ငြိမ်းချမ်းရေးဖော်ဆောင်တာဟာ လွယ်ကူတဲ့လုပ်ငန်း မဟုတ်တဲ့အ တွက် စိတ်ရှည်သည်းခံပြီး သတ္တိရှိရှိ လုပ်ဆောင်ဖို့လိုတယ်လို မြန် မာနိုင် ငံကို ရောက်နေတဲ့ ဗြိတိသျှဝန်ကြီးချုပ်ဟောင်း Tony Blair (တိုနီ ဘလဲယား) က ပြောပါတယ်။မြန်မာနိုင်ငံမှာ လက်ရှိ လုပ်ဆော င်နေ တဲ့ ပြုပြင် ပြောင်းလဲရေးလုပ်ငန်းစဉ်တွေကို အားဖြည့် ကူညီရေး အတွက် မြန်မာအစိုးရ တာဝန်ရှိသူတွေနဲ့ ဆွေးနွေး ညှိနှိုင်းဖို့ မစ္စတာဘလဲ မြန်မာနိုင်ငံမှာရောက်နေ တယ်လို့ ဆိုပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြထားပါတယ်။ဗြိတိသျှဝန်ကြီးချုပ်ဟောင်း တိုနီ ဘလဲယားရဲ့ မြန်မာနိုင်ငံခရီးစဉ်ဟာ ဗြိတိန်အစိုးရနဲ့ မပတ်သက်ဘဲ သူတည်ထောင်ထားတဲ့ တိုနီဘလဲယား ဖောင်ဒေးရှင်းရဲ့ အကြီးအကဲတဦး အနေနဲ့ ရောက် လာခြင်း ဖြစ် တယ်လို့ ရန်ကုန်မြို့ ဗြိတိသျှသံရုံးက အမည်မဖော်လိုသူ သံတမန်တစ်ဦးက ဗွီအိုအေကို ပြောပါတယ်။
မတ်လ၁၆ရက်၊စနေနေ့မှာတော့မြန်မာနိုင်ငံငြိမ်းချမ်းရေးစင်တာကိုသွားရောက်ပြီးငြိမ်းချမ်းရေး ဖော်ဆောင်မှုနဲ့ပတ်သက်လို့ သူ့အမြင်တွေကို ပြောကြားခဲ့တာပါ။
“ငြိမ်းချမ်းရေးဖော်ဆောင်တယ်ဆိုတာ လွယ်ကူတဲ့ကိစ္စမဟုတ်ပါဘူး။ စိတ်ရှည်ဖို့၊ သည်းခံဖို့၊ သတ္တိရှိဖို့ လိုပါတယ်။ ငြိမ်းချမ်းရေး ဖော်ဆောင်မှု အတော်များများမှာ ဖြစ်လေ့ ဖြစ်ထရှိသလိုပဲ တဘက်နဲ့တဘက် အဆင်မပြေတာ၊ မှားယွင်းမှုတွေဖြစ်ပေါ်တာတွေ ရှိလာတဲ့အခါ သည်းခံကြဖို့ လိုပါတယ်။ ဒီငြိမ်းချမ်းရေး ဖြစ်ပေါ်လာအောင် အချိန်ပေး ပြင်ဆင်မှုတွေ လုပ်ရတဲ့အတွက် ဦးဆောင်လုပ် ကိုင်နေ သူတွေကို အပြင်လူ တယောက်အနေနဲ့ လေးစားပါတယ်။ အကောင်းဖြစ်ပါစေလို့လည်း ဆုတောင်းပေး ပါတယ်။ ကျနော့်ဘက်က စည်းလုံး ညီညွတ်မှုကိုပြသပြီး ကူညီနိုင်တာရှိရင်လည်း ကူညီ ပံ့ပိုးသွားမှာပါ။”
ဝန်ကြီးချုပ်ဟောင်း တိုနီ ဘလဲယားရဲ့ ဒီခရီးစဉ်ဟာ မြန်မာနိုင်ငံမှာ လက်ရှိပြုလုပ်နေ တဲ့ ပြုပြင်ပြောင်း လဲရေး လုပ်ငန်းတွေကို အားဖြည့် ကူညီဖို့အတွက် လာရောက်လေ့လာတဲ့ ခရီစဉ်လည်း ဖြစ်ပါတယ်။
တိုနီးဘလဲယားဖောင်ဒေးရှင်းဟာ ကောင်းမွန်တဲ့ အုပ်ချုပ်ရေးစနစ် ထွန်းကားရေးအတွက် ရည်ရွယ်ဖွဲ့ စည်းထားတဲ့ အဖွဲ့တခုလည်း ဖြစ်ပါတယ်။ တကယ်တော့ ၀န်ကြီးချုပ်ဟောင်း တိုနီဘလဲယား ဟာ မြန် မာ ငြိမ်းချမ်းရေး စင်တာမှာ အခုလို စကားမပြောခင် ပြည်ထောင်စုဝန်ကြီး ဦးစိုးသိန်းနဲ့တွေ့ ဆုံခဲ့တာ ဖြစ် တဲ့အကြောင်း ငြိမ်းချမ်းရေးစင်တာက တာဝန်ရှိသူ တဦးဖြစ်တဲ့ ဦးလှမောင်ရွှေ က ပြောပါ တယ်။
“၀န်ကြီးဦးစိုးသိန်းနဲ့ လာရောက်တွေ့ဆုံတယ်ပေါ့။ ၀န်ကြီးဦးစိုးသိန်းတွေ့ဆုံတာက တခုဗျ။ နောက် ကျနော်တို့ Myanmar Peace Center ဟောထဲမှာ ဒီနေ့ ၀န်ကြီးဦးအောင်မင်းနဲ့ ရန်ကုန်မှာရှိတဲ့ ကရင် community နဲ့ ကချင် community နဲ့ ဆွေးနွေးတဲ့ပွဲလည်း ရှိတယ်ဗျ။ အဲဒါကတော့ ၃ နာရီမှာစပြီး ၆ နာရီမှာ ပြီးပါတယ်။ အဲဒီတော့ ၅ နာရီခွဲလောက်မှာ တိုနီဘလဲယား က သူ့အနေနဲ့လည်း ၀င်ပြီးတော့
နှုတ်ဆက်လိုတယ်၊ ဒီပွဲကိုလည်း သူ ၀င်အားပေးလိုတယ်ဆိုတာနဲ့ အားလုံးကိုခွင့်တောင်းပြီးတော့ သူ ခဏရောက်ပါတယ်။ ၅ နာရီခွဲကရောက်တယ်။ သူ ဒီမှာ ၅ မိနစိ ၆ မိနစ်လောက် ၀င်ထိုင်တယ်။ ပြီးတော့ အားလုံးကို လိုက်ပြီးတော့ သူ့အနေနဲ့ နှုတ်ဆက်တယ်။ သူ့အနေနဲ့ စကားအနည်းငယ်ပြောသွားပါတယ်။”
ဝန်ကြီးချုပ်ဟောင်း တိုနီဘလဲယားဟာ မတ်လ ၁၅ ရက်နေ့တုန်းကတော့ပြည်သူ့လွှတ်တော်ဥက္ကဋ္ဌ သူရ ဦးရွှေမန်းအပါအ၀င် မြန်မာအစိုးရ အရာရှိတွေနဲ့ နေပြည်တော်မှာ တွေ့ဆုံခဲ့တာပါ။ တိုနီ ဘလဲယား အနေနဲ့ မြန်မာနိုင်ငံကမပြန်ခင် NLD အမျိုးသားဒီမိုကရေစီ အဖွဲ့ချုပ် ဥက္ကဋ္ဌ၊ ပြည်သူ့လွှတ်တော် အမတ် ဒေါ်အောင်ဆန်းစုကြည်နဲ့လည်း တွေ့ဆုံဖို့ ရှိတယ်လို့ သိရပါတယ်။
ဗွီအိုအေ
No comments:
Post a Comment