ရာသီဥတု ဖောက်ပြန်မှု အချက်ပေး ခေါင်းလောင်းသံ ပိုမြည် လာပြီလား

သမိုင်းလမ်းဆုံ အနီး ရေကြီးမှုမြင်ကွင်း

ရန်ကုန်တိုင်းဒေသကြီး၊ မရမ်းကုန်းမြို့နယ် အမှတ် (၃)ရပ်ကွက်၊ အောင်သိဒ္ဓိလမ်းရေကြီးနေသည်ကို ယနေ့နံနက်ပိုင်းကတွေ့ရစဉ်။

မြန်မာနိုင်ငံ အထက်ပိုင်းနှင့် အောက်ပိုင်းတို့တွင် မိုးများနေပြီး အလယ်ပိုင်းတွင် မိုးခေါင် နေသည်။ တိုင်းနှင့်ပြည်နယ် အတော် များများတွင် အဆက်မပြတ် မိုးရွာသွန်းမှုများ ကြောင့် စံချိန်တင် မိုးရေချိန်များနှင့် အတူ ရေကြီး ရေနစ်မြုပ်မှုများ ဖြစ်ပွားနေသည်။ အဆက်မပြတ်မိုးရွာသွန်းမှုကြောင့် မြစ်ကြီးများ ရေမျက်နှာပြင် မြင့်တက်ကာ မြစ်ကမ်း တစ်လျှောက်ရှိ မြို့ရွာ အချို့ ရေလွှမ်းမိုး နေဆဲ။ မြန်မာနိုင်ငံ အလယ်ပိုင်းဒေသ တွင်မူ မိုးခေါင်နေ၍ အခက်အခဲများ ကြုံတွေ့ရလျက် ရှိသည်။ ကမ္ဘာကြီး ပူနွေးလာမှု၏ နောက်ဆက်တွဲ ဆိုးကျိုးများတွင် ပါဝင်သော ရာသီဥတု ပြောင်းလဲမှုများကို ကမ္ဘာသူ ကမ္ဘာသားများ သိသိသာသာ ခံစားလာရ သကဲ့သို့ မြန်မာနိုင်ငံတွင်လည်း ၂၀၀၈ နာဂစ် မုန်တိုင်း တိုက်ခတ် အပြီးတွင် ရာသီဥတု ပြောင်းလဲမှုများ ခပ်စိပ်စိပ် ဖြစ်ပေါ်လာလျက် ရှိသည်။
ကချင်ပြည်နယ်၊ စစ်ကိုင်းတိုင်း ဒေသကြီး အထက်ပိုင်း၊ ရခိုင် ပြည်နယ်၊ ဧရာဝတီတိုင်း ဒေသကြီး၊ ပဲခူးတိုင်း ဒေသကြီး၊ ရန်ကုန်တိုင်း ဒေသကြီး၊ ကရင်ပြည်နယ်၊ မွန်ပြည်နယ်၊ ရှမ်းပြည်နယ်၊ တနင်္သာရီ တိုင်းဒေသကြီး၊ မန္တလေးတိုင်း ဒေသကြီးတို့တွင် ရေဖုံးလွှမ်း လျက်ရှိ သည်။ စစ်ကိုင်းတိုင်း ဒေသကြီး အောက်ပိုင်း၊ မကွေးနှင့် မန္တလေးတိုင်း ဒေသကြီးတို့ရှိ ဒေသ အများစုတွင်မူ မိုးဥတု ၀င်သည်မှာ နှစ်လကျော် လာပြီ ဖြစ်သော်လည်း ယနေ့ အချိန်အထိ မိုးကောင်းစွာ မရွာသေး ကြောင်း ဒေသခံများ ထံမှ သိရသည်။

“ မိုးစရွာတော့ လမ်းပေါ်ထွက်ပြီး မိုးရေထိခံကြတယ် “ ဟု တစ်လ ကျော်ကြာ မိုးမရွာခဲ့သည့် မန္တလေးမြို့တွင် မိုးစတင်ရွာသည့် ဇူလိုင်လ ၂၄ ရက်နေ့မြင်ကွင်းကို အသက် ၂၀ အရွယ် အမျိုးသမီးတစ်ဦးက ပြောပြသည်။

မြန်မာနိုင်ငံ အလယ်ပိုင်း ဒေသ စစ်ကိုင်းတိုင်း အောက်ပိုင်း၊ မကွေး တိုင်းနှင့် မန္တလေးတိုင်း ဒေသကြီးတို့တွင် မုတ်သုံဝင်သည့် ကာလကပင် မိုးရွာသွန်းခြင်း မရှိသည့်အတွက် သောက်သုံးရေ ရှားပါးခြင်း၊ စိုက်ပျိုး သီးနှံများ ပျက်စီးခြင်း၊ တိရစ္ဆာန် အစာများ ရှားပါးလာခြင်းတို့ ကြုံတွေ့ နေရကြောင်း ဒေသခံတို့၏ ပြောဆိုချက်များ အရ သိရသည်။ “ အလယ်ပိုင်း ဒေသမှာ မုတ်သုံကာလ မိုးရွာတာ မိုးရေချိန် ၇ လက်မ မကျော်သေးပါဘူး “ ဟု မိုးလေ၀သနှင့် ဇလဗေဒ ပညာရှင် ဒေါက်တာထွန်းလွင်က ဆိုသည်။

“ မိုးခေါင်လို့ တောင်သူတွေမနေ့ကမှ ပဲတွေစိုက်ရတယ်။ မိုး မရွာလို့ နွားစှာားပါးလို့ တောထဲကမာနဲ့ ဘင်ဂန်ပင်တွေကို ခုတ် ကျွေးရတယ်။ ဈေးထဲမှာ ရောင်းတဲ့ အမဲသားတွေတောင် ခါးကုန်တယ်”ဟု လက်ရှိ မိုးခေါင်လျက် ရှိသော ပခုက္ကူမှ ဒေသခံ ဦးသိန်းက ပြောကြားသည်။

လက်ရှိ မိုးခေါင်နေဆဲ ဖြစ်နေသော မုံရွာမှ ဒေသခံ ဦးအောင်နေမျိုး ကလည်း “စိုက်ထားတဲ့ပဲတွေ မိုးမရွာလို့ အကုန်သေကုန် တယ်။ တောင်သူတွေ တော်တော် ဒုက္ခရောက်နေကြပြီဗျာ” ဟု ညည်းတွား ပြော ဆိုသည်။

ဘင်္ဂလား ပင်လယ်အော် အတွင်းတွင် သြဂုတ်လ ပထမပတ်အထိ မုန်တိုင်း မဖြစ်ခဲ့သည့် အတွက် အလယ်ပိုင်း ဒေသများတွင် မိုးရရှိနိုင် ခြင်းမရှိခဲ့ပေ။ သို့သော် ဇူလိုင်လ နောက်ဆုံးပတ်တွင် တောင်တရုတ် ပင်လယ်၌ တိုင်ဖုန်းမုန်တိုင်း ဖြစ်ပွားခဲ့ပြီး မြန်မာနိုင်ငံ အလယ်ပိုင်း ဒေသ အချို့ မိုးရရှိခဲ့သော်လည်း ကျန်ဒေသများမှာ မိုးရရှိရန် လိုအပ် နေဆဲဖြစ်သည်။

မိုးလေ၀သနှင့် ဇလဗေဒ ပညာရှင် ဒေါက်တာထွန်းလွင်က “ ဒီ နှစ်မှာ ထူးခြားချက်တွေ ရှိတယ်။ ပင်လယ်နဲ့ မြေပြင်ဆိုရင် ပင်လယ် ထဲမှာ မိုးပိုရွာတယ်။ ဒါကြောင့် ကမ်းရိုးတန်း ဒေသတွေ ပင်လယ်ရေ တက်ပြီး မြစ်ရေကြီးမှုတွေ ဖြစ်ပေါ်ခဲ့တာပါ” ဟု ဆိုသည်။

အနောက်တောင် မုတ်သုံလေသည် မြန်မာနိုင်ငံ မြောက်ပိုင်းသို့ မေလ အကုန်တွင် ၀င်ရောက်ခဲ့ပြီး အနောက်တောင် မုတ်သုံလေဦးသည် မြန်မာနိုင်ငံ မြောက်ပိုင်းကို ရောက်ရှိပြီးနောက် အစဉ်အလာ အရ ဘင်္ဂလားပင်လယ်အော် မြောက်ပိုင်းကို ပြန်ဆင်း လာရသော်လည်း ယခု နှစ်တွင်မူ မြန်မာနိုင်ငံ မြောက်ပိုင်းကို မုတ်သုံလေဦး ၀င်ရောက်ပြီး ကတည်းက တစ်ခါတည်း အထိုင်ချ နေခဲ့ပြီး ပြန်ဆင်း မလာတော့ကြောင်း၊ ယင်းမှာ သြဂုတ်လဆန်း အထိ ဖြစ်ကြောင်း၊ ယင်းကို အကြောင်းပြုကာ မြန်မာနိုင်ငံတွင် ယခုကဲ့သို့ ရာသီဥတု ဖောက်ပြန် မှုများ ဖြစ်လာခြင်း ဖြစ်ကြောင်း မိုးလေ၀သနှင့် ဇလဗေဒ ပညာရှင် ဒေါက်တာထွန်းလွင်က ရှင်းပြသည်။

ယင်းကြောင့် မြန်မာနိုင်ငံ မြောက်ပိုင်းစွန်း ဒေသများဖြစ်သည့် ကချင်ပြည်နယ်နှင့် စစ်ကိုင်းတိုင်း ဒေသကြီး အထက်ပိုင်းတို့တွင် မိုးများ နေ့စဉ် ရက်ဆက် ရွာသွန်းခဲ့ပြီး ဇွန်၊ ဇူလိုင်လတို့တွင် ဧရာဝတီမြစ်နှင့် ချင်းတွင်းမြစ်ရေတို့ မြင့်တက်ခဲ့ကာ မြစ်ရိုးတစ်လျှောက် မြို့၊ ရွာများ၊ လယ်ကွင်းများ၊ မြေနိမ့်ပိုင်းနေရာများသို့ ရေ၀င်ရောက်ကာ ရေကြီးမှု ဖြစ်ပေါ်ခဲ့သည်။

သမားရိုးကျ မဟုတ်ဘဲ ထူးခြားသည့် ရာသီဥတု ဖြစ်စဉ်များ ယခုနှစ်အတွင်း များလာကြောင်း ဒေါက်တာထွန်းလွင်က ဆိုသည်။

မြန်မာနိုင်ငံ မြောက်ပိုင်းဒေသများ ဖြစ်သော ကချင်ပြည်နယ်၊ စစ်ကိုင်းတိုင်း ဒေသကြီး အထက်ပိုင်းတို့တွင် နေ့စဉ် မိုးရွာသွန်းနေပြီး မိုးရွာသွန်းမှု ကြောင့် မိုးရေချိန် ပမာဏမှာ တစ်ပတ်လျှင် လေးလက်မ မှ ခြောက်လက်မ နီးပါး ရှိနေသည်။

မြန်မာနိုင်ငံအတွင်း စီးဆင်းသော မြစ်ကြီးများတွင် မြစ်ရေများ တိုးလာပြီး စိုးရိမ် ရေမှတ်များ ကျော်လွန်ခဲ့ကာ မြစ်ကမ်း တစ်လျှောက် ရှိ မြို့ရွာများ၏ အနိမ့်ပိုင်း ဒေသများသို့ မြစ်ရေ ၀င်ရောက်မှု များဖြစ် ပွားနေသည်။ သံလွင်မြစ်၊ ပဲခူးမြစ်၊ စစ်တောင်းမြစ်၊ တနင်္သာရီမြစ် တို့မှာ ရေကြီးလျက် ရှိသည်။ ရွှေကျင် မြစ်ရေမှာလည်း ဇူလိုင်လ အကုန် သြဂုတ်လ ဆန်းပိုင်းမှ စတင် မြင့်တက်ခဲ့သည်။

ပြီးခဲ့သည့် ဇွန်လကုန်ပိုင်းက မိုးသည်းထန်စွာ ရွာသွန်းမှုကြောင့် ဧရာဝတီ မြစ်ရေသည် မွန်းလွဲ ၁၂ နာရီ ၃၀ မိနစ် တိုင်းထွာချက်အရ စိုးရိမ်ရေ အမှတ် ၁၁၆၀ စင်တီမီတာသို့ ရောက်ရှိနေပြီး စိုးရိမ်ရေ အမှတ်ထက် ၁၀ စင်တီမီတာ (သုံးပေ) မြင့်တက်ခဲ့သည်။

ယင်းကဲ့သို့ မြစ်ရေကြီးမှုကြောင့် မြစ်ကြီးနား၊ ဗန်းမော်၊ ကသာနှင့် ရွှေကူမြို့များရှိ ရပ်ကွက်အချို့ ရေနစ်မြုပ် ခဲ့သည်။
ရန်ကုန်မြို့တွင်လည်း ပင်လယ်ရေပြင် မြင့်တက်မှုနှင့် မိုးသည်းထန်စွာ ရွာသွန်းမှုကြောင့် ဆင်ခြေဖုံး မြို့နယ်ဖြစ်သော ဒဂုံဆိပ်ကမ်း (အရှေ့) မြို့နယ်တွင် လယ်ဧက ထောင်ချီ ရေနစ်မြုပ်ခဲ့သည်။

မိုးသည်းထန်စွာ ရွာသွန်းကာ ပင်လယ်ရေ မြင့်တက်မှုကြောင့် မြန်မာနိုင်ငံ အထက်ပိုင်း တွင်သာမက မြန်မာနိုင်ငံ အောက်ဆုံးပိုင်း ဖြစ်သော တနင်္သာရီတိုင်း ဒေသကြီး ထားဝယ်မြို့ အနီးတစ်ဝိုက်ရှိ ကျေးရွာ များတွင်ပါ ရေနစ်မြုပ်ခဲ့သည်မှာ သြဂုတ်လ ဒုတိယ အပတ်ထိ ရေကျခြင်း မရှိသေးပေ။ တနင်္သာရီတိုင်း ဒေသကြီး တနင်္သာရီမြို့တွင် ဇူလိုင်လ နောက်ဆုံး အပတ်မှစပြီး မိုးသည်းထန်စွာ ရွာသွန်းသောကြောင့် လေးနှစ်အတွင်း အဆိုးရွားဆုံး မြစ်ရေလျှံကာ ကျေးရွာပေါင်း ၁၂ ရွာ ခန့် ရေလွှမ်းမိုး ခံရကြောင်း ဒေသခံများ ထံမှ သိရသည်။

ယင်းမြစ် ရေလျှံမှုကြောင့် ချောင်းကြီး၊ ချောင်းငယ်၊ ကျောက်မိကျောင်း၊ မြန်မာအင်းကော်၊ ညောင်ပင်ကွင်း ကျေးရွာအုပ်စုများ၊ ဆင်ခြေဖုံး ကျေးရွာအုပ်စု၊ ကျောက်တစ်လုံး ကျေးရွာအုပ်စု၊ ဖော့ဝ ကျေးရွာ အုပ်စုမှ ကျေးရွာပေါင်း လေးရွာ ရေဘေးသင့် ခဲ့သည်ဟု အဆိုပါကိစ္စကို ကူညီ ဆောင်ရွက်နေသည့် မြိတ်မြို့နယ် အမျိုးသား ဒီမိုကရေစီ အဖွဲ့ချုပ် (NLD) သတင်းနှင့် ပြန်ကြားရေး တာဝန်ခံ ဦးဥက္ကာက ပြောသည်။
မြို့ပေါ်ရှိ ကယ်ဆယ်ရေး စခန်းသုံးခုတွင် ရေဘေးသင့်သူ ၁၀၉ ဦးထက် မနည်းရှိပြီး အနီးအနား ကျေးရွာများမှ ရေဘေးသင့် သူများ စုစုပေါင်းတစ်ထောင်ကျော်ရှိသည်ဟု တနင်္သာရီမြို့နယ် NLD မှ ယာယီ တာဝန်ခံ ဦးအောင်ဆန်းဦးက ပြောဆိုသည်။ တနင်္သာရီမြစ်သည် ထားဝယ်မြို့ မေတ္တာမြို့နယ်ခွဲတွင် မြစ်ဖျားခံ စီးဆင်းလာပြီး တနင်္သာရီမြို့ကို ဖြတ်ပြီး စီးဆင်းသည်။

“ ထားဝယ်က ဆင်းလာတဲ့ရေက အရမ်းကြမ်းတယ်။ နှစ်ထပ်တိုက်တွေ တိုက်အိမ် အပေါ်ပိုင်း အထိ မြုပ်သွားတယ်” ဟု တနင်္သာရီ မြို့ခံ ကြက်ခြေနီ အဖွဲ့ဝင် တစ်ဦးက ပြောသည်။ မြ၀တီမြို့တွင်လည်း ရေလွှမ်းမိုး နေသောကြောင့် ရေဘေး ဒုက္ခသည်များအတွက် ကယ်ဆယ်ရေး စခန်း ၁၀ ခုကို ဖွင့်လှစ်ထားရသည်။
“ လက်ရှိမြန်မာနိုင်ငံမှာ အန္တရာယ်အကြီးဆုံးဟာ မြစ်ရေကြီးမှု ပါပဲ” ဟု ဒေါက်တာထွန်းလွင်က မှတ်ချက် ပေးသည်။

“ နှစ်စဉ် မုတ်သုံလေ ၀င်ရောက်သော ရက်များ (၁၉၅၆-၂၀၀၀ ) ရာသီဥတုပြောင်းလဲလာတာမှာ ဆရာကတော့ စိုက်ပျိုးရေးကို စိတ်ပူတယ်။ ရာသီဥတုဒဏ် ခံနိုင်တဲ့ စိုက်ပျိုးရေး သီးနှံတွေ စိုက်ပျိုး နိုင်ဖို့အတွက် သုတေသနလုပ်ငန်းတွေ လုပ်ဆောင်ဖို့လိုနေပြီ။ အခု လုပ်မှ နောက် ၁၀ နှစ်မှာ အကျိုးခံစားနိုင်မှာ။ Policy Level မှာက ရာသီဥတု ပြောင်းလဲခြင်းနဲ့ ပတ်သက်ရင် Mitigation နဲ့ Adaptation ကို နားလည်တာထက် သဘာဝဘေးအန္တရာယ်ကာကွယ်ရေးဆိုတာကို ဇောင်းပေးတဲ့ သဘောမျိုးတွေ ဖြစ်နေတယ်။ Mitigation နဲ့ Adaptation က သဘာဝ ဘေးအန္တရာယ် ကာကွယ်ရေးမှာ အစိတ်အပိုင်း တစ်ခုဆိုတာကို Policy Level မှာ ကွဲကွဲပြားပြား ရှင်းရှင်းလင်းလင်း မဖြစ်သေးဘူးလို့ ဆရာမြင်တယ်” ဟု မြန်မာနိုင်ငံ၏ ရာသီ ဥတု ပြောင်းလဲခြင်း အစီရင်ခံစာ ရေးဆွဲရာတွင် ပါဝင်ခဲ့သော စီးပွား ရေးနှင့် ဂေဟစနစ် ဖွံ့ဖြိုး တိုးတက်ရေး အဖွဲ့ ( Eco Dev ) အုပ်ချုပ်မှု ဒါရိုက်တာ ဦးဝင်းမျိုးသူက ပြောကြားသည်။

Green Fund လိုမျိုး အစိုးရက ချပေးရန် လိုအပ်ကြောင်းလည်း ပတ်ဝန်းကျင် ထိန်းသိမ်းရေး ပညာရှင်များက ထောက်ပြကြသည်။
မြန်မာနိုင်ငံတွင် လက်ရှိ လုပ်ငန်းဆောင်ရွက်နေမှုများနှင့် ပတ်သက်ကာ ဦးဝင်းမျိုးသူက “ဒုက္ခရောက်လိုက် သွားကူညီလိုက် ဒါမျိုးဖြစ်နေတယ်။ လက်ရှိ Economic Policy (စီးပွားရေးမူဝါဒ) မှာ Climate Change (ရာသီဥတု အပြောင်းအလဲ) ကို ထည့်စဉ်းစားတဲ့ Policy ကို မတွေ့သေးဘူး။ ဘာ စဉ်းစားစဉ်းစား Climate Change ကို အခြေခံပြီး စဉ်းစားရမှာ။ သက်ဆိုင်ရာ ၀န်ကြီးဌာန တွေက သူတို့ရဲ့ လုပ်ငန်းတွေ လုပ်တဲ့အခါမှာ Climate Concept (ရာသီဥတု အခြေခံ သဘော သဘာဝ) ကို ထည့်ပြီး စဉ်းစားရမယ်” ဟု ဦးဝင်းမျိုးသူက ပြောကြားသည်။

မြန်မာနိုင်ငံတွင် သဘာဝ ပတ်ဝန်းကျင်မှာ နှစ်ပေါင်း မြောက်မြားစွာ ယိုယွင်း လာသည့်အတွက် ချက်ချင်း ပြန်လည် ပြုပြင်ထိန်းသိမ်းရန် မဖြစ်နိုင်ကြောင်း၊ ဥပဒေ စိုးမိုးမှု အပိုင်းမှာ အဓိက ဖြစ်ကြောင်း၊ ထာဝစဉ် တည်တံ့မည့် ဖွံ့ဖြိုး တိုးတက်မှုမျိုး လုပ်ဆောင်ရန် လိုအပ်ကြောင်း အစုအဖွဲ့ ဖွံ့ဖြိုး တိုးတက်ရေးနှင့် စီးပွားရေး ဖွံ့ဖြိုး တိုးတက်ရေး အဖွဲ့ (ECCDI) ဥက္ကဋ္ဌ ဦးကျော်တင့်က ပြောဆိုသည်။

ယင်းအပြင် မြန်မာနိုင်ငံရှိ မိုးလေ၀သ စခန်းများကိုလည်း အဆင့်မြှင့်တင်ရန် လိုအပ်ကြောင်း၊ ယခုလက်ရှိတွင် အားနည်းနေသေး ကြောင်း ပတ်ဝန်းကျင် ထိန်းသိမ်းရေး ပညာရှင် အချို့က ဆိုသည်။

မြန်မာနိုင်ငံတွင် မိုးလေ၀သ တိုင်းတာရေး စခန်း ၁၁၇ ခု၊ မိုးလေ၀သ ခန့်မှန်း ထုတ်ပြန် ပေးသည့် စခန်း သုံးခု(နေပြည်တော်၊ ရန်ကုန်၊ ကမ္ဘာအေး၊ မင်္ဂလာဒုံ)၊ လေကြောင်း မိုးလေ၀သ ထုတ်ပြန်ရေး စခန်း ခြောက်ခုရှိကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာန ထံမှ သိရသည်။

တိုင်းပြည်ဖွံ့ဖြိုး တိုးတက်ရေးအတွက် လုပ်ဆောင်လျက် ရှိနေ သော ယနေ့ အချိန်အခါတွင် ရာသီဥတု ပြောင်းလဲမှုမှာ အဓိက စိန်ခေါ်မှု တစ်ရပ် ဖြစ်လာသည်။ နိုင်ငံ၏ ၇၀ ရာခိုင်နှုန်း သော ကျေးလက်နေ ပြည်သူများမှာလည်း ရာသီဥတု ပြောင်းလဲမှု ဒဏ်ကြောင့် အခက်အခဲများ ကြုံတွေ့ရလျက် ရှိသည်။ ယင်းတို့ကြောင့် နိုင်ငံတော် အဆင့် မည်သည့် ကဏ္ဍကို ဆောင်ရွက်သည် ဖြစ်စေ ရာသီဥတု ပြောင်းလဲလာ ခြင်းကိုပါ မလွဲမသွေ ထည့်သွင်း စဉ်းစားကာ ယင်းအတွက် နည်းဗျူဟာ စီမံကိန်းများ ချမှတ် ဆောင်ရွက်ချိန် တန်ပြီဖြစ်သည်။

မြန်မာနိုင်ငံသည် ယခု မုတ်သုံကာလတွင် မုန်တိုင်း တစ်ကြိမ်မျှ ဖြစ်ပေါ်ခဲ့ခြင်း မရှိသည့်အတွက် မိုးနှောင်းမုန်တိုင်း ရာသီဖြစ်သော အောက်တိုဘာလနှင့် နိုဝင်ဘာလတို့တွင် မုန်တိုင်း ဖြစ်ပေါ်နိုင်ကြောင်း ဦးထွန်းလွင်က သုံးသပ်သည်။ ၂၀၁၀ တွင် တိုက်ခတ်ခဲ့သော ဂီရိမုန်တိုင်း သည် မိုးနှောင်း မုန်တိုင်း ရာသီတွင် တိုက်ခတ်ခဲ့ခြင်း ဖြစ်သည်။ မြန်မာနိုင်ငံအတွင်းသို့ လွန်ခဲ့သော ဆယ်စုနှစ် ခြောက်ခုအတွင်း ဆိုင်ကလုန်း မုန်တိုင်း ရှစ်လုံး ၀င်ရောက်ခဲ့သည်။ မြန်မာနိုင်ငံအတွင်း ၀င်ရောက်ခဲ့သည့် မုန်တိုင်းများ အနက် ဆိုးရွားသော မုန်တိုင်းများမှာ ၁၉၇၅ ခုနှစ်တွင် ပုသိမ်မုန်တိုင်း၊ ၁၉၈၂ ခုနှစ်တွင် ဂွမုန်တိုင်း၊ ၁၉၉၄ ခုနှစ် တွင် မောင်တောမုန်တိုင်း၊ ၂၀၀၆ ခုနှစ်တွင် မာလာမုန်တိုင်း၊ ၂၀၀၈ ခုနှစ် တွင် နာဂစ်မုန်တိုင်း၊ ၂၀၁၀ ပြည့်နှစ်တွင် ဂီရိမုန်တိုင်းတို့ ဖြစ်သည်။

ယခုနှစ် မိုးနှောင်း အလွန် နောက်ပိုင်း ကာလများ တွင် မိုးခေါင်စေဦးမည့် အယ်လ်နီညို ရာသီဥတု ၀င်ရောက်ဖွယ်ရှိရာ မိုးကောင်းရန် မလွယ်သဖြင့် ယင်းအတွက် နည်းလမ်းများ ရှာထားသင့် ပြီး ကြိုတင် ပြင်ဆင်ထားမှ သာလျှင် လက်တွေ့ ကြုံသည့်အခါ သက်သာရာ ရနိုင်မည်ဖြစ်ကြောင်း ဦးထွန်းလွင်က တိုက်တွန်း ပြောကြားသည်။ ၂၀၁၂ ခုနှစ်၏ လက်ကျန်ရာသီဥတု စက်တင်ဘာလတွင် မုတ်သုံ ဆုတ်ခွာတော့မည် ဖြစ်သည်။ ၂၀၁၂ ခုနှစ်၏ လက်ကျန် လေးရာသီတွင် မုန်တိုင်း သုံးကြိမ် ဖြစ်ပေါ်နိုင်သည်ကိုမူ ဦးထွန်းလွင် အထူးသတိပေး ပြောကြားသည်။

The voice Weekly