တရားစွဲဆိုခံထားရတဲ့ အင်းလေးဟိုတယ်ဇုံ မြေသိမ်းခံတောင်သူ ၇ ဦးအမှုကို
ကလောမြို့နယ် တရားရုံးမှာ ဒီကနေ့စစ်ဆေး မှာဖြစ်တဲ့ အတွက် ညောင်ရွှေဒေသခံ ၈၀
ကျော်ဟာ မိုင် ၄၀ နီးပါး ကွာဝေး တဲ့ခရီးကို လမ်းလျှောက်ချီတက်ပြီး အားပေးဖို့အသွားမှာ အာဏာ ပိုင်တွေရဲ့ တားမြစ်ခဲ့ရတယ်လို့ သိရပါတယ်။အာဏာပိုင်တွေဖက်က မနက်ဖြန်မှာ ဒီကိစ္စနဲ့ ပတ်သက် ပြီး ပြည်နယ် ၀န်ကြီးနဲ့ တွေ့ဆုံပေးမယ်လို့ ကတိပေးခဲ့တာကြောင့် လမ်းတ၀က်မှာ ပြန်လှည့်ခဲ့တယ်လို့ ဒီကနေ့အခြေ အနေကို အခုလိုပြောပြပါတယ်။ "သူတို့ကတော့ ပြေလည်အောင်ဆောင်ရွက်ပေးမယ်လို့ ပြောတာပေါ့နော်၊ ဒါပေမယ့် ပြေလည်အောင်ဆောင်ရွက်ပေးမယ်ဆိုတာက လွန်ခဲ့တဲ့ ၁၁ လပိုင်းလောက် ကလည်း ဖြစ်ခဲ့ တဲ့ကိစ္စပဲလေ၊ အခုက ၄ လပိုင်းတောင် ရောက်လာပြီ၊ ဘာမှပြေလည် မှုမရှိ ဘူးလေ၊ ပြေလည် မှုမရှိတဲ့ အတွက် ကျနော်တို့ကလည်း အခက်အခဲတွေနဲ့ ရင်ဆိုင်ရတဲ့အဖြစ်တွေ ကြုံတွေ့နေရတာပေါ့၊ ဒါပေမယ့် ရှမ်းပြည်နယ်ဝန်ကြီးချုပ်နဲ့ ပြေလည်အောင် ညှိနှိုင်းပေးဖို့ မနက်ဖြန် ၉ နာရီကို တောင်ကြီးမြို့ ကို ရောက်အောင်လာခဲ့ပါတဲ့၊ သူတို့ကဒါမျိုး ခေါ်ထားတာပေါ့နော်၊ ပြီးတော့ ဟိုတယ်ဇုံကို ဆုံးဖြတ်နိုင် ခွင့်ရှိတဲ့လူနဲ့ တွေ့ခွင့်ပေးမယ်တဲ့၊ ဘယ်လိုဆုံးဖြတ်မလဲဆိုတာ ကျနော်တို့မသိသေးဘူး၊ အဲဒါကျနော် တို့ကလည်း ပြေလည်မှုတကယ်ရှိမယ်ဆို ရှမ်းပြည်နယ်ဝန်ကြီးချုပ်နဲ့ မနက်ဖြန်သွားတွေ့မယ်၊ အဲဒါတကယ် လို့ ပြေလည်မှုမရှိဘူးဆိုလို့ရှိရင်တော့ ကျနော်တို့က ဒီလိုပဲဆက်လက်ပြီးတော့ လမ်းလျှောက်သွားမှာပဲ"
မနက် ၉ နာရီကတည်းက လမ်းလျှောက်လာတဲ့ အဲ့ဒီအဖွဲ့ကို အင်ကြင်းကုန်းနဲ့ ကန်ပဲ့ကျေးရွာနားမှာ မြို့နယ်ရဲတပ်ဖွဲ့မှူးက ရှေ့ဆက်မသွားဖို့ တားဆီးခဲ့ပေမယ့် ဒေသခံတွေက မူလခရီးစဉ်အတိုင်းပဲ ဆက်လက်ချီတတ်ခဲ့ကြပါတယ်။ ပေါရိသ ဆံရှင်မွေတော်ဘုရားအရောက်မှာ ရှမ်းပြည်နယ် ရဲတပ်ဖွဲ့မှူး ရဲမှူးကြီးဝင်းထွန်းဦးဆောင်တဲ့ အာဏာပိုင်အဖွဲ့တွေက ရှေ့ဆက်မသွားဖို့ ထပ်မံလာရောက် ညှိနှိုင်းခဲ့တဲ့ အတွက် ဒေသခံတွေနဲ့ ပြေလည်မှုရရှိသွားခဲ့ကြပြီး ရဲတပ်ဖွဲ့က ကား ၅ စီးနဲ့ ဒေသခံတွေ ကို ညောင်ရွှေမြို့ ကို ပြန်လည်ပို့ဆောင်ခဲ့ပါတယ်။ ဒါ့အပြင် မနက်ဖြန်မှာလည်း ရှမ်းပြည်နယ် အစိုးရအဖွဲ့နဲ့ တောင်သူ ကိုယ်စားလှယ် ၁၀ ဦးတို့ တွေ့ဆုံညှိနှိုင်းကြမယ်လို့သိရပါတယ်။
ဒေသခံတွေ အခုလိုလမ်းလျှောက်တာဟာ ငြိမ်းချမ်းစွာ စီတန်းလှည့်လည်ခွင့် ဥပဒေနဲ့ မညီညွတ် တဲ့အတွက် ရှေ့ဆက်သွားမယ်ဆိုရင် တရားဥပဒေ အတိုင်း ဆောင်ရွက်သွား မှာဖြစ်ပြီး တောင်သူတွေ အနေနဲ့ ကလောရုံးချိန်းသွားမယ်ဆိုရင်လဲ ပုဂ္ဂိုလ်ရေးအရ ကားစီစဉ်ပေးမှာဖြစ်တယ်လို့ ရဲမှူးကြီး ဝင်းထွန်းက RFA ကို တုံပြန့်ပြောကြားခဲ့ပါတယ်။
RFA Burmese
No comments:
Post a Comment