ခွေးရူးပြန် ရောဂါပိုး ကူးစက် ခံထားရသည့် ကျောက်ကပ်ဖြင့် ကိုယ်အင်္ဂါ အစားထိုး ကုသမှု ခံယူခဲ့သည့် အမေရိကန် ပြည်ထောင်စု မေရီလင်းပြည်နယ်မှ အမျိုးသား တစ်ဦးသည် ခွဲစိတ် ကုသမှု ခံယူ ခဲ့ပြီးနောက် တစ်နှစ်ကျော် အချိန်တွင် ခွေးရူးပြန် ရောဂါဖြင့် သေဆုံး ခဲ့ရကြောင်း
မတ် ၁၆ ရက်တွင် ကျန်းမာရေး အာဏာပိုင်များက ပြောကြားသည်။
အဆိုပါ အမျိုးသား သေဆုံးမှုကြောင့် ကျန်းမာရေး အရာရှိများ အနေဖြင့် အဆိုပါ အလှူရှင်ထံမှ ကိုယ်တွင်းအင်္ဂါ အစိတ်အပိုင်းများ လက်ခံ ရယူခဲ့သည့် အခြားလူနာ သုံးဦး အတွက် စိုးရိမ် နေကြကြောင်း သိရသည်။
ပုံမှန်အားဖြင့် အမေရိကန် ပြည်ထောင်စုတွင် ခွေးရူးပြန် ရောဂါ ဖြင့်နှစ်စဉ် သေဆုံးမှုမှာ သုံးဦးထက် မပိုကြောင်း၊ ယင်းကျောက်ကပ် အလှူရှင်မှာ ခွေးရူးပြန် ရောဂါဖြင့် ဖလော်ရီဒါ ပြည်နယ်တွင် ၂ဝ၁၁ ခုနှစ်က သေဆုံး သွားခဲ့ကြောင်း၊ အလှူရှင်၏ နှလုံး၊ အသည်းနှင့် အခြား ကျောက်ကပ် တစ်ခြမ်းကို လက်ခံ ရယူခဲ့သည့် လူနာများအား သက်ဆိုင်ရာက ယခုအခါ ခွေးရူးပြန် ရောဂါ ကာကွယ်ဆေးကို ထိုးခဲ့
ကြကြောင်း ရောဂါ ထိန်းချုပ်ရေး ဌာန (CDC) မှ ပြောကြားသည်။
၎င်း လူနာ သုံးဦးသည် ယခု အချိန်တွင် အီလီနွိုက်စ်၊ ဂျော်ဂျီယာနှင့် ဖလော်ရီ ဒါ ပြည်နယ် တို့ တွင် နေ ထိုင်လျက် ရှိကြောင်း သိရသည်။
မြ၀တီ
No comments:
Post a Comment