အစွန်းနှစ်ဖက်ကို ရှောင်ရှားသင့်ပါသည်

Friday, January 03, 2014

စစ်အေးကာလအပြီးတွင် Bi Polar စနစ်မှ Uni Polar စနစ်ကို ကျင့်သုံးလာသော အမေရိကန် နိုင်ငံသည် Hard Power ကို လက်ကိုင်သုံးစွဲပြီး၊ စစ်ပွဲများ၊ Sanction များ အသုံးပြုခဲ့ကြပါသည်။ စစ်ပွဲများ၊ Sanction များဖြင့် ဖြေရှင်းခဲ့သော်လည်း အမေရိကန်နိုင်ငံအနေဖြင့် ၎င်းတို့ ရည်မှန်းထား သည့် ပန်းတိုင်သို့ မရောက်ရှိသဖြင့် လက်ရှိသမ္မတ အိုဘားမား လက်ထက်တွင် Hard Power အသုံး မပြုဘဲ၊ Smart Power ကိုသာ အသုံးပြုလာခဲ့ပါသည်။ ဘုရ်ှအစိုးရလက်ထက် ဆင်နွှဲခဲ့သည့် စစ်ပွဲများ ကို အဆုံးသတ်ပြီး ၎င်းလက်ထက်တွင် စစ်ပွဲများဆင်နွှဲခြင်းမရှိသည့်အပြင် အခြားနိုင်ငံများအပေါ်တွင် လည်း Sanction များ အလုပ်မဖြစ်သဖြင့် ဖြေလျော့လာပြီး နိုင်ငံရေးမူဝါဒများ ပြောင်းလဲကျင့်သုံး လာခဲ့ပါသည်။ ကမ္ဘာပေါ်တွင် စီးပွားရေး၊ စစ်ရေးအင်အား အကြီးမားဆုံးဖြစ်သည့် အမေရိကန်သည် ပင်လျင် လက်ရှိ အခြေ အနေနှင့် လိုက် လျောညီထွေဖြစ်အောင် ပြောင်းလဲ၍ နိုင်ငံခြားရေးမူဝါဒများ ပြောင်းလဲကျင့်သုံးလျှက်ရှိပါသည်။

လက်ရှိမြန်မာနိုင်ငံသည်လည်း ပြောင်းလဲတိုးတက်လာသော ကမ္ဘာ့နိုင်ငံရေးအခြေအနေများ အရ အာဏာ ရှင်စနစ်မှ ဒီမိုကရေစီစနစ်သို့ ပြောင်းလဲအကောင်အထည်ဖော် ဆောင်ရွက်လျက်ရှိ ပါသည်။ သမ္မတ ဦး သိန်းစိန်အနေဖြင့် နိုင်ငံရေး၊ စီးပွားရေး၊ လူမှုရေး ဖြစ်ပေါ်တိုးတက်မှုများကို လစဉ် ရေဒီယိုမိန့်ခွန်း များ မှ ပြည်သူလူထုအား ချပြရှင်းလင်းခဲ့ပါသည်။ ယခု ၂၀၁၄ ခုနှစ်၊ ဇန်န၀ါရီလ၊ ရေဒီယိုမိန့်ခွန်းတွင် လက်ရှိနိုင်ငံရေးအခြေအနေက ခွင့်ပြုတဲ့အတိုင်းအတာအရ ဖြစ်သင့်ဖြစ်ထိုက် သည့် နိုင်ငံရေးဆန္ဒများနှင့် လက်တွေ့ဖြစ်နိုင်သည့် ကိစ္စရပ်များ အစဉ်ပေါင်းစပ်ပြီး သဟဇာတ ဖြစ်အောင် ဆောင် ရွက်ခဲ့ပါ သည်။ ဖြစ်သင့်ဖြစ်ထိုက်သည့် နိုင်ငံရေးဆန္ဒများကို လက်ရှိနိုင်ငံရေး အခြေအနေက ဖြည့်ဆည်းပေးနိုင် သည်ထက် ပိုမိုမျှော်မှန်းဆောင်ရွက်ပါက နိုင်ငံရေး အကျပ်အတည်း တစ်ခုဖြစ်ပေါ်လာပြီး၊ လက်တွြေ့ ဖ စ်နိုင်ခြေ ရှိသည့် အခွင့်အလမ်းပင် ဆုံးရှုံးသွားနိုင်သည်ကို သတိချပ် ၍ ဥာဏ်အမြော် အမြင် ရှိသော နိုင်ငံရေးရွေးချယ်မှုများ ပြုလုပ်ကြရန် ပြောကြားခဲ့ပါသည်။ ပြောကြားချက်ကိုကြည့်ခြင်း အားဖြင့် လက်ရှိနိုင်ငံရေး ခေါင်းဆောင်များအနေဖြင့် အစွန်းနှစ်ဖက်ကို ရှောင်ရှားစေလိုပြီး အလယ်အလတ် လမ်းစဉ် ကို ကျင့်သုံးဖို့ ပြောကြားသည်ဟု ယူဆမိပါသည်။

မြန်မာနိုင်ငံ၏ သြဇာအကြီးမားဆုံး နိုင်ငံရေးခေါင်းဆောင်တစ်ဦးဖြစ်သည့် ဒေါ်အောင်ဆန်း စုကြည် အနေဖြင့်လည်း အစွန်းနှစ်ဖက်ရှောင်ရှားစေပြီး အလယ်အလတ်လမ်းစဉ်အတိုင်း ဆောင် ရွက် စေလိုပါသည်။ လက်ရှိကြံ့ခိုင်ရေး ပါတီအနေဖြင့်လည်း ဒေါ်အောင်ဆန်းစုကြည်သမ္မတဖြစ်မည့်အပေါ် တားဆီးထားသည့်အချက်အချို့ကိုပြင်ဆင်ပေးရန်လည်း ကြေငြာထားတာကိုတွေ့ရှိရပါသည်။ တစ်ဖန် အတားအဆီးဖြစ်မည့်အချက်သည် ဒေါ်အောင်ဆန်းစုကြည် ဘက်မှ ဖြေရှင်းနိုင်သည့် အချက်ပင်ဖြစ် သည်။ သားနှစ်ဦးအား မြန်မာနိုင်ငံသားအဖြစ် ခံယူလိုက်ပါက သမ္မတလုပ်ခွင့်ရရှိပေမည်။ ထိုသို့ ဖြေရှင်းရန် နည်းလမ်း ရှိပါလျက် ထိပ်တိုက်ရင်ဆိုင်ရေးကို ဖန်တီးပါက ဒေါ်အောင်ဆန်းစုကြည် ၏ နိုင်ငံရေးသြဇာ ကျဆင်းမည်သာ ဖြစ်ပါသည်။ ဥပမာအနေဖြင့် ရေးသားရသော်… ရောဂါေ ပျာက် ကင်း စေ သည့်  ဆေးဝါးရှိပါလျက်နှင့် ရောဂါပျောက်စေရန်အတွက် ဆေးဝါးသောက်သုံးရန်၊ တိုက်ကျွေးနေပါ လျက်နှင့် ဆေး ၀ါးမသောက်သုံးပါက တိုက်ကျွေးသူအပြစ် မဟုတ်ဘဲ၊ မသောက်သုံးသူ အပြစ်သာ ဖြစ်ပေ လိမ့်မည် ဖြစ်ပါသည်။ ဒေါ်အောင်ဆန်းစုကြည်အနေဖြင့် လူထုမှ အပ်နှင်းထားသော နိုင်ငံရေး သြဇာကို မိမိ၏အတ္တ၊ မာန်မာနအတွက် အသုံးမချသင့်ကြောင်းနှင့် လူထုအကျိုးစီးပွားကို ရှေးရှုလျင် အစွန်းနှစ်ဖက် ကို ရှောင်ရှားသင့်ကြောင်း ရေးသားလိုက်ရပါသည်။

credit to......မျိုးမောင်မောင်