အမေစုနောက်ကွယ်မှာ ဦးဝင်းတင်ဘာတွေကြံစည်နေသလဲ…?

          ကျွန်မတို့အမေစုက အဖြောင့်အတိုင်းကြည့်တတ်တော့ အဘိုးကြီးဦးဝင်းတင်ရဲ့ ကောက်ကျစ်တဲ့ ကလိန်ကကျစ် အကွက်ဆန်းတွေကို မမြင်မိတာဖြစ်မယ်။ အခုပဲကြည့်လေ ဘိုးတော်ဦးဝင်းတင်ရဲ့ ဒီလှိုင်းဂျာနယ်က လူတွေ အရန်ဗဟိုကော်မတီထိုင်ခုံတွေ ဝင်ထိုင်လာ ခဲ့ပြီ။ နောင်ဆို သစ်ကုလားအုတ် ပုံပြင်ထဲကလိုဖြစ်တော့မယ်။ အမေစုကို တဲထဲကတွန်းထုတ်ဖို့ သစ်ကုလားအုတ်ဦးနှောက်ပိုင်ရှင် ဦးဝင်းတင် ရဲ့အကြံဥာဏ်တွေကို ကျွန်မတို့ မြင်နေရတယ်။

          နောက်တစ်ယောက်က နာမည်နဲ့လူနဲ့ဆန်ကျင်ဘက် ဖြူဖြူသင်း။ သူက ဦးဝင်းတင်ရဲ့လူစစ်စစ်။ အများအမြင်မှာ ခပ်တန်းတန်းဆက်ဆံပေမယ့် ကွယ်ရာမှာက တကယ့်ဆရာတပည့်။ အခုလည်း ဗဟိုကော်မတီဝင် ဖြစ်သွားတော့ စောင့်ကြွားစောင့်ကြွားလုပ်နေပြီ။ Living Together ကိုရာဇာနဲ့ ၄၀ ကျော်မှ ကံပေါ်ပြီး လက်ထပ်ကြမယ်လုပ်နေလေရဲ့။ ဖြူဖြူသင်းဟာတစ်ကယ်တော့ ဦးဝင်းတင် ရဲ့ ဒေါက်တိုင်တစ်ဖက်။ ကျန်တဲ့ ဒေါက်တိုင်တွေလည်း NLD ခေါင်းဆောင်ပိုင်းမှာရှိသေးရဲ့။

          တကယ်တော့ ဦးဝင်းတင် တစ်စင်ထောင်ပြီဆိုတာရှင်းပါတယ်။ ဒါကို အမေရိပ်မိပေမယ့် မျက်လုံးစုံမှိတ် ကြိတ်ပြီး ယုံနေတာအံ့သြလွန်းတယ်။ ကျောချမှ ဓားပြမှန်းသိရတဲ့အဖြစ်မျိုးဆိုရင်တော့ အတော်ပဲအချိန်နှောင်းသွား ပါလိမ့်မယ်။ ရာဇဝင်မှာ ထီးနန်းရဖို့ သားလုပ်သူကတောင် အဖေအရင်းဖြစ်တဲ့ ဘုရင်ကိုလုပ်ကြံခဲ့သေးတာပဲ… အဘိုးကြီးဦးဝင်းတင်တို့ ဖြူဖြူသင်းတို့က သူ့ထက်ကဲနဲ့ရွှေပြည်စိုးတွေမို့ အမေလျော့မတွက်သင့်ပါဘူး။

          ဦးဝင်းတင်ဟာ အခုတစ်မျိုး၊ တော်ကြာတစ်မျိုး အမျိုးမျိုးဗလောင်းဗလဲလုပ်တတ်တဲ့ အဘိုးကြီးပါ။ အမေစုကို တိုက်ခိုက်တဲ့နေရာမှာ အခြားပါတီတွေကို ကြားခံခုတုံးလုပ်အသုံးချမှုတွေရှိတယ်။ ဟုတ်နိုးနိုးနဲ့ သူနောက် သံယောင်လိုက်မိယင် မထင်မှတ်ဘဲသူရဲ့အသုံးချခံဖြစ်သွားပါလိမ့်မယ်။ အဓိကအနီးကပ်ဆုံး အမေ့ကိုတိုက်ခိုက် နေတာ ဒီအဘိုးကြီးပဲ။ အဘိုးကြီးရဲ့အသုံးချခံရသူတွေထဲမှာ NDF က ဦးခင်မောင်ဆွေ တို့တောင်ပါတယ်။ တစ်ချို့ မသိလို့ခံလိုက်ရတာတွေရှိတယ်။ ကျန်တဲ့လူတွေလဲ အရိုးပေါ်လာမှ အသားတွေအစားခံလိုက်ရပါပကောလားလို့ နောင်တမရစေချင်ဘူး။ ဘုံးဘုံးလဲသွားမှပြန်ဆောက် ဖို့မလွယ်ပါ။ ယိုင်လာကတည်းက ကျားကန်ထားကြပါ။ ရှုတ်ထွေးတဲ့နိုင်ငံရေးလောကမှာ ကျွန်မတို့အမေ အတွက် အန္တရာယ်ပေးမယ့်အုပ်စုတစ်စုက တာစူလို့နေပါပြီ။

          ငွေကြေးကိစ္စလဲပြောချင်ပါတယ်။ ညီလာခံအသုံးစရိတ် သိန်း ၃၆၀ ကို ဦးစိုးညွန့်ကစိုက်ထားတယ်။ အမေက ခွင့်ပြုပေးပြီးပြီ။ ဦးစိုးညွန့် လက်ထဲမရောက်သေးဘူး။ ဒါဆို ကြားထဲမှာဘယ်သူ ကုလားဖန်ထိုး သွားသလဲ။ ပါတီသစ်ထောင်ဖို့များ ရန်ပုံငွေလုပ်သွားလေသလား၊ အမေရေ.. တကယ်ဆို ဖွတ်ထွက် မှတောင်ပို့မှန်းသိရတယ်လို့ မဖြစ်ရအောင် အပွေးမြင်အပင်သိပါအမေ။ ဘိုးတော်လူလည်နှင့် တပည့်ကျော် ဒေါ်ဖြူဖြူသင်းတို့ကို လျော့မတွက် လိုက်ပါနဲ့၊ ဦးဝင်းတင်ရဲ့ညာလက်ထဲမှာ အမေနာမည်ရေး ထားတာ။ အမေ့ကိုထောက်ခံနေတာမဟုတ်ပါဘူး။ တကယ့်ဆိုလိုရင်းက အမေဟာသူ့လက်ခုပ်ထဲကရေ ပါတဲ့။ ဂရုစိုက်ပါအမေ။