Serge PunandAssociatesစီပွားရေးအဖွဲ့ရဲ့ဥက္ကဌMr. Serge Pun ခေါ် ဦးသိမ်းဝေကလာမယ့် ရွေးကောက် ပွဲကို ဒေါ်အောင်ဆန်းစုကြည် သပိတ်မှောက်လိမ့်မယ်လို့ သူ့အနေနဲ့ ထင်မြင် ယူဆခြင်းမရှိပါဘူးလို့ ပြော ကြားလိုက်ပါတယ်။ ဝါရှင်တန်ဒီစီမြို့တော်ရှိ CSIS ခေါ် မဟာဗျူဟာနဲ့ နိုင်ငံ တကာ လေ့လာရေးဌာနမှာ မြန် မာပြည်ရဲ့ နိုင်ငံရေးနဲ့ စီးပွားရေးဝန်းကျင်ဆိုတဲ့ အမည်နဲ့ မနေ့က ကျင်းပ တဲ့ဟောပြောပွဲမှာ သူက အခု လို ပြောကြားခဲ့တာဖြစ် ပါတယ်။
အနည်းဆုံးလုပ်ခလစာ သတ်မှတ်ရေးနဲ့ ပတ်သက်လို့ RFA က မေးမြန်းရာမှာတော့ မြန်မာပြည်မှာ အနည်း ဆုံးလုပ်ခလို့ပြောတဲ့အခါ အလုပ်သမားတွေကို အလုပ်ရှင်က နေ့လယ်စာကျွေးပြီး အကြိုအပို့လုပ်ပေး ရ တာတွေကိုလည်း ထည့်သွင်းတွက်ချက်ရမှာဖြစ်တယ်လို့ပြောပါတယ်။
အလုပ်သမားတွေကတော့ ထုံးစံအတိုင်း ပိုလိုချင်ကြတာပေါ့။ ဒါကိုမှားတယ် မှန်တယ်လို့ မပြောလိုပါဘူး။ မိမိတို့ အမြင်ကတော့ ဒီအချိန်ဟာအလုပ်အကိုင်တွေများများ ပေါ်ပေါက်လာအောင် ဖန်တီးဖို့ဖြစ်ပါတယ်။ အလုပ်အကိုင်ရရှိရေးဟာ လုပ်ခလစာပိုမိုရရှိရေးထက် အင်မတန်ပိုပြီး အရေးကြီးပါတယ်လို့ ဖြေကြားပါ တယ်။
လွတ်တော်အတွင်း တပ်မတော်က ၂၅ % နေရာယူထားတာနဲ့ ပတ်သက်လို့တော့ တိုင်းပြည် မတည်ငြိမ် ရင် ဒီမိုကရေစီစနစ်ကို အကျိုးပြုမှာမဟုတ်ပါဘူး။ သူ့အနေနဲ့တော့ တိုင်းပြည်တည်ငြိမ်ဖို့ စစ်တပ်ကနေရာယူ ထားတာဟာ အဆိုးထက်အကောင်းဖက်ကများပါတယ်။
သူတို့စီးပွားရေးသမားတွေဟာ တိုင်းပြည်မတည်ငြိမ်မှာကို အင်မတန် စိုးရိမ်ကြပါတယ်လို့ပြောကြားသွား ပါတယ်။
RFA
RFA
No comments:
Post a Comment