လျှပ်စစ်ဓာတ်အား လိုအပ်ချက်ကို အကြောင်းပြ၍ ကျောက်မီးသွေးစက်ရုံများ တည်ဆောက်ရန် စီစဉ်နေခြင်းအား ပြန်လည်သုံးသပ်ပေးရန် သမ္မတထံ တင်ပြမည်

Monday, July 01, 2013
မြန်မာနိုင်ငံတွင် လျှပ်စစ်ဓာတ်အား လိုအပ်ချက်ကို အကြောင်းပြု၍ ကျောက်မီးသွေး စက်ရုံများ တည်ဆောက်ရန် စီစဉ်ဆောင်ရွက် နေသည်များကို သမ္မတကြီး အနေဖြင့် ပြည်သူများ၏ တင်ပြချက်များကို ထည့်သွင်းစဉ်းစားကာ ဆောက်လုပ်ရန် သင့်၊ မသင့် ပြန်လည်ချင့်ချိန် သုံးသပ်ပေးရန်အတွက် သမ္မတကြီးထံသို့ ပြည်သူများမှ ပန်ကြားလွှာ ပေးပို့သွားမည်ဖြစ်ကြောင်း ဇွန် ၂၉ ရက် ရန်ကုန်မြို့ရှိ Park Royal Hotel တွင် ကျင်းပပြုလုပ်သည့် 'သန့်ရှင်းသောလေ' လူထုတွေ့ဆုံပွဲ အခမ်းအနားမှ သိရသည်။

အဆိုပါ ပန်ကြားလွှာတွင် ပြည်သူ့ကျန်းမာရေး ပြဿနာများ၊ အခြားပတ်ဝန်းကျင် ညစ်ညမ်းမှုများ၊ ရာသီဥတု ပြောင်းလဲခြင်းနှင့် နိုင်ငံရေး အကျပ်အတည်း၊ သန့်စင်သော ကျောက်မီးသွေး နည်းပညာသုံး ဓာတ်အားပေး စက်ရုံများ၏ ထောင်ချောက်၊ စွမ်းအင်လုံခြုံရေး အကာအကွယ်မဲ့မှု၊ ထိရောက်စွာ စွမ်းဆောင်နိုင်ရန် လိုအပ်ချက် များပြားခြင်း၊ ဖွံ့ဖြိုးရေး အထောက်အပံ့များ အလွဲသုံးစားဖြစ်ခြင်း၊ နိုင်ငံတော်ပိုင် (သို့မဟုတ်) တိုင်းရင်းသားပိုင် စီးပွားရေးလုပ်ငန်း ရင်းနှီးမြှုပ်နှံမှု မရေမရာ ဆုံးရှုံးခြင်း၊ သန့်စင်၍ ရေရှည်တည်တံ့ အကျိုးဖြစ်ထွန်းနိုင်သော အခြားရွေးချယ်စရာ စွမ်းအင်ထုတ်လုပ်သည့် နည်းပညာများ အသုံးပြုခြင်း ရရှိနိုင်ခြင်း၊ မိုးကြိုးပစ်ရာ ထန်းလက်နှင့်ကာခြင်း စသည့် အကြောင်းအရာများကို ထည့်သွင်း ဖော်ပြထားကြောင်း သိရသည်။

ကျောက်မီးသွေး ဓာတ်အားပေး စက်ရုံမှ ထွက်ရှိသော အဆိပ်ပြာ၊ ဓာတ်ငွေ့၊ ရေဆိုးတို့ကြောင့် စိုက်ပျိုးမြေများ အဆိပ်ဓာတ်ငွေ့သုံးခြင်း၊ ရေနေသတ္တ၀ါများနှင့် ဇီဝမျိုးကွဲများ ပျောက်ကွယ်ဆုံးရှုံးရခြင်း အစရှိသည်တို့ကြောင့် စားနပ်ရိက္ခာ ဖူလုံရေးနှင့် စဉ်ဆက်မပြတ် ဖွံ့ဖြိုးတိုးတက်ရေးကိုပါ ဆိုးရွားစွာ ထိခိုက်နိုင်ကြောင်း၊ မြန်မာနိုင်ငံအနေဖြင့် clean on technlology အသုံးပြု၍ လျှပ်စစ်ဓာတ်အားပေး စက်ရုံများ တည်ဆောက်ရန် စဉ်းစားပါကလည်း စီးပွားရေးအရ တွက်ခြေကိုက်မှု သေချာဆန်းစစ်ရန် လိုအပ်ခြင်း၊ ပြည်ပမှ ကျောက်မီးသွေး ၀ယ်ယူတင်သွင်း ရသောကြောင့် ကမ္ဘာ့နိုင်ငံရေး၊ လူမှုစီးပွားရေး၊ နိုင်ငံတကာ ဆက်ဆံရေး အပြောင်းအလဲများပေါ်တွင် တည်မှီ၍ အခြားနိုင်ငံများအား စွမ်းအင်အရ မှီခိုရခြင်းမှာ နိုင်ငံရေရှည် ဖွံ့ဖြိုးတိုးတက်ရေးအတွက် အဟန့်အတား ဖြစ်စေကြောင်း၊ အလားတူ တည်ဆဲပတ်ဝန်းကျင် ထိန်းသိမ်းရေး ဥပဒေမှာ အားနည်းချက်များစွာရှိခြင်း၊ ဥပဒေချိုးဖောက်သူများကို အရေးယူသော ပြစ်ဒဏ်မှာလည်း ပြင်းထန်မှုမရှိခြင်း၊ ဥပဒေကိုင်စွဲ၍ စောင့်ကြပ်မည့် ပတ်ဝန်းကျင်ထိန်းသိမ်းရေး ဦးစီးဌာန၏ စွမ်းဆောင်ရည်မှာလည်း တိုးတက်ရန် အချိန်များစွာ စောင့်စားရန် လိုအပ်နေသေးခြင်း စသည့်အချက်များ ပါဝင်ကြောင်း သိရသည်။

''ဒီနေ့ ဇွန် ၂၉ ရက်ဟာ ကမ္ဘာလုံးဆိုင်ရာ ကျောက်မီးသွေး ခေတ်ကာလ ကုန်ဆုံးခြင်းဆိုတဲ့ လှုပ်ရှားမှုရဲ့ တစ်စိတ်တစ်ပိုင်း အနေနဲ့ မြန်မာနိုင်ငံမှာ ကျင်းပရခြင်း ဖြစ်ပါတယ်။ မူလလှုပ်ရှားခဲ့တဲ့ ကမ္ဘာလုံးဆိုင်ရာ လှုပ်ရှားပွဲရဲ့ အဓိက ရည်ရွယ်ချက်ကတော့ ဒီလိုကျောက်မီးသွေးနဲ့ ပတ်သက်ပြီးတော့ လှုပ်ရှားဆောင်ရွက်နေတဲ့ သူတွေကို ဂုဏ်ပြုသော အားဖြင့်လည်းကောင်း၊ နောက်တစ်ချက်က ကမ္ဘာလုံးဆိုင်ရာ ရာသီဥတု ပြောင်းလဲခြင်းတွေနဲ့ ပတ်သက်ရင် ကျောက်မီးသွေးခေတ် ကုန်ဆုံးဖို့ လုပ်နေသေးဖို့ လိုသေးတယ် ဆိုတာကို ကျွန်တော်တို့ ပြည်သူတွေ ညီညီညွတ်ညွတ်နဲ့ သက်ဆိုင်ရာ တာဝန်ရှိသူတွေကို တင်ပြနိုင်ဖို့ ဖြစ်ပါတယ်'' ဟုလည်း Ecodevမှ MD ဦးဝင်းမျိုးသူက ဆိုသည်။