၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးနဲ့ ပတ်သက်ပြီး သမိုင်းတရားခံ အဖြစ်မခံဘူးလို့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီပြောရေးဆိုခွင့်ရှိသူ ဦးသိန်းထွန်းဦးက ပြောဆိုလိုက်ပါတယ်။
ပြည်ထောင်စု လွှတ်တော်ရဲ့ ခွင့်ပြုချက်နဲ့ ၄၅ ဦး ပါဝင်တဲ့ ပြင်ဆင်ရေး ပူးပေါင်းကော်မတီရဲ့ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး လုပ်ဆောင်နေမှုဟာ အခြေခံဥပဒေပါ ပြဋ္ဌာန်းချက်ကို ကျော်လွန်ဆောင်ရွက်နေတာဖြစ်တယ်လို့ ပါတီပြောရေးဆိုခွင့်ရှိသူ ဦးသိန်းထွန်းဦးက ပြောဆိုလိုက်ပါတယ်။
“ကွာခြားချက်ကတော့ ကျနော်တို့ပါတီသည် ဖွဲ့စည်းပုံအခြေခံဥပဒေ အခန်း (၁၂) ပါ အတိုင်း ကျနော်တို့ သွားပါတယ်။ အခုဆောင်ရွက်နေကြသော အဖွဲ့အစည်း ပုဂ္ဂိုလ်များသည် အခန်း (၁၂) ကို ကျော်လွန်ဆောင် ရွက်တယ်လို့ ကျနော်တို့ တစိုက်မတ်မတ် ပြောလာပြီးသား ဖြစ်ပါတယ်။ ဒါ့ကြောင့်မို့လို့ ဖွဲ့စည်းပုံအခြေခံဥပဒေ ပြင်ဆင်ရေးလုပ်တဲ့နေရာမှာ ပြည်ခိုင်ဖြိုးပါတီ က ဘယ်တော့မှ သမိုင်းတရားခံ အဖြစ်မခံဘူးလို့ ဒီနေရာကနေ ပြောကြားလိုပါတယ်”လို့ ဦးသိန်းထွန်းဦးက ဆိုပါတယ်။
၂၀၀၈ ဖွဲ့စည်းပုံအခြေခံဥပဒေ ဒုတိယအကြိမ် ပြင်ဆင်နိုင်ရေးအတွက် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီအနေနဲ့ တိုင်းဒေသကြီးနဲ့ ပြည်နယ်တွေနဲ့ ပတ်သက်တဲ့ ပြင်ဆင်ရေး ဥပဒေကြမ်းနဲ့ နိုင်ငံတော်သမ္မတရဲ့ လုပ်ပိုင်ခွင့်အာဏာကို လျော့ချပြီး တိုင်းဒေသကြီးနဲ့ ပြည်နယ် တွေကို လုပ်ပိုင်ခွင့် ခွဲဝေပေးနိုင်မယ့် ပြင်ဆင်ရေးဥပဒေကြမ်း ၂ စောင် တင်သွင်းခဲ့ပါတယ်။
ဥပဒေကြမ်းကို လွှတ်တော် တွင်း မဲခွဲဆုံးဖြတ်ရာမှာတော့ ဥပဒေကြမ်း စီစစ်ရေး ပူးပေါင်းကော်မတီရဲ့ သုံးသပ်ချက် အစီရင်ခံစာပါ ပြဋ္ဌာန်းချက်အတိုင်း ပြည်ထောင်စုလွှတ်တော်က ဖွဲ့စည်းပေးထားတဲ့ ၂၀၀၈ ဖွဲ့စည်းပုံ အခြေခံဥပဒေပြင်ဆင်ရေး ပူးပေါင်းကော်မတီရဲ့ လုပ်ငန်းစဉ်အောက် ထည့်သွင်းလုပ်ဆောင်ဖို့ အများစုထောက်ခံမှုနဲ့ အတည်ပြုခဲ့တာပါ။
လက်ရှိအချိန်မှာတော့ ၄၅ ဦး ပူးပေါင်းကော်မတီအနေနဲ့ ပြင်ဆင်ရေး ဥပဒေကြမ်း ရေးဆွဲနေပြီး ကော်မတီအတွင်း သဘောထားကွဲလွဲမှုတွေကြောင့် ကော်မတီဝင် အဖြစ်ကနေ နုတ်ထွက်သွားတဲ့ ကိုယ်စားလှယ်အချို့လည်း ရှိနေပါတယ်။
DVB
No comments:
Post a Comment