသိရောက်နေတာကို သတိမမူမိတာပင်...။