မကြာသေးမီက အမေရိကန်ပြည်ထောင်စုနှင့် မက္ကဆီကိုကြား နယ်စပ်ခြံစည်း ရေးခတ်ရေးကိစ္စနှင့်ပတ် သက်ပြီး နိုင်ငံရေးသမားများကြားတွင် အပြောအဆိုများလာခဲ့သော်လည်း ကယ်လီဖိုးနီးယားတွင် အခိုင် အခံ့ရှိနေပြီးသား ခြံစည်းရိုးကမူ တစ်ယောက်သောသူကို မတားဆီးနိုင်ခဲ့သလို ခြံစည်းရိုး အောက်မှ တံခါးမရှိဓားမရှိ ၀င်ထွက်နေသည့် မူးယစ်ဆေးများကိုလည်း တားဆီးခြင်းငှာ မစွမ်းနိုင်ခဲ့ပေ။
အမေရိကန် ရှေ့နေရုံး၏ သတင်းထုတ်ပြန်ချက်အရ ဟွန်ဒူးရပ်နိုင်ငံသား တစ်ယောက်မှာ ရေငုပ်ဝတ်စုံကို ၀တ်ဆင်လျှက် ကိုကိန်း၅၅ပေါင်ကို မက္ကဆီကိုနှင့် အမေရိကန်ပြည်ထောင်စု ကြားရှိရေအောက် ဥမင် လိုဏ်ခေါင်း မှတစ်ဆင့် ခိုးသွင်းခဲ့သည်ဟု ဆိုသည်။
အီဗယ်လီယို ပါဒီလာ ဇီပီဒါဆိုသူကို ဖြန့်ဖြူးရောင်းချရန်ရည်ရွယ်၍ ကိုကိန်းများ လက်ဝယ်ပိုင်ဆိုင်ထားမှုဖြင့် ဆန်ဒီယေဂို ဖက်ဒရယ်တရားရုံးက ဗုဒ္ဓဟူးနေ့တွင် ထောင်ဒဏ် အနှစ်၂၀ချမှတ်လိုက်သည်။
ဧပြီလက နယ်စပ်စောင့်ဧဂျင့်များက ပါဒီလာ ဇီပီဒါကို ရေငုပ်ဝတ်စုံဖြင့် ရေများရွှဲနစ်လျှက် ကယ်လီဖိုးနီး ယား၊ ကလက်ဆီကိုရှိ အောအမေရိကန် တူးမြောင်းတစ်လျှောက်တွင် တွေ့ရှိခဲ့ကြရာ သူနှင့်အတူ လက် ဆောင်ထုတ် ပုံစံ ထုပ်ပိုးထားပြီး ချိတ်ပိတ်ထားသည့် ကိုကိန်း၂၅ထုပ်၊ ရေငုတ်အောက်ဆီ ဂျင်ဗူး၊ ရေငုပ် ကိရိယာများကိုပါ လက်ဝယ်တွေ့ရှိခဲ့ကြသည်။
တစ်ဖန် ဧဂျင့်များက ခြေရာခံကြည့်ရာမှ မက္ကဆီကို၊ မက်ဆီကာလီမှ အစပြုပြီး နယ်စပ်စည်းအောက်မှ ဖြတ်သန်းကာ ကယ်လ်ီဖိုးနီးယားတူး မြောင်းတွင် အဆုံးသတ်သည့် ဥမင်လိုဏ်ခေါင်း ကိုတွေ့ရှိခဲ့ကြ သည်။ ကယ်လီဖိုးနီးဘက်ခြမ်းရှိ လိုဏ်ခေါင်းထွက်ပေါက်မှာ ရေအောက်တွင် တစ်ဝက်နစ်မြှုပ်နေပြီး ကျောက် ဆောင်များနောက်ကွယ်တွင် ဖုံးကွယ်နေသည်။
ပါဒီလာ ဇီပီဒါက ရုံးတော်တွင် ထွက်ဆိုရာတွင် ကိုကိန်းများကို တူးမြောင်းကို ဖြတ်သန်းလျှက် အခြားတစ် ဖက်သို့ ပို့ဆောင်နိုင်ရန်အတွက် ရေငုပ်ကိရိယာ များကို အသုံးပြုရန် စီစဉ်ထားသည်ဟု ဆိုသည်။ရေ အောက်တွင် ကြာရှည် ပုန်းအောင်းနေနိုင်စေရန်အတွက် အမြှုပ်မထွက်သည့် အသက်ရှူကိရိယာ အောက်စီ ဂျင်ဗူး နှစ်ဗူးလည်း ပါလာသည်ဟု ဆိုသည်။
‘မူးယစ်ဆေးမှောင်ခိုသမားတွေက သူတို့ပစ္စည်းတွေကို နည်းမျိုးစုံသုံးပြီး သယ်နေကြတာ ရေအောက်ဥမင် လိုဏ်ခေါင်းထဲတောင် ရေငုပ်နေကြတယ်။ မူးယစ်မှောင်ခိုသမားတွေရဲ့ ဥာဏ်နီဥာဏ်နက်တွေကို ကျွန်တော်တို့ရဲ့ ခိုင်မာတဲ့ သန္နိဌာန်နဲ့ပဲ ယှဉ်ပြိုင်နိုင်မယ်’’ဟု အမေရိကန်အစိုးရရှေ့နေ လောရာ ဒပ်ဖီက ပြောကြားခဲ့သည်။
ပါဒီလာ ဇီပီဒါက လူသုံးယောက်ကို တူးမြောင်းကို ဖြတ်သန်းပို့ဆောင်ပေးရန် သူ့ကို ကန်ဒေါ်လာ ၇၀၀၀ဖြင့် ငှားရမ်းခဲ့ခြင်းဖြစ်သော်လည်း နောက်ပိုင်းတွင် လူအစား အထုပ်များဖြစ်နေကြောင်းနှင့် တခြားရွေးချယ်စရာ မရှိ၍ လုပ်ခဲ့ရကြောင်း ရုံးတော်တွင် ထွက်ဆိုခဲ့သည်။ ပါဒီလာ ဇီပီဒါကို ဒီဇင်ဘာလတွင် စီရင်ချက်ချမည်ဖြစ် သည်။
Mizzima - News in Burmese
No comments:
Post a Comment