နိုင်ငံတော် သမ္မတနှင့် နိုင်ငံရေးပါတီ ၁၄ ပါတီတွေ့ဆုံမည်

နိုင်ငံတော်သမ္မတ ဦးသိန်းစိန်သည် နိုင်ငံရေးပါတီ ၁၄ ခုနှင့်တွေ့ ဆုံမည်ဖြစ်ကြောင်းကို ဇူလိုင်လ ၂၂ ရက်နေ့က စက်မှုဝန်ကြီးဌာန ပြည်ထောင်စုဝန်ကြီး ဦးစိုးသိန်းနှင့် ရထား ပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်းတို့က အဆိုပါနိုင်ငံရေး ပါတီများနှင့် တွေ့ဆုံရာတွင် ပြောကြားခဲ့ကြောင်း သိရသည်။ ယင်းတွေ့ဆုံမှုတွင် ၀န်ကြီးနှစ်ဦးက နိုင်ငံရေးပါတီ ၁၄
ခုနှင့် နိုင်ငံတော်သမ္မတနှင့် တွေ့ဆုံရာတွင် နိုင်ငံရေးပါတီများမှတင်ပြမည့် အကြောင်းအရာများနှင့် စပ်လျဉ်း၍ ဆွေးနွေးမှုများကိုပြုလုပ်ခဲ့ကြောင်း သိရသည်။
“၀န်ကြီးနှစ်ဦးက ငြိမ်းချမ်းရေး ဖော်ဆောင်မှုလုပ်ငန်းတွေ၊ တိုင်းပြည် ဖွံ့ဖြိုးတိုးတက်ရေးတို့အတွက် လုပ် ဆောင်နေတဲ့အကြောင်းအရာတွေကို ရှင်းပြတယ်။ နောက်ပြီး နိုင်ငံရေး ပါတီတွေဘက်ကလည်း သမ္မတကြီး နဲ့တွေ့ရင် တင်ပြမယ့် အကြောင်းအရာတွေကို ပါတီတစ်ခုချင်းစီကနေ ဆွေးနွေးကြတယ်”ဟု အဆိုပါတွေ့ ဆုံမှုသို့ တက်ရောက်ခဲ့သူ အမျိုးသား ဒီမိုကရေစီပါတီသစ်မှ ပြန်ကြားရေး တာဝန်ခံ ကိုသန်းထွန်းက ပြောပြခဲ့သည်။
နိုင်ငံတော်သမ္မတနှင့် နိုင်ငံရေး ပါတီ ၁၄ ခုတွေ့ဆုံမည့်ရက်ကို အတိအကျ မသတ်မှတ်ရသေးသော်လည်း လာမည့် ရက်သတ္တနှစ်ပတ်အတွင်း တွေ့ဆုံသွားမည်ဖြစ်ကြောင်း သိရ သည်။
တွေ့ဆုံမည့်နိုင်ငံရေးပါတီ ၁၄ ခုမှာ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ တိုင်းရင်းသား စည်းလုံးညီညွတ်ရေးပါတီ၊ ကရင်ပြည် သူ့ပါတီ၊ အမျိုးသား ဒီမိုကရေစီပါတီသစ်၊ ရခိုင်ဒီမိုကရေစီအဖွဲ့ချုပ်၊ ခေတ် သစ်ပြည်သူ့ပါတီ၊ မွန်ဒီမိုကရေစီပါတီ၊ ဇိုမီးတိုင်းရင်းသားများကွန်ဂရက်၊ ချင်းတိုးတက်ရေးပါတီ၊ မြန်မာ အမျိုးသားကွန်ဂရက်ပါတီ၊ မတူကွဲ ပြားခြင်းနှင့် ငြိမ်းချမ်းရေးပါတီ၊ ပအိုဝ်းအမျိုးသားအဖွဲ့ချုပ်၊ မြန်မာ့ လူ့ဘောင်သစ် ဒီမိုကရက်တစ်ပါတီ၊ အမျိုးသားနိုင်ငံရေး မဟာမိတ်များ အဖွဲ့ချုပ်တို့ဖြစ်ကြောင်း သိရသည်။
နိုင်ငံတော်သမ္မတနှင့် တွေ့ဆုံရာတွင် အဆိုပါနိုင်ငံရေးပါတီများမှ နိုင်ငံတော်အစိုးရနှင့် စတုတ္ထမဏ္ဍိုင် အကြား အငြင်းပွားမှုကိစ္စများကို လည်းကောင်း၊ ရခိုင်ပြည်နယ်အတွင်း ဖြစ်ပွားခဲ့သော လူမျိုးရေး အဓိကရုဏ်း များနှင့်ပတ်သက်၍ အားနည်းချက် များကိုလည်းကောင်း၊ မအောင်မြင်သော အကျိုးတူပူးပေါင်းလယ်ယာ စနစ်ကိုလည်းကောင်း စသည့်အ ကြောင်းအရာများကို တင်ပြဆွေးနွေး ကြမည်ဖြစ်ကြောင်း သိရသည်။
“နိုင်ငံတော်အစိုးရနဲ့ စတုတ္ထ မဏ္ဍိုင်အကြားမှာ အငြင်းပွားမှု ဖြစ်ပေါ်နေတဲ့ကိစ္စမှာ အစိုးရဘက်မှာ ကော စတုတ္ထမဏ္ဍိုင်ဖြစ်တဲ့ မီဒီယာတွေမှာပါ အကျိုးမရှိပါဘူး။ စတုတ္ထမဏ္ဍိုင်ဟာ ၂၀၁၀ ရွေးကောက်ပွဲကာ လအတွင်းမှာ ပြည်သူလူထုကို ရွေးကောက်ပွဲ မျက်စိဖွင့်ပေးခဲ့တဲ့တာဝန် ကျေတဲ့မီဒီယာတွေပါ။ အစိုးရနဲ့မီဒီယာကြားမှာ လက်ရှိဖြစ်နေတဲ့အမှုတွေကို ရုပ်သိမ်းပေးပါလို့ တောင်းဆိုချင်ပါတယ်။ ဒါဟာ ရှေ့နေတစ်ယောက်အနေနဲ့ တောင်းဆိုခြင်းမျိုး မဟုတ်ဘဲ နိုင်ငံရေးသမားတစ်ယောက် အနေနဲ့ တောင်းဆိုခြင်းသာ ဖြစ်ပါတယ်”ဟု အမျိုးသား ဒီမိုကရေစီ ပါတီသစ်မှဥက္ကဋ္ဌ ဦးသိန်းညွန့်က ပြောပါသည်။