လူနည်းစုအခွင့်အရေး အပြည့်အဝ အကာအကွယ် ပေးရန် မြန်မာအစိုးရကို အီးယူတိုက်တွန်း

ဘလ်ဂျီယံနိုင်ငံ (Belgium) ဘရပ်ဆဲလ်မြို့ (Brussels) မှာရှိတဲ့ ဥရောပ သမဂ္ဂအဖွဲ့ ‘အီးယူ’ (European Union) ရဲ့ ပါလီမန် အမတ်တွေက လက်ရှိ မြန်မာနိုင်ငံမှာ ချိုးဖောက် ခံနေရဆဲဖြစ်တဲ့ လူ နည်းစု အခွင့်အရေးတွေနဲ့ ပတ်သက်ပြီး ကာကွယ်ကိုင် တွယ်ဖို့ မြန်မာ အစိုးရကို တိုက်တွန်းကြောင်း ကြေငြာချက်တစ်စောင် ထုတ်ပြန် လိုက်ပါတယ်။ဥရောပသမဂ္ဂရဲ့ ပါလီမန်အမတ် (၄) ဦးပါတဲ့ အဖွဲ့ဟာ မကြာသေးမီကမြန်မာနိုင်ငံကို လာရောက် စဉ် တွေ့ ရှိခဲ့ရတဲ့ လက်ရှိအခြေအနေတွေပေါ် အခြေခံပြီး ယခုလို ပြောကြားခဲ့ခြင်းဖြစ်တယ်လို့ ကူဝိတ်သတင်းဌာန ‘Kuwait News Agency’ က ဖော်ပြထားပါတယ်။

ဥရောပသမဂ္ဂရဲ့ မြန်မာနိုင်ငံခရီးစဉ်ကို ဦးဆောင်ခဲ့သူ Ms. Barbara Lochbihler က “လက်ရှိ ကျန်ရှိနေသေးတဲ့ နိုင်ငံရေးအကျဉ်းသားတွေကို လွှတ်ပေးဖို့၊ ရိုဟင်ဂျာလူမျိုးတွေ အပါအဝင် လူနည်းစုတွေကို ခွဲခြားမှုမရှိပဲ အကာအကွယ်တွေပေးဖို့ မြန်မာအစိုးရကို တိုက်တွန်းထားပါတယ်၊ ဒါ့အပြင် အစိုးရအနေနဲ့ စီးပွါးရေးဆိုင်ရာ အကျိုးအမြတ်တွေကိုလည်း လူအုပ်စုတစ်စုသာ ကောင်းစားဖို့ လုပ်ဆောင်နေခြင်းမျိုးမဟုတ်ဘဲ လူများစုမြန်မာနိုင်ငံသားတွေရဲ့ အကျိုးဖြစ်ထွန်းမှုကို ရှေ့ရှုဖို့လည်း တိုက်တွန်းထားပါတယ်”လို့ ပြောဆိုသွားပါတယ်။
ဥရောပသမဂ္ဂရဲ့ ပါလီမန်အမတ်တွေအနေနဲ့ မြန်မာနိုင်ငံမှာရှိတဲ့ လူမှုရေး အဖွဲ့အစည်းတွေ ရဲ့ ပြုပြင်ပြောင်း လဲရေးကာလ လုပ်ဆောင်မှုတွေ၊ ဒီမိုကရေစီ အသွင်ကူးပြောင်းရေး လုပ်ဆောင်မှုတွေနဲ့ လူ့အခွင့်အရေး
ဆိုင်ရာ လုပ်ဆောင်မှုတွေကို အသိအမှတ်ပြုကြောင်းလည်း ဒီထုတ်ပြန်ချက်အတွင်း မှာ ဖော်ပြထား ပါတယ်။

Rakhine Straight Views