ပြည်တွင်းပုဂ္ဂလိကဘဏ် အချို့ရှိ ဘဏ်အပ်ငွေစာရင်းတွင် စာရင်းသေ အပ်ငွေအများဆုံးဖြစ်ကြောင်း ပြည်တွင်းပုဂ္ဂလိကဘဏ် အသိုင်းအ၀ိုင်း ထံမှ သိရပါသည်။"Financial regulation အရ စားရင်သေအပ်ငွေကို Interest ပေးပါတယ်။
ကျွန်တော်ဘဏ်မှာ စာရင်းသေအပ်ငွေ များပါ တယ်။ ရာခိုင်နှုန်းအားဖြင့် ၈၅
ရာခိုင်နှုန်း ရှိပါတယ်။ အတိုးကို ၈ ရာခိုင်နှုန်း သတ်မှတ်ထားပါတယ်" ဟု
ထွန်းဖောင်ဒေးရှင်းဘဏ် ဥက္ကဌ ဦးသိန်းထွန်း၏ ပြောကြားချက်အရ သိရပါသည်။အပ်ငွေစာရင်းတွင် အများဆုံးမှာ saving account ဖြစ်ကြောင်းနှင့် ခန့်မှန်းချေအားဖြင့် saving အပ်ငွေ သည် ၇၅ ရာခိုင်နှုန်းရှိကြောင်း ကမ္ဘောဇဘဏ်မှ အကြီးတန်း အထွေထွေမန်နေဂျာ ဦးဇော်လင်းထွဠ် က ပြောကြားပါသည်။
ယူနိုက်တက်အမရာဘဏ်မှ Chife Executive Officer ဦးသန်းဝင်းဆွေက "ကျွန်တော်တို့ဘဏ်မှာ လက်ရှိ အချိန်ထိ အပ်ငွေမှာ saving deposit က များပါတယ်။ ရာခိုင်နှုန်းအားဖြင့် ၈၀ ရာခိုင်နှုန်းရှိပါတယ်" ဟု ပြောကြားပါသည်။
"အပ်ငွေအမျိုးအစား နှစ်မျိုးရှိပါတယ်။ ငွေစုစာအုပ်နဲ့ ထားတဲ့ အပ်ငွေနဲ့ ချက်လက်မှတ်နဲ့ ထုတ်လို့ရတဲ့ အပ်ငွေတွေ ရှိပါတယ်။ ပုံသေအပ်ငွေမှာ သုံးလ၊ ခြောက်လ၊ တစ်နှစ်ထားတာ ရှိပါတယ်။ မြန်မာနိုင်ငံရဲ့ ယဉ်ကျေးမှုအရ saving deposit က များပါတယ်" ဟု သမ၀ါယမဘဏ်မှ မန်နေဂျင်းဒါရိုက်တာ ဦးဖေမြင့်က ပြောကြားပါသည်။
ပြည်တွင်းပုဂ္ဂလိကဘဏ်များ၏ အပ်ငွေစာရင်းတွင် စာရင်းရှင်အပ်ငွေ၊ စာရင်းသေအပ်ငွေ၊ အချိန်ပိုင်း အပ်ငွေ၊ ငွေစုဘဏ် အပ်ငွေ၊ မင်္ဂလာဦးအပ်ငွေ၊ အသက်ငယ်အပ်ငွေ စသည့်အပ်ငွေ အမျိုးအစား များရှိကြောင်း၊ အပ်ငွေအမျိုးအစားပေါ် မူတည်၍ ဘဏ်တိုးနှုန်းပမာဏ ကွာခြားမှု ရှိကြောင်းနှင့် မြန်မာနိုင်ငံတော်ဗဟိုဘဏ်မှ အပ်ငွေအပေါ် အတိုးနှုန်း ၈ရာခိုင်နှုန်းထက် မနည်း သတ်မှတ်ထားပြီး အဆိုပါအတိုးနှုန်း ပမာဏသည် အာဆီယံဒေသတွင်း နိုင်ငံများတွင် အများ ဆုံးဖြစ်ကြောင်း သိရသည်။
Eleven Media Group
No comments:
Post a Comment